Xuti 3
3
Xuti meta Wuhutsi kememɨteyukaxei
1Merikɨtsɨ mu'eya Nuhemi mɨpaɨ katinitahɨawe:
―Neuxei neniwe. Xɨari peuyewetse nemɨmatsikuwawirienikɨ hakewa pemekani 'aixɨa 'anemekɨ tixaɨtɨ pekareuyehɨatɨ. 2Matsitɨ Wuhutsi te'uximayatsiriwamete wahetsɨa pepeta'axe, mɨkɨ pɨta'iwa. Mɨkɨ, 'ikɨ tɨkariyaritsie mana penuani tsewara matikatsiwatsie. 3Keneti'ɨwa, witsimu'ɨa keneu'atawirieka meta 'akemari 'aixɨa mɨ'anene kenanakatɨxɨaka. Kenemie tsewara matikatsiwatsie. Pepɨkaheyuhekɨatani kapa mɨpaɨ retimanikɨ, kepaukake mɨretahayewa rekwatɨ meta re'ietɨ 'anake. 4Kepaukari meyemie hekahunike, kene'a'ɨwiya hakewa mekahuni. 'Anake pepeyemie, 'ɨkayatsie pe'enuku'ɨkaripieme, mana pepekahuni. Hikɨ mɨkɨ yapetayɨni kepemɨtiyurieni.
5Xuti mɨpaɨ katinita'eiya:
―Yanepɨtiyurieni naime kepemɨnerahɨawe.
6Heyaka mɨrati'uximayatsiwatsie yapɨtikatɨa mu'eya kemɨtita'aitɨakai.
7Wuhutsi tiukwaka meta tiu'ieka, puyutemawiekai. Hikɨ kaneyani hekahunike tsewara matixeɨrie warita. Hikɨ Xuti 'arikeke 'anɨari 'umietɨ kanaye'ani hetsɨana, 'ɨkayatɨa 'enuku'ɨkaripieka mana kaniukahuni. 8Hikɨ Wuhutsi tɨkari hixɨapa kananutaniere, ta'aurie hawenike, 'ana 'ukaratsi puxei manuka'ɨkatsie 'ukaikame.
9Mɨpaɨ katinita'iwawiya:
―¿Kepaikɨ pepɨyɨane?
―Ne Xuti nepɨyɨane, mati'uximayatsiriwame. 'A'ɨkari kɨtsimeyari keneneukaketɨa,#3:9 'A'ɨkari kɨtsimeyari keneneukaketɨa. 'Ikɨri mɨpaɨ pɨtiuhekɨarixɨ mitiwitɨnikɨ. 'ekɨ hɨritɨarika pepexeiya pemɨnetsitiwitɨnikɨ, tatɨɨriyama 'anuiwaritsie miemete memakɨnekɨ temɨ'iwamarixikɨ.
10―Neniwe Yawé kematsi'ɨwiyani. Hikɨ hekwamekɨ kepemɨtiuyuri, pepɨ'ahekɨata kepemɨtiwiya 'amu'e hetsie, yaxeikɨata 'akɨnatɨkaitsie temari pemɨkawakuwaunekɨ, memɨkatehexeiya yatɨni memɨtehexeiya. 11Hikɨ neniwe pepɨkaheumaka. Tita pemɨreuyehɨwa naime yanepɨtiyurieni. Yunaitɨ neteɨterima#3:11 Yunaitɨ neteɨterima hepɨrayukɨ panuyɨne Yunaitɨ neteɨterima wakitenie. yamepɨtemate 'ekɨ 'ukaratsi 'inɨari kepemɨtihɨkɨ yapemɨtikamiekɨ. 12'Aixɨatsɨ kani'aneni temɨ'iwamarixikɨ perutsɨ matsi 'akuxi xewitɨ 'apuyeika kemɨ'ane mɨhɨritɨarie para mɨmatsiparewienikɨ. 13Hikɨ tɨkaritsie 'ena keneu'ahayewa ximerike pepɨyemie. Xɨka mɨkɨ yara'eriwani, 'aixɨa kani'aneni yaketiuyurieni. Peru xɨka yakara'eriwani yamɨtiyurienikɨ, kaniyuritɨni Yawé mayenierekɨ, yurikɨ ne nepɨyɨhɨritɨa nepɨmatsiparewieni. Keneukaniri mana ximerikeri pekaniyemieni.
14Hikɨ manuka'ɨkatsie 'ukaitɨ kaniukatariyarieni, tuxakɨta 'anukukeka kaneyani, mɨpaɨ mɨrehɨawekaikɨ: «Xewitɨ mɨkaretimanikɨ kename 'ukaratsi 'ena hekuyeixɨa mɨrati'uritɨretsie».
15Hikɨta Wuhutsi mɨpaɨ katinitahɨawe:
―'Axikuri keneutawera, 'aixɨa ketinewiyani.
Xuti mɨpaɨ katiniuyurieni, kanitawera yuxikuri. Mana kanikayatsirieni tsewara xeitewiyari kiruyari.#3:15 xeitewiyari kiruyari. Hepɨrayukɨ meta wixarikakɨ 'ataxewime kakuniyari panuyɨne. 'Ititɨtɨaku kiekaritsie kaneyani.
16Hikɨ kepauka Xuti meta'a yumu'e hetsɨa, kanita'iwawiya:
―Keperepariyarie, neniwe
Xuti naime pɨtitaxatɨa, tewi hetsiena mieme kemɨreyuri, 17mɨpaɨta kaniutayɨni:
―'Ikɨ tsewara pɨnetsihetɨtɨa xeitewiyari kiruyari, mɨpaɨ nerahɨawetɨ: “'Aixɨa pɨka'ane pe'amawetɨ pemeumieni 'amu'e hetsɨa”.
18Hikɨ Nuhemi mɨpaɨ katinitahɨawe:
―Neuxei neniwe, 'akuxi keneta'ikwewani ketiyɨni. Mɨkɨ tewi yumexɨitɨatɨ pɨkatihayewa, 'aixɨa tiyurienike hikɨ tukariyaritsie.
Currently Selected:
Xuti 3: hch
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
Xuti 3
3
Xuti meta Wuhutsi kememɨteyukaxei
1Merikɨtsɨ mu'eya Nuhemi mɨpaɨ katinitahɨawe:
―Neuxei neniwe. Xɨari peuyewetse nemɨmatsikuwawirienikɨ hakewa pemekani 'aixɨa 'anemekɨ tixaɨtɨ pekareuyehɨatɨ. 2Matsitɨ Wuhutsi te'uximayatsiriwamete wahetsɨa pepeta'axe, mɨkɨ pɨta'iwa. Mɨkɨ, 'ikɨ tɨkariyaritsie mana penuani tsewara matikatsiwatsie. 3Keneti'ɨwa, witsimu'ɨa keneu'atawirieka meta 'akemari 'aixɨa mɨ'anene kenanakatɨxɨaka. Kenemie tsewara matikatsiwatsie. Pepɨkaheyuhekɨatani kapa mɨpaɨ retimanikɨ, kepaukake mɨretahayewa rekwatɨ meta re'ietɨ 'anake. 4Kepaukari meyemie hekahunike, kene'a'ɨwiya hakewa mekahuni. 'Anake pepeyemie, 'ɨkayatsie pe'enuku'ɨkaripieme, mana pepekahuni. Hikɨ mɨkɨ yapetayɨni kepemɨtiyurieni.
5Xuti mɨpaɨ katinita'eiya:
―Yanepɨtiyurieni naime kepemɨnerahɨawe.
6Heyaka mɨrati'uximayatsiwatsie yapɨtikatɨa mu'eya kemɨtita'aitɨakai.
7Wuhutsi tiukwaka meta tiu'ieka, puyutemawiekai. Hikɨ kaneyani hekahunike tsewara matixeɨrie warita. Hikɨ Xuti 'arikeke 'anɨari 'umietɨ kanaye'ani hetsɨana, 'ɨkayatɨa 'enuku'ɨkaripieka mana kaniukahuni. 8Hikɨ Wuhutsi tɨkari hixɨapa kananutaniere, ta'aurie hawenike, 'ana 'ukaratsi puxei manuka'ɨkatsie 'ukaikame.
9Mɨpaɨ katinita'iwawiya:
―¿Kepaikɨ pepɨyɨane?
―Ne Xuti nepɨyɨane, mati'uximayatsiriwame. 'A'ɨkari kɨtsimeyari keneneukaketɨa,#3:9 'A'ɨkari kɨtsimeyari keneneukaketɨa. 'Ikɨri mɨpaɨ pɨtiuhekɨarixɨ mitiwitɨnikɨ. 'ekɨ hɨritɨarika pepexeiya pemɨnetsitiwitɨnikɨ, tatɨɨriyama 'anuiwaritsie miemete memakɨnekɨ temɨ'iwamarixikɨ.
10―Neniwe Yawé kematsi'ɨwiyani. Hikɨ hekwamekɨ kepemɨtiuyuri, pepɨ'ahekɨata kepemɨtiwiya 'amu'e hetsie, yaxeikɨata 'akɨnatɨkaitsie temari pemɨkawakuwaunekɨ, memɨkatehexeiya yatɨni memɨtehexeiya. 11Hikɨ neniwe pepɨkaheumaka. Tita pemɨreuyehɨwa naime yanepɨtiyurieni. Yunaitɨ neteɨterima#3:11 Yunaitɨ neteɨterima hepɨrayukɨ panuyɨne Yunaitɨ neteɨterima wakitenie. yamepɨtemate 'ekɨ 'ukaratsi 'inɨari kepemɨtihɨkɨ yapemɨtikamiekɨ. 12'Aixɨatsɨ kani'aneni temɨ'iwamarixikɨ perutsɨ matsi 'akuxi xewitɨ 'apuyeika kemɨ'ane mɨhɨritɨarie para mɨmatsiparewienikɨ. 13Hikɨ tɨkaritsie 'ena keneu'ahayewa ximerike pepɨyemie. Xɨka mɨkɨ yara'eriwani, 'aixɨa kani'aneni yaketiuyurieni. Peru xɨka yakara'eriwani yamɨtiyurienikɨ, kaniyuritɨni Yawé mayenierekɨ, yurikɨ ne nepɨyɨhɨritɨa nepɨmatsiparewieni. Keneukaniri mana ximerikeri pekaniyemieni.
14Hikɨ manuka'ɨkatsie 'ukaitɨ kaniukatariyarieni, tuxakɨta 'anukukeka kaneyani, mɨpaɨ mɨrehɨawekaikɨ: «Xewitɨ mɨkaretimanikɨ kename 'ukaratsi 'ena hekuyeixɨa mɨrati'uritɨretsie».
15Hikɨta Wuhutsi mɨpaɨ katinitahɨawe:
―'Axikuri keneutawera, 'aixɨa ketinewiyani.
Xuti mɨpaɨ katiniuyurieni, kanitawera yuxikuri. Mana kanikayatsirieni tsewara xeitewiyari kiruyari.#3:15 xeitewiyari kiruyari. Hepɨrayukɨ meta wixarikakɨ 'ataxewime kakuniyari panuyɨne. 'Ititɨtɨaku kiekaritsie kaneyani.
16Hikɨ kepauka Xuti meta'a yumu'e hetsɨa, kanita'iwawiya:
―Keperepariyarie, neniwe
Xuti naime pɨtitaxatɨa, tewi hetsiena mieme kemɨreyuri, 17mɨpaɨta kaniutayɨni:
―'Ikɨ tsewara pɨnetsihetɨtɨa xeitewiyari kiruyari, mɨpaɨ nerahɨawetɨ: “'Aixɨa pɨka'ane pe'amawetɨ pemeumieni 'amu'e hetsɨa”.
18Hikɨ Nuhemi mɨpaɨ katinitahɨawe:
―Neuxei neniwe, 'akuxi keneta'ikwewani ketiyɨni. Mɨkɨ tewi yumexɨitɨatɨ pɨkatihayewa, 'aixɨa tiyurienike hikɨ tukariyaritsie.
© 2020, Wycliffe Bible Translators, Inc.