'Utseyaxi 6
6
'Ixaheritsixi me'uyu'enieka ta'aurie mekanaxɨrieni
1Mɨpaɨ mekaniutiyuani: Hikɨmɨtɨka Yawé hetsɨa tepɨ'axɨani.
Tsepa mɨkɨ mɨtatsi'utitsanaxɨ, peru 'aixɨa teteheu'eriekameta pɨtatsi'ayeitɨanita,
mɨkɨ pɨtatiukwinitɨa peru pɨtatsiti'uayemani.
2Huta tukari 'anukayayu tukari pɨtatsi pitɨani,
hairieka tukari pɨtatsi 'anuku'uitɨani,
'ana mɨpaɨ hamatɨana tepu'uwani.
3'Ana Yawé tepetimani,
kemɨtiku'eriwa 'utɨmana tepuhuni.
Yurikɨ tau manatineika hepaɨ,
tahamatɨa matsiɨkɨtɨ payuyeitɨani,
tahamatɨa punuani wiyeri xexerixa mieme hepaɨ,
wiyeri witarita mieme hepaɨ kwie mukuhawiya.
4«¿'Epɨrahini 'ahetsɨa kenetiyurieni?
¿Kura meta kenetiyurieni 'ahetsɨa?
Xenaki'eriya hai ximeri mieme hepaɨ pɨ'ane,
haɨtsi hepaɨ yapauka mɨtipaparike.
5'Ayumieme nepɨxeheutaxɨriexɨa Kakaɨyari niukametemama newanɨ'akaku,
nepɨxe'utiwa neniukikɨ.
Kenemɨtixetaxaneta mimierɨkari hepaɨ pɨxeyurieni.
6Ne naki'eriya nepɨxewawirie, mawarika pɨkatixaɨ,
matsi Kakaɨyari pɨta xekene'enieka mawari taiyariyari pɨkatixaɨ.
7Xeme 'Arani hepaɨ xepɨte'uyuri:
tɨratu ketemɨte'uwewi yaxepɨkatekakɨ,
xepɨnetsi'uku'eiri.
8Karaha kiekariyari 'axamemɨte'u'iyari pɨwakiekari,
yu'ɨkatekɨ xeikɨa xuriya mepɨtayeuriwa.
9Mawari wewiwamete mepɨyuxeɨrie
Tsikeni huyeri'utɨa 'awie metanenieretɨ,
tenawayamete wahepaɨ
mekaniwakwika mana memuyekɨka metewawawirietɨ.
10'Ixaheri mɨra'aitatsie
'axati'aneme nepɨtixeiya.
Mana 'Epɨrahini tuminikɨri puyumayɨinɨa
meta 'Ixaheri ka'itiyatɨ payuyeitɨwa.
11»'Ekɨtatsiere Kura,
'axamɨti'anekɨ pepɨka'itsana.
»Kepauka ne neteɨterima wahetsie 'aixɨa nemɨtiyurieni,
Currently Selected:
'Utseyaxi 6: hch
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
