'Etsekieri 15
15
Kerutsareme, kaxie nanari tixaɨtɨkɨ mɨkatiyunaki'erie
1Yawé yuniukikɨ mɨpaɨ kanetiniutaxatɨani: 2«Tewi pemunu'aya, ¿tita matsi waɨkawa tiyunaki'erie kaxie nanayari, nutsu kɨyexi yeuta mieme mexayari? 3Kaxie kɨyeyarikɨ 'ɨpari mutawewieni pɨkayɨwe, yatɨni hetsiena tsikere tixaɨtɨ mɨtiuyewieni pɨkayɨwe. 4Kɨmana matinaini xeikɨa pɨyɨwe. Peru neuxei, ¿tawarita ketitakɨ tiyunaki'erie kepauka kɨtsiena manutaixɨani meta kepauka tsutɨana paitɨ matani? 5Kepauka mɨnaimikaitsie nitixaɨtɨkɨ pɨkatiyunaki'eriekai, matsi hikɨri mutatai.
6»'Ayumieme, Yawé naimekɨmɨyɨwe mɨpaɨ kanaineni: Kaxie nanayari kɨye mɨwakini hepaɨ kenemɨtitataiyaxɨ, mɨpaɨ nepɨwayurieni Kerutsareme kiekatari. 7Ne nekaniwatakwimɨkɨ newaraye'unietɨ, xeimiemeri taikɨ mekaniutawikweni, peru tawarita xeimekɨ mepɨtitani. Kepauka nemɨwara'iwa, 'ana xeme mɨpaɨ xepɨtehetimani kename ne, Yawé nehɨkɨ. 8'Ikɨ kwieyari kakiepatɨme nepayeitɨani, mɨkaheu'enakɨ. Yawé naimekɨmɨyɨwe mɨpaɨ kanaineni».
Currently Selected:
'Etsekieri 15: hch
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
