2 Tsamuheri 22
22
Rawiri nɨawarieya
(2Tsam 22:1-51 – Nɨa 18:1-50)
1Rawiri 'ikɨ kwikari Yawé hetsiemieme kaniutawewieni kepauka Yawé Tsahuri hepaɨtsita kayuwatɨ mipitɨa meta yunaime memeye'unie wahepaɨtsita kepauka mitawikweitsitɨa. 2Mɨpaɨ kaniutayɨni:
«'Ekɨ Yawé ne'ai pekanihɨkɨtɨni, netsi'awiwietame pepɨhɨkɨ,
meta netsiwikweitsitɨwame pepɨhɨkɨ,
3nekakaɨyari, tete kanihɨkɨtɨni mɨwa nemuyuti'awiwieta.
Nehetsie nunuwame pɨhɨkɨ, tɨrɨkariya nehetsie nunuwame,
nemɨwayuti'awiwieta meutitewa pepɨhɨkɨ.
Mɨkɨ neheima munua kanihɨkɨtɨni meta netsiwikweitsitɨwame.
'Ekɨ pepɨnetsi'utawikweitsitɨa hipatɨ menetsimietɨwekaku.
4Yawé nekanahɨaweni, mɨkɨ 'aixɨa pɨ'ane hetsiena mieme 'aixɨa maineni,
hikɨ 'ana memɨnetsi'aye'unie watsata nepɨtawikweitsitɨarieni.
5»Ne nepɨmɨximekai, hamewari hepaɨ ti'anetɨ neheima pɨyeuriwekai,
haa puwayene pɨnetsihehautsitɨa.
6Mɨɨya kaunarieya teɨkiyata pɨnetsiheukahanakai,
mɨɨya winiyarieyatsie nepɨnehɨa.
7Waɨkawa ne'uximatɨarietɨ Yawé nekaniutahiwieni,
nekakaɨyari neputahɨawixɨ mɨnetsiparewienikɨ,
mɨkɨ yutukita paitɨ kaneniu'enieni,
nehiwari nakatana paitɨ kaneye'ani.
8»Hikɨ kwie kaniutayuani, kaniuyuanekaitɨni,
meta muyuawi mutuikatɨka kaniwatayuaxɨani,
mekaniwatayuani Kakaɨyari haxɨayakɨ.
9Yutsurita kɨtsi pakanenetɨwakai,
meta yuteta tai mɨtiyuxɨxɨtsitɨwa puwayenenetɨwakai,
tɨ tatɨkaitɨ kanitaxɨrɨwekaitɨni.
10»Muyuawi 'anutayepieka, kaniwakayani,
haiwitɨri mɨyɨyɨwitsie 'awetɨ.
11Yuteɨtametsie 'anutiyerɨka, muyuawitsie kanayeyani,
'anayatsie 'ayerɨka 'ekatsie kaneyani
12Yɨriyakɨ meta haiwitɨri wiyeri 'ayemanemekɨ kaneuyukunani,
'ixuriki kiiyari hepaɨ 'aneme yuheima kaniutawewieni.
13Hɨxiena tɨrɨkaɨyemekɨ waɨkawa 'akuxawatɨkaku
tɨ tatɨkaitɨ kanitakɨkakaitɨni.
14»Muyuawitsie Yawé tɨranarieya kaniuyu'eniɨriɨkɨre,
yemekɨ Kakaɨyari 'Amutewi niukieya kanewayuku'eiya.
15Kaniwarutamɨni yu'ɨrɨkɨ meta merɨkariyakɨ,
kaniwareutaxɨriexɨani meta kaniwarutaweiya.
16Yawé kaniwarutatieni
meta ha'atɨ muta'iwekaikɨ,
haramara hetɨa mieme kwie pahekɨarixɨ,
meta kwie tsutɨmeyari hekɨa kaniyuhayewa.
17»'Amautitewatsie 'amamá pepakatseraxɨ,
nemamatsie pepɨkawierixɨ meta haramara 'ameukatewatsie pekanenatihana.
18Memɨnetsi'aye'unie memɨmamariwawe watsata pɨnetsi'utawikweitsitɨa,
'iya memɨnetsixani'eriekai
meta memɨtɨrɨkawikai kenemɨkatitɨrɨkaɨyekai ne.
19Kepauka nemɨkayɨwekaitsie,
'ana mekanenanukunake menetsimienike,
peru Yawé matsi pɨnetsi'uparewi.
20Pɨnetsi'utawikweitsitɨa.
'Aixɨa pɨnetsi'uyuri yutemawietɨ netsinaki'erietɨ.
21»Yawé pɨnerakapitɨa heitseriemekɨ yanemɨtiyurienekaikɨ,
ne'iwarika pɨnetiyetuiri tixaɨtɨ 'axanemɨkatiuyurikɨ,
22Yawé 'aitsikateya ne'enietɨ nemumiekɨ,
ne hatsuaku 'axanepɨkatiyuriwe,
meta nekakaɨyari nepɨkaku'eiriwetɨma.
23Ne naime nepa'eriwa kemɨti'aita,
ne nepɨka'iku'eiriwe 'aitsikateya.
24Hɨxiena ne'uyeikatɨ nepɨka'ikwamanawe,
meta nepɨkanewaɨriyari 'axanemɨtiyurienikɨ.
25Yawé pɨnerakapitɨa heitseriemekɨ yanemɨtiyurienekaikɨ,
ne'iwarika pɨnetiyetuiri 'aixɨa 'anemekɨ nemuyeikakaikɨ hɨxiena.
26»'Ekɨ yapekatinikamieni kemɨ'ane yamɨtikamie hetsiemieme,
heitserie yapepɨtiyuriene heitserie 'aixɨa memɨteyurie wahetsie,
27yuri pepɨtiwa'eririe kemɨ'ane yuri memɨmate'eririe,
'ekɨ matsi pepɨtimate mɨtiyukananaima hetsiemieme.
28Tixaɨtɨ memɨkatehayuyeitɨa memɨtehayu'iwani pepɨwapitɨa,
kepauka kwi pemɨwaxeiya memɨyuti'ɨre tixaɨtɨ pepɨkatiwarayeitɨwa.
29Yawé, 'ekɨ nekɨxeme pekanihɨkɨtɨni,
Yawé, 'ekɨ neyɨriya hekɨariya pepayeitɨwa.
30Penetsitɨrɨkariyakaku nekaniyɨweni memɨnetsi'aye'unie nemɨwatakwini,
nekakaɨyari nehamatɨa pe'uyeikakaku kuraru 'amanutitewatsie nekaneukamakiweni.
31»Kakaɨyari huyeya matsi yemekɨ 'aixɨa kani'aneni,
Yawé niukieya tixaɨtɨ pɨkareuyewetse.
Kakaɨyari rahetsie tinunuwame pɨhɨkɨ kemɨ'ane hetsɨana memuyu'awieta.
32¿Kamɨtsɨ kemɨ'ane Kakaɨyari pɨhɨkɨ? Yawé xeikɨa kanihɨkɨtɨni.
¿Kemɨ'ane 'ai hepaɨ pɨ'ane? Takakaɨyari xeikɨa mɨpaɨ kani'aneni.
33Mɨkɨ kanihɨkɨtɨni kemɨ'ane tɨrɨkariya mɨnetsipitɨa,
meta nehuye mɨheitseriya,
34mɨkɨ pɨnetsipitɨa maxa hepaɨ nemɨranautsawenikɨ,
meta hɨri 'amutitɨtɨtsie kanenipitɨaka nemɨkahekawautsenikɨ,
35nemamatetsie kanetini'ɨkitɨaka nemauyutamiewenikɨ,
meta pepɨneti'ɨkitɨa wurunitse tupiyari nemɨkemakakɨ.
36'Ekɨ pepɨnetsiheukunarɨma penetsiwikweitsitɨatɨ,
'aixɨa petiuka'iyarikaku nehetsiemieme 'aixɨa 'anemekɨ nepɨyeyani.
37Nehuye 'ari 'aixɨa pepɨyuri,
ne'ɨkate pekaniutitseiriya.
38»Memɨnetsi'aye'unie nekaniwaranukuweiya meta nekaniwarukwini,
nepɨkawarehayewaxɨ kepaukake yunaime nemɨwarekwi.
39Yunaimeri nepuwarekwi. Tawariri mepɨka'anuku'uni.
Nehɨxie mekaniukaxɨrieni.
40'Ekɨ tɨrɨkariya pekaneniupitɨani kepauka nemuyutamitsie,
memɨnetsi'aye'unie pekaniwarupitɨani nehetɨa memɨkaxɨrienikɨ.
41Memɨnetsi'aye'unie yu'ɨtɨa memɨyehukɨ pekaniwarupitɨani,
mɨpaɨ 'ayumieme memɨkanetsinaki'eriekai nekatiniwara'iwa.
42Parewiya mekaniwaukaitɨni, peru nixewitɨ wahetsie pɨka'utanua.
Yawé mekanihiwiekaitɨnita, matsi mɨkɨ pɨkawaruta'ei.
43'Etsimepepeme nepɨwarayeitɨa. Kwie tumuanariyari hepaɨ mepɨteyuxexeiyakai.
Haxu huyeta mɨtika hepaɨ nepɨwarutiketsi.
44»Pepɨnetsi'uparewi teɨteri memɨnetsi'aye'uniekai wahetsɨa,
hipame nuiwarite tiwa'aitɨwame pepɨnetsi'ayeitɨa,
teɨteri nemɨkawamatekai menete'uximayatsirietɨ mepakɨ.
45Teewa mepɨkiekatari, peru ne mariweme mepɨnetsi'ayeitɨwa,
kepauka nemɨtiwa'aitɨa yamekatenikahuni.
46Mɨkɨ 'ateewa kiekatari menetsixeiyatɨ mekanenimakaxeni,
meta memamatɨ memuwayu'awietatsie mekaniwayekɨkani.
47Yawé kanayeyurini. Ne'ai hepaɨtsita 'aixɨa keraniuwani.
Kakaɨyari netsiwikweitsitɨwame 'aixɨa ketikuxaxatsiwani.
48Mɨkɨ Kakaɨyari pɨtiwarakapitɨwa 'axakememɨnetsi'uyuri,
mɨkɨ teɨteri nehetɨa puwa'atɨwa nemɨtiwa'aitɨakakɨ.
49'Ekɨ neheima pepunua memɨnetsi'aye'unie wahepaɨtsita,
'ekɨ 'aixɨa pepɨnetipitɨa memɨnetsi'aye'unie wahepaɨtsita,
pekaneniwikweitsitɨaka teɨteri memɨnetsihaukuwaxɨa wahepaɨtsita.
50Yawé, 'ayumieme ne 'aixɨa nepaine 'ahepaɨtsita nuiwarite watsata,
meta nɨawari 'ahetsiemieme neputikwika kepemɨtitewakɨ.
51»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ,
ne Rawiri pemɨnetsi'anayexei meta nenuiwarima
keniwaruxeitsitɨa waɨkawamekɨ kepemɨtiwanaki'erie yuheyemekɨ».
Currently Selected:
2 Tsamuheri 22: hch
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
2 Tsamuheri 22
22
Rawiri nɨawarieya
(2Tsam 22:1-51 – Nɨa 18:1-50)
1Rawiri 'ikɨ kwikari Yawé hetsiemieme kaniutawewieni kepauka Yawé Tsahuri hepaɨtsita kayuwatɨ mipitɨa meta yunaime memeye'unie wahepaɨtsita kepauka mitawikweitsitɨa. 2Mɨpaɨ kaniutayɨni:
«'Ekɨ Yawé ne'ai pekanihɨkɨtɨni, netsi'awiwietame pepɨhɨkɨ,
meta netsiwikweitsitɨwame pepɨhɨkɨ,
3nekakaɨyari, tete kanihɨkɨtɨni mɨwa nemuyuti'awiwieta.
Nehetsie nunuwame pɨhɨkɨ, tɨrɨkariya nehetsie nunuwame,
nemɨwayuti'awiwieta meutitewa pepɨhɨkɨ.
Mɨkɨ neheima munua kanihɨkɨtɨni meta netsiwikweitsitɨwame.
'Ekɨ pepɨnetsi'utawikweitsitɨa hipatɨ menetsimietɨwekaku.
4Yawé nekanahɨaweni, mɨkɨ 'aixɨa pɨ'ane hetsiena mieme 'aixɨa maineni,
hikɨ 'ana memɨnetsi'aye'unie watsata nepɨtawikweitsitɨarieni.
5»Ne nepɨmɨximekai, hamewari hepaɨ ti'anetɨ neheima pɨyeuriwekai,
haa puwayene pɨnetsihehautsitɨa.
6Mɨɨya kaunarieya teɨkiyata pɨnetsiheukahanakai,
mɨɨya winiyarieyatsie nepɨnehɨa.
7Waɨkawa ne'uximatɨarietɨ Yawé nekaniutahiwieni,
nekakaɨyari neputahɨawixɨ mɨnetsiparewienikɨ,
mɨkɨ yutukita paitɨ kaneniu'enieni,
nehiwari nakatana paitɨ kaneye'ani.
8»Hikɨ kwie kaniutayuani, kaniuyuanekaitɨni,
meta muyuawi mutuikatɨka kaniwatayuaxɨani,
mekaniwatayuani Kakaɨyari haxɨayakɨ.
9Yutsurita kɨtsi pakanenetɨwakai,
meta yuteta tai mɨtiyuxɨxɨtsitɨwa puwayenenetɨwakai,
tɨ tatɨkaitɨ kanitaxɨrɨwekaitɨni.
10»Muyuawi 'anutayepieka, kaniwakayani,
haiwitɨri mɨyɨyɨwitsie 'awetɨ.
11Yuteɨtametsie 'anutiyerɨka, muyuawitsie kanayeyani,
'anayatsie 'ayerɨka 'ekatsie kaneyani
12Yɨriyakɨ meta haiwitɨri wiyeri 'ayemanemekɨ kaneuyukunani,
'ixuriki kiiyari hepaɨ 'aneme yuheima kaniutawewieni.
13Hɨxiena tɨrɨkaɨyemekɨ waɨkawa 'akuxawatɨkaku
tɨ tatɨkaitɨ kanitakɨkakaitɨni.
14»Muyuawitsie Yawé tɨranarieya kaniuyu'eniɨriɨkɨre,
yemekɨ Kakaɨyari 'Amutewi niukieya kanewayuku'eiya.
15Kaniwarutamɨni yu'ɨrɨkɨ meta merɨkariyakɨ,
kaniwareutaxɨriexɨani meta kaniwarutaweiya.
16Yawé kaniwarutatieni
meta ha'atɨ muta'iwekaikɨ,
haramara hetɨa mieme kwie pahekɨarixɨ,
meta kwie tsutɨmeyari hekɨa kaniyuhayewa.
17»'Amautitewatsie 'amamá pepakatseraxɨ,
nemamatsie pepɨkawierixɨ meta haramara 'ameukatewatsie pekanenatihana.
18Memɨnetsi'aye'unie memɨmamariwawe watsata pɨnetsi'utawikweitsitɨa,
'iya memɨnetsixani'eriekai
meta memɨtɨrɨkawikai kenemɨkatitɨrɨkaɨyekai ne.
19Kepauka nemɨkayɨwekaitsie,
'ana mekanenanukunake menetsimienike,
peru Yawé matsi pɨnetsi'uparewi.
20Pɨnetsi'utawikweitsitɨa.
'Aixɨa pɨnetsi'uyuri yutemawietɨ netsinaki'erietɨ.
21»Yawé pɨnerakapitɨa heitseriemekɨ yanemɨtiyurienekaikɨ,
ne'iwarika pɨnetiyetuiri tixaɨtɨ 'axanemɨkatiuyurikɨ,
22Yawé 'aitsikateya ne'enietɨ nemumiekɨ,
ne hatsuaku 'axanepɨkatiyuriwe,
meta nekakaɨyari nepɨkaku'eiriwetɨma.
23Ne naime nepa'eriwa kemɨti'aita,
ne nepɨka'iku'eiriwe 'aitsikateya.
24Hɨxiena ne'uyeikatɨ nepɨka'ikwamanawe,
meta nepɨkanewaɨriyari 'axanemɨtiyurienikɨ.
25Yawé pɨnerakapitɨa heitseriemekɨ yanemɨtiyurienekaikɨ,
ne'iwarika pɨnetiyetuiri 'aixɨa 'anemekɨ nemuyeikakaikɨ hɨxiena.
26»'Ekɨ yapekatinikamieni kemɨ'ane yamɨtikamie hetsiemieme,
heitserie yapepɨtiyuriene heitserie 'aixɨa memɨteyurie wahetsie,
27yuri pepɨtiwa'eririe kemɨ'ane yuri memɨmate'eririe,
'ekɨ matsi pepɨtimate mɨtiyukananaima hetsiemieme.
28Tixaɨtɨ memɨkatehayuyeitɨa memɨtehayu'iwani pepɨwapitɨa,
kepauka kwi pemɨwaxeiya memɨyuti'ɨre tixaɨtɨ pepɨkatiwarayeitɨwa.
29Yawé, 'ekɨ nekɨxeme pekanihɨkɨtɨni,
Yawé, 'ekɨ neyɨriya hekɨariya pepayeitɨwa.
30Penetsitɨrɨkariyakaku nekaniyɨweni memɨnetsi'aye'unie nemɨwatakwini,
nekakaɨyari nehamatɨa pe'uyeikakaku kuraru 'amanutitewatsie nekaneukamakiweni.
31»Kakaɨyari huyeya matsi yemekɨ 'aixɨa kani'aneni,
Yawé niukieya tixaɨtɨ pɨkareuyewetse.
Kakaɨyari rahetsie tinunuwame pɨhɨkɨ kemɨ'ane hetsɨana memuyu'awieta.
32¿Kamɨtsɨ kemɨ'ane Kakaɨyari pɨhɨkɨ? Yawé xeikɨa kanihɨkɨtɨni.
¿Kemɨ'ane 'ai hepaɨ pɨ'ane? Takakaɨyari xeikɨa mɨpaɨ kani'aneni.
33Mɨkɨ kanihɨkɨtɨni kemɨ'ane tɨrɨkariya mɨnetsipitɨa,
meta nehuye mɨheitseriya,
34mɨkɨ pɨnetsipitɨa maxa hepaɨ nemɨranautsawenikɨ,
meta hɨri 'amutitɨtɨtsie kanenipitɨaka nemɨkahekawautsenikɨ,
35nemamatetsie kanetini'ɨkitɨaka nemauyutamiewenikɨ,
meta pepɨneti'ɨkitɨa wurunitse tupiyari nemɨkemakakɨ.
36'Ekɨ pepɨnetsiheukunarɨma penetsiwikweitsitɨatɨ,
'aixɨa petiuka'iyarikaku nehetsiemieme 'aixɨa 'anemekɨ nepɨyeyani.
37Nehuye 'ari 'aixɨa pepɨyuri,
ne'ɨkate pekaniutitseiriya.
38»Memɨnetsi'aye'unie nekaniwaranukuweiya meta nekaniwarukwini,
nepɨkawarehayewaxɨ kepaukake yunaime nemɨwarekwi.
39Yunaimeri nepuwarekwi. Tawariri mepɨka'anuku'uni.
Nehɨxie mekaniukaxɨrieni.
40'Ekɨ tɨrɨkariya pekaneniupitɨani kepauka nemuyutamitsie,
memɨnetsi'aye'unie pekaniwarupitɨani nehetɨa memɨkaxɨrienikɨ.
41Memɨnetsi'aye'unie yu'ɨtɨa memɨyehukɨ pekaniwarupitɨani,
mɨpaɨ 'ayumieme memɨkanetsinaki'eriekai nekatiniwara'iwa.
42Parewiya mekaniwaukaitɨni, peru nixewitɨ wahetsie pɨka'utanua.
Yawé mekanihiwiekaitɨnita, matsi mɨkɨ pɨkawaruta'ei.
43'Etsimepepeme nepɨwarayeitɨa. Kwie tumuanariyari hepaɨ mepɨteyuxexeiyakai.
Haxu huyeta mɨtika hepaɨ nepɨwarutiketsi.
44»Pepɨnetsi'uparewi teɨteri memɨnetsi'aye'uniekai wahetsɨa,
hipame nuiwarite tiwa'aitɨwame pepɨnetsi'ayeitɨa,
teɨteri nemɨkawamatekai menete'uximayatsirietɨ mepakɨ.
45Teewa mepɨkiekatari, peru ne mariweme mepɨnetsi'ayeitɨwa,
kepauka nemɨtiwa'aitɨa yamekatenikahuni.
46Mɨkɨ 'ateewa kiekatari menetsixeiyatɨ mekanenimakaxeni,
meta memamatɨ memuwayu'awietatsie mekaniwayekɨkani.
47Yawé kanayeyurini. Ne'ai hepaɨtsita 'aixɨa keraniuwani.
Kakaɨyari netsiwikweitsitɨwame 'aixɨa ketikuxaxatsiwani.
48Mɨkɨ Kakaɨyari pɨtiwarakapitɨwa 'axakememɨnetsi'uyuri,
mɨkɨ teɨteri nehetɨa puwa'atɨwa nemɨtiwa'aitɨakakɨ.
49'Ekɨ neheima pepunua memɨnetsi'aye'unie wahepaɨtsita,
'ekɨ 'aixɨa pepɨnetipitɨa memɨnetsi'aye'unie wahepaɨtsita,
pekaneniwikweitsitɨaka teɨteri memɨnetsihaukuwaxɨa wahepaɨtsita.
50Yawé, 'ayumieme ne 'aixɨa nepaine 'ahepaɨtsita nuiwarite watsata,
meta nɨawari 'ahetsiemieme neputikwika kepemɨtitewakɨ.
51»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ,
ne Rawiri pemɨnetsi'anayexei meta nenuiwarima
keniwaruxeitsitɨa waɨkawamekɨ kepemɨtiwanaki'erie yuheyemekɨ».
© 2020, Wycliffe Bible Translators, Inc.