Lituto za Siraki 34
34
Litolo
1 #
Mul 13.1-5; 18.9-14 Mihupulo ye si na tuso i yaulula
likuba,
mi likuba li sepa hahulu litolo.
2Ku lumela kwa litolo
ku swana inge mutu ya lika
ku swala muluti kamba ku matisa moya.
3Siiponi ni tolo ki lika ze swana.
S'o bona mwa tolo ha si na tuso,
sina pata y'o kona ku bona
mwa siiponi.
4Ki sika mañi se si ka keniswa
ka masila,
mi ki nto mañi se si ka keniswa
ki buhata?
5Bulauli bwa ze sa taha, bunuhi
ni litolo ki lika za bukuba feela.
Li swana feela inge ze yambutukwa
ki musali ya itwezi.
6Haiba ha li zwi ku Mulimu,
u si ke wa li isa pilu.
7Litolo li latehisize ba bañata,
mi li swabisize hahulu ba ba li sepa.
8Ku taleleza Mulao ha ku tokwi
buhata bo bu cwalo,
mi butali ni niti li taluswa hande
ki milomo ye sepahala.
Misipili
9Mutu ya zamaile hahulu u ziba
ze ñata,
mi ya na ni zibo ye tuna u bulela
ze utwahala.
10Mutu ya si ka kena mwa miliko
ye swana u ziba hanyinyani
kono ya zamaile hahulu u kona
ku tatulula butata kamukana.
11Mwa maeto a ka ni boni ze ñata,
mi ni utwisisize ku fita mo ni kona
ku bulelela.
12Hañata ne ni banga mwa likozi
za ku bata ku shwa,
kono ni pilile.
13Moya wa ba ba saba Muñ'a Bupilo
u kona ku puluswa,
kakuli sepo ya bona i ku ya kona
ku ba pulusa.
14Ya saba Muñ'a Bupilo
h'a na ku ba ni boi,
mi h'a na ku ba lipyeha
kakuli u sepile Muñ'a Bupilo.
15Mbuyoti ki ya moya wa mutu
ya saba Muñ'a Bupilo.
U itingile ku mañi?
Ya mu tusa ki mañi?
16Meeto a Muñ'a Bupilo a mamela
ba ba mu lata.
Ki yena sisilelezo sa bona
se si maata
ni mutusi wa bona yo mutuna.
Ki yena mukunda wa bona kwa moya
wa mwa lihalaupa,
ni muluti wa bona kwa lizazi le li cisa.
Ki yena muzamaisi ya ba hanisa
ku sitatala
ni ku ba tiisa kuli ba si ke ba wa.
17U zusa moya ni ku benyisa meeto
mi hape ki yena ya fa kalafo,
bupilo ni limbuyoti.
Litabelo
18Sitabelo sa mpo ye fumanwi ka mukwa
o maswe ha si lukeli,
mi limpo za ya maswe ha li amuhelwi.
19Ya Pahami Hahulu h'a tabeli
limpo za ba ba maswe.
Ku atisa litabelo ha ku fumanisi
swalelo ya hae ya libi.
20Ku eza litabelo ka lika
za mubotana ku maswe hahulu.
Ku swana ni ku bulaela mwana
fapil'a meeto a ndat'ahe.
21Sico se sinyinyani ki bona bupilo
bwa mubotana,
mi ya mu amuha sona ki mubulai.
22Mutu u bulaya wahabo
haiba a mu amuha za bupilo bwa hae,
mi ya hana ku fa mubeleki mali a hae
wa mu bulaya.
23Haiba mutu a yaha, mi yo muñwi
a nz'a lutulula, ba ta eza cwañi!
Ha ni li ba ta nyanda feela?
24Haiba mutu a lapela,
yo muñwi yena a nz'a kuta,
Muñ'a Bupilo u ta utwa linzwi la mañi?
25Haiba mwamulaho a ku swala situpu
mutu a tapa kwa mazoho,
mi ku tuha fo a si swala hape,
kanti ku tapa kwa hae ku tusizeñi?
26Kihona mw'a inezi mutu ya itima
lico bakeñisa libi za hae,
mi hape u sa yanga ku y'o li eza.
Ya ta utwa tapelo ya hae ki mañi?
Cwale ki bunde bufi bwa buinyazo
bwa hae?
Currently Selected:
Lituto za Siraki 34: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Lituto za Siraki 34
34
Litolo
1 #
Mul 13.1-5; 18.9-14 Mihupulo ye si na tuso i yaulula
likuba,
mi likuba li sepa hahulu litolo.
2Ku lumela kwa litolo
ku swana inge mutu ya lika
ku swala muluti kamba ku matisa moya.
3Siiponi ni tolo ki lika ze swana.
S'o bona mwa tolo ha si na tuso,
sina pata y'o kona ku bona
mwa siiponi.
4Ki sika mañi se si ka keniswa
ka masila,
mi ki nto mañi se si ka keniswa
ki buhata?
5Bulauli bwa ze sa taha, bunuhi
ni litolo ki lika za bukuba feela.
Li swana feela inge ze yambutukwa
ki musali ya itwezi.
6Haiba ha li zwi ku Mulimu,
u si ke wa li isa pilu.
7Litolo li latehisize ba bañata,
mi li swabisize hahulu ba ba li sepa.
8Ku taleleza Mulao ha ku tokwi
buhata bo bu cwalo,
mi butali ni niti li taluswa hande
ki milomo ye sepahala.
Misipili
9Mutu ya zamaile hahulu u ziba
ze ñata,
mi ya na ni zibo ye tuna u bulela
ze utwahala.
10Mutu ya si ka kena mwa miliko
ye swana u ziba hanyinyani
kono ya zamaile hahulu u kona
ku tatulula butata kamukana.
11Mwa maeto a ka ni boni ze ñata,
mi ni utwisisize ku fita mo ni kona
ku bulelela.
12Hañata ne ni banga mwa likozi
za ku bata ku shwa,
kono ni pilile.
13Moya wa ba ba saba Muñ'a Bupilo
u kona ku puluswa,
kakuli sepo ya bona i ku ya kona
ku ba pulusa.
14Ya saba Muñ'a Bupilo
h'a na ku ba ni boi,
mi h'a na ku ba lipyeha
kakuli u sepile Muñ'a Bupilo.
15Mbuyoti ki ya moya wa mutu
ya saba Muñ'a Bupilo.
U itingile ku mañi?
Ya mu tusa ki mañi?
16Meeto a Muñ'a Bupilo a mamela
ba ba mu lata.
Ki yena sisilelezo sa bona
se si maata
ni mutusi wa bona yo mutuna.
Ki yena mukunda wa bona kwa moya
wa mwa lihalaupa,
ni muluti wa bona kwa lizazi le li cisa.
Ki yena muzamaisi ya ba hanisa
ku sitatala
ni ku ba tiisa kuli ba si ke ba wa.
17U zusa moya ni ku benyisa meeto
mi hape ki yena ya fa kalafo,
bupilo ni limbuyoti.
Litabelo
18Sitabelo sa mpo ye fumanwi ka mukwa
o maswe ha si lukeli,
mi limpo za ya maswe ha li amuhelwi.
19Ya Pahami Hahulu h'a tabeli
limpo za ba ba maswe.
Ku atisa litabelo ha ku fumanisi
swalelo ya hae ya libi.
20Ku eza litabelo ka lika
za mubotana ku maswe hahulu.
Ku swana ni ku bulaela mwana
fapil'a meeto a ndat'ahe.
21Sico se sinyinyani ki bona bupilo
bwa mubotana,
mi ya mu amuha sona ki mubulai.
22Mutu u bulaya wahabo
haiba a mu amuha za bupilo bwa hae,
mi ya hana ku fa mubeleki mali a hae
wa mu bulaya.
23Haiba mutu a yaha, mi yo muñwi
a nz'a lutulula, ba ta eza cwañi!
Ha ni li ba ta nyanda feela?
24Haiba mutu a lapela,
yo muñwi yena a nz'a kuta,
Muñ'a Bupilo u ta utwa linzwi la mañi?
25Haiba mwamulaho a ku swala situpu
mutu a tapa kwa mazoho,
mi ku tuha fo a si swala hape,
kanti ku tapa kwa hae ku tusizeñi?
26Kihona mw'a inezi mutu ya itima
lico bakeñisa libi za hae,
mi hape u sa yanga ku y'o li eza.
Ya ta utwa tapelo ya hae ki mañi?
Cwale ki bunde bufi bwa buinyazo
bwa hae?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.