Mateu 25
25
Nguli ya basizana ba lishumi
1 #
Luk 12.35
“Ka lizazi leo, Mubuso wa Lihalimu u ta swana sina basizana ba lishumi ba ba ne ba ngile lilampi za bona, ku y'o katanyeza munyali. 2Ba ketalizoho ba ku bona i ne li likuba, mi ba bañwi ba ketalizoho i ne li ba ba butali. 3Basizana ba likuba bao, ne ba ngile lilampi za bona, kono ne ba si ka lwala mafula a mañwi. 4Kanti ba ba butali, bona, ne ba ngile lilampi za bona ni mafula a mañwi mwa lipiza. 5Cwale, kakuli munyali n'a liyehile kwa ku taha, basizana kaufela ba kala ku ozela, mi ba lobala.
6“Fahal'a busihu, muhuwo wa utwahala, ‘Munyali ki yo! A mu tahe, mu t'o mu katanyeza!’ 7Basizana ba lishumi bao kaufela ba zuha mi ba kala ku lukisa-lukisa lilampi za bona. 8Cwale basizana ba likuba ba li ku ba ba butali, ‘A mu lu fe kwa mafula a mina kakuli lilampi za luna za tima.’ 9Ba ba butali ba alaba, ba li, ‘Batili, ha ku konahali, kakuli h'a na ku lu likana, mina ni luna. A mu ye ku ba ba lekisa mafula, mu y'o itekela a mina!’ 10Basizana ba likuba bao, kiha ba ya ku y'o leka mafula, kono ha ne ba sa ile cwalo munyali a fita. Basizana ba ketalizoho ba ba ne ba itukisize ba kena ni yena mwa ndu mo ne ku ezezwa mukiti wa linyalo, mi kwa kwaliwa kwa munyako.
11 #
Luk 13.25
“Mwamulahonyana basizana ba bañwi bale ba fita, ba li, ‘Mulena, Mulena, lu kwalulele, lu kene!’ 12Kono munyali a alaba, a li, ‘Luli ha ni mi zibi!’ ”
13Mi Jesu h'a feleleza ku bulela, a li, “Mu tokomele, kakuli ha mu zibi lizazi kamba nako.
Nguli ya batanga ba balalu
(Luk 19.11-27)
14 #
Luk 19.11-27
“Ku ta swana sina mutu ya n'a s'a li fakaufi ni ku funduka, ku nga musipili. A biza batanga ba hae, mi a ba fa maata a ku babalela bufumu bwa hae. 15A fa yo muñwi ni yo muñwi mw'a n'a konela. A fa wa pili mali a likana ni likiti li ketalizoho za muwaya-waya, wa bubeli a mu fa likiti ze peli, mi wa bulalu a mu fa sikiti si li siñwi. Cwale a funduka. 16Mutanga ya n'a filwe likiti li ketalizoho a ya kapili, a li sebelisa, mi a fumana hape ze ñwi likiti li ketalizoho. 17Mutanga ya n'a filwe likiti ze peli a eza cwalo ni yena, mi a fumana hape likiti ze ñwi ze peli. 18Kono mutanga ya n'a filwe sikiti si li siñwi, a ya, a y'o yepa musima, mi a pumbeka mali a mulen'a hae.
19“Ha ku se ku fitile nako ye telele, mulen'a batanga bao a kuta, mi ba kutisa mali. 20Mutanga ya n'a filwe likiti li ketalizoho, a sutelela, mi a tisa ni ze ñwi likiti li ketalizoho z'a n'a fumani. A li, ‘Muñ'a ka, n'o ni file likiti li ketalizoho, kono bona, ze ñwi likiti li ketalizoho ki ze, ze ni fumani.’ 21Mulen'a hae a li ku yena, ‘U ezize hande, mutanga yo munde, ya sepahala! Kakuli u sepahalile ka lika ze nyinyani, ni ta ku fa cwale ku babalela lika ze ñata. Taha, lu tabe hamoho!’
22“Cwale kwa taha mutanga ya n'a filwe likiti ze peli, mi a li, “Muñ'a ka, n'o ni file likiti ze peli. Bona, ze ñwi likiti ze peli ki ze, ze ni fumani.’ 23Mulen'a hae a li ku yena, ‘U ezize hande, mutanga yo munde, ya sepahala! Kakuli u sepahalile ka lika ze nyinyani, ni ta ku fa cwale ku babalela lika ze ñata. Taha, lu tabe hamoho!’
24“Kih'a ku taha cwale mutanga ya n'a filwe sikiti si li siñwi, mi a li, ‘Muñ'a ka, ne ni ziba kuli u mutu ya tata. U kutula m'o si ka cala, mi u kubukanya m'o si ka hasa peu. 25Ni sabile, mi kiha ni il'o pumbeka mali a hao mwa mubu. Bona, se ili sa hao ki se!’
26“Mulen'a hae a mu alaba, a li, ‘Wena mutanga ya maswe, ya buzwa! N'o ziba kuli ni kutula mo ni si ka cala, mi ni kubukanya mo ni si ka hasa peu, nji? 27Hakulicwalo n'o swanela ku y'o beya mali a ka mwa panga, mi ha ni kuta n'o ta ni kutiseza ona ni kekelezo fahalimu. 28Cwale mu mu amuhe mali ao, mu a fe ya na ni likiti ze lishumi. 29#Mat 13.12; Mar 4.25; Luk 8.18 Ya na ni sika, u ta ekelezwa ku s'a sweli, a be ni ze ñata, kono ya si na, u ta amuhiwa nihaili ka kanyinyani k'a na ni kona. 30#Mat 8.12; 22.13; Luk 13.28 Haili ka mutanga yo, ya si na tuso, mu mu kasheze kwande mwa lififi, kw'a ta y'o lila ni ku kweca meeno.’
Katulo ya mafelelzo
31 #
Mat 16.27; 19.28 “Na, Mwan'a Mutu, ha ni ka taha sina Mulena, ni mangeloi a ka kaufela, ni ta ina fa lubona lwa ka lwa bulena. 32Batu ba lifasi kamukana ba ta kubukana fapil'a ka, mi ni ta ba kauhanya likalulo ze peli, sina mulisana h'a kauhanya lingu ni lipuli. 33Ni ta beya lingu ku la bulyo, ni zona lipuli ku la nzohoto. 34Cwale na, Mulena, ni ta li kwa batu ba ba ku la bulyo, ‘A mu tahe, mina ba ba tohonolofalizwe ki Ndate! Mu t'o amuhela mubuso o n'o lukiselizwe mina ku zwa fo li bupelwa lifasi. 35#Litu 7.32-36 Kakuli ne ni lapile, mi mwa ni fa lico, na ca. Ne ni shwile linyolwa, mi mwa ni fa mezi, na nwa. Ne ni li muenyi mi mwa ni amuhela. 36Ne ni li mapunu, mi mwa ni fa liapalo, na apala. Ne ni kula, mi mwa ni babalela. Ne ni li mwa tolongo, mi mwa t'o ni potela.’
37“Kono ba ba lukile ba ta mu buza, ba li, ‘Mulena, lu ku boni lili u nz'o lapile, mi lwa ku fa lico, kamba lu ku boni lili u shwile linyolwa, mi lwa ku nwisa mezi? 38Lu ku boni lili u li muenyi, mi lwa ku amuhela, kamba u li mapunu, mi lwa ku fa liapalo? 39Lu ku boni lili u nz'o kula kamba u li mwa tolongo, mi lwa ku potela?” 40Mulena u ta ba alaba, a li, ‘Ni mi bulelela niti. Kamita ha ne mu ezeza cwalo yo muñwi ku bona ba banyinyani bao be ili banyani ba ka, ne mu ezeza na!’
41“Kono, kihona a ta li ku ba ba inzi ku la nzohoto, ‘A mu zwe ku na, mina ba ba kutilwe ki Mulimu! A mu ye mwa mulilo o sa timi, o lukiselizwe Satani ni mangeloi a hae! 42Kakuli ne ni lapile, kono ha mu si ka ni fa sa ku ca. Ne ni shwile linyolwa, kono ha mu si ka ni fa sa ku nwa. 43Ne ni li muenyi, kono ha mu si ka ni amuhela. Ne ni li mapunu, kono ha mu si ka ni fa liapalo. Ne ni kula, ni li mwa tolongo, kono ha mu si ka ni babalela.’
44“Mi ni bona ba ta mu buza, ba li, ‘Mulena, lu ku boni lili u nz'o lapile, kamba u nz'o shwile linyolwa, kamba u li muenyi, kamba u li mwa tolongo, mi lwa palelwa ku ku tusa?’ 45Mulena u ta ba alaba, a li, ‘Ni mi bulelela niti. Kamita ha ne mu hana ku tusa yo muñwi wa ba banyinyani bao, ne mu hana ku tusa na.’ 46#Dan 12.2 Bao, ba ta isiwa mwa manyando a sa feli, kono ba ba lukile bona, ba ta kena mwa bupilo bwa kamita.”
Currently Selected:
Mateu 25: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mateu 25
25
Nguli ya basizana ba lishumi
1 #
Luk 12.35
“Ka lizazi leo, Mubuso wa Lihalimu u ta swana sina basizana ba lishumi ba ba ne ba ngile lilampi za bona, ku y'o katanyeza munyali. 2Ba ketalizoho ba ku bona i ne li likuba, mi ba bañwi ba ketalizoho i ne li ba ba butali. 3Basizana ba likuba bao, ne ba ngile lilampi za bona, kono ne ba si ka lwala mafula a mañwi. 4Kanti ba ba butali, bona, ne ba ngile lilampi za bona ni mafula a mañwi mwa lipiza. 5Cwale, kakuli munyali n'a liyehile kwa ku taha, basizana kaufela ba kala ku ozela, mi ba lobala.
6“Fahal'a busihu, muhuwo wa utwahala, ‘Munyali ki yo! A mu tahe, mu t'o mu katanyeza!’ 7Basizana ba lishumi bao kaufela ba zuha mi ba kala ku lukisa-lukisa lilampi za bona. 8Cwale basizana ba likuba ba li ku ba ba butali, ‘A mu lu fe kwa mafula a mina kakuli lilampi za luna za tima.’ 9Ba ba butali ba alaba, ba li, ‘Batili, ha ku konahali, kakuli h'a na ku lu likana, mina ni luna. A mu ye ku ba ba lekisa mafula, mu y'o itekela a mina!’ 10Basizana ba likuba bao, kiha ba ya ku y'o leka mafula, kono ha ne ba sa ile cwalo munyali a fita. Basizana ba ketalizoho ba ba ne ba itukisize ba kena ni yena mwa ndu mo ne ku ezezwa mukiti wa linyalo, mi kwa kwaliwa kwa munyako.
11 #
Luk 13.25
“Mwamulahonyana basizana ba bañwi bale ba fita, ba li, ‘Mulena, Mulena, lu kwalulele, lu kene!’ 12Kono munyali a alaba, a li, ‘Luli ha ni mi zibi!’ ”
13Mi Jesu h'a feleleza ku bulela, a li, “Mu tokomele, kakuli ha mu zibi lizazi kamba nako.
Nguli ya batanga ba balalu
(Luk 19.11-27)
14 #
Luk 19.11-27
“Ku ta swana sina mutu ya n'a s'a li fakaufi ni ku funduka, ku nga musipili. A biza batanga ba hae, mi a ba fa maata a ku babalela bufumu bwa hae. 15A fa yo muñwi ni yo muñwi mw'a n'a konela. A fa wa pili mali a likana ni likiti li ketalizoho za muwaya-waya, wa bubeli a mu fa likiti ze peli, mi wa bulalu a mu fa sikiti si li siñwi. Cwale a funduka. 16Mutanga ya n'a filwe likiti li ketalizoho a ya kapili, a li sebelisa, mi a fumana hape ze ñwi likiti li ketalizoho. 17Mutanga ya n'a filwe likiti ze peli a eza cwalo ni yena, mi a fumana hape likiti ze ñwi ze peli. 18Kono mutanga ya n'a filwe sikiti si li siñwi, a ya, a y'o yepa musima, mi a pumbeka mali a mulen'a hae.
19“Ha ku se ku fitile nako ye telele, mulen'a batanga bao a kuta, mi ba kutisa mali. 20Mutanga ya n'a filwe likiti li ketalizoho, a sutelela, mi a tisa ni ze ñwi likiti li ketalizoho z'a n'a fumani. A li, ‘Muñ'a ka, n'o ni file likiti li ketalizoho, kono bona, ze ñwi likiti li ketalizoho ki ze, ze ni fumani.’ 21Mulen'a hae a li ku yena, ‘U ezize hande, mutanga yo munde, ya sepahala! Kakuli u sepahalile ka lika ze nyinyani, ni ta ku fa cwale ku babalela lika ze ñata. Taha, lu tabe hamoho!’
22“Cwale kwa taha mutanga ya n'a filwe likiti ze peli, mi a li, “Muñ'a ka, n'o ni file likiti ze peli. Bona, ze ñwi likiti ze peli ki ze, ze ni fumani.’ 23Mulen'a hae a li ku yena, ‘U ezize hande, mutanga yo munde, ya sepahala! Kakuli u sepahalile ka lika ze nyinyani, ni ta ku fa cwale ku babalela lika ze ñata. Taha, lu tabe hamoho!’
24“Kih'a ku taha cwale mutanga ya n'a filwe sikiti si li siñwi, mi a li, ‘Muñ'a ka, ne ni ziba kuli u mutu ya tata. U kutula m'o si ka cala, mi u kubukanya m'o si ka hasa peu. 25Ni sabile, mi kiha ni il'o pumbeka mali a hao mwa mubu. Bona, se ili sa hao ki se!’
26“Mulen'a hae a mu alaba, a li, ‘Wena mutanga ya maswe, ya buzwa! N'o ziba kuli ni kutula mo ni si ka cala, mi ni kubukanya mo ni si ka hasa peu, nji? 27Hakulicwalo n'o swanela ku y'o beya mali a ka mwa panga, mi ha ni kuta n'o ta ni kutiseza ona ni kekelezo fahalimu. 28Cwale mu mu amuhe mali ao, mu a fe ya na ni likiti ze lishumi. 29#Mat 13.12; Mar 4.25; Luk 8.18 Ya na ni sika, u ta ekelezwa ku s'a sweli, a be ni ze ñata, kono ya si na, u ta amuhiwa nihaili ka kanyinyani k'a na ni kona. 30#Mat 8.12; 22.13; Luk 13.28 Haili ka mutanga yo, ya si na tuso, mu mu kasheze kwande mwa lififi, kw'a ta y'o lila ni ku kweca meeno.’
Katulo ya mafelelzo
31 #
Mat 16.27; 19.28 “Na, Mwan'a Mutu, ha ni ka taha sina Mulena, ni mangeloi a ka kaufela, ni ta ina fa lubona lwa ka lwa bulena. 32Batu ba lifasi kamukana ba ta kubukana fapil'a ka, mi ni ta ba kauhanya likalulo ze peli, sina mulisana h'a kauhanya lingu ni lipuli. 33Ni ta beya lingu ku la bulyo, ni zona lipuli ku la nzohoto. 34Cwale na, Mulena, ni ta li kwa batu ba ba ku la bulyo, ‘A mu tahe, mina ba ba tohonolofalizwe ki Ndate! Mu t'o amuhela mubuso o n'o lukiselizwe mina ku zwa fo li bupelwa lifasi. 35#Litu 7.32-36 Kakuli ne ni lapile, mi mwa ni fa lico, na ca. Ne ni shwile linyolwa, mi mwa ni fa mezi, na nwa. Ne ni li muenyi mi mwa ni amuhela. 36Ne ni li mapunu, mi mwa ni fa liapalo, na apala. Ne ni kula, mi mwa ni babalela. Ne ni li mwa tolongo, mi mwa t'o ni potela.’
37“Kono ba ba lukile ba ta mu buza, ba li, ‘Mulena, lu ku boni lili u nz'o lapile, mi lwa ku fa lico, kamba lu ku boni lili u shwile linyolwa, mi lwa ku nwisa mezi? 38Lu ku boni lili u li muenyi, mi lwa ku amuhela, kamba u li mapunu, mi lwa ku fa liapalo? 39Lu ku boni lili u nz'o kula kamba u li mwa tolongo, mi lwa ku potela?” 40Mulena u ta ba alaba, a li, ‘Ni mi bulelela niti. Kamita ha ne mu ezeza cwalo yo muñwi ku bona ba banyinyani bao be ili banyani ba ka, ne mu ezeza na!’
41“Kono, kihona a ta li ku ba ba inzi ku la nzohoto, ‘A mu zwe ku na, mina ba ba kutilwe ki Mulimu! A mu ye mwa mulilo o sa timi, o lukiselizwe Satani ni mangeloi a hae! 42Kakuli ne ni lapile, kono ha mu si ka ni fa sa ku ca. Ne ni shwile linyolwa, kono ha mu si ka ni fa sa ku nwa. 43Ne ni li muenyi, kono ha mu si ka ni amuhela. Ne ni li mapunu, kono ha mu si ka ni fa liapalo. Ne ni kula, ni li mwa tolongo, kono ha mu si ka ni babalela.’
44“Mi ni bona ba ta mu buza, ba li, ‘Mulena, lu ku boni lili u nz'o lapile, kamba u nz'o shwile linyolwa, kamba u li muenyi, kamba u li mwa tolongo, mi lwa palelwa ku ku tusa?’ 45Mulena u ta ba alaba, a li, ‘Ni mi bulelela niti. Kamita ha ne mu hana ku tusa yo muñwi wa ba banyinyani bao, ne mu hana ku tusa na.’ 46#Dan 12.2 Bao, ba ta isiwa mwa manyando a sa feli, kono ba ba lukile bona, ba ta kena mwa bupilo bwa kamita.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.