Mateu 21
21
Jesu u kena mwa Jerusalema
(Mar 11.1-11; Luk 19.28-40; Joa 12.12-19)
1Ha ba se ba sutelezi kwa Jerusalema, ba fita mwa munzi wa Betefage, fa Lilundu la Likota za Olive. Honafo, Jesu a luma balutiwa ba hae ba babeli. 2Kih'a ba laela kuli, “Mu ye mwa munzi o fapil'a mina, mi kapili mu ta fumana kambongolo ka ka fungilwe ni mwan'a kona. Mu tu fungulule, mi mu ni tiseze tona. 3Mi haiba mutu a ka mi buza se siñwi, mu mu bulelele, mu li, ‘Mulena wa tu bata’. Mi u ta tu lukulula kapili.”
4Kwa ezahala cwalo kuli ku talelezwe se ne si bulezwi ki mupolofita, ha n'a ize,
5 #
Zak 9.9
“Mu bulelele munzi wa Sione, mu li,
‘Bona, mulen'a hao ki yo! U taha ku wena,
a ishuwile, mi u pahami fa mbongolo,
u pahami fa kambongolo, mwan'a mbongolo.’ ”
6Balutiwa kiha ba ya, mi ba eza mw'a n'a ba bulelezi Jesu. 7Ba tisa mbongolo ni mwan'a yona, ba yala likubo fahalimw'a zona, mi Jesu a pahama fateñi. 8Nyangela ba yala likubo za bona mwa nzila. Ba bañwi ba lema mitai kwa likota, mi ba i yala mwa nzila. 9#Lipi 118.25,26 Batu ba bañata, ba ba ne ba zamaya fapili ni mwamulaho wa Jesu, ba kala ku huwa, ba li, “Ku lumbekwe Mwan'a Davida! Mulimu a tohonolofaze ya taha ka libizo la Mulena! Ku lumbwe Mulimu mwa lihalimu!”
10Jesu h'a kena mwa Jerusalema, munzi kaufela wa yema maefe-efe. Batu ba buza, ba li, “Mutu yo ki mañi?”
11Nyangela ba alaba, ba li, “Ki yena mupolofita ya bizwa Jesu, ya zwa mwa Nazareta wa Galilea.”
Jesu u hanisa litekiso mwa malapa a Tempele
(Mar 11.15-19; Luk 19.45-48; Joa 2.13-22)
12Jesu a kena mwa malapa a Tempele, mi a lelekela kwande batu kaufela ba ba ne ba leka ni ku lekisa mwateñi. A wisakela fafasi litafule za ba ba ne ba cinca mali ni lipula za ba ba ne ba lekisa linkwilimba. 13#Isa 56.7; Jer 7.11 Mi a li ku bona, “Ku ñozwi kuli, ‘Ndu ya ka i ta bizwa ndu ya tapelo.’ Kono mina, mu i fetuzi maipato a masholi!”
14Libofu ni lihole ba taha ku yena mwa malapa a Tempele, mi a ba folisa. 15Baprisita ba bahulu ni Baluti ba Mulao ba nyema ha ba bona limakazo z'a n'a eza, ni banana ba ba ne ba huwa mwa makozwana a Tempele, ba li, “Ku lumbekwe Mwan'a Davida!” 16#Lipi 8.2 Kiha ba li ku Jesu, “Kana wa utwa ze ba bulela, nji?”
Jesu a li, “Na ikutwela hande-nde. Mwendi kikuli ha mu si ka bala ni kamuta taba ye ñozwi, ye li, ‘U lutile banana ni limbututu ku fa litumbo ze nde?’ ”
17Cwale Jesu a ba siya, a zwa mwa Jerusalema, mi a ya kwa Betania, kw'a n'a iz'o lobala.
Jesu u kuta kota ya feiga
(Mar 11.12-14, 20-24)
18Habusa, Jesu ha s'a kutela kwa Jerusalema, a ikutwa ku lapa. 19A bona kota ya feiga ye ne li kwatuko a nzila, mi a ya ku yona, kono a tokwa ku fumana miselo kwateñi haisi matali feela. Kih'a li kwa kota, “Ku si ke kwa fumanwa muselo ku wena kuya kuile!” Honafo, kota ya feiga ya oma.
20Balutiwa ha ba bona cwalo, ba komoka hahulu. Ba buza Jesu, ba li, “Kanti kota ye, i omile cwañi kapili cwana?”
21 #
Mat 17.20; 1 Bakor 13.2 Jesu a ba alaba, a li, “Kaniti na mi bulelela, ni li, ‘Ha mu lumela mu sa hononi, ni mina mu ta kona ku eza se ni ezize kwa kota ye ya feiga’. Mi isiñi se feela, kono mane mu ta kona ku bulelela lilundu le kuli, ‘Nanuha, u itatele mwa liwate,’ mi li ta eza cwalo.
22Ha mu lumela, mu ta amuhela ze mu kupa kaufela ka tapelo.”
Puzo bakeñisa maata a Jesu
(Mar 11.27-33; Luk 20.1-8)
23Jesu a kena mwa malapa a Tempele, mi a kala ku luta. Baprisita ba bahulu ni ba bahulu ba Majuda kiha ba taha ku yena, ba t'o mu buza, ba li, “Maata a u eza zeo ka ona a zwa kai? Ki mañi ya ku file ona?”
24Jesu a ba alaba, a li, “Ni na, ni ta mi buza puzo, i liñwi feela, mi ha mu kona ku i alaba, kihona ni ta mi bulelela maata e ni eza zeo ka ona. 25Joani u fumani kai maata a ku kolobeza, ki ku Mulimu kamba kwa batu?”
Kiha ba kala ku kananisana mwahal'a bona, ba li, “Ha lu ta alaba kuli ki ku Mulimu, u ta li, ‘Kiñi, ha mu si ka lumela ku yena?’ 26Kono ha lu ta alaba kuli ki kwa batu, lu saba se ba ka lu eza ba bañata, kakuli kaufel'a bona ba kozwi kuli Joani ne li mupolofita.” 27Cwale ba alaba Jesu, ba li, “Ha lu zibi.”
Mi Jesu a li ku bona, “Ni na, ha ni na ku mi bulelela kw'a zwa maata e ni eza zeo ka ona!
Nguli ya bana ba babeli
28“Cwale, mu hupula cwañi? Ne ku na ni mutu ya n'a na ni bana ba babeli ba bashimani. A ya ku yo munyinyani, mi a li ku yena, ‘Mwan'a ka, zamaya u y'o sebeza mwa simu ya veine kacenu.’ 29Mwana a alaba, a li, ‘Ha ni lati’. Kono mwamulaho a ikupula mi a ya. 30Ndat'ahe kih'a ya ku yo muhulu, mi a y'o mu bulelela nto ye swana. Yo a mu alaba, a li, ‘Na ya sha.’ Kono nihakulicwalo h'a si ka ya. 31Kanti ku ba babeli bao, ya ezize s'a n'a bata ndat'ahe ki ufi?”
Ba alaba, ba li, “Ki yo munyinyani.”
Jesu kih'a li ku bona, “Kaniti na mi bulelela, ni li, ‘Batelisi ni basali ba mahule ba mi siya kwa ku kena mwa Mubuso wa Mulimu. 32#Luk 3.12; 7.29-30 Kakuli Joani Mukolobezi u tile ku t'o mi bonisa nzila ye mu swanezi ku nga, mi ha mu si ka mu lumela, kono batelisi ni basali ba mahule ba mu lumezi bona. Mi niha mu boni cwalo, mina, ha mu si ka baka mwamulaho, mi mwa lumela ku yena.’ ”
Nguli ya balimi ba ba maswe
(Mar 12.1-12; Luk 20.9-19)
33 #
Isa 5.1-2
Jesu a li, “A mu utwe nguli ye ñwi. Ne ku na ni muñ'a ndu ya n'a calile simu ya likota za veine. A i beya mwa lukwakwa, a yepa mwateñi silubelo, mi a yaha kalani. Kih'a beya simu mwa pabalelo ya balimi, mi a nga musipili. 34Ka nako ya kutulo, a luma batanga ba hae kwa balimi kuli ba y'o nga kalulo ya hae ya ze kutuzwi. 35Kono balimi bao ba swala batanga, ba nata yo muñwi, yo muñwi ba mu bulaya, mi ba nataka yo muñwi hape ka macwe. 36Muñ'a simu kih'a ba lumela batanga ba bañwi, ba bañata ku fita ba pili, mi ni bona ba ba eza sina mo ne ba ezelize ba pili. 37Kwa mafelelezo a ba lumela mwan'a hae, a li, ‘Kaniti luli ba ta kuteka mwan'a ka.’ 38Kono balimi h'a ba bona mwana, ba bulelelana, ba li, ‘Shwana ki yo! A mu tahe, lu mu bulaye, mi lu ikungele kalulo ya hae!’ 39Kiha ba mu swala, ba mu kasheza kwand'a simu, mi ba mu bulaya.”
40Jesu a buza, a li, “Cwale muñ'a simu h'a ka taha, u ta eza cwañi kwa balimi bao?”
41Ba mu alaba, ba li, “Kaniti luli, u ta bulaya batu ba ba maswe bao, mi u ka fa simu kwa balimi ba sili ba ba ta mu fanga kalulo ya hae ya ze kutuzwi ka nako ya kutulo.”
42 #
Lipi 118.22-23
Jesu a li ku bona, “Kana kikuli ha mu si ka bala se si ñozwi kuli,
‘Licwe le li kendilwe ki bayahi
ki lona le li fetuhile licwe le li tiisize lilulu la ndu.
Ki sona se si ezizwe ki Mulena,
mi ku luna ki nto ye komokisa luli!’ ”
43Kiha ni li ku mina, “Mu ta amuhiwa Mubuso wa Mulimu, mi u ta fiwa sicaba si sili, se si ta kutiseza Mulimu miselo ye lukela. 44Mutu ufi ni ufi ya ta wela fa licwe leo, u ta lobeha-lobeha. Mi haiba licwe leo li wela mutu, li ta mu sila-sila.
45Baprisita ba bahulu ni Bafalisi ha ba utwa linguli zeo za Jesu, ba lemuha kuli n'a shendekela bona. 46Cwale kiha ba lika ku mu swala, kono ne ba saba sicaba kakuli ne si kolwa kuli Jesu ki mupolfita.
Currently Selected:
Mateu 21: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mateu 21
21
Jesu u kena mwa Jerusalema
(Mar 11.1-11; Luk 19.28-40; Joa 12.12-19)
1Ha ba se ba sutelezi kwa Jerusalema, ba fita mwa munzi wa Betefage, fa Lilundu la Likota za Olive. Honafo, Jesu a luma balutiwa ba hae ba babeli. 2Kih'a ba laela kuli, “Mu ye mwa munzi o fapil'a mina, mi kapili mu ta fumana kambongolo ka ka fungilwe ni mwan'a kona. Mu tu fungulule, mi mu ni tiseze tona. 3Mi haiba mutu a ka mi buza se siñwi, mu mu bulelele, mu li, ‘Mulena wa tu bata’. Mi u ta tu lukulula kapili.”
4Kwa ezahala cwalo kuli ku talelezwe se ne si bulezwi ki mupolofita, ha n'a ize,
5 #
Zak 9.9
“Mu bulelele munzi wa Sione, mu li,
‘Bona, mulen'a hao ki yo! U taha ku wena,
a ishuwile, mi u pahami fa mbongolo,
u pahami fa kambongolo, mwan'a mbongolo.’ ”
6Balutiwa kiha ba ya, mi ba eza mw'a n'a ba bulelezi Jesu. 7Ba tisa mbongolo ni mwan'a yona, ba yala likubo fahalimw'a zona, mi Jesu a pahama fateñi. 8Nyangela ba yala likubo za bona mwa nzila. Ba bañwi ba lema mitai kwa likota, mi ba i yala mwa nzila. 9#Lipi 118.25,26 Batu ba bañata, ba ba ne ba zamaya fapili ni mwamulaho wa Jesu, ba kala ku huwa, ba li, “Ku lumbekwe Mwan'a Davida! Mulimu a tohonolofaze ya taha ka libizo la Mulena! Ku lumbwe Mulimu mwa lihalimu!”
10Jesu h'a kena mwa Jerusalema, munzi kaufela wa yema maefe-efe. Batu ba buza, ba li, “Mutu yo ki mañi?”
11Nyangela ba alaba, ba li, “Ki yena mupolofita ya bizwa Jesu, ya zwa mwa Nazareta wa Galilea.”
Jesu u hanisa litekiso mwa malapa a Tempele
(Mar 11.15-19; Luk 19.45-48; Joa 2.13-22)
12Jesu a kena mwa malapa a Tempele, mi a lelekela kwande batu kaufela ba ba ne ba leka ni ku lekisa mwateñi. A wisakela fafasi litafule za ba ba ne ba cinca mali ni lipula za ba ba ne ba lekisa linkwilimba. 13#Isa 56.7; Jer 7.11 Mi a li ku bona, “Ku ñozwi kuli, ‘Ndu ya ka i ta bizwa ndu ya tapelo.’ Kono mina, mu i fetuzi maipato a masholi!”
14Libofu ni lihole ba taha ku yena mwa malapa a Tempele, mi a ba folisa. 15Baprisita ba bahulu ni Baluti ba Mulao ba nyema ha ba bona limakazo z'a n'a eza, ni banana ba ba ne ba huwa mwa makozwana a Tempele, ba li, “Ku lumbekwe Mwan'a Davida!” 16#Lipi 8.2 Kiha ba li ku Jesu, “Kana wa utwa ze ba bulela, nji?”
Jesu a li, “Na ikutwela hande-nde. Mwendi kikuli ha mu si ka bala ni kamuta taba ye ñozwi, ye li, ‘U lutile banana ni limbututu ku fa litumbo ze nde?’ ”
17Cwale Jesu a ba siya, a zwa mwa Jerusalema, mi a ya kwa Betania, kw'a n'a iz'o lobala.
Jesu u kuta kota ya feiga
(Mar 11.12-14, 20-24)
18Habusa, Jesu ha s'a kutela kwa Jerusalema, a ikutwa ku lapa. 19A bona kota ya feiga ye ne li kwatuko a nzila, mi a ya ku yona, kono a tokwa ku fumana miselo kwateñi haisi matali feela. Kih'a li kwa kota, “Ku si ke kwa fumanwa muselo ku wena kuya kuile!” Honafo, kota ya feiga ya oma.
20Balutiwa ha ba bona cwalo, ba komoka hahulu. Ba buza Jesu, ba li, “Kanti kota ye, i omile cwañi kapili cwana?”
21 #
Mat 17.20; 1 Bakor 13.2 Jesu a ba alaba, a li, “Kaniti na mi bulelela, ni li, ‘Ha mu lumela mu sa hononi, ni mina mu ta kona ku eza se ni ezize kwa kota ye ya feiga’. Mi isiñi se feela, kono mane mu ta kona ku bulelela lilundu le kuli, ‘Nanuha, u itatele mwa liwate,’ mi li ta eza cwalo.
22Ha mu lumela, mu ta amuhela ze mu kupa kaufela ka tapelo.”
Puzo bakeñisa maata a Jesu
(Mar 11.27-33; Luk 20.1-8)
23Jesu a kena mwa malapa a Tempele, mi a kala ku luta. Baprisita ba bahulu ni ba bahulu ba Majuda kiha ba taha ku yena, ba t'o mu buza, ba li, “Maata a u eza zeo ka ona a zwa kai? Ki mañi ya ku file ona?”
24Jesu a ba alaba, a li, “Ni na, ni ta mi buza puzo, i liñwi feela, mi ha mu kona ku i alaba, kihona ni ta mi bulelela maata e ni eza zeo ka ona. 25Joani u fumani kai maata a ku kolobeza, ki ku Mulimu kamba kwa batu?”
Kiha ba kala ku kananisana mwahal'a bona, ba li, “Ha lu ta alaba kuli ki ku Mulimu, u ta li, ‘Kiñi, ha mu si ka lumela ku yena?’ 26Kono ha lu ta alaba kuli ki kwa batu, lu saba se ba ka lu eza ba bañata, kakuli kaufel'a bona ba kozwi kuli Joani ne li mupolofita.” 27Cwale ba alaba Jesu, ba li, “Ha lu zibi.”
Mi Jesu a li ku bona, “Ni na, ha ni na ku mi bulelela kw'a zwa maata e ni eza zeo ka ona!
Nguli ya bana ba babeli
28“Cwale, mu hupula cwañi? Ne ku na ni mutu ya n'a na ni bana ba babeli ba bashimani. A ya ku yo munyinyani, mi a li ku yena, ‘Mwan'a ka, zamaya u y'o sebeza mwa simu ya veine kacenu.’ 29Mwana a alaba, a li, ‘Ha ni lati’. Kono mwamulaho a ikupula mi a ya. 30Ndat'ahe kih'a ya ku yo muhulu, mi a y'o mu bulelela nto ye swana. Yo a mu alaba, a li, ‘Na ya sha.’ Kono nihakulicwalo h'a si ka ya. 31Kanti ku ba babeli bao, ya ezize s'a n'a bata ndat'ahe ki ufi?”
Ba alaba, ba li, “Ki yo munyinyani.”
Jesu kih'a li ku bona, “Kaniti na mi bulelela, ni li, ‘Batelisi ni basali ba mahule ba mi siya kwa ku kena mwa Mubuso wa Mulimu. 32#Luk 3.12; 7.29-30 Kakuli Joani Mukolobezi u tile ku t'o mi bonisa nzila ye mu swanezi ku nga, mi ha mu si ka mu lumela, kono batelisi ni basali ba mahule ba mu lumezi bona. Mi niha mu boni cwalo, mina, ha mu si ka baka mwamulaho, mi mwa lumela ku yena.’ ”
Nguli ya balimi ba ba maswe
(Mar 12.1-12; Luk 20.9-19)
33 #
Isa 5.1-2
Jesu a li, “A mu utwe nguli ye ñwi. Ne ku na ni muñ'a ndu ya n'a calile simu ya likota za veine. A i beya mwa lukwakwa, a yepa mwateñi silubelo, mi a yaha kalani. Kih'a beya simu mwa pabalelo ya balimi, mi a nga musipili. 34Ka nako ya kutulo, a luma batanga ba hae kwa balimi kuli ba y'o nga kalulo ya hae ya ze kutuzwi. 35Kono balimi bao ba swala batanga, ba nata yo muñwi, yo muñwi ba mu bulaya, mi ba nataka yo muñwi hape ka macwe. 36Muñ'a simu kih'a ba lumela batanga ba bañwi, ba bañata ku fita ba pili, mi ni bona ba ba eza sina mo ne ba ezelize ba pili. 37Kwa mafelelezo a ba lumela mwan'a hae, a li, ‘Kaniti luli ba ta kuteka mwan'a ka.’ 38Kono balimi h'a ba bona mwana, ba bulelelana, ba li, ‘Shwana ki yo! A mu tahe, lu mu bulaye, mi lu ikungele kalulo ya hae!’ 39Kiha ba mu swala, ba mu kasheza kwand'a simu, mi ba mu bulaya.”
40Jesu a buza, a li, “Cwale muñ'a simu h'a ka taha, u ta eza cwañi kwa balimi bao?”
41Ba mu alaba, ba li, “Kaniti luli, u ta bulaya batu ba ba maswe bao, mi u ka fa simu kwa balimi ba sili ba ba ta mu fanga kalulo ya hae ya ze kutuzwi ka nako ya kutulo.”
42 #
Lipi 118.22-23
Jesu a li ku bona, “Kana kikuli ha mu si ka bala se si ñozwi kuli,
‘Licwe le li kendilwe ki bayahi
ki lona le li fetuhile licwe le li tiisize lilulu la ndu.
Ki sona se si ezizwe ki Mulena,
mi ku luna ki nto ye komokisa luli!’ ”
43Kiha ni li ku mina, “Mu ta amuhiwa Mubuso wa Mulimu, mi u ta fiwa sicaba si sili, se si ta kutiseza Mulimu miselo ye lukela. 44Mutu ufi ni ufi ya ta wela fa licwe leo, u ta lobeha-lobeha. Mi haiba licwe leo li wela mutu, li ta mu sila-sila.
45Baprisita ba bahulu ni Bafalisi ha ba utwa linguli zeo za Jesu, ba lemuha kuli n'a shendekela bona. 46Cwale kiha ba lika ku mu swala, kono ne ba saba sicaba kakuli ne si kolwa kuli Jesu ki mupolfita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.