Malivi 8
8
Aruni ni bana ba hae ba ezwa baprisita
(Mut 29.1-37)
1Muñ'a Bupilo a li ku Mushe, 2“Isa Aruni ni bana ba hae kwa munyako wa Tende ya Kopano, mi u tise liapalo za buprisita, mafula a ku toza, poho ye nyinyani ya sitabelo sa swalelo ya libi, lipoho za lingu ze peli, ni sizuma sa linkwa ze si ka umelwa. 3Cwale u bize batu kaufela, ba kopanele kwateñi.”
4Batu ha ne ba se ba kopani, Mushe a eza mw'a n'a mu laelezi Muñ'a Bupilo. 5A li ku bona, “Se ni ta eza kaufela ni si laelezwi ki Muñ'a Bupilo.”
6Mushe a tisa Aruni ni bana ba hae kwapili, mi a ba tapisa. 7A apesa Aruni hembe ni siapalo se sitelele, mi a mu tama lukanda mwa teka. Kiha s'a mu apesa hape siapalo se si kenile sa efoda ni ku si tiisa ka ku si tama mwa teka ka lukanda lwa sona lo lu indilwe hande. 8Cwale kih'a mu apesa lisila la fa sifuba, mi a beya mwateñi Urimi ni Tumimi. 9Kiha s'a mu apesa kuwani ya buprisita kwa toho, mi fapil'a yona a beya kabeso ya gauda ye na ni manzwi a “Ka sumekezwi Muñ'a Bupilo” sina mw'a n'a laelezi Muñ'a Bupilo.
10Cwale Mushe a nga mafula, a toza Tende ya Kopano ni lika kaufela ze ne li mwateñi, mi ka mukwa wo a li fitisa kaufel'a zona ku Muñ'a Bupilo. 11Hape a nga mafula a mañwi, a fafaza katala ni lisebeliso za kona hasupile, hamohocwalo ni mukeke wa ku tapela, ni mutomo wa ona, ili ku li fitisa ku Muñ'a Bupilo. 12Cwale a beya Aruni fa buprisita ka ku mu sela mafula fa toho. 13Ku zwa fo Mushe a tisa bana ba Aruni kwapili, mi a ba apesa lihembe, a ba tama makanda mwa liteka ni ku ba beya likepesi kwa litoho, sina mw'a n'a laelezi Muñ'a Bupilo.
14Cwale Mushe a tisa nkomwana ya poho ya sitabelo sa swalelo ya libi, mi Aruni ni bana ba hae ba beya mazoho a bona fa toho ya yona. 15Mushe a i bulaya, mi a nga mali a mañwi, a' swasa ka munwana wa hae fa manaka a kwa malulu a katala, ili ku ka sumekela ku Muñ'a Bupilo. Cwale kihona a sela mali a n'a siyezi kaufela mwatas'a katala. Ki ona mukwa w'a n'a ka kenisize ka ona ni ku ka sumekela. 16Mushe a nga lisuzo kaufela la muteto, lisuzo la fa sibiti kaufela, lipio hamoho ni lisuzo la zona, mi a li ciseza fa katala kamukan'a zona. 17A nga ze ne siyezi kaufela kwa poho hamoho ni litalo la yona, nama ni za mwa mba, mi a y'o li ciseza kwand'a mafulo, sina mw'a n'a laelezi Muñ'a Bupilo.
18Ku zwa fo Mushe a tisa ngu ya poho ya sitabelo sa ku cisa, mi Aruni ni bana ba hae ba beya mazoho a bona fa toho ya yona. 19Mushe a i bulaya, mi a sela mali fa maneku a mane a katala. 20A pumaka ngu yeo litunula ze ñata, mi a ciseza toho, litunula ni lisuzo. 21A tapisa za mwa mba ni lilupi ka mezi, mi a ciseza ze ne siyezi kwa ngu kamukana fa katala sina mw'a n'a laelezi Muñ'a Bupilo. Sitabelo se sa ku cisa ne li sitabelo sa lico, mi muunko wa sona n'a tabisa Muñ'a Bupilo.
22Cwale Mushe a tisa poho ya ngu ya bubeli, ye n'e li ya sebelezo ya baprisita, mi Aruni ni bana ba hae ba beya mazoho a bona fa toho ya yona. 23Mushe a i bulaya, mi a nga mali a yona a mañwi, a' sasa kwa mafelelezo a zebe ya Aruni ya bulyo, fa munwana o mutuna wa lizoho la hae la bulyo ni fa munwana o mutuna wa lihutu la hae la bulyo. 24Cwale kihona a tisa bana ba Aruni kwapili, mi a ba sasa mali a mañwi kwa mafelelezo a lizebe za bona za bulyo, fa minwana ye mituna ya mazoho a bona a bulyo, ni fa minwana ye mituna ya mahutu a bona a bulyo. Cwale kihona Mushe a sela mali a n'a siyezi kamukana fa maneku a mane a katala. 25A nga lisuzo, muhata ni lisuzo la ona, lisuzo kaufela la muteto, ni lisuzo la sibiti kaufela, lipio ni lisuzo la zona, ni silupi sa bulyo. 26Cwale kih'a nga sinkwa si li siñwi ku ze si ka umelwa za mwa sizuma, ili ze ketezwi Muñ'a Bupilo. A nga sinkwa se si lubilwe ka mafula ni sinkwanyana se sisisani, mi a li beya fahalimw'a lisuzo ni silupi sa bulyo. 27A beya lico ze kamukana mwa mazoho a Aruni ni bana ba hae, mi bona ba li fitisa ili mpo ku Muñ'a Bupilo. 28Cwale Mushe a nga lico zeo mwa mazoho a bona, mi a li ciseza fa katala, fahalimw'a sitabelo sa ku cisa. Sitabelo seo sa ba sa ku sumekela baprisita ku Muñ'a Bupilo. Se, ne li sitabelo sa lico, mi muunko wa sona n'o tabisa Muñ'a Bupilo. 29Cwale Mushe a nga sifuba, mi a si eza mpo ya Muñ'a Bupilo. Yeo, n'e li yona kabelo ya Mushe kwa ngu ya sitabelo sa buprisita. Mushe a eza linto kaufela sina mw'a n'a laelezi Muñ'a Bupilo.
30Mushe a nga mafula a mañwi ni mali a mañwi a n'a li fa katala, a' fafaza Aruni ni bana ba hae, ni fa liapalo za bona cwalo. Ka ona mukwa wo, Mushe a ba sumekela, hamoho ni liapalo za bona, ku Muñ'a Bupilo.
31Cwale Mushe a li ku Aruni ni bana ba hae, “Mu ise nama kwa munyako wa Tende ya Kopano, mu y'o i apeha, mi mu i cele kwateñi hamoho ni linkwa ze mwa sizuma sa limpo za sitabelo sa sebelezo ya ku sumekela baprisita ku Muñ'a Bupilo, sina mw'a ni laelezi kuli ni mi ezise cwalo. 32Mu cise nama ni linkwa kamukana ze siyezi. 33Ha mu na ku zwa kwa munyako wa Tende mwa mazazi a supile ku fitela lisebelezo za ku mi beya mwa buprisita li fela. 34Muñ'a Bupilo u lu laezi ku eza se lu ezize kacenu kuli lu zwise sibi sa mina. 35Mu swanela ku ina kwa munyako wa Tende ya Kopano busihu ni musihali ka mazazi a supile, mu nze mu eza s'a laezi Muñ'a Bupilo. Haiba mu sa ezi cwalo, mu ta shwa. Se, ki sona s'a ni laezi Muñ'a Bupilo.” 36Cwale Aruni ni bana ba hae ba eza lika kamukana z'a n'a ba laezi Muñ'a Bupilo ka Mushe.
Currently Selected:
Malivi 8: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Malivi 8
8
Aruni ni bana ba hae ba ezwa baprisita
(Mut 29.1-37)
1Muñ'a Bupilo a li ku Mushe, 2“Isa Aruni ni bana ba hae kwa munyako wa Tende ya Kopano, mi u tise liapalo za buprisita, mafula a ku toza, poho ye nyinyani ya sitabelo sa swalelo ya libi, lipoho za lingu ze peli, ni sizuma sa linkwa ze si ka umelwa. 3Cwale u bize batu kaufela, ba kopanele kwateñi.”
4Batu ha ne ba se ba kopani, Mushe a eza mw'a n'a mu laelezi Muñ'a Bupilo. 5A li ku bona, “Se ni ta eza kaufela ni si laelezwi ki Muñ'a Bupilo.”
6Mushe a tisa Aruni ni bana ba hae kwapili, mi a ba tapisa. 7A apesa Aruni hembe ni siapalo se sitelele, mi a mu tama lukanda mwa teka. Kiha s'a mu apesa hape siapalo se si kenile sa efoda ni ku si tiisa ka ku si tama mwa teka ka lukanda lwa sona lo lu indilwe hande. 8Cwale kih'a mu apesa lisila la fa sifuba, mi a beya mwateñi Urimi ni Tumimi. 9Kiha s'a mu apesa kuwani ya buprisita kwa toho, mi fapil'a yona a beya kabeso ya gauda ye na ni manzwi a “Ka sumekezwi Muñ'a Bupilo” sina mw'a n'a laelezi Muñ'a Bupilo.
10Cwale Mushe a nga mafula, a toza Tende ya Kopano ni lika kaufela ze ne li mwateñi, mi ka mukwa wo a li fitisa kaufel'a zona ku Muñ'a Bupilo. 11Hape a nga mafula a mañwi, a fafaza katala ni lisebeliso za kona hasupile, hamohocwalo ni mukeke wa ku tapela, ni mutomo wa ona, ili ku li fitisa ku Muñ'a Bupilo. 12Cwale a beya Aruni fa buprisita ka ku mu sela mafula fa toho. 13Ku zwa fo Mushe a tisa bana ba Aruni kwapili, mi a ba apesa lihembe, a ba tama makanda mwa liteka ni ku ba beya likepesi kwa litoho, sina mw'a n'a laelezi Muñ'a Bupilo.
14Cwale Mushe a tisa nkomwana ya poho ya sitabelo sa swalelo ya libi, mi Aruni ni bana ba hae ba beya mazoho a bona fa toho ya yona. 15Mushe a i bulaya, mi a nga mali a mañwi, a' swasa ka munwana wa hae fa manaka a kwa malulu a katala, ili ku ka sumekela ku Muñ'a Bupilo. Cwale kihona a sela mali a n'a siyezi kaufela mwatas'a katala. Ki ona mukwa w'a n'a ka kenisize ka ona ni ku ka sumekela. 16Mushe a nga lisuzo kaufela la muteto, lisuzo la fa sibiti kaufela, lipio hamoho ni lisuzo la zona, mi a li ciseza fa katala kamukan'a zona. 17A nga ze ne siyezi kaufela kwa poho hamoho ni litalo la yona, nama ni za mwa mba, mi a y'o li ciseza kwand'a mafulo, sina mw'a n'a laelezi Muñ'a Bupilo.
18Ku zwa fo Mushe a tisa ngu ya poho ya sitabelo sa ku cisa, mi Aruni ni bana ba hae ba beya mazoho a bona fa toho ya yona. 19Mushe a i bulaya, mi a sela mali fa maneku a mane a katala. 20A pumaka ngu yeo litunula ze ñata, mi a ciseza toho, litunula ni lisuzo. 21A tapisa za mwa mba ni lilupi ka mezi, mi a ciseza ze ne siyezi kwa ngu kamukana fa katala sina mw'a n'a laelezi Muñ'a Bupilo. Sitabelo se sa ku cisa ne li sitabelo sa lico, mi muunko wa sona n'a tabisa Muñ'a Bupilo.
22Cwale Mushe a tisa poho ya ngu ya bubeli, ye n'e li ya sebelezo ya baprisita, mi Aruni ni bana ba hae ba beya mazoho a bona fa toho ya yona. 23Mushe a i bulaya, mi a nga mali a yona a mañwi, a' sasa kwa mafelelezo a zebe ya Aruni ya bulyo, fa munwana o mutuna wa lizoho la hae la bulyo ni fa munwana o mutuna wa lihutu la hae la bulyo. 24Cwale kihona a tisa bana ba Aruni kwapili, mi a ba sasa mali a mañwi kwa mafelelezo a lizebe za bona za bulyo, fa minwana ye mituna ya mazoho a bona a bulyo, ni fa minwana ye mituna ya mahutu a bona a bulyo. Cwale kihona Mushe a sela mali a n'a siyezi kamukana fa maneku a mane a katala. 25A nga lisuzo, muhata ni lisuzo la ona, lisuzo kaufela la muteto, ni lisuzo la sibiti kaufela, lipio ni lisuzo la zona, ni silupi sa bulyo. 26Cwale kih'a nga sinkwa si li siñwi ku ze si ka umelwa za mwa sizuma, ili ze ketezwi Muñ'a Bupilo. A nga sinkwa se si lubilwe ka mafula ni sinkwanyana se sisisani, mi a li beya fahalimw'a lisuzo ni silupi sa bulyo. 27A beya lico ze kamukana mwa mazoho a Aruni ni bana ba hae, mi bona ba li fitisa ili mpo ku Muñ'a Bupilo. 28Cwale Mushe a nga lico zeo mwa mazoho a bona, mi a li ciseza fa katala, fahalimw'a sitabelo sa ku cisa. Sitabelo seo sa ba sa ku sumekela baprisita ku Muñ'a Bupilo. Se, ne li sitabelo sa lico, mi muunko wa sona n'o tabisa Muñ'a Bupilo. 29Cwale Mushe a nga sifuba, mi a si eza mpo ya Muñ'a Bupilo. Yeo, n'e li yona kabelo ya Mushe kwa ngu ya sitabelo sa buprisita. Mushe a eza linto kaufela sina mw'a n'a laelezi Muñ'a Bupilo.
30Mushe a nga mafula a mañwi ni mali a mañwi a n'a li fa katala, a' fafaza Aruni ni bana ba hae, ni fa liapalo za bona cwalo. Ka ona mukwa wo, Mushe a ba sumekela, hamoho ni liapalo za bona, ku Muñ'a Bupilo.
31Cwale Mushe a li ku Aruni ni bana ba hae, “Mu ise nama kwa munyako wa Tende ya Kopano, mu y'o i apeha, mi mu i cele kwateñi hamoho ni linkwa ze mwa sizuma sa limpo za sitabelo sa sebelezo ya ku sumekela baprisita ku Muñ'a Bupilo, sina mw'a ni laelezi kuli ni mi ezise cwalo. 32Mu cise nama ni linkwa kamukana ze siyezi. 33Ha mu na ku zwa kwa munyako wa Tende mwa mazazi a supile ku fitela lisebelezo za ku mi beya mwa buprisita li fela. 34Muñ'a Bupilo u lu laezi ku eza se lu ezize kacenu kuli lu zwise sibi sa mina. 35Mu swanela ku ina kwa munyako wa Tende ya Kopano busihu ni musihali ka mazazi a supile, mu nze mu eza s'a laezi Muñ'a Bupilo. Haiba mu sa ezi cwalo, mu ta shwa. Se, ki sona s'a ni laezi Muñ'a Bupilo.” 36Cwale Aruni ni bana ba hae ba eza lika kamukana z'a n'a ba laezi Muñ'a Bupilo ka Mushe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.