Malivi 24
24
Mukwa wa ku tokomela lilampi
(Mut 27.20-21)
1Muñ'a Bupilo a fa Mushe litaelo. 2Mushe n'a na ni ku laela batu ba Isilaele kuli ba tise mafula a mande a olive, ili mafula a mushobo o munde hahulu a lilampi za mwa Tende ya Kopano, ili kuli ku be ni liseli le li bonahala mwateñi kamita. 3Ka zazi ni zazi manzibwana Aruni u ka na a tukisa lilampi zeo, mi li tuke cwalo ku fitela kakusasana. Li tukele hona fo fapil'a Muñ'a Bupilo, kwand'a lisila le li fapil'a Likwati la Bulikani, le li inzi mwa Sibaka se si Kenile Hahulu. Mulao wo u na ni ku bulukiwa kuya kuile. 4Aruni ki yena ya ta tokomela lilampi ze fa sipahekelo sa gauda ye nde, mi a bone kuli lilampi zeo li n'o tukanga nako kaufela fapil'a Muñ'a Bupilo.
Linkwa ze fiwa Mulimu
5 #
Mut 25.30
U nge bupi bo bu eza likilo ze lishumi ni ze peli, mi u bese linkwa ze lishumi ni ze peli. 6U beye linkwa zeo mwa mibamba ye mibeli. U beye ze silezi mwa mubamba o muñwi ni o muñwi fa tafule ye ezizwe ka gauda ye nde, ili ye fapil'a Muñ'a Bupilo. 7Hape u beye insense ye kenile mwa mubamba o muñwi ni o muñwi kuli i be kupuzo ya limpo za lico ze filwe Muñ'a Bupilo, ili kupuzo ye ta nga sibaka sa linkwa. 8Ka la Pumulo ni Pumulo, nako kaufela, ku swanezi ku beiwanga linkwa fapil'a Muñ'a Bupilo, ili ku taleleza buikalabelo bwa bulikani bwa batu ba Isilaele. 9#Mat 12.4; Mar 2.26; Luk 6.4 Linkwa zeo ki za Aruni ni baikulyaye, mi ba ta li cela mwa sibaka se si tompeha, kakuli ye ki kabelo ye kenile hahulu ya lico ze filwe Muñ'a Bupilo, kuli li be lico za baprisita.
Katulo ye lukile
10Mutu yo muñwi ya pepiwe ki musali wa Muisilaele, mi ndat'ahe ili Muegepita, u kile a ya mwahal'a batu ba Isilaele a y'o ina ni bona mwa mafulo, mi mwateñi a y'o omana ni Muisilaele yo muñwi. 11M'ahe mutu yo n'e li Shelomiti, mwan'a Dibiri, wa lusika lwa Dani. Cwale ha ne ba nze ba omana cwalo, mutu yo a lwaha Mulimu. Kiha ba mu isa ku Mushe. 12Yena a mu beya mwa mazoho a balibeleli ku fitela Muñ'a Bupilo a ta ba bulelela se ba lukela ku si eza ku yena.
13Cwale Muñ'a Bupilo a li ku Mushe, 14“U zwiseze mutu yo kwand'a mafulo. Mutu kamukana ya mu utwile h'a lwaha a beye mazoho a hae fahalimw'a toho ya mutu yo ili ku paka kuli u mulatu, mi kihona batu kaufela ba ta mu pobaula ka macwe. 15Cwale u bulelele batu ba Isilaele kuli mutu kaufela ya lwaha Muñ'a Bupilo u ta lwala bukiti bwa sibi sa hae. 16U ta bulaiwa. Muisilaele kaufela, kamba mulicaba kamukana ya pila mwa Isilaele, ya lwaha Muñ'a Bupilo, u ta pobaulwa ka macwe ki sicaba kaufela.
17 #
Mut 21.12
“Mutu kamukana ya bulaya yo muñwi u ta bulaiwa. 18Mañi ni mañi ya bulaya folofolo ya yo muñwi u swanezi ku mu lifela i sili. Mulao ki bupilo ka bupilo.
19“Haiba mutu a holofaza yo muñwi, ni yena u ta holofazwa cwalo. 20#Mut 21.23-25; Mul 19.21; Mat 5.38 Haiba a mu loba lisapo, ni yena u ta lobwa lisapo. Haiba a mu punya liito, ni yena u ta punyiwa liito. Haiba a mu loba liino, ni yena u ta lobwa liino. Kolofalo kaufela y'a ta eza ku yo muñwi ni yena u ta eziwa cwalo. 21Mañi ni mañi ya ta bulaya folofolo u ta i lifa, kono ya bulaya mutu u ta bulaiwa ni yena. 22#Lipa 15.16 Mulao wo wa mi ama kaufela, mina Maisilaele hamoho ni balicaba ba ba pila mwahal'a mina, kakuli na, Muñ'a Bupilo, ki na Muñ'a Bupilo, Mulimu wa mina.”
23Cwale Mushe a bulelela batu ba Isilaele ku isa mutu yo kwand'a mafulo, mi ba y'o mu pobaula ka macwe. Ka ku eza cwalo batu ba Isilaele ba ezize s'a n'a laezwi Mushe ki Muñ'a Bupilo.
Currently Selected:
Malivi 24: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Malivi 24
24
Mukwa wa ku tokomela lilampi
(Mut 27.20-21)
1Muñ'a Bupilo a fa Mushe litaelo. 2Mushe n'a na ni ku laela batu ba Isilaele kuli ba tise mafula a mande a olive, ili mafula a mushobo o munde hahulu a lilampi za mwa Tende ya Kopano, ili kuli ku be ni liseli le li bonahala mwateñi kamita. 3Ka zazi ni zazi manzibwana Aruni u ka na a tukisa lilampi zeo, mi li tuke cwalo ku fitela kakusasana. Li tukele hona fo fapil'a Muñ'a Bupilo, kwand'a lisila le li fapil'a Likwati la Bulikani, le li inzi mwa Sibaka se si Kenile Hahulu. Mulao wo u na ni ku bulukiwa kuya kuile. 4Aruni ki yena ya ta tokomela lilampi ze fa sipahekelo sa gauda ye nde, mi a bone kuli lilampi zeo li n'o tukanga nako kaufela fapil'a Muñ'a Bupilo.
Linkwa ze fiwa Mulimu
5 #
Mut 25.30
U nge bupi bo bu eza likilo ze lishumi ni ze peli, mi u bese linkwa ze lishumi ni ze peli. 6U beye linkwa zeo mwa mibamba ye mibeli. U beye ze silezi mwa mubamba o muñwi ni o muñwi fa tafule ye ezizwe ka gauda ye nde, ili ye fapil'a Muñ'a Bupilo. 7Hape u beye insense ye kenile mwa mubamba o muñwi ni o muñwi kuli i be kupuzo ya limpo za lico ze filwe Muñ'a Bupilo, ili kupuzo ye ta nga sibaka sa linkwa. 8Ka la Pumulo ni Pumulo, nako kaufela, ku swanezi ku beiwanga linkwa fapil'a Muñ'a Bupilo, ili ku taleleza buikalabelo bwa bulikani bwa batu ba Isilaele. 9#Mat 12.4; Mar 2.26; Luk 6.4 Linkwa zeo ki za Aruni ni baikulyaye, mi ba ta li cela mwa sibaka se si tompeha, kakuli ye ki kabelo ye kenile hahulu ya lico ze filwe Muñ'a Bupilo, kuli li be lico za baprisita.
Katulo ye lukile
10Mutu yo muñwi ya pepiwe ki musali wa Muisilaele, mi ndat'ahe ili Muegepita, u kile a ya mwahal'a batu ba Isilaele a y'o ina ni bona mwa mafulo, mi mwateñi a y'o omana ni Muisilaele yo muñwi. 11M'ahe mutu yo n'e li Shelomiti, mwan'a Dibiri, wa lusika lwa Dani. Cwale ha ne ba nze ba omana cwalo, mutu yo a lwaha Mulimu. Kiha ba mu isa ku Mushe. 12Yena a mu beya mwa mazoho a balibeleli ku fitela Muñ'a Bupilo a ta ba bulelela se ba lukela ku si eza ku yena.
13Cwale Muñ'a Bupilo a li ku Mushe, 14“U zwiseze mutu yo kwand'a mafulo. Mutu kamukana ya mu utwile h'a lwaha a beye mazoho a hae fahalimw'a toho ya mutu yo ili ku paka kuli u mulatu, mi kihona batu kaufela ba ta mu pobaula ka macwe. 15Cwale u bulelele batu ba Isilaele kuli mutu kaufela ya lwaha Muñ'a Bupilo u ta lwala bukiti bwa sibi sa hae. 16U ta bulaiwa. Muisilaele kaufela, kamba mulicaba kamukana ya pila mwa Isilaele, ya lwaha Muñ'a Bupilo, u ta pobaulwa ka macwe ki sicaba kaufela.
17 #
Mut 21.12
“Mutu kamukana ya bulaya yo muñwi u ta bulaiwa. 18Mañi ni mañi ya bulaya folofolo ya yo muñwi u swanezi ku mu lifela i sili. Mulao ki bupilo ka bupilo.
19“Haiba mutu a holofaza yo muñwi, ni yena u ta holofazwa cwalo. 20#Mut 21.23-25; Mul 19.21; Mat 5.38 Haiba a mu loba lisapo, ni yena u ta lobwa lisapo. Haiba a mu punya liito, ni yena u ta punyiwa liito. Haiba a mu loba liino, ni yena u ta lobwa liino. Kolofalo kaufela y'a ta eza ku yo muñwi ni yena u ta eziwa cwalo. 21Mañi ni mañi ya ta bulaya folofolo u ta i lifa, kono ya bulaya mutu u ta bulaiwa ni yena. 22#Lipa 15.16 Mulao wo wa mi ama kaufela, mina Maisilaele hamoho ni balicaba ba ba pila mwahal'a mina, kakuli na, Muñ'a Bupilo, ki na Muñ'a Bupilo, Mulimu wa mina.”
23Cwale Mushe a bulelela batu ba Isilaele ku isa mutu yo kwand'a mafulo, mi ba y'o mu pobaula ka macwe. Ka ku eza cwalo batu ba Isilaele ba ezize s'a n'a laezwi Mushe ki Muñ'a Bupilo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.