Malivi 11
11
Lifolofolo ze swanelwa ku ciwa
(Mul 14.3-21)
1Muñ'a Bupilo a fa Mushe ni Aruni milao ye ñwi. 2Mi ne ba na ni ku i fitisa kwa bana ba Isilaele. 3Ba li, “Mu ka na mwa ca folofolo ifi ni ifi ya mwa naheñi, ye na ni litaku ze abani mi ili ye busulusa muswañi. 4Kono ku na ni ze ñwi ze na ni litaku ze kauhani feela kapa ze busulusa muswañi feela. Mu si ke mwa li ca. Likamele li busulusa muswañi kono ha li na litaku ze kauhani. Ha li si ka kena. 5Tupifo tu busulusa muswañi kono ha tu na litaku ze kauhahi. Ha tu si ka kena. 6Tushakame tu busulusa muswañi kono ha tu na litaku ze kauhani. Ha tu si ka kena. 7Mu si ke mwa ca likulube. Li swanezi ku ngiwa feela kuli ha li si ka kena. Li na ni litaku ze kauhani kono ha li busulusi muswañi. 8Zona lifolofolo ze, mu si ke mwa li ca kamba ku swala nama ya zona. Ha li si ka kena.
9“Mu ka na mwa ca mufuta wa litapi kaufela ze na ni mayayu ni mazwele. 10Kono sika kamukana se si pila mwa mezi, mi si si na mazwele ni mayayu, si si ke sa ciwa. 11Li swanezi ku ngiwa kuli ha li si ka kena. Mu si ke mwa li ca, kamba mane ku li swala ha li shwile. 12Mu si ke mwa ca sika sifi ni sifi se si pila mwa mezi, mi si si na mazwele ni mayayu.
13“Mu si ke mwa ca ye ñwi ya linyunywani ze, ze tatama: limbande, liñwanyi, linonga, 14masikita, limbungu, bo mankoli, 15mañwalala kaufela ka mifuta ya zona, 16lifi, limpye, limbundamusheke, 17lingwemba, bo sambamba, tuñumbi, 18manoñu, maya, tuñoti, 19mikwela, litolo, tukuluñuñu kamba bo sikampafwa.
20“Likokwani ze na ni mafufa kaufela ha li si ka kena. 21Kono mu ce feela ze na ni mahutu a na ni malukululelo kuli li kone ku tula. 22Mu ka na mwa ca nzie, lisende ni limpasu. 23Kono lika ze ñwi kaufela ze nyinyani ze na ni mafufa, mi hape li zamaya ka mba, ha li si ka kena.
24“Mutu kaufela ya ta swala lifolofolo ze shwile ze, u ta ba ya si ka kena ku fitela manzibwana. 25Mi mutu kamukana ya ta li lwala u lukela ku tapisa liapalo za hae, kono nihakulicwalo u ta ba ya si ka kena ku fitela manzibwana. 26Lifolofolo kaufela ze na ni litaku ha li si ka kena, haisi feela ze na ni litaku ze abani, ni ku busulusa muswañi. 27Haili ze na ni mahutu a mane kono li nze li na ni singandi, zona ha li si ka kena. 28Mi mutu kamukana ya ta lwala litupu za zona u lukela ku tapisa liapalo za hae, kono nihakulicwalo u ta ba ya si ka kena ku fitela manzibwana.
29“Kwa tubatana ni likokwani ze zamaya ka mba mu talime ze tatama kuli ha li si ka kena: lingeti, lipeba, mayumbi ni mikolozwani, 30liku, litatu, liombela, lihopani, ni maongolo. 31Ya ka li swala kaufela ha li shwile, u ta ba ya si ka kena ku fitela manzibwana. 32Mi haiba ze shwile li wela fa sika sifi ni sifi, sika seo si ta ba se si si ka kena. Ze, li amana ni sibyana kaufela, sa kota, lisila, litalo kamba saka. Niha si ka itusiswa ka mukwa ufi ni ufi si ta ba se si si ka kena. Sibyana seo si ta ombekwa mwa mezi, kono ha si na ku kena ku fitela manzibwana. 33Mi haiba tubatana to, tu wela mwa piza ya lizupa, lika kaufela ze mwateñi li ta ba ze si ka kena, mi mu swanezi ku tuba piza yeo. 34Sico kamukana se ne si ka kona ku ciwa ka swanelo, kono sa lotelwa ki mezi a zwa mwa piza yeo, ha si si ka kena. Mi se si nwiwa kaufela mwa piza yeo ha si si ka kena. 35Sika kaufela se si wezwi ki tona, ha si si ka kena. I ta ba libesezo kamba sitofu, li ta tubiwa. 36Kono liwelu-welu kapa siliba, zona, li ta ba ze kenile cwalo, nihaike mutu kamukana ya sweli litupu za ze wezi mwateñi h'a si ka kena yena. 37Haiba ye ñwi ya zona i wela fa peu ye n'e swanela ku y'o calwa, peu yeo i ta ba ye kenile cwalo. 38Kono haiba peu i ombekilwe mwa mezi, mi ya welwa ki ye ñwi ya zona, peu yeo i ta ba ye si ka kena.
39“Haiba folofolo ye lukela ku itusiswa kwa lico i shwa, ya i swala kaufela u ta ba ya si ka kena ku fitela manzibwana. 40Haiba mutu ufi ni ufi a ca nama ya yona, u lukela ku tapisa liapalo za hae, kono u ta ba ya si ka kena ku fitela manzibwana. Ya lwala nama ya folofolo ye ishwezi u lukela ku tapisa liapalo za hae, kono u ta ba ya si ka kena ku fitela manzibwana.
41“Mu si ke mwa ca ye ñwi ya lifolofolo ze nyinyani ze zamaya fafasi. 42Mu si ke mwa ca ni lihahabi, kapa ku zamaya ka mahutu a mane kamba ze na ni mahutu a mañata. 43Mu si ke mwa isilafaza ka ku ca ye ñwi ya zona. 44#Malivi 19.2; 1 Pit 1.16 Ki na Muñ'a Bupilo, Mulimu wa mina, mi mu swanezi ku ipuluka mu kenile kakuli na, ni kenile. 45Ki na Muñ'a Bupilo ya mi zwisize mwa naha ya Egepita kuli ni be Mulimu wa mina. Mu swanezi ku kena, kakuli na, ni kenile.”
46Cwale wo, ki ona mulao ka za lifolofolo, linyunywani ni lika kaufela ze pila mwa mezi kapa ze zamaya fafasi. 47Mu swanezi ku tokomela hahulu ku aluhanya hande lika ze kenile, ni ze si ka kena, mwahal'a lifolofolo ze ciwa ni ze sa ciwi.
Currently Selected:
Malivi 11: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Malivi 11
11
Lifolofolo ze swanelwa ku ciwa
(Mul 14.3-21)
1Muñ'a Bupilo a fa Mushe ni Aruni milao ye ñwi. 2Mi ne ba na ni ku i fitisa kwa bana ba Isilaele. 3Ba li, “Mu ka na mwa ca folofolo ifi ni ifi ya mwa naheñi, ye na ni litaku ze abani mi ili ye busulusa muswañi. 4Kono ku na ni ze ñwi ze na ni litaku ze kauhani feela kapa ze busulusa muswañi feela. Mu si ke mwa li ca. Likamele li busulusa muswañi kono ha li na litaku ze kauhani. Ha li si ka kena. 5Tupifo tu busulusa muswañi kono ha tu na litaku ze kauhahi. Ha tu si ka kena. 6Tushakame tu busulusa muswañi kono ha tu na litaku ze kauhani. Ha tu si ka kena. 7Mu si ke mwa ca likulube. Li swanezi ku ngiwa feela kuli ha li si ka kena. Li na ni litaku ze kauhani kono ha li busulusi muswañi. 8Zona lifolofolo ze, mu si ke mwa li ca kamba ku swala nama ya zona. Ha li si ka kena.
9“Mu ka na mwa ca mufuta wa litapi kaufela ze na ni mayayu ni mazwele. 10Kono sika kamukana se si pila mwa mezi, mi si si na mazwele ni mayayu, si si ke sa ciwa. 11Li swanezi ku ngiwa kuli ha li si ka kena. Mu si ke mwa li ca, kamba mane ku li swala ha li shwile. 12Mu si ke mwa ca sika sifi ni sifi se si pila mwa mezi, mi si si na mazwele ni mayayu.
13“Mu si ke mwa ca ye ñwi ya linyunywani ze, ze tatama: limbande, liñwanyi, linonga, 14masikita, limbungu, bo mankoli, 15mañwalala kaufela ka mifuta ya zona, 16lifi, limpye, limbundamusheke, 17lingwemba, bo sambamba, tuñumbi, 18manoñu, maya, tuñoti, 19mikwela, litolo, tukuluñuñu kamba bo sikampafwa.
20“Likokwani ze na ni mafufa kaufela ha li si ka kena. 21Kono mu ce feela ze na ni mahutu a na ni malukululelo kuli li kone ku tula. 22Mu ka na mwa ca nzie, lisende ni limpasu. 23Kono lika ze ñwi kaufela ze nyinyani ze na ni mafufa, mi hape li zamaya ka mba, ha li si ka kena.
24“Mutu kaufela ya ta swala lifolofolo ze shwile ze, u ta ba ya si ka kena ku fitela manzibwana. 25Mi mutu kamukana ya ta li lwala u lukela ku tapisa liapalo za hae, kono nihakulicwalo u ta ba ya si ka kena ku fitela manzibwana. 26Lifolofolo kaufela ze na ni litaku ha li si ka kena, haisi feela ze na ni litaku ze abani, ni ku busulusa muswañi. 27Haili ze na ni mahutu a mane kono li nze li na ni singandi, zona ha li si ka kena. 28Mi mutu kamukana ya ta lwala litupu za zona u lukela ku tapisa liapalo za hae, kono nihakulicwalo u ta ba ya si ka kena ku fitela manzibwana.
29“Kwa tubatana ni likokwani ze zamaya ka mba mu talime ze tatama kuli ha li si ka kena: lingeti, lipeba, mayumbi ni mikolozwani, 30liku, litatu, liombela, lihopani, ni maongolo. 31Ya ka li swala kaufela ha li shwile, u ta ba ya si ka kena ku fitela manzibwana. 32Mi haiba ze shwile li wela fa sika sifi ni sifi, sika seo si ta ba se si si ka kena. Ze, li amana ni sibyana kaufela, sa kota, lisila, litalo kamba saka. Niha si ka itusiswa ka mukwa ufi ni ufi si ta ba se si si ka kena. Sibyana seo si ta ombekwa mwa mezi, kono ha si na ku kena ku fitela manzibwana. 33Mi haiba tubatana to, tu wela mwa piza ya lizupa, lika kaufela ze mwateñi li ta ba ze si ka kena, mi mu swanezi ku tuba piza yeo. 34Sico kamukana se ne si ka kona ku ciwa ka swanelo, kono sa lotelwa ki mezi a zwa mwa piza yeo, ha si si ka kena. Mi se si nwiwa kaufela mwa piza yeo ha si si ka kena. 35Sika kaufela se si wezwi ki tona, ha si si ka kena. I ta ba libesezo kamba sitofu, li ta tubiwa. 36Kono liwelu-welu kapa siliba, zona, li ta ba ze kenile cwalo, nihaike mutu kamukana ya sweli litupu za ze wezi mwateñi h'a si ka kena yena. 37Haiba ye ñwi ya zona i wela fa peu ye n'e swanela ku y'o calwa, peu yeo i ta ba ye kenile cwalo. 38Kono haiba peu i ombekilwe mwa mezi, mi ya welwa ki ye ñwi ya zona, peu yeo i ta ba ye si ka kena.
39“Haiba folofolo ye lukela ku itusiswa kwa lico i shwa, ya i swala kaufela u ta ba ya si ka kena ku fitela manzibwana. 40Haiba mutu ufi ni ufi a ca nama ya yona, u lukela ku tapisa liapalo za hae, kono u ta ba ya si ka kena ku fitela manzibwana. Ya lwala nama ya folofolo ye ishwezi u lukela ku tapisa liapalo za hae, kono u ta ba ya si ka kena ku fitela manzibwana.
41“Mu si ke mwa ca ye ñwi ya lifolofolo ze nyinyani ze zamaya fafasi. 42Mu si ke mwa ca ni lihahabi, kapa ku zamaya ka mahutu a mane kamba ze na ni mahutu a mañata. 43Mu si ke mwa isilafaza ka ku ca ye ñwi ya zona. 44#Malivi 19.2; 1 Pit 1.16 Ki na Muñ'a Bupilo, Mulimu wa mina, mi mu swanezi ku ipuluka mu kenile kakuli na, ni kenile. 45Ki na Muñ'a Bupilo ya mi zwisize mwa naha ya Egepita kuli ni be Mulimu wa mina. Mu swanezi ku kena, kakuli na, ni kenile.”
46Cwale wo, ki ona mulao ka za lifolofolo, linyunywani ni lika kaufela ze pila mwa mezi kapa ze zamaya fafasi. 47Mu swanezi ku tokomela hahulu ku aluhanya hande lika ze kenile, ni ze si ka kena, mwahal'a lifolofolo ze ciwa ni ze sa ciwi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.