Mututo 26
26
Tabelenakele mw'a ina Mulimu
(Mut 36.8-38)
1“U ta eza Tabelenakele, mw'a ta ina Mulimu, ka masila a litende a line ye nde, ye otilwe, ni ka bwanda bwa boya bwa ngu bo butala, bo bupuzwa ni bo bufubelu. Fa masila ao, u luke ka bukwala maswaniso a likerubimi. 2Lisila le liñwi ni le liñwi li swanezi ku ba mapeka a lishumi ka a mane mwa butelele ni mapeka a mabeli mwa bupala, a likanelele kaufel'a ona. 3Ku ngunganyiwange a ketalizoho ka a ketalizoho. 4Ku eziwe lipiki fande, ka lisila le litala, kwa mafelelezo a masila a ngungahanyizwe kamukana. 5U eze lipiki ze mashumi a ketalizoho kwa lisila la pili, ni lipiki ze mashumi a ketalizoho kwa mungundo wa lisila le li tatama. Li talimane ni lipiki ze ku le liñwi. 6U eze liñomeliso za gauda ze mashumi a ketalizoho, ze kopami sina tushuto, ze ta kopanya masila ao, kuli Tabelenakele i be nto i liñwi cwalo.
7“U ta eza masila a lishumi ka li li liñwi ka boya bwa lipuli, ku eza tende ye ka kwahela Tabelenakele. 8Le liñwi ni le liñwi li be la mapeka a lishumi ka a ketalizoho mwa butelele ni a mabeli mwa bupala, a likanelele kaufel'a ona. 9U ta ngunganya a ketalizoho ku a eza li li liñwi, mi a silezi a siyezi a kopanyiwe ni ona ku eza le liñwi. U ta puta la busilela, li tatahanele fahalimw'a munyako wa Tabelenakele. 10U beye lipiki ze mashumi a ketalizoho kwa mafelelezo a lisila le liñwi ni le liñwi l'a ngungekilwe. 11U eze liñomeliso za kopa ze mashumi a ketalizoho, ze kopami sina tushuto, mi u li kenye mwa lipiki mo, ku kopanya masila a mabeli ao ku eza tende i liñwi. 12Kalulo ye ñwi ya lisila le li lepelela kwa tende li ta lepelela kwamulaho a Tabelenakele. 13Mi kalulo ya lipeka ye siyezi kafa ni kafa mwa butelele kwa tende i ta lepelela cwalo mwa matuko ku kwahela Tabelenakele.
14“U ta kwahela tende pili ka matalo a lipoho za lingu a' pendilwe bufubelu, kihona u ta apesa ao ka matalo a mande fahalimu.
15“U ta eza mabala a Tabelenakele ka likota za akeshya. 16Butelele bwa mabala ao i be bwa mapeka a ketalizoho, ni bupala bo bu fitelela licika la lipeka. 17Ku eziwe mishengela ye mibeli ye ta ngunganya mabala hamoho. U ta eza mabala kaufela a Tabelenakele cwalo. 18Ha u lukisa mabala, u beye a mashumi a mabeli kwa neku la mboela. 19U eze matomelo a mashumi a mane a silivela a ka swala mishengela ye mibeli ya libala le liñwi ni le liñwi. 20Ni kwa mutulo wa Tabelenakele, u eze mabala a mashumi a mabeli. 21U eze ni matomelo a mashumi a mane a silivela, a mabeli kwa libala li li liñwi. 22Kwa mulaho a Tabelenakele, kwa wiko, u eze mabala a silezi. 23U eze ni mabala a mabeli a mwa malulu a mabeli a kwamulaho. 24Mabala a mwa malulu a ta kopanyiwa kwatasi, mane a swalane cwalo ku y'o fita kwahalimu, ka liseka la pili. Mabala a mabeli a eza malulu a mabeli a ta eziwa ka mukwa wo. 25Cwale ku ta ba ni mabala a supile ka li li liñwi a na ni matomelo a lishumi ka a silezi a silivela, a mabeli kwatas'a libala le liñwi ni le liñwi.
26“U eze mabalelo a ketalizoho a kota ya akeshya, a ku beya kwa mabala a neku le liñwi ni le liñwi la Tabelenakele. 27Mi hape u eze a ketalizoho a ku beya fa mabala a kwa wiko, kwamulaho. 28Lubalelo lwa fahali, lu ta fitelela ku zwa kwa makalelo ku y'o fita kwa mafelelezo. 29Mabala a kwahelwe ka gauda, mi a beiwe lioka za gauda ze ka swala mabalelo. Hape, ni ona mabalelo a apeswe ka gauda. 30Cwale u ta yaha Tabelenakele ka ona mukwa o n'o bonisizwe fa lilundu.
31“U ta eza lisila la ku sileleza ka bwanda bwa boya bwa ngu, bo butala, bo bupuzwa ni bo bufubelu ni ka line ye nde ye otilwe. Fa lisila leo u luke ka bukwala maswaniso a likerubimi. 32U li paheke fa mitiyo ye mine ya kota ya akeshya ye kwahezwi ka gauda, ye beilwe liñomeliso za gauda, mi ye tomile fa matomelo a mane a silivela. 33#Maheb 6.19; 9.3-5 U paheke lisila kwa liñomeliso, mi u beye likwati le li na ni matapa a kupuzo kwabuse bwa lisila. Lisila li ta kauhanya Sibaka se si Kenile ni Sibaka se si Kenile Hahulu. 34U beye sikwahelo fa likwati mwa Sibaka se si Kenile Hahulu. 35Tafule yona u i beye kwand'a lisila. U beye sipahekelo sa lilampi kwa mboela wa Tabelenakele, i talimane ni tafule ye kwa mutulo.
36“Kwa munyako wa tende u beye lisila le li kabisizwe, l'o ta eza ka bwanda bwa boya bwa ngu bo butala, bo bupuzwa ni bo bufubelu ni ka line ye nde ye otilwe. 37U ezeze lisila leo mitiyo ye ketalizoho ya likota za akeshya, ye kabisizwe ka gauda, mi ye beilwe liñomeliso za gauda. Misumo yeo u i ezeze matomelo a kopa.
Currently Selected:
Mututo 26: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mututo 26
26
Tabelenakele mw'a ina Mulimu
(Mut 36.8-38)
1“U ta eza Tabelenakele, mw'a ta ina Mulimu, ka masila a litende a line ye nde, ye otilwe, ni ka bwanda bwa boya bwa ngu bo butala, bo bupuzwa ni bo bufubelu. Fa masila ao, u luke ka bukwala maswaniso a likerubimi. 2Lisila le liñwi ni le liñwi li swanezi ku ba mapeka a lishumi ka a mane mwa butelele ni mapeka a mabeli mwa bupala, a likanelele kaufel'a ona. 3Ku ngunganyiwange a ketalizoho ka a ketalizoho. 4Ku eziwe lipiki fande, ka lisila le litala, kwa mafelelezo a masila a ngungahanyizwe kamukana. 5U eze lipiki ze mashumi a ketalizoho kwa lisila la pili, ni lipiki ze mashumi a ketalizoho kwa mungundo wa lisila le li tatama. Li talimane ni lipiki ze ku le liñwi. 6U eze liñomeliso za gauda ze mashumi a ketalizoho, ze kopami sina tushuto, ze ta kopanya masila ao, kuli Tabelenakele i be nto i liñwi cwalo.
7“U ta eza masila a lishumi ka li li liñwi ka boya bwa lipuli, ku eza tende ye ka kwahela Tabelenakele. 8Le liñwi ni le liñwi li be la mapeka a lishumi ka a ketalizoho mwa butelele ni a mabeli mwa bupala, a likanelele kaufel'a ona. 9U ta ngunganya a ketalizoho ku a eza li li liñwi, mi a silezi a siyezi a kopanyiwe ni ona ku eza le liñwi. U ta puta la busilela, li tatahanele fahalimw'a munyako wa Tabelenakele. 10U beye lipiki ze mashumi a ketalizoho kwa mafelelezo a lisila le liñwi ni le liñwi l'a ngungekilwe. 11U eze liñomeliso za kopa ze mashumi a ketalizoho, ze kopami sina tushuto, mi u li kenye mwa lipiki mo, ku kopanya masila a mabeli ao ku eza tende i liñwi. 12Kalulo ye ñwi ya lisila le li lepelela kwa tende li ta lepelela kwamulaho a Tabelenakele. 13Mi kalulo ya lipeka ye siyezi kafa ni kafa mwa butelele kwa tende i ta lepelela cwalo mwa matuko ku kwahela Tabelenakele.
14“U ta kwahela tende pili ka matalo a lipoho za lingu a' pendilwe bufubelu, kihona u ta apesa ao ka matalo a mande fahalimu.
15“U ta eza mabala a Tabelenakele ka likota za akeshya. 16Butelele bwa mabala ao i be bwa mapeka a ketalizoho, ni bupala bo bu fitelela licika la lipeka. 17Ku eziwe mishengela ye mibeli ye ta ngunganya mabala hamoho. U ta eza mabala kaufela a Tabelenakele cwalo. 18Ha u lukisa mabala, u beye a mashumi a mabeli kwa neku la mboela. 19U eze matomelo a mashumi a mane a silivela a ka swala mishengela ye mibeli ya libala le liñwi ni le liñwi. 20Ni kwa mutulo wa Tabelenakele, u eze mabala a mashumi a mabeli. 21U eze ni matomelo a mashumi a mane a silivela, a mabeli kwa libala li li liñwi. 22Kwa mulaho a Tabelenakele, kwa wiko, u eze mabala a silezi. 23U eze ni mabala a mabeli a mwa malulu a mabeli a kwamulaho. 24Mabala a mwa malulu a ta kopanyiwa kwatasi, mane a swalane cwalo ku y'o fita kwahalimu, ka liseka la pili. Mabala a mabeli a eza malulu a mabeli a ta eziwa ka mukwa wo. 25Cwale ku ta ba ni mabala a supile ka li li liñwi a na ni matomelo a lishumi ka a silezi a silivela, a mabeli kwatas'a libala le liñwi ni le liñwi.
26“U eze mabalelo a ketalizoho a kota ya akeshya, a ku beya kwa mabala a neku le liñwi ni le liñwi la Tabelenakele. 27Mi hape u eze a ketalizoho a ku beya fa mabala a kwa wiko, kwamulaho. 28Lubalelo lwa fahali, lu ta fitelela ku zwa kwa makalelo ku y'o fita kwa mafelelezo. 29Mabala a kwahelwe ka gauda, mi a beiwe lioka za gauda ze ka swala mabalelo. Hape, ni ona mabalelo a apeswe ka gauda. 30Cwale u ta yaha Tabelenakele ka ona mukwa o n'o bonisizwe fa lilundu.
31“U ta eza lisila la ku sileleza ka bwanda bwa boya bwa ngu, bo butala, bo bupuzwa ni bo bufubelu ni ka line ye nde ye otilwe. Fa lisila leo u luke ka bukwala maswaniso a likerubimi. 32U li paheke fa mitiyo ye mine ya kota ya akeshya ye kwahezwi ka gauda, ye beilwe liñomeliso za gauda, mi ye tomile fa matomelo a mane a silivela. 33#Maheb 6.19; 9.3-5 U paheke lisila kwa liñomeliso, mi u beye likwati le li na ni matapa a kupuzo kwabuse bwa lisila. Lisila li ta kauhanya Sibaka se si Kenile ni Sibaka se si Kenile Hahulu. 34U beye sikwahelo fa likwati mwa Sibaka se si Kenile Hahulu. 35Tafule yona u i beye kwand'a lisila. U beye sipahekelo sa lilampi kwa mboela wa Tabelenakele, i talimane ni tafule ye kwa mutulo.
36“Kwa munyako wa tende u beye lisila le li kabisizwe, l'o ta eza ka bwanda bwa boya bwa ngu bo butala, bo bupuzwa ni bo bufubelu ni ka line ye nde ye otilwe. 37U ezeze lisila leo mitiyo ye ketalizoho ya likota za akeshya, ye kabisizwe ka gauda, mi ye beilwe liñomeliso za gauda. Misumo yeo u i ezeze matomelo a kopa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.