Mututo 22
22
Milao ka za ku lifelana
1“Haiba mutu a uzwa komu kamba ngu, mi a i bulaya kamba ku i lekisa, u swanezi ku lifiswa likomu li ketalizoho fa komu i liñwi, ni lingu ze ne fa ngu i liñwi. 2U swanezi ku i lifa. H'a si na se siñwi, u ta lekiswa ku lifa s'a uzwize. 3Haiba folofolo y'a uzwize, i ka ba komu, mbongolo, kamba ngu, i fumaneha ku yena i sa pila, u ta lifiswa habeli.
4“Haiba lisholi a swalwa a nz'a kena mwa ndu busihu mi a bulaiwa, ya mu bulaile h'a na mulatu wa bubulai. Kono zeo ha li ka ezahala lizazi ha li se li pazuzi, u ta ba ni mulatu wa bubulai.
5“Haiba mutu a tuhela limunanu za hae li fula mwa simu kamba mwa simu ya veine, mi za punya lukwakwa ku y'o cela mutu, u swanezi ku mu lifa ka lico ze nde z'a hupuzi ku kutula ni miselo ye minde ya mwa simu ya hae ya veine.
6“Haiba mulilo u ca, wa yanduka, mane wa swala kwa bucwañi mi wa cisa lico ze kubukanyizwe, ze sa yemi kamba ze cezwi, yena ya cisize mulilo u swanezi ku lifa lisinyehelo.
7“Haiba mutu a ka bulukisa mali kamba lika ze ñwi za butokwa ku yo muñwi, mi za uzwiwa mwa ndu ya hae, lisholi u ta kutisa habeli teko ya lika z'a uzwize haiba wa fumanwa. 8Haiba lisholi h'a si ka funaneha, muñ'a ndu u ka itatula fapil'a Mulimu ku bonisa kuli h'a si ka nga liluwo la mutu.
9“Mwa muzeko ufi ni ufi bakeñisa liluwo, i ka ba komu, mbongolo, ngu, liapalo, kamba sika sifi ni sifi se si latehile, mi yo muñwi u li ki sa hae, batu bao ba ba zeka mwa bubeli bwa bona ba swanezi ku tiswa fapil'a Mulimu. Ya ka atulwa ki Mulimu kuli u mulatu, u ta lifela yo muñwi habeli.
10“Mutu wa kona ku isa mbongolo, kamba komu, kamba ngu, kamba simunanu sifi ni sifi mafisa ku mutu yo muñwi ku y'o mu liseza, mi sa shwa, kamba ku holofala, kamba ku ngiwa ki mutu ku si na paki. 11Ya n'a tiselizwe simunanu u swanezi ku konka ka libizo la Muñ'a Bupilo kuli h'a na mulatu ka siluwo sa yo muñwi. Haiba ne ku si na busholi, muñ'a sika u lukela ku utwisisa ka za sinyehelo yeo, mi h'a na ku lifiwa se siñwi. 12Kono haiba simunanu seo ne si uzwizwe, muñ'a sona u ta lifelwa ki muñ'a mulaka. 13Haiba ne si bulailwe ki sibatana, u lukela ku tisa silama se si siyezi kuli i be bupaki. H'a na ku lifa se si bulailwe ki sibatana.
14“Haiba mutu a kalima simunanu ku yo muñwi, mi sa holofala kamba ku shwa, muñ'a sona a siyo, ya kalimile u swanezi ku lifa. 15Kono haiba muñi u teñi, mukalimi foo h'a lifi. Haiba ki simunanu se si lifiwa, sinyehelo i lifilwe ki yona tuelo yeo.
Milao ka mikwa ni bulumeli bwa batu
16 #
Mul 22.28-29
“Haiba mutu a ka shemba mwalyanjo ya si ka beelezwa, mane a ba a kopana ni yena, u lukela ku lifiswa lionda, mi a mu nyalelele. 17Kono haiba ndat'ahe musizana a hana kuli a mu nyale, u swanezi ku lifiswa mali a likana ni lionda za mwalyanjo.
18 #
Mul 18.10,11 “U si ke wa lumelela musali wa muloi kuli a pile.
19 #
Malivi 18.23; 20.15-16; Mul 27.21 “Mutu kaufela ya ka lobala ni folofolo u swanezi ku bulaiwa.
20 #
Mul 17.2-7
“Mutu ya ka ezeza mulimu ufi kamba ufi litabelo, kwand'a Muñ'a Bupilo feela a nosi, u ta atulelwa lifu.
21 #
Mut 23.9; Malivi 19.33-34; Mul 24.17-18; 27.19 “U si ke wa nyandisa kamba ku hatelela muzwahule, kakuli ne mu li bazwahule ni mina mwa naha ya Egepita. 22Mu si ke mwa nyandisa mbelwa kamba ndiala. 23Haiba mu ba nyandisa, ni ta ba alaba ha ba ka ni kupa tuso. 24Ni ta mi nyemela hahulu, ni mi bulaye mwa ndwa. Basali ba mina ba ta ba limbelwa, mi bana ba mina ba be lindiala.
25 #
Malivi 25.35-38; Mul 15.7-11; 23.19-20 “Haiba u kalima yo muñwi wa batu ba ka mali, kamba mutu ufi ni ufi ya li mubotana mwahal'a mina, u si ke wa eza inge mukolotisi wa mali ya bata fateñi ñambeko. 26#Mul 24.10-13 Haiba u ka nga kubo ya yo muñwi kuli i be swalelele, u mu kutiseze yona lizazi li si ka likela kale. 27Ki yona feela kubo y'a na ni yona, cwale u ta apala sika mañi? Ya cwalo h'a ka ni kupa tuso, ni ta mu alaba, kakuli na, ni na ni makeke.
28 #
Lik 23.5
“U si ke wa bulela se si maswe ka Mulimu, mi u si ke wa kuta mueteleli wa sicaba sa henu.
29“U si ke wa hana ku ni fa limpo kwa lico za hao, ili mabele, waine ni oli ya hao cwalo.
“U ta ni fa mweli kwa bana ba hao ba bashimani. 30Mi u ta ni fa cwalo ni maizibulo a likomu ni lingu za hao. A ta ina ni bo m'a ona mazazi a supile, mi ka la busupa ni li li liñwi u ta ni fa ona.
31 #
Malivi 17.15
“Mu ta ba batu ba ba ipeile ku na. Ha mu na ku ca nama ya folofolo ye bulaezwi ki libatana mwa naheñi. Mu ta i fa linja.
Currently Selected:
Mututo 22: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mututo 22
22
Milao ka za ku lifelana
1“Haiba mutu a uzwa komu kamba ngu, mi a i bulaya kamba ku i lekisa, u swanezi ku lifiswa likomu li ketalizoho fa komu i liñwi, ni lingu ze ne fa ngu i liñwi. 2U swanezi ku i lifa. H'a si na se siñwi, u ta lekiswa ku lifa s'a uzwize. 3Haiba folofolo y'a uzwize, i ka ba komu, mbongolo, kamba ngu, i fumaneha ku yena i sa pila, u ta lifiswa habeli.
4“Haiba lisholi a swalwa a nz'a kena mwa ndu busihu mi a bulaiwa, ya mu bulaile h'a na mulatu wa bubulai. Kono zeo ha li ka ezahala lizazi ha li se li pazuzi, u ta ba ni mulatu wa bubulai.
5“Haiba mutu a tuhela limunanu za hae li fula mwa simu kamba mwa simu ya veine, mi za punya lukwakwa ku y'o cela mutu, u swanezi ku mu lifa ka lico ze nde z'a hupuzi ku kutula ni miselo ye minde ya mwa simu ya hae ya veine.
6“Haiba mulilo u ca, wa yanduka, mane wa swala kwa bucwañi mi wa cisa lico ze kubukanyizwe, ze sa yemi kamba ze cezwi, yena ya cisize mulilo u swanezi ku lifa lisinyehelo.
7“Haiba mutu a ka bulukisa mali kamba lika ze ñwi za butokwa ku yo muñwi, mi za uzwiwa mwa ndu ya hae, lisholi u ta kutisa habeli teko ya lika z'a uzwize haiba wa fumanwa. 8Haiba lisholi h'a si ka funaneha, muñ'a ndu u ka itatula fapil'a Mulimu ku bonisa kuli h'a si ka nga liluwo la mutu.
9“Mwa muzeko ufi ni ufi bakeñisa liluwo, i ka ba komu, mbongolo, ngu, liapalo, kamba sika sifi ni sifi se si latehile, mi yo muñwi u li ki sa hae, batu bao ba ba zeka mwa bubeli bwa bona ba swanezi ku tiswa fapil'a Mulimu. Ya ka atulwa ki Mulimu kuli u mulatu, u ta lifela yo muñwi habeli.
10“Mutu wa kona ku isa mbongolo, kamba komu, kamba ngu, kamba simunanu sifi ni sifi mafisa ku mutu yo muñwi ku y'o mu liseza, mi sa shwa, kamba ku holofala, kamba ku ngiwa ki mutu ku si na paki. 11Ya n'a tiselizwe simunanu u swanezi ku konka ka libizo la Muñ'a Bupilo kuli h'a na mulatu ka siluwo sa yo muñwi. Haiba ne ku si na busholi, muñ'a sika u lukela ku utwisisa ka za sinyehelo yeo, mi h'a na ku lifiwa se siñwi. 12Kono haiba simunanu seo ne si uzwizwe, muñ'a sona u ta lifelwa ki muñ'a mulaka. 13Haiba ne si bulailwe ki sibatana, u lukela ku tisa silama se si siyezi kuli i be bupaki. H'a na ku lifa se si bulailwe ki sibatana.
14“Haiba mutu a kalima simunanu ku yo muñwi, mi sa holofala kamba ku shwa, muñ'a sona a siyo, ya kalimile u swanezi ku lifa. 15Kono haiba muñi u teñi, mukalimi foo h'a lifi. Haiba ki simunanu se si lifiwa, sinyehelo i lifilwe ki yona tuelo yeo.
Milao ka mikwa ni bulumeli bwa batu
16 #
Mul 22.28-29
“Haiba mutu a ka shemba mwalyanjo ya si ka beelezwa, mane a ba a kopana ni yena, u lukela ku lifiswa lionda, mi a mu nyalelele. 17Kono haiba ndat'ahe musizana a hana kuli a mu nyale, u swanezi ku lifiswa mali a likana ni lionda za mwalyanjo.
18 #
Mul 18.10,11 “U si ke wa lumelela musali wa muloi kuli a pile.
19 #
Malivi 18.23; 20.15-16; Mul 27.21 “Mutu kaufela ya ka lobala ni folofolo u swanezi ku bulaiwa.
20 #
Mul 17.2-7
“Mutu ya ka ezeza mulimu ufi kamba ufi litabelo, kwand'a Muñ'a Bupilo feela a nosi, u ta atulelwa lifu.
21 #
Mut 23.9; Malivi 19.33-34; Mul 24.17-18; 27.19 “U si ke wa nyandisa kamba ku hatelela muzwahule, kakuli ne mu li bazwahule ni mina mwa naha ya Egepita. 22Mu si ke mwa nyandisa mbelwa kamba ndiala. 23Haiba mu ba nyandisa, ni ta ba alaba ha ba ka ni kupa tuso. 24Ni ta mi nyemela hahulu, ni mi bulaye mwa ndwa. Basali ba mina ba ta ba limbelwa, mi bana ba mina ba be lindiala.
25 #
Malivi 25.35-38; Mul 15.7-11; 23.19-20 “Haiba u kalima yo muñwi wa batu ba ka mali, kamba mutu ufi ni ufi ya li mubotana mwahal'a mina, u si ke wa eza inge mukolotisi wa mali ya bata fateñi ñambeko. 26#Mul 24.10-13 Haiba u ka nga kubo ya yo muñwi kuli i be swalelele, u mu kutiseze yona lizazi li si ka likela kale. 27Ki yona feela kubo y'a na ni yona, cwale u ta apala sika mañi? Ya cwalo h'a ka ni kupa tuso, ni ta mu alaba, kakuli na, ni na ni makeke.
28 #
Lik 23.5
“U si ke wa bulela se si maswe ka Mulimu, mi u si ke wa kuta mueteleli wa sicaba sa henu.
29“U si ke wa hana ku ni fa limpo kwa lico za hao, ili mabele, waine ni oli ya hao cwalo.
“U ta ni fa mweli kwa bana ba hao ba bashimani. 30Mi u ta ni fa cwalo ni maizibulo a likomu ni lingu za hao. A ta ina ni bo m'a ona mazazi a supile, mi ka la busupa ni li li liñwi u ta ni fa ona.
31 #
Malivi 17.15
“Mu ta ba batu ba ba ipeile ku na. Ha mu na ku ca nama ya folofolo ye bulaezwi ki libatana mwa naheñi. Mu ta i fa linja.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.