Baefese 2
2
Mutu u piliswa ka sishemo
1 #
Bakol 2.13
Pili ne mu shwile kwa neku la moya kabakala milatu ni libi za mina. 2Ka yona nako yani, ne mu latelela mikwa ye maswe ya lifasi. Ne mu lumelelana ni mubusi wa mioya ye maata ye mwa mbyumbyulu, ili ona moya o' zamaisa ka nako ye batu ba ba hanyeza Mulimu. 3Hande-nde, kaufel'a luna ne lu swana sina bona, mi ne lu zamaiswa ki litakazo za luna, lu nze lu eza ze ne lakazwa ki mibili ni minahano ya luna. Sina mañi ni mañi, ni luna ne lu lukela ku halifelwa ki Mulimu.
4Ha si butuna bwa sishemo sa Mulimu! Mi lilato la hae ku luna ki le lituna cwañi! 5U lu pulusize ka Kreste niha ne lu shwile ka ku sa utwa kwa luna. Ki ka sishemo sa Mulimu ha mu pulusizwe. 6Mwa kopano ye lu na ni yona ni Jesu Kreste, Mulimu u lu zusize ni yena kuli lu buse hamoho mwa libaka ze kwa lihalimu. 7U ezize cwalo ku bonisa kamita, mwa linako ze taha, butuna bwa sishemo sa hae, sishemo se si bonahala mwa lilato l'a lu latile ka lona ka Jesu Kreste. 8Kakuli ki ka sishemo sa Mulimu, ha mu pulusizwe ka tumelo. Ku puluswa ko, ha ku zwi ku mina. Ki mpo ya Mulimu. 9Ha siyo se mu ka ikuhumusa ka sona, kakuli ha ku zwi fa ku ikataza kwa mina. 10Mulimu ki yena ya lu bupile. Mwa kopano ye lu na ni yona ni Jesu Kreste, u lu bupezi bupilo bo bu tezi misebezi ye minde, ili misebezi y'a lu lukiselize yona kale kuli lu i eze.
Buñwi ka Jesu Kreste
11Mina Balicaba, ki niti mu bizwa “ba ba si ka ya kwa mupato” ki Majuda, kanti bona Majuda ba ipiza “ba mupato,” ka ku ya ka sisupo se ba ikeza fa mibili ya bona. Mu n'o hupula mo ne mu inezi pili, mina balicaba ka sipepo. 12Ka nako yani ne mu li kwahule ni Kreste. Ne mu li bazwahule, mi ne mu siyo mwa mutapi wa batu ba ba ketilwe ki Mulimu. Ne mu si na kabelo mwa bulikani bo bu simuluhile fa lisepiso za Mulimu kwa batu ba hae. Ne mu pila mwa lifasi mo, mu si na sepo, mane mu si na Mulimu. 13Kono cwale, ka kopano ye mu na ni yona ni Jesu Kreste, mina ba ba ne ba li kwahule, mu sutelelizwe fakaufi ka lifu la Kreste. 14Kakuli ki yena Kreste kasibili ya lu tiselize kozo, ka ku kopanya Majuda ni Balicaba ku ba eza sicaba si li siñwi. Ka ku fa mubili wa hae, u tubile limota le li ne li ba kauhanya ni ku ba toyanisa. 15#Bakol 2.14 U felisa Mulao wa Sijuda hamoho ni litaelo ni likapelezo za ona, ili ku ikezeza fa mishobo yeo ye mibeli, sicaba si li siñwi, se sinca, a nz'a bupa kozo. 16#Bakol 1.20 Ka lifu la hae, fa sifapahano, Kreste u felisize sitoyo. Ka sifapahano, u kopanyize mishobo ye mibeli ku i eza mushobo u li muñwi feela, mi u i kutiselize ku Mulimu. 17#Isa 57.19 Cwalo, Kreste u til'o luta Litaba ze Nde za kozo kwa batu kaufela, ku mina Balicaba ba ba ne ba li kwahule ni Mulimu, ni kwa Majuda cwalo ba ba ne ba li fakaufi ni yena. 18Ki ka yena Kreste kuli kaufel'a luna, Majuda ni Balicaba, lu kona ku sutelela ku Mulimu ka Moya u li muñwi.
19Hakulicwalo, mina Balicaba ha mu sa li bazwahule, ba ba zwa ku sili. Mu ba munzi u li muñwi ni batu ba Mulimu. Mu ba lusika lwa Mulimu. 20Ni mina cwalo mu yahilwe fa mutomo o tomilwe ki baapositola ni bapolofita, mi licwe la mwa lilulu ki yena Jesu Kreste kasibili. 21Ki yena ya sweli muyaho kaufela, mi ya u fa maata a ku hula, kuli u be Tempele ye kenile ya Mulena. 22Ka ku kopana ni yena, ni mina cwalo mu yahelelwa hamoho ni ba bañwi ku eza ndu mw'a ka pila Mulimu ka Moya wa hae.
Currently Selected:
Baefese 2: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Baefese 2
2
Mutu u piliswa ka sishemo
1 #
Bakol 2.13
Pili ne mu shwile kwa neku la moya kabakala milatu ni libi za mina. 2Ka yona nako yani, ne mu latelela mikwa ye maswe ya lifasi. Ne mu lumelelana ni mubusi wa mioya ye maata ye mwa mbyumbyulu, ili ona moya o' zamaisa ka nako ye batu ba ba hanyeza Mulimu. 3Hande-nde, kaufel'a luna ne lu swana sina bona, mi ne lu zamaiswa ki litakazo za luna, lu nze lu eza ze ne lakazwa ki mibili ni minahano ya luna. Sina mañi ni mañi, ni luna ne lu lukela ku halifelwa ki Mulimu.
4Ha si butuna bwa sishemo sa Mulimu! Mi lilato la hae ku luna ki le lituna cwañi! 5U lu pulusize ka Kreste niha ne lu shwile ka ku sa utwa kwa luna. Ki ka sishemo sa Mulimu ha mu pulusizwe. 6Mwa kopano ye lu na ni yona ni Jesu Kreste, Mulimu u lu zusize ni yena kuli lu buse hamoho mwa libaka ze kwa lihalimu. 7U ezize cwalo ku bonisa kamita, mwa linako ze taha, butuna bwa sishemo sa hae, sishemo se si bonahala mwa lilato l'a lu latile ka lona ka Jesu Kreste. 8Kakuli ki ka sishemo sa Mulimu, ha mu pulusizwe ka tumelo. Ku puluswa ko, ha ku zwi ku mina. Ki mpo ya Mulimu. 9Ha siyo se mu ka ikuhumusa ka sona, kakuli ha ku zwi fa ku ikataza kwa mina. 10Mulimu ki yena ya lu bupile. Mwa kopano ye lu na ni yona ni Jesu Kreste, u lu bupezi bupilo bo bu tezi misebezi ye minde, ili misebezi y'a lu lukiselize yona kale kuli lu i eze.
Buñwi ka Jesu Kreste
11Mina Balicaba, ki niti mu bizwa “ba ba si ka ya kwa mupato” ki Majuda, kanti bona Majuda ba ipiza “ba mupato,” ka ku ya ka sisupo se ba ikeza fa mibili ya bona. Mu n'o hupula mo ne mu inezi pili, mina balicaba ka sipepo. 12Ka nako yani ne mu li kwahule ni Kreste. Ne mu li bazwahule, mi ne mu siyo mwa mutapi wa batu ba ba ketilwe ki Mulimu. Ne mu si na kabelo mwa bulikani bo bu simuluhile fa lisepiso za Mulimu kwa batu ba hae. Ne mu pila mwa lifasi mo, mu si na sepo, mane mu si na Mulimu. 13Kono cwale, ka kopano ye mu na ni yona ni Jesu Kreste, mina ba ba ne ba li kwahule, mu sutelelizwe fakaufi ka lifu la Kreste. 14Kakuli ki yena Kreste kasibili ya lu tiselize kozo, ka ku kopanya Majuda ni Balicaba ku ba eza sicaba si li siñwi. Ka ku fa mubili wa hae, u tubile limota le li ne li ba kauhanya ni ku ba toyanisa. 15#Bakol 2.14 U felisa Mulao wa Sijuda hamoho ni litaelo ni likapelezo za ona, ili ku ikezeza fa mishobo yeo ye mibeli, sicaba si li siñwi, se sinca, a nz'a bupa kozo. 16#Bakol 1.20 Ka lifu la hae, fa sifapahano, Kreste u felisize sitoyo. Ka sifapahano, u kopanyize mishobo ye mibeli ku i eza mushobo u li muñwi feela, mi u i kutiselize ku Mulimu. 17#Isa 57.19 Cwalo, Kreste u til'o luta Litaba ze Nde za kozo kwa batu kaufela, ku mina Balicaba ba ba ne ba li kwahule ni Mulimu, ni kwa Majuda cwalo ba ba ne ba li fakaufi ni yena. 18Ki ka yena Kreste kuli kaufel'a luna, Majuda ni Balicaba, lu kona ku sutelela ku Mulimu ka Moya u li muñwi.
19Hakulicwalo, mina Balicaba ha mu sa li bazwahule, ba ba zwa ku sili. Mu ba munzi u li muñwi ni batu ba Mulimu. Mu ba lusika lwa Mulimu. 20Ni mina cwalo mu yahilwe fa mutomo o tomilwe ki baapositola ni bapolofita, mi licwe la mwa lilulu ki yena Jesu Kreste kasibili. 21Ki yena ya sweli muyaho kaufela, mi ya u fa maata a ku hula, kuli u be Tempele ye kenile ya Mulena. 22Ka ku kopana ni yena, ni mina cwalo mu yahelelwa hamoho ni ba bañwi ku eza ndu mw'a ka pila Mulimu ka Moya wa hae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.