Buka ya Bubeli ya Makabaeusi 1
1
Liñolo le li ñolezwi Majuda ba mwa Egepita
1Luna, Majuda ba mwa Jerusalema ni Judea, lu lumelisa mina banbahabo luna, Majuda ba mwa Egepita, mi lu mi lakaleza bupilo bo bunde ni kozo.
2Mulimu a mi tohonolofaze mi a hupule bulikani bw'a n'a ezize ni batanga ba hae ba ba sepahala bo Abrahama, Isaka ni Jakobo. 3Kamukan'a mina a mi fe lizwalo la ku mu lapela ka pilu i liñwi ni ku eza z'a lata ka lipilu ni ka moya wa mina kaufela. 4A kwalule lipilu za mina kuli mu utwe Mulao wa hae ni litaelo za hae, mi a mi fe kozo. 5A utwe litapelo za mina, a kutisane ni mina hape, mi a si ke a mi siya ka nako ya bumaswe. 6Kwanu lu sweli ku mi lapelela.
7Demetriusi ha n'a sa li mulena mwa silimo sa mwanda ka mashumi a silezi ni ze supile ka ze peli, luna Majuda lwa mi ñolela cwana, “Mwa linako haisali Jasoni ni batu ba hae ba betekile Naha ye Kenile ni mubuso wa yona, manyando a matuna a lu tahezi. 8Ba cisa munyako wa Tempele ni ku sulula mali a batu ba ba si na mulatu. Cwale lwa lapela ku Muñ'a Bupilo mi a lu utwa. Lwa eza sitabelo ka bupi bwa buloto, lwa tukisa lilampi mi lwa beya mahobe.” 9Mi cwale lu mi susueza kuli, ni mina, mu n'o ezanga Mukiti wa Minganda wa kweli ya Kisilevu. Taelo ye lu i ñola ka silimo sa mwanda ka mashumi a supile ni li li liñwi ka ze supile ni si li siñwi.
Liñolo la bubeli
10Luna batu ba mwa Jerusalema ni Judea, ba Kopano, ni Judeasi cwalo, lu lumelisa Arisitobulusi, muluti wa Mulena Pitolemi ni yo muñwi wa mba ya baprisita ba ba tohonolofalizwe, ni kwa Majuda ba mwa Egepita. Lu mi lakaleza bupilo bo bunde.
11Lu itumela hahulu ku Mulimu kakuli a lu pulusize kwa likozi ze tuna-tuna ni ku lu konisa ku itwanela ku mulena. 12Ki yena kasibili ya lelekile ba ba ne ba lwanisa Muleneñi o Kenile. 13#1 Mak 6.1-4; 2 Mak 9.1-10 Kakuli muzamaisi wa bona, h'a fita mwa Peresia ni mpi-tuna ya hae ye n'e bonahala butuna hahulu, a pumakwa tuemba-emba mwa tempele ya Nanaea ka ku pumiwa ki baprisita ba ba ne ba sebeleza mulimu wa buhata yo wa musali. 14Ka ku puma kuli u bata ku nyala Nanaea, Antiokusi a taha kwa sibaka seo ni balikani ba hae a lelile ku nga bufumu bo, bo buñata, ka linyalo. 15Baprisita ba Nanaea ne ba beile tutu yeo fo i kona ku bonwa. Cwale Antiokusi a kena mwa muzuzu wa mwa tempele a na ni batu ba sikakañi feela. A sin'o kena, ba kwala minyako ya tempele. 16Mi ba kwalula o muñwi o n'o sa lemusehi wa mwahalimu, mi ba pobaula muzamaisi yo ni batu ba hae ka ku ba posaka macwe a mañata. Cwale ba ba pumaka-pumaka. Ba ba puma litoho mi ba li nepela ku ba ba kwande. 17Mwa linto kaufela lu lumbeke Mulimu wa luna ya timelize bahedeni ka mukwa o lukela!
Makazo ya ku sileleza mulilo o kenile
18Sina ha lu ka eza Mukiti wa ku Kenisa Tempele wa la bumashumi a mabeli ka a ketalizoho la kweli ya Kisilevu, lu fumana kuli kwa lukela ku mi zibisa, ili kuli mu te mu eze Mukiti wa Minganda ni wa mulilo o kile wa bonahala, Nehemia muyahi wa Tempele ni katala h'a kile a eza sitabelo. 19Kakuli bo kukw'a luna ha ba isiwa kwa Peresia, baprisita ba ba ne ba itamile ku Mulimu ka yona nako yeo ba nga mulilo wa kwa katala, ba y'o u pata mwa siliba se ne si si na mezi. Sibaka seo sa tokwa ku zibwa ki batu kaufela. 20Ha ku se ku fitile lilimo ze ñata, ili ka nako y'a n'a tomile Mulimu, Nehemia ha s'a lumelezwi ki mulena wa Peresia, a luma baikulu ba baprisita ba ba ne ba patile mulilo wo kuli ba y'o u nga. Kono ba lu zibisa kuli ne ba si ka fumana mulilo, haisi feela sitipwi-tipwi. Nehemia a ba laela kuli ba y'o ka kwa sitipwi-tipwi seo, ba si tise. 21Linto za litabelo ha se li lukile, Nehemia a laela baprisita ku sela sitipwi-tipwi seo fa likota ni linubu ze n'e li fateñi. 22Zeo ha se li ezahalile mi ka nakonyana lizazi, le ne li apesizwe ki malu, la benya mi kwa tumbuka mulilo o mutuna hahulu mane wa komokisa batu kaufela. 23Sitabelo ha ne si nze si cisiwa, baprisita ni ba ba ne ba inzi ni bona ba lapela. Jonatani n'e li yena mutabelezi mi Nehemia ni batu kaufela ne ba showela.
24Tapelo yeo n'e li cwana, “Muñ'a Bupilo, Muñ'a Bupilo Mulimu, mubupi wa linto kaufela, wena ya sabisa, ya maata, ya lukile mi ya mukekecima hahulu! Wena feela mulena ni mutusi. 25Wena feela ya fa batu limpo kaufela, ili wena feela ya lukile, ya maata kaufela, ya sa feli kuya kuile, mulukululi wa Isilaele mwa bumaswe kaufela! Wena ya iketezi bo ndat'a luna ni ku ba kenisa ku ba batu ba hao! 26U amuhele sitabelo se bakeñisa batu ba hao kaufela, ili ba Isilaele, mi u sileleze ba ba li ba hao mi u ba fe mbuyoti. 27U kutise ba ku luna kamukana ba ba hasani, u lukulule ba ba luilwe ki bahedeni, u shemube ba ba haniwa ni ku nyefulwa, mi u zibise bahedeni kuli u Mulimu wa luna. 28U fe mulatu ku ba ba lu nyandisa ka lishwau ni lunya lwa bona. 29U tiise batu ba hao hande mwa naha ya hao ye kenile sina mw'a n'a sepiselize Mushe.”
30Cwale baprisita ba opela lipina za Mulimu. 31Sitabelo ha si se si cile kaufel'a sona, Nehemia a laela kuli sitipwi-tipwi se ne si siyezi si selwe fa macwe a matuna. 32Mi ha ku se ku ezizwe cwalo, mulilo wa tumbuka, kono wa mizwa ki liseli la mulilo o fa katala.
33Taba yeo ha i se i zibahalile, mi mulena wa Maperesia h'a utwa kuli, mwa sibaka mo baprisita be ne ba hapilwe ne ba patile mulilo, ku fumanehile sitipwi-tipwi, mi h'a sa utwile hape kuli Nehemia ni batu ba hae ba kenisize ka sona linto za sitabelo, mulena a batisisa taba. 34Ha s'a kozwi kuli n'e li niti, a kwalela sibaka seo, mi a si biza se si kenile. 35Mulena ni b'a n'a utwana ni bona ba ipa limpo ze ñata ze nde. 36Nehemia ni batu ba hae ba biza sitipwi-tipwi seo nefita. Taluso kikuli ku kenisa, kono hañata si bizwa nafita.
Currently Selected:
Buka ya Bubeli ya Makabaeusi 1: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Buka ya Bubeli ya Makabaeusi 1
1
Liñolo le li ñolezwi Majuda ba mwa Egepita
1Luna, Majuda ba mwa Jerusalema ni Judea, lu lumelisa mina banbahabo luna, Majuda ba mwa Egepita, mi lu mi lakaleza bupilo bo bunde ni kozo.
2Mulimu a mi tohonolofaze mi a hupule bulikani bw'a n'a ezize ni batanga ba hae ba ba sepahala bo Abrahama, Isaka ni Jakobo. 3Kamukan'a mina a mi fe lizwalo la ku mu lapela ka pilu i liñwi ni ku eza z'a lata ka lipilu ni ka moya wa mina kaufela. 4A kwalule lipilu za mina kuli mu utwe Mulao wa hae ni litaelo za hae, mi a mi fe kozo. 5A utwe litapelo za mina, a kutisane ni mina hape, mi a si ke a mi siya ka nako ya bumaswe. 6Kwanu lu sweli ku mi lapelela.
7Demetriusi ha n'a sa li mulena mwa silimo sa mwanda ka mashumi a silezi ni ze supile ka ze peli, luna Majuda lwa mi ñolela cwana, “Mwa linako haisali Jasoni ni batu ba hae ba betekile Naha ye Kenile ni mubuso wa yona, manyando a matuna a lu tahezi. 8Ba cisa munyako wa Tempele ni ku sulula mali a batu ba ba si na mulatu. Cwale lwa lapela ku Muñ'a Bupilo mi a lu utwa. Lwa eza sitabelo ka bupi bwa buloto, lwa tukisa lilampi mi lwa beya mahobe.” 9Mi cwale lu mi susueza kuli, ni mina, mu n'o ezanga Mukiti wa Minganda wa kweli ya Kisilevu. Taelo ye lu i ñola ka silimo sa mwanda ka mashumi a supile ni li li liñwi ka ze supile ni si li siñwi.
Liñolo la bubeli
10Luna batu ba mwa Jerusalema ni Judea, ba Kopano, ni Judeasi cwalo, lu lumelisa Arisitobulusi, muluti wa Mulena Pitolemi ni yo muñwi wa mba ya baprisita ba ba tohonolofalizwe, ni kwa Majuda ba mwa Egepita. Lu mi lakaleza bupilo bo bunde.
11Lu itumela hahulu ku Mulimu kakuli a lu pulusize kwa likozi ze tuna-tuna ni ku lu konisa ku itwanela ku mulena. 12Ki yena kasibili ya lelekile ba ba ne ba lwanisa Muleneñi o Kenile. 13#1 Mak 6.1-4; 2 Mak 9.1-10 Kakuli muzamaisi wa bona, h'a fita mwa Peresia ni mpi-tuna ya hae ye n'e bonahala butuna hahulu, a pumakwa tuemba-emba mwa tempele ya Nanaea ka ku pumiwa ki baprisita ba ba ne ba sebeleza mulimu wa buhata yo wa musali. 14Ka ku puma kuli u bata ku nyala Nanaea, Antiokusi a taha kwa sibaka seo ni balikani ba hae a lelile ku nga bufumu bo, bo buñata, ka linyalo. 15Baprisita ba Nanaea ne ba beile tutu yeo fo i kona ku bonwa. Cwale Antiokusi a kena mwa muzuzu wa mwa tempele a na ni batu ba sikakañi feela. A sin'o kena, ba kwala minyako ya tempele. 16Mi ba kwalula o muñwi o n'o sa lemusehi wa mwahalimu, mi ba pobaula muzamaisi yo ni batu ba hae ka ku ba posaka macwe a mañata. Cwale ba ba pumaka-pumaka. Ba ba puma litoho mi ba li nepela ku ba ba kwande. 17Mwa linto kaufela lu lumbeke Mulimu wa luna ya timelize bahedeni ka mukwa o lukela!
Makazo ya ku sileleza mulilo o kenile
18Sina ha lu ka eza Mukiti wa ku Kenisa Tempele wa la bumashumi a mabeli ka a ketalizoho la kweli ya Kisilevu, lu fumana kuli kwa lukela ku mi zibisa, ili kuli mu te mu eze Mukiti wa Minganda ni wa mulilo o kile wa bonahala, Nehemia muyahi wa Tempele ni katala h'a kile a eza sitabelo. 19Kakuli bo kukw'a luna ha ba isiwa kwa Peresia, baprisita ba ba ne ba itamile ku Mulimu ka yona nako yeo ba nga mulilo wa kwa katala, ba y'o u pata mwa siliba se ne si si na mezi. Sibaka seo sa tokwa ku zibwa ki batu kaufela. 20Ha ku se ku fitile lilimo ze ñata, ili ka nako y'a n'a tomile Mulimu, Nehemia ha s'a lumelezwi ki mulena wa Peresia, a luma baikulu ba baprisita ba ba ne ba patile mulilo wo kuli ba y'o u nga. Kono ba lu zibisa kuli ne ba si ka fumana mulilo, haisi feela sitipwi-tipwi. Nehemia a ba laela kuli ba y'o ka kwa sitipwi-tipwi seo, ba si tise. 21Linto za litabelo ha se li lukile, Nehemia a laela baprisita ku sela sitipwi-tipwi seo fa likota ni linubu ze n'e li fateñi. 22Zeo ha se li ezahalile mi ka nakonyana lizazi, le ne li apesizwe ki malu, la benya mi kwa tumbuka mulilo o mutuna hahulu mane wa komokisa batu kaufela. 23Sitabelo ha ne si nze si cisiwa, baprisita ni ba ba ne ba inzi ni bona ba lapela. Jonatani n'e li yena mutabelezi mi Nehemia ni batu kaufela ne ba showela.
24Tapelo yeo n'e li cwana, “Muñ'a Bupilo, Muñ'a Bupilo Mulimu, mubupi wa linto kaufela, wena ya sabisa, ya maata, ya lukile mi ya mukekecima hahulu! Wena feela mulena ni mutusi. 25Wena feela ya fa batu limpo kaufela, ili wena feela ya lukile, ya maata kaufela, ya sa feli kuya kuile, mulukululi wa Isilaele mwa bumaswe kaufela! Wena ya iketezi bo ndat'a luna ni ku ba kenisa ku ba batu ba hao! 26U amuhele sitabelo se bakeñisa batu ba hao kaufela, ili ba Isilaele, mi u sileleze ba ba li ba hao mi u ba fe mbuyoti. 27U kutise ba ku luna kamukana ba ba hasani, u lukulule ba ba luilwe ki bahedeni, u shemube ba ba haniwa ni ku nyefulwa, mi u zibise bahedeni kuli u Mulimu wa luna. 28U fe mulatu ku ba ba lu nyandisa ka lishwau ni lunya lwa bona. 29U tiise batu ba hao hande mwa naha ya hao ye kenile sina mw'a n'a sepiselize Mushe.”
30Cwale baprisita ba opela lipina za Mulimu. 31Sitabelo ha si se si cile kaufel'a sona, Nehemia a laela kuli sitipwi-tipwi se ne si siyezi si selwe fa macwe a matuna. 32Mi ha ku se ku ezizwe cwalo, mulilo wa tumbuka, kono wa mizwa ki liseli la mulilo o fa katala.
33Taba yeo ha i se i zibahalile, mi mulena wa Maperesia h'a utwa kuli, mwa sibaka mo baprisita be ne ba hapilwe ne ba patile mulilo, ku fumanehile sitipwi-tipwi, mi h'a sa utwile hape kuli Nehemia ni batu ba hae ba kenisize ka sona linto za sitabelo, mulena a batisisa taba. 34Ha s'a kozwi kuli n'e li niti, a kwalela sibaka seo, mi a si biza se si kenile. 35Mulena ni b'a n'a utwana ni bona ba ipa limpo ze ñata ze nde. 36Nehemia ni batu ba hae ba biza sitipwi-tipwi seo nefita. Taluso kikuli ku kenisa, kono hañata si bizwa nafita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.