Tito 3
3
Un kondukta kristian ehemplar
1Rekordá tur hende ku nan mester someté nan na nan gobernantenan i esnan ku tin outoridat. Nan mester ta obedesidu, kla pa hasi tur sorto di bon obra. 2Nan no mester papia malu di niun hende, nan mester ta pasífiko, kariñoso i semper saksenu ku tur hende.
3Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro. 4Pero Dios, nos Salbador, a mustra su bondat i amor pa humanidat, 5i sin ku nos a hasi nada bon, pa puru mizerikòrdia,#Daniel 9:18 El a salba nos. El a hasié pa medio di e obra di Spiritu Santu ku ta laga nos nase di nobo i ta renobá nos pa medio di e baño di purifikashon.#3:5 El…purifikashon; otro posibel tradukshon: El a hasié pa medio di e baño ku ta kousa un nasementu nobo, i dor di Spiritu Santu ku ta duna bida nobo.#Efesionan 5:26 6Anto e Spiritu akí El a drama abundantemente riba nos pa medio di nos Salbador Hesu-Kristu. 7Dios a salba nos, pa, despues ku den su bondat El a aseptá nos komo hustu, nos por tin e speransa di tuma parti na e benefisionan di bida eterno.
8Loke mi a papia ei ta konfiabel! P'esei mi ke pa bo keda ripití e kosnan ku mi a bisa bo, ya esnan ku a pone nan fe den Dios por fiha nan atenshon kompletamente riba hasimentu di bon obra. E kosnan akí ta bon i útil pa tur hende. 9Pero evitá kontroversia kèns, diskushon riba lista di antepasado, i pleitu i desakuerdo tokante loke Lei di Moises ta siña. E kosnan ei ta sin balor i sin sentido. 10Un hende ku ta kousa divishon bo mester atvertí un bia, si mester un bia mas. Despues di esei bo mester rechas'é. 11Pasobra bo mes sa ku hende asina no ta sirbi; e ta peka i ta kondená su mes.
Instrukshon final i kumindamentu
12Ora mi manda Artemas òf Tígiko#Echonan 20:4; Efesionan 6:21-22; Kolosensenan 4:7-8; 2 Timoteo 4:12 serka bo, hasi tur loke ta na bo alkanse pa bo bini serka mi na Nikópolis, pasobra mi a disidí di pasa wenter aya. 13Hasi tur loke bo por pa Zenas, e hurista, i Apolo#Echonan 18:24; 1 Korintionan 16:12 no falta nada pa nan biahe. 14Nos hendenan mester siña dediká nan tempu na hasi bon obra tambe i yuda den kaso di nesesidat, ya nan ta hiba un bida fruktífero.
15Tur esnan ku ta huntu ku mi ta manda kumindamentu. Kumindá tur nos amigunan den fe pa nos. Dios duna boso su bondat.
Currently Selected:
Tito 3: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Tito 3
3
Un kondukta kristian ehemplar
1Rekordá tur hende ku nan mester someté nan na nan gobernantenan i esnan ku tin outoridat. Nan mester ta obedesidu, kla pa hasi tur sorto di bon obra. 2Nan no mester papia malu di niun hende, nan mester ta pasífiko, kariñoso i semper saksenu ku tur hende.
3Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro. 4Pero Dios, nos Salbador, a mustra su bondat i amor pa humanidat, 5i sin ku nos a hasi nada bon, pa puru mizerikòrdia,#Daniel 9:18 El a salba nos. El a hasié pa medio di e obra di Spiritu Santu ku ta laga nos nase di nobo i ta renobá nos pa medio di e baño di purifikashon.#3:5 El…purifikashon; otro posibel tradukshon: El a hasié pa medio di e baño ku ta kousa un nasementu nobo, i dor di Spiritu Santu ku ta duna bida nobo.#Efesionan 5:26 6Anto e Spiritu akí El a drama abundantemente riba nos pa medio di nos Salbador Hesu-Kristu. 7Dios a salba nos, pa, despues ku den su bondat El a aseptá nos komo hustu, nos por tin e speransa di tuma parti na e benefisionan di bida eterno.
8Loke mi a papia ei ta konfiabel! P'esei mi ke pa bo keda ripití e kosnan ku mi a bisa bo, ya esnan ku a pone nan fe den Dios por fiha nan atenshon kompletamente riba hasimentu di bon obra. E kosnan akí ta bon i útil pa tur hende. 9Pero evitá kontroversia kèns, diskushon riba lista di antepasado, i pleitu i desakuerdo tokante loke Lei di Moises ta siña. E kosnan ei ta sin balor i sin sentido. 10Un hende ku ta kousa divishon bo mester atvertí un bia, si mester un bia mas. Despues di esei bo mester rechas'é. 11Pasobra bo mes sa ku hende asina no ta sirbi; e ta peka i ta kondená su mes.
Instrukshon final i kumindamentu
12Ora mi manda Artemas òf Tígiko#Echonan 20:4; Efesionan 6:21-22; Kolosensenan 4:7-8; 2 Timoteo 4:12 serka bo, hasi tur loke ta na bo alkanse pa bo bini serka mi na Nikópolis, pasobra mi a disidí di pasa wenter aya. 13Hasi tur loke bo por pa Zenas, e hurista, i Apolo#Echonan 18:24; 1 Korintionan 16:12 no falta nada pa nan biahe. 14Nos hendenan mester siña dediká nan tempu na hasi bon obra tambe i yuda den kaso di nesesidat, ya nan ta hiba un bida fruktífero.
15Tur esnan ku ta huntu ku mi ta manda kumindamentu. Kumindá tur nos amigunan den fe pa nos. Dios duna boso su bondat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013