Filipensenan 2
2
Imitá humildat di Kristu
1N' ta asina ku mi a ekshortá boso na nòmber di Kristu, kurashá boso ku amor? N' ta asina ku boso a eksperensiá komunion pa medio di Spiritu Santu i kompashon i mizerikòrdia di Dios? 2Awèl, hasi mi legria bira mas kompleto ainda i sea un di pensamentu, un di kurason i mente. 3No hasi nada pa ambishon egoista, ni buya barata, ma sea humilde i konsiderá e otro di ta mas ku bo. 4No fiha solamente riba boso kada un su mes interes, sino riba esun di e otro tambe. 5Boso mester tin e mesun aktitut ku Kristu-Hesus tabatin:
6Ounke E tabata meskos ku Dios,#Huan 1:1-3; Kolosensenan 1:15
E no ker a para riba su derecho di keda igual na Dios.
7Nò, El a pone esei un banda;
El a bira meskos ku un katibu,
i a bira igual na hende.
I ora El a aparesé komo hende,
8El a humiliá su mes
i a bira obedesidu te na morto,#Mateo 26:39; Huan 10:18; Hebreonan 5:8
sí, morto na krus.
9P'esei Dios a als'É na e lugá di mas altu#Hebreonan 2:9; 12:2
i a dun'É e nòmber
ku ta riba tur otro nòmber.
10Pa asina na honor di nòmber di Hesus
tur kriatura dobla nan rudia,
tantu esnan den shelu, komo esnan riba tera i den e mundu bou di tera.
11I nan tur konfesá#Isaías 45:23 ku Hesu-Kristu ta Señor,
pa gloria di Dios Tata.
Bria manera strea
12Amigunan stimá, boso a obedesé mi semper. P'esei sigui traha ku temor i rèspèt pa boso salbashon tin resultado konkreto den boso bida, no solamente manera boso tabata hasi ora mi tabat'ei, ma awor mas ku nunka den mi ousensia. 13Pasobra Dios ta Esun ku ta traha den boso pa hasi boso kapas, no solamente pa deseá loke ta kuadra ku su boluntat, ma di kumpli kuné tambe.
14Hasi tur kos sin murmurá i sin diskutí, 15pa niun hende no tin nada di remarká di boso i pa boso ta inosente, yu sin mancha di Dios ku ta biba meimei di hende korumpí i perverso.#Deuteronomio 32:5 Meimei di nan boso ta bria manera strea na shelu, 16segun ku boso ta ofresé nan e palabra di bida.#2:16 segun…bida; otro posibel tradukshon: segun boso ta tene duru na e palabra di bida Asina mi por ta orguyoso dia di Kristu su binida, ya e ora ei lo mi no a kore ni traha enbano. 17Ma si mi mester basha mi sanger komo ofrenda huntu ku e sakrifisio ku boso fe ta ofresé na Dios, mi ta kontentu i ta kompartí mi legria ku boso tur. 18I boso tambe: Sea kontentu i kompartí boso legria ku mi!
Timoteo i Epafrodito
19Mi ta spera ku konfiansa den Señor Hesus ku pronto mi por manda Timoteo serka boso,#Echonan 16:1-3 pa mi tambe haña kurashi ora mi tende kon ta bai ku boso. 20Mi no tin niun otro hende ku ta di mes pensamentu ku mi i ku realmente ta sinti pa boso. 21Pasobra ta nan mes probecho tur e otronan ta buska i no di Hesu-Kristu. 22Boso mes sa kon Timoteo a proba su mes, pasobra huntu ku mi, manera un yu ku su tata, el a traha sirbi kousa di e bon notisia. 23P'esei anto mi ta spera di mand'é asina mi haña sa un ke otro tokante mi situashon. 24Ma mi ta konfia den Señor ku mi mes tambe por bini pronto.
25Mi a haña ta nesesario di manda Epafrodito serka boso, pasobra e ta mi ruman i kompañero den lucha i den trabou serka boso i a sirbi komo boso mensahero pa kumpli ku mi nesesidatnan. 26E tin mashá gana di mira boso i ta sintié malu, pasobra boso a tende di su malesa. 27Enberdat e tabata malu i a hera di muri. Ma Dios a tene mizerikòrdia kuné i no kuné so, ku mi tambe, pa asina mi no haña mi ku doló tras di doló. 28P'esei mi ta mand'é mas lihé ainda pa boso, ya boso por ta kontentu atrobe ora boso mir'é i mi doló por baha. 29Ke men, risibié anto ku hopi legria komo ruman den Señor. Mustra rèspèt na hende manera e, 30pasobra el a hera di muri pa kousa di e trabou di Kristu, ora el a riska su bida pa sirbi mi, pasobra boso mes no por a hasié.
Currently Selected:
Filipensenan 2: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Filipensenan 2
2
Imitá humildat di Kristu
1N' ta asina ku mi a ekshortá boso na nòmber di Kristu, kurashá boso ku amor? N' ta asina ku boso a eksperensiá komunion pa medio di Spiritu Santu i kompashon i mizerikòrdia di Dios? 2Awèl, hasi mi legria bira mas kompleto ainda i sea un di pensamentu, un di kurason i mente. 3No hasi nada pa ambishon egoista, ni buya barata, ma sea humilde i konsiderá e otro di ta mas ku bo. 4No fiha solamente riba boso kada un su mes interes, sino riba esun di e otro tambe. 5Boso mester tin e mesun aktitut ku Kristu-Hesus tabatin:
6Ounke E tabata meskos ku Dios,#Huan 1:1-3; Kolosensenan 1:15
E no ker a para riba su derecho di keda igual na Dios.
7Nò, El a pone esei un banda;
El a bira meskos ku un katibu,
i a bira igual na hende.
I ora El a aparesé komo hende,
8El a humiliá su mes
i a bira obedesidu te na morto,#Mateo 26:39; Huan 10:18; Hebreonan 5:8
sí, morto na krus.
9P'esei Dios a als'É na e lugá di mas altu#Hebreonan 2:9; 12:2
i a dun'É e nòmber
ku ta riba tur otro nòmber.
10Pa asina na honor di nòmber di Hesus
tur kriatura dobla nan rudia,
tantu esnan den shelu, komo esnan riba tera i den e mundu bou di tera.
11I nan tur konfesá#Isaías 45:23 ku Hesu-Kristu ta Señor,
pa gloria di Dios Tata.
Bria manera strea
12Amigunan stimá, boso a obedesé mi semper. P'esei sigui traha ku temor i rèspèt pa boso salbashon tin resultado konkreto den boso bida, no solamente manera boso tabata hasi ora mi tabat'ei, ma awor mas ku nunka den mi ousensia. 13Pasobra Dios ta Esun ku ta traha den boso pa hasi boso kapas, no solamente pa deseá loke ta kuadra ku su boluntat, ma di kumpli kuné tambe.
14Hasi tur kos sin murmurá i sin diskutí, 15pa niun hende no tin nada di remarká di boso i pa boso ta inosente, yu sin mancha di Dios ku ta biba meimei di hende korumpí i perverso.#Deuteronomio 32:5 Meimei di nan boso ta bria manera strea na shelu, 16segun ku boso ta ofresé nan e palabra di bida.#2:16 segun…bida; otro posibel tradukshon: segun boso ta tene duru na e palabra di bida Asina mi por ta orguyoso dia di Kristu su binida, ya e ora ei lo mi no a kore ni traha enbano. 17Ma si mi mester basha mi sanger komo ofrenda huntu ku e sakrifisio ku boso fe ta ofresé na Dios, mi ta kontentu i ta kompartí mi legria ku boso tur. 18I boso tambe: Sea kontentu i kompartí boso legria ku mi!
Timoteo i Epafrodito
19Mi ta spera ku konfiansa den Señor Hesus ku pronto mi por manda Timoteo serka boso,#Echonan 16:1-3 pa mi tambe haña kurashi ora mi tende kon ta bai ku boso. 20Mi no tin niun otro hende ku ta di mes pensamentu ku mi i ku realmente ta sinti pa boso. 21Pasobra ta nan mes probecho tur e otronan ta buska i no di Hesu-Kristu. 22Boso mes sa kon Timoteo a proba su mes, pasobra huntu ku mi, manera un yu ku su tata, el a traha sirbi kousa di e bon notisia. 23P'esei anto mi ta spera di mand'é asina mi haña sa un ke otro tokante mi situashon. 24Ma mi ta konfia den Señor ku mi mes tambe por bini pronto.
25Mi a haña ta nesesario di manda Epafrodito serka boso, pasobra e ta mi ruman i kompañero den lucha i den trabou serka boso i a sirbi komo boso mensahero pa kumpli ku mi nesesidatnan. 26E tin mashá gana di mira boso i ta sintié malu, pasobra boso a tende di su malesa. 27Enberdat e tabata malu i a hera di muri. Ma Dios a tene mizerikòrdia kuné i no kuné so, ku mi tambe, pa asina mi no haña mi ku doló tras di doló. 28P'esei mi ta mand'é mas lihé ainda pa boso, ya boso por ta kontentu atrobe ora boso mir'é i mi doló por baha. 29Ke men, risibié anto ku hopi legria komo ruman den Señor. Mustra rèspèt na hende manera e, 30pasobra el a hera di muri pa kousa di e trabou di Kristu, ora el a riska su bida pa sirbi mi, pasobra boso mes no por a hasié.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013