Numbernan 2
2
Kon ta parti e kampamentu
1SEÑOR a bisa Moises ku Aaron: 2‘E israelitanan mester kamper na sierto distansia rondó di e tènt di enkuentro. Kada un mester kamper bou di su mes bandera i ku e emblema di su mes famia.
3-9Na parti ost e grupo ku ta kai bou di bandera di Huda ta haña su kampamentu. Ta e siguiente tribunan ku nan hefe:
tribu di Huda, bou di guia di Nagshon, yu di Aminadab, ku 74.600 hòmber;
tribu di Isakar, bou di guia di Netanel, yu di Suar, ku 54.400 hòmber;
tribu di Zebulon, bou di guia di Eliab, yu di Helon, ku 57.400 hòmber;
en total 186.400 hòmber.
E tribunan akí ta sali bai promé ora e pueblo ta sigui su biahe.
10-16Na parti sur e sekshon ku ta kai bou di bandera di Ruben ta haña su kampamentu. Nan ta e siguiente tribunan ku nan hefe:
tribu di Ruben, bou di guia di Elisur, yu di Shedeur, ku 46.500 hòmber;
tribu di Simeon, bou di guia di Shelumiel, yu di Surishadai, ku 59.300 hòmber;
tribu di Gad, bou di guia di Elyasaf, yu di Deuel, ku 45.650 hòmber,
en total 151.450 hòmber.
E tribunan akí ta sali na di dos lugá, ora e pueblo ta sigui su biahe.
17Kampamentu di e levitanan ku tènt di enkuentro ta sali meimei di e otro kampamentunan. E kuater kampamentunan ta kana tras di otro den e sekuensia ku nan a kamper i bou di nan mes bandera.
18-24Na parti wèst e sekshon ku ta kai bou di bandera di Efraim ta haña su kampamentu. Nan ta e siguiente tribunan ku nan hefe:
tribu di Efraim, bou di guia di Elishama, yu di Amihud, ku 40.500 hòmber;
tribu di Manase, bou di guia di Gamliel, yu di Pedasur, ku 32.200 hòmber;
tribu di Benhamin, bou di guia di Abidan, yu di Guideoni, ku 35.400 hòmber;
en total 108.100 hòmber.
E tribunan akí ta sali na di tres lugá ora e pueblo ta sigui su biahe.
25-31Na parti nort e sekshon ku ta kai bou di bandera di Dan ta haña su kampamentu. Ta e siguiente tribunan ku nan hefe:
tribu di Dan, bou di guia di Ahiezèr, yu di Amishadai, ku 62.700 hòmber;
tribu di Asher, bou di guia di Pagiel, yu di Okran, ku 41.500 hòmber;
tribu di Naftali, bou di guia di Ahira, yu di Enan, ku 53.400 hòmber;
en total 157.600 hòmber.
E tribu akí ta sali delaster.’
32E kantidat total di israelita ku tabata apto pa bringa den guera, partí den diferente grupo i famia, tabata 603.550. 33Manera SEÑOR a ordená Moises, no a konta e levitanan komo tribu apart. 34E israelitanan tabata sigui e òrdunan ku Moises a haña di SEÑOR estriktamente: kada un tabata kamper bou di su mes bandera i tabata kana huntu ku su mes generashon i ku su mes famia.
Currently Selected:
Numbernan 2: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Numbernan 2
2
Kon ta parti e kampamentu
1SEÑOR a bisa Moises ku Aaron: 2‘E israelitanan mester kamper na sierto distansia rondó di e tènt di enkuentro. Kada un mester kamper bou di su mes bandera i ku e emblema di su mes famia.
3-9Na parti ost e grupo ku ta kai bou di bandera di Huda ta haña su kampamentu. Ta e siguiente tribunan ku nan hefe:
tribu di Huda, bou di guia di Nagshon, yu di Aminadab, ku 74.600 hòmber;
tribu di Isakar, bou di guia di Netanel, yu di Suar, ku 54.400 hòmber;
tribu di Zebulon, bou di guia di Eliab, yu di Helon, ku 57.400 hòmber;
en total 186.400 hòmber.
E tribunan akí ta sali bai promé ora e pueblo ta sigui su biahe.
10-16Na parti sur e sekshon ku ta kai bou di bandera di Ruben ta haña su kampamentu. Nan ta e siguiente tribunan ku nan hefe:
tribu di Ruben, bou di guia di Elisur, yu di Shedeur, ku 46.500 hòmber;
tribu di Simeon, bou di guia di Shelumiel, yu di Surishadai, ku 59.300 hòmber;
tribu di Gad, bou di guia di Elyasaf, yu di Deuel, ku 45.650 hòmber,
en total 151.450 hòmber.
E tribunan akí ta sali na di dos lugá, ora e pueblo ta sigui su biahe.
17Kampamentu di e levitanan ku tènt di enkuentro ta sali meimei di e otro kampamentunan. E kuater kampamentunan ta kana tras di otro den e sekuensia ku nan a kamper i bou di nan mes bandera.
18-24Na parti wèst e sekshon ku ta kai bou di bandera di Efraim ta haña su kampamentu. Nan ta e siguiente tribunan ku nan hefe:
tribu di Efraim, bou di guia di Elishama, yu di Amihud, ku 40.500 hòmber;
tribu di Manase, bou di guia di Gamliel, yu di Pedasur, ku 32.200 hòmber;
tribu di Benhamin, bou di guia di Abidan, yu di Guideoni, ku 35.400 hòmber;
en total 108.100 hòmber.
E tribunan akí ta sali na di tres lugá ora e pueblo ta sigui su biahe.
25-31Na parti nort e sekshon ku ta kai bou di bandera di Dan ta haña su kampamentu. Ta e siguiente tribunan ku nan hefe:
tribu di Dan, bou di guia di Ahiezèr, yu di Amishadai, ku 62.700 hòmber;
tribu di Asher, bou di guia di Pagiel, yu di Okran, ku 41.500 hòmber;
tribu di Naftali, bou di guia di Ahira, yu di Enan, ku 53.400 hòmber;
en total 157.600 hòmber.
E tribu akí ta sali delaster.’
32E kantidat total di israelita ku tabata apto pa bringa den guera, partí den diferente grupo i famia, tabata 603.550. 33Manera SEÑOR a ordená Moises, no a konta e levitanan komo tribu apart. 34E israelitanan tabata sigui e òrdunan ku Moises a haña di SEÑOR estriktamente: kada un tabata kamper bou di su mes bandera i tabata kana huntu ku su mes generashon i ku su mes famia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013