Ɖɛhan 84
84
1Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ; è nɔ ji bo nɔ xo kanhún Gatinu lɛ́ɛ tɔn d'é mɛ.
2Mawu Mavɔmavɔ Nǔbǐwúkpétɔ́,
un yí wǎn nú nɔtɛn towe lɛ́ɛ mɛ nya!
3Kɔ́xo towe lɛ́ɛ ta wíwá ɖo nukún myá nú mì wɛ ɖésú.
Nyi ɖésú ɔ́ bǐ ɖo xixo mlá hwi Mawu gbɛɖe ɔ́ wɛ.
4Títígwetí ɖésú nɔ́ mɔ fí e é ná xo adɔ̌ ɖó é,
azɔnxɛ nɔ mɔ adɔ̌ e mɛ é ná bɛ́ vǐ tɔn lɛ́ɛ dó é.
Mawu Mavɔmavɔ Nǔbǐwúkpétɔ́, axɔ́sú ce, Mawu ce!
Vɔ̌sákpe towe lɛ́ɛ kpá wɛ nyí fí e yě bǐ mɔ é.
5Nǔ nyɔ́ nú mɛ e nɔ́ nɔ xwé towe gbe lɛ́ɛ lóóo!
Yě ná nɔ́ ɖo susu kpa nú we wɛ hwebǐnu. Agbɔ̌n
6Nǔ nyɔ́ nú mɛ e a nǎ hlɔ̌nhlɔ́n lɛ́ɛ,
yě mɛ e gɔ̌n towe wíwá ɖo hǔn mɛ ná lɛ́ɛ ɔ́, nǔ nyɔ́ nú yě mɛ nya.
7Nú yě ɖo tɔdo Baka tɔn e ko xú bǐ é mɛ gbɔn wɛ ɔ́,
yě nɔ́ sɔ́ dó húzú fí e tɔjɔtɛn sukpɔ́ ɖe é;
xwejí nɔ́ ja dó ylɔ́ fífá dó tɔdo ɔ́ mɛ.
8Yě ɖo yiyi wɛ ɔ́, yě nɔ́ ɖo hlɔ̌nhlɔ́n mɔ dó hlɔ̌nhlɔ́n jí wɛ,
káká bó nɔ́ wá gɔ̌n towe ɖo Sinyɔ́ɔ.
9Mawu Mavɔmavɔ, Mawu Nǔbǐwúkpétɔ́,
ɖǒtó vo e sa wɛ un ɖe ɔ́.
Mawu Jakɔ́bu tɔn! Đǒtó mì. Agbɔ̌n
10Mawu ce, hwi mɛ e nyí gǎglónú mǐtɔn ɔ́,
nyi kɔ bó kpɔ́n mɛ e a sɔ́ é.
11Nǔgbó ɔ́, è nɔ kɔ́xo towe lɛ́ɛ ta xɔ azǎn ɖokpó ɔ́,
é nyɔ́ hú è blǒ azǎn afatɔ́n ɖo fí ɖěvo.
Mawu ce, un yí wǎn nú xwé towe lihɛ́nnu ninɔ hú adǎkaxotɔ́ lɛ́ɛ xwé ninɔ.
12Nǔgbó ɔ́, Mawu Mavɔmavɔ ɔ́, hwe wɛ, gǎglónú wɛ.
Mawu Mavɔmavɔ nɔ nyɔ́ xomɛ dó mɛ wú; é nɔ sɔ́ mɛ su.
É nɔ́ tɛ nyɔ̌ná mɛ e nɔ wa nǔ jlɔ́jlɔ́ lɛ́ɛ é ǎ.
13Mawu Mavɔmavɔ Nǔbǐwúkpétɔ́,
nǔ nyɔ́ nú mɛ e ɖeji dó wǔ we lɛ́ɛ.
Mawu dó fífá sín akpá nú togun tɔn
Currently Selected:
Ɖɛhan 84: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
