Ɖɛhan 46
46
Mawu Nǔbǐwúkpétɔ́ ɔ́ ɖo kpɔ́ xá mǐ
1Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ. È nɔ ji dó hangbe e è nɔ ylɔ́ ɖɔ: “Đyɔ̌vǐ lɛ́ɛ” ɔ́ sín hangbe mɛ.
2Mawu ɔ́, bibɛtɛn wɛ é nyí nú mǐ,
é wɛ nyí ahohó mǐtɔn.
Adǎn gbo mɛ hwenu ɔ́,
è nɔ ba ɛ kpo gbeɖé ɖo gǔdo ǎ.
3Énɛ́ ɔ́ wú wɛ ado ma nɔ hu mì ǎ;
ayǐkúngban na bo ɖo wǔ dán wɛ ɔ́,
só lɛ́ɛ na bo ɖo mumu wɛ ɖo xuzan mɛ ɔ́,
ado nɔ hu mì ǎ.
4Xu na bo ɖo adǎn jí, bó ɖo fún nyɛ wɛ,
bó ɖo te sí wɛ, bó ɖo só lɛ́ɛ dán wɛ ɔ́,
ado nɔ hu mì ǎ. Agbɔ̌n
5Tɔsisa ɖé nɔ́ hɛn xomɛhunhun wá nú Mawu sín toxo ɔ́,
é nɔ́ hɛn awǎjijɛ wá Mawu Ajalɔ̌nlɔn sín nɔtɛn mímɛ́ ɔ́.
6Mawu ɖo toxo ɔ́ mɛ, toxo ɔ́ ná dán ǎ.
Káká nú ayǐ ná hɔ́n ɔ́, Mawu nɔ́ wá gɔ́ alɔ n'i.
7Akɔta lɛ́ɛ ɖo adǎn jí, axɔ́súɖuto lɛ́ɛ ɖo dǐndán wɛ.
Mawu ka kɛ nu lě ɔ́, ayǐkúngban ɖésúnɔ nɔ́ sínsín.
8Mawu Mavɔmavɔ Nǔbǐwúkpétɔ́ ɔ́ ɖo kpɔ́ xá mǐ,
Mawu Jakɔ́bu tɔn ɔ́ wɛ nyí ahohó mǐtɔn. Agbɔ̌n
9Mi wá kpɔ́n nǔ e Mawu Mavɔmavɔ jlɛ́ lɛ́ɛ,
mi wá kpɔ́n nǔ e é hɛn gblé ɖo ayǐkúngban jí lɛ́ɛ.
10É wɛ sú ahwan kún dó gbɔn gbɛ ɔ́ bǐ mɛ.
É wɛ́n gǎ lɛ́ɛ, é lɔ́ hwǎn lɛ́ɛ, é dó ahwankɛkɛ́ lɛ́ɛ zo.
11Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ!
Mi bǐ ní tunwun ɖɔ nyi wɛ nyí Mawu!
Un hú gǎn akɔta lɛ́ɛ bǐ.
Un hú gǎn nǔ e ɖo ayǐkúngban ɔ́ jí é bǐ.”
12Mawu Mavɔmavɔ Nǔbǐwúkpétɔ́ ɔ́ ɖo kpɔ́ xá mǐ,
Mawu Jakɔ́bu tɔn ɔ́ wɛ nyí ahohó mǐtɔn. Agbɔ̌n
Mi xo kpɛ́ nú Mawu axɔ́sú ɖaxó ɔ́
Currently Selected:
Ɖɛhan 46: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
