Ɖɛhan 23
23
Mawu wɛ nyí lɛ̌ngbɔ́nyitɔ́ ce
1Davídi sín han.
Mawu Mavɔmavɔ wɛ nyí lɛ̌ngbɔ́nyitɔ́ ce,
nǔɖé ná hwedó mì ǎ.
2 Fí e ama zɔ́n ɖe ɔ́ wɛ é nɔ́ kplá mì yi,
bɔ un nɔ gbɔjɛ́;
sin e fá ɔ́ kɔn wɛ é nɔ́ kplá mì yi.
3É nɔ́ lɛ́ vɔ́ hlɔ̌nhlɔ́n ná mì,
é nɔ́ kplá mì gbɔn ali ɖagbe jí,
ɖó mɛ e é nyí ɔ́ wú.
4Mawu, un na bo ɖo tɔdo mɛ gbɔn wɛ ɖo ablu gɔngɔn mɛ ɔ́,
un nɔ ɖi xɛsi nú nǔɖé ǎ,
ɖó a ɖo kpɔ́ xá mì;
lɛ̌ngbɔ́nyitɔ́kpo towe kpó kpogɛ towe kpó nɔ ná jiɖiɖe mì.
5A nɔ tɛ́ távo nú mì,
ɖo kɛntɔ́ ce lɛ́ɛ nukún mɛ.
A nɔ kɔn ami wǎnɖagbenɔ dó ta nú mì.
A nɔ kɔn vɛ̌ɛn dó kɔ́fu ce mɛ bɔ é nɔ́ gɔ́ túnflá.
6Ɛɛn Mawu Mavɔmavɔ, xomɛnyínyɔ́ towe
kpó alɔ hun dó wa nǔ nú mɛ towe kpó
ná nɔ xá mì nú gbɛzán ce bǐ.
Un ná nɔ xwé towe gbe nú gbɛ hwenu ce bǐ.
Currently Selected:
Ɖɛhan 23: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
