Ɖɛhan 113
113
1Mi kpa Mawu Mavɔmavɔ!
Mi Mawu Mavɔmavɔ sɛn tɔ́ lɛ́ɛ mi,
mi kpa Mawu Mavɔmavɔ!
Mi sɔ́ nyǐkɔ Mawu Mavɔmavɔ tɔn su.
2È nǐ dó kú nú Mawu Mavɔmavɔ,
sín din káká sɔ́yi.
3È nǐ kpa susu nú Mawu Mavɔmavɔ
sín zǎnzǎnhwe jí káká yi gbadahwe jí.
4Mawu Mavɔmavɔ hú gǎn akɔta lɛ́ɛ bǐ;
susu tɔn zɛ jǐxwé wú.
5Mɛ̌ è ka sixú jlɛ́ dó Mawu Mavɔmavɔ, Mawu mǐtɔn wú?
É ɖo axɔ́súzinkpo tɔn jí ɖo jǐ aga bǐ,
6é nɔ nya bó nɔ́ kpɔ́n jǐxwé kpó ayǐkúngban kpán sɛ́ dó.
7É nɔ́ sɔ́ wamamɔnɔ sí te sín kɔ́gúdu mɛ,
é nɔ́ sɔ́ lelenɔ sí te sín zunkɔ́ta,
8é nɔ́ sɔ́ ɛ jínjɔ́n mɛjɔmɛ lɛ́ɛ kpá,
gbɛtɔ́ nukúnɖéjí e ɖo togun tɔn mɛ lɛ́ɛ é kpá.
9É nɔ́ ná xwédo mɛ e nyí wɛnsinɔ é,
bɔ é nɔ́ húzú nyɔ̌nánɔ ɖo vǐ tɔn lɛ́ɛ tɛ́ntin.
Mi kpa Mawu Mavɔmavɔ!
Nǔ e jɛ hwenu e Izlayɛ́li tɔ́n sín Ejípu é
Currently Selected:
Ɖɛhan 113: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
