Ɖɛhan 110
110
1 Davídi sín han.
Mawu Mavɔmavɔ ɖɔ nú axɔ́sú sɛ́mɛɖó ce ɖɔ:
“Jǐnjɔ́n aɖisí ce xwé fí
káká jɛ hwenu e un ná sɔ́ kɛntɔ́ towe lɛ́ɛ
dó húzú nǔ e jí a nǎ nɔ́ bɛ́ afɔ ɖó é.”
2Mawu Mavɔmavɔ ná vlɔ́n kan nú axɔ́súɖuto towe,
Sinyɔ́ɔ wɛ é ná bɛ́ sín;
hwɛ ɔ́, a nǎ kpa acɛ nú kɛntɔ́ towe lɛ́ɛ.
3Gbe e gbe a nǎ sɔ́ ahwannú bó xwe ahwan ɔ́,
ahwanfuntɔ́ akowunká kɛ́ɖɛ́ wɛ ná kplá we yi.
Dɔ̌nkpɛvú towe lɛ́ɛ ná sɛ kplé dó wǔ we,
ɖo só mímɛ́ ɔ́ jí, ahǔn e nɔ́ ja ayǐtéhɔ̌nnu é ɖɔhun.
4 Mawu Mavɔmavɔ wɛ ɖɔ bó xwlé nǔ dó é jí,
é sɔ́ ná húzú gbeɖé ǎ, é ɖɔ:
“Vɔ̌sánú-xwlémawutɔ́ wɛ a nyǐ káká
sɔ́yi mavɔ mavɔ, Mɛlukisedɛ́ki ɖɔhun.”
5Aklúnɔ ɖo akpá towe.
Gbe e gbe é ná sin xomɛ ɔ́,
é ná gblé gbɛ dó nú axɔ́sú lɛ́ɛ.
6É ɖo hwɛ ɖó nú akɔta lɛ́ɛ wɛ,
cyɔ kpé fí bǐ,
é gblé gbɛ dó nú gǎn lɛ́ɛ gbɔn ayǐkúngban ɔ́ bǐ jí.
7Axɔ́sú ɔ́ ɖo ali jí ɔ́, é nɔ́ nu sin ɖo tɔsisa nu bɔ é nɔ kpé e.
Énɛ́ ɔ́ gúdo ɔ́, é nɔ́ zé ta.
È nǐ flín nǔjíwǔ e Mawu bló lɛ́ɛ
Currently Selected:
Ɖɛhan 110: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
