YouVersion Logo
Search Icon

Jǎan Xónusɔ́ɖóte

Xónusɔ́ɖóte
Wɛn Ɖagbe e Jǎan wlán ɔ́ ɖe xlɛ́ ɖɔ Jezu wɛ nyí Mawuxó mavɔ mavɔ ɔ́; Mawuxó mavɔ mavɔ ɔ́ húzú gbɛtɔ́ bó wá nɔ tɛ́ntin mǐtɔn (1.14). É jlɛ́ nǔ tɛnmɛ tɛnmɛ dó ɖe acɛ Mawu tɔn e é ɖó ɔ́ kpó susu Mawu tɔn e é ɖó ɔ́ kpó xlɛ́; é kplɔ́n nǔ mɛ dó nǔ énɛ́ lɛ́ɛ ɖokpó ɖokpó wú (2—12).
Énɛ́ ɔ́ gúdo ɔ́, Wɛn Ɖagbe Jǎan tɔn ɔ́ ɖɔ xó gǔdo gúdo tɔn e Jezu ɖɔ xá ahwanvú lɛ́ɛ é (13—17), lě e è wlǐ i gbɔn é, hwɛgun e è kplá ɛ yi bó kan nǔ byɔ́ ɛ é, ká e è ká ɛ nyi aklúzu jí é kpó fínfɔ́n sín kú tɔn kpó (18—20) jɛ fínɛ́. È ɖɔ nǔ énɛ́ lɛ́ɛ bǐ “bónú mi ná ɖi nǔ ɖɔ Jezu wɛ nyí Klísu Mawu ví ɔ́; nú mi ɖi nǔ n'i ɔ́, mi ná mɔ gbɛ gbɔn jǐ tɔn.” (20.31).
Wɛn Ɖagbe e Jǎan wlán ɔ́ gbɔn vo nú Wɛn Ɖagbe ɖě lɛ́ɛ. Azɔ̌ e Jezu wa ɖo Judée kpó Galilée kpó lɛ́ɛ sín xó wɛ Jǎan ɖɔ tawun. Nǔ e gbɔn vo ɖo Wɛn Ɖagbe élɔ́ mɛ ɔ́ wɛ nyí ɖɔ è nɔ zán nǔ e è tunwun ganjí lɛ́ɛ dó tín Mawuxó ɔ́ mɛ. Kpɔ́ndéwú tɔn ɖíe: sin, wɔ̌xúxú, lɛ̌ngbɔ́nyitɔ́ kpó lɛ̌ngbɔ́ tɔn lɛ́ɛ kpó, vǐwuntín kpó sínsɛ́n tɔn kpó.
Nǔ tají tají e ɖo wěma ɔ́ mɛ lɛ́ɛ
Xó e nɔ́ ná wěziza kpó gbɛ kpó mɛ é (1.1-18)
Jǎan Yɛhwesinlɛnúmɛtɔ́ ɔ́ kpó ahwanvú Jezu tɔn nukɔntɔn lɛ́ɛ kpó (1.19-51)
Azɔ̌ e Jezu wa nú togun ɔ́ lɛ́ɛ (2—12)
Jezu ɖɔ yiyi tɔn xó nú ahwanvú tɔn lɛ́ɛ (13—17)
Yajiji Jezu tɔn kpó kú tɔn kpó (18—19)
Jezu fɔ́n sín kú bó tɔ́n dó ahwanvú tɔn lɛ́ɛ jí (20—21)

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy