Mateo 12
12
Hesus i sabat
(Marko 2:23-28; Lukas 6:1-5)
1Un dia di sabat, den e mesun temporada, Hesus tabata kana den e kunukunan di trigo. Su disipelnan a haña hamber, nan a kuminsá piki tapushi di trigo i kome e trigo.#Deuteronomio 23:25 2E fariseonan a mira loke tabata pasa i a bisa Hesus: ‘Ata wak nan! Bo disipelnan ta hasiendo loke no ta pèrmití riba dia di sabat.’ 3El a kontestá nan: ‘Boso no a lesa kiko David a hasi ora e i su kompañeronan tabatin hamber? 4El a drenta kas di Señor i a kome e pan konsagrá#1 Samuel 21:1-6 ku e saserdotenan so mag kome.#Levítiko 24:9 5Boso no a lesa den lei ku riba sabat e saserdotenan ta kibra lei di sabat sin ta kulpabel?#Numbernan 28:9-10 6Ami ta bisa boso, aki tin un ku ta mas importante ku tèmpel! 7Skritura ta bisa: “Mizerikòrdia Mi ke i no sakrifisio.”#Hoséas 6:6; Mateo 9:13 Si boso tabata sa kiko esei ta nifiká, boso lo no a kondená hende inosente. 8Pasobra e Yu di hende tin outoridat riba sabat.’
Hesus ta kura hende riba sabat
(Marko 3:1-6; Lukas 6:6-11)
9Hesus a bai for di ei i drenta nan snoa, 10kaminda tabatin un hòmber ku un man mankaron. Pa haña algu pa akusá Hesus di dje, nan a puntr'É: ‘Ta pèrmití pa kura hende riba sabat?’ 11Hesus a kontestá: ‘Akaso un di boso lo keda sin saka su karné fo'i un buraku, si ta riba sabat e karné a kai aden?#Lukas 14:5 12Hende no tin muchu mas balor ku karné? Ke men antó ku ta pèrmití pa hasi bon riba sabat.’ 13E ora ei El a bisa e hòmber: ‘Rèk bo man.’ E hòmber a rèk su man i e man a bira bon atrobe meskos ku e otro man. 14Ma e fariseonan a sali bai traha plan pa wak kon por kaba ku Hesus.
E sirbidó ku Dios a skohe
15Hesus, konsiente di e kòmplòt kontra djE, a kita bai for di ei. Hopi hende tabata siguiÉ; El a kura tur e hende malunan. 16Hesus a prohibí nan di bisa ken E ta. 17Asin'ei e palabranan, ku Dios a bisa pa medio di profeta Isaías, a keda kumplí:
18‘Ata mi Sirbidor ku Mi a skohe,
esun ku Mi ta stima,
legria di mi kurason.
Lo Mi manda mi Spiritu riba djE;
lo E proklamá mi hustisia na e nashonnan.
19Lo E no pleita ni grita;
niun hende lo no tend'É papia duru riba kaya.
20Lo E no kibra ni un sprichi doblá,
ni paga un mecha ku ta djis huma,
te ora E pone mi hustisia triunfá.
21Nashonnan lo pone nan speransa den djE.’#Isaías 42:1-4
Hesus i Belzebul
(Marko 3:20-30; Lukas 11:14-23; 12:10)
22Nan a trese un hòmber serka Hesus; e hòmber tabata siegu i surdu, pasobra e tabata poseé. Hesus a kur'é i e hòmber por a papia i mira. 23Henter e multitut a keda asombrá i nan tabata puntra: ‘Por ta posibel ku ta e hòmber akí ta e Yu di David?’ 24Ora e fariseonan a tende kiko a pasa, nan a laga sa: ‘Ta ku yudansa di Belzebul, hefe di demoño, so, E por saka demoño.’#Mateo 9:34; 10:25 25Hesus, ku tabata sa kiko nan tabata pensa, a bisa nan: ‘Tur reino ku ta dividí, lo kaba na nada. Niun siudat i kas di famia ku ta dividí, no por keda eksistí. 26Si satanas ta saka satanas, su reino ta dividí, anto e ora ei su reino no por keda eksistí. 27Awor si Mi ta saka demoño ku yudansa di Belzebul, ta ku ken su yudansa boso mes siguidónan ta saka demoño? Si boso sigui pensa asina, nan mes ta husga boso. 28Ma si ta ku yudansa di Dios su Spiritu Mi ta saka demoño, esei ke men ku ya kaba reino di Dios a yega serka boso.
29Niun hende no por drenta kas di un hòmber fuerte i hòrta su kosnan sin mar'é promé. Ta asin'ei so por kohe su kosnan.
30Esun ku no ta na mi fabor, ta kontra Mi#Marko 9:40 i esun ku no yuda Mi pone huntu, ta plama. 31P'esei Mi ta bisa boso: hende por haña pordon di tur piká ku e hasi i tur kos malu ku e papia.#12:31 tur kos malu ku e papia; otro posibel tradukshon: tur blasfemia kontra Dios Ma esun ku blasfemá Spiritu Santu, lo no haña pordon. 32Esun ku papia un palabra kontra e Yu di hende, lo haña pordon, ma esun ku papia kontra Spiritu Santu, lo no haña pordon.#Lukas 12:10 Ni den e tempu akí, ni den e tempu ku ta bini.
E palu i su frutanan
(Lukas 6:43-45)
33Si boso aseptá ku un palu di fruta ta bon, su frutanan tambe mester ta bon. Si boso aseptá ku un palu ta malu, su frutanan tambe mester ta malu. Pasobra ta na e fruta ta konosé e palu!#Sirag 27:6; Mateo 7:20; Lukas 6:44 34Rasa di kolebra!#Mateo 3:7; 23:33; Lukas 3:7 Kon boso, ku ta mal hende, por papia kos bon? Pasobra boka ta papia loke kurason ta yená kuné.#Mateo 15:18; Lukas 6:45 35Un bon hende ta saka kos bon for di su mangasina di kos bon; un mal hende ta saka kos malu for di su mangasina di kos malu.
36Mi ta bisa boso: riba dia di huisio, hende lo mester duna kuenta di kada palabra sin sentido, ku nan a yega di papia. 37Pasobra ta bo mes palabranan lo demostrá si bo ta inosente òf si mester kondená bo.’
Nan ta pidi Hesus un señal
(Marko 8:11-12; Lukas 11:29-32)
38Algun dòktor di lei i fariseo a bisa Hesus: ‘Maestro, nos ke pa bo duna un señal pa mustra nos ku Dios ta ku bo.’#Mateo 16:1; Marko 8:11; Lukas 11:16 39Hesus a bisa nan: ‘Generashon perverso i malbado, ku ta pidi señal,#Mateo 16:4; Marko 8:12 e úniko señal ku boso lo haña, ta e señal di profeta Yonas. 40Pasobra manera Yonas a keda tres dia i tres anochi den barika di e piská grandi,#Yonas 1:17 asina ei e Yu di hende lo keda tres dia i tres anochi den barika di tera. 41Dia di huisio, e hendenan di Nínive lo lanta huntu ku e hendenan di e generashon akí i kondená nan. Pasobra nan a arepentí, ora nan a tende predikashi di Yonas.#Yonas 3:5 I mira, aki tin algu superior na Yonas. 42Reina di Sheba tambe lo lanta dia di huisio huntu ku e hendenan di e generashon akí i lo e kondená nan. Pasobra el a sali fo'i un ekstremo di mundu pa skucha rei Salomon su palabranan di sabiduria#1 Reinan 10:1-10; 2 Krónikanan 9:1-12 i mira, aki tin algu superior na Salomon.
Mal spiritu ta bini bèk
(Lukas 11:24-26)
43Ora un mal spiritu sali for di un hende, e ta pasa den lugá seku pa buska un lugá di sosiegu, sin por haña esei. 44E ta bisa: “Mi ta bai kas bèk for di kaminda mi a sali.” Anto ora e bai bèk, e ta haña e kas bashí, bon limpiá i nèchi drechá. 45E ora ei e ta bai buska shete otro mal spiritu, pió ku e mes; nan ta drenta i forma nan bibá. E hòmber su situashon ta bira pió ku e tabata na kuminsamentu. Asina lo pasa ku e generashon malbado akí!’
Mama i e rumannan di Hesus
(Marko 3:31-35; Lukas 8:19-21)
46Miéntras Hesus tabata papia ku e hendenan, ata su mama i su rumannan a bin para pafó; nan tabata buska moda di papia kunÉ. 47Un hende a bis'É: ‘Bo mama i bo rumannan ta pará pafó; nan ke papia ku Bo.’ 48Hesus a kontestá esun ku a papia kunÉ: ‘Ken ta mi mama? Ken ta mi rumannan?’ 49El a mustra den direkshon di su disipelnan i a bisa: ‘Wak, ata mi mama i mi rumannan akí! 50Ken ku hasi boluntat di mi Tata ku ta den shelu, ta mi ruman hòmber, mi ruman muhé, mi mama.’
Currently Selected:
Mateo 12: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Mateo 12
12
Hesus i sabat
(Marko 2:23-28; Lukas 6:1-5)
1Un dia di sabat, den e mesun temporada, Hesus tabata kana den e kunukunan di trigo. Su disipelnan a haña hamber, nan a kuminsá piki tapushi di trigo i kome e trigo.#Deuteronomio 23:25 2E fariseonan a mira loke tabata pasa i a bisa Hesus: ‘Ata wak nan! Bo disipelnan ta hasiendo loke no ta pèrmití riba dia di sabat.’ 3El a kontestá nan: ‘Boso no a lesa kiko David a hasi ora e i su kompañeronan tabatin hamber? 4El a drenta kas di Señor i a kome e pan konsagrá#1 Samuel 21:1-6 ku e saserdotenan so mag kome.#Levítiko 24:9 5Boso no a lesa den lei ku riba sabat e saserdotenan ta kibra lei di sabat sin ta kulpabel?#Numbernan 28:9-10 6Ami ta bisa boso, aki tin un ku ta mas importante ku tèmpel! 7Skritura ta bisa: “Mizerikòrdia Mi ke i no sakrifisio.”#Hoséas 6:6; Mateo 9:13 Si boso tabata sa kiko esei ta nifiká, boso lo no a kondená hende inosente. 8Pasobra e Yu di hende tin outoridat riba sabat.’
Hesus ta kura hende riba sabat
(Marko 3:1-6; Lukas 6:6-11)
9Hesus a bai for di ei i drenta nan snoa, 10kaminda tabatin un hòmber ku un man mankaron. Pa haña algu pa akusá Hesus di dje, nan a puntr'É: ‘Ta pèrmití pa kura hende riba sabat?’ 11Hesus a kontestá: ‘Akaso un di boso lo keda sin saka su karné fo'i un buraku, si ta riba sabat e karné a kai aden?#Lukas 14:5 12Hende no tin muchu mas balor ku karné? Ke men antó ku ta pèrmití pa hasi bon riba sabat.’ 13E ora ei El a bisa e hòmber: ‘Rèk bo man.’ E hòmber a rèk su man i e man a bira bon atrobe meskos ku e otro man. 14Ma e fariseonan a sali bai traha plan pa wak kon por kaba ku Hesus.
E sirbidó ku Dios a skohe
15Hesus, konsiente di e kòmplòt kontra djE, a kita bai for di ei. Hopi hende tabata siguiÉ; El a kura tur e hende malunan. 16Hesus a prohibí nan di bisa ken E ta. 17Asin'ei e palabranan, ku Dios a bisa pa medio di profeta Isaías, a keda kumplí:
18‘Ata mi Sirbidor ku Mi a skohe,
esun ku Mi ta stima,
legria di mi kurason.
Lo Mi manda mi Spiritu riba djE;
lo E proklamá mi hustisia na e nashonnan.
19Lo E no pleita ni grita;
niun hende lo no tend'É papia duru riba kaya.
20Lo E no kibra ni un sprichi doblá,
ni paga un mecha ku ta djis huma,
te ora E pone mi hustisia triunfá.
21Nashonnan lo pone nan speransa den djE.’#Isaías 42:1-4
Hesus i Belzebul
(Marko 3:20-30; Lukas 11:14-23; 12:10)
22Nan a trese un hòmber serka Hesus; e hòmber tabata siegu i surdu, pasobra e tabata poseé. Hesus a kur'é i e hòmber por a papia i mira. 23Henter e multitut a keda asombrá i nan tabata puntra: ‘Por ta posibel ku ta e hòmber akí ta e Yu di David?’ 24Ora e fariseonan a tende kiko a pasa, nan a laga sa: ‘Ta ku yudansa di Belzebul, hefe di demoño, so, E por saka demoño.’#Mateo 9:34; 10:25 25Hesus, ku tabata sa kiko nan tabata pensa, a bisa nan: ‘Tur reino ku ta dividí, lo kaba na nada. Niun siudat i kas di famia ku ta dividí, no por keda eksistí. 26Si satanas ta saka satanas, su reino ta dividí, anto e ora ei su reino no por keda eksistí. 27Awor si Mi ta saka demoño ku yudansa di Belzebul, ta ku ken su yudansa boso mes siguidónan ta saka demoño? Si boso sigui pensa asina, nan mes ta husga boso. 28Ma si ta ku yudansa di Dios su Spiritu Mi ta saka demoño, esei ke men ku ya kaba reino di Dios a yega serka boso.
29Niun hende no por drenta kas di un hòmber fuerte i hòrta su kosnan sin mar'é promé. Ta asin'ei so por kohe su kosnan.
30Esun ku no ta na mi fabor, ta kontra Mi#Marko 9:40 i esun ku no yuda Mi pone huntu, ta plama. 31P'esei Mi ta bisa boso: hende por haña pordon di tur piká ku e hasi i tur kos malu ku e papia.#12:31 tur kos malu ku e papia; otro posibel tradukshon: tur blasfemia kontra Dios Ma esun ku blasfemá Spiritu Santu, lo no haña pordon. 32Esun ku papia un palabra kontra e Yu di hende, lo haña pordon, ma esun ku papia kontra Spiritu Santu, lo no haña pordon.#Lukas 12:10 Ni den e tempu akí, ni den e tempu ku ta bini.
E palu i su frutanan
(Lukas 6:43-45)
33Si boso aseptá ku un palu di fruta ta bon, su frutanan tambe mester ta bon. Si boso aseptá ku un palu ta malu, su frutanan tambe mester ta malu. Pasobra ta na e fruta ta konosé e palu!#Sirag 27:6; Mateo 7:20; Lukas 6:44 34Rasa di kolebra!#Mateo 3:7; 23:33; Lukas 3:7 Kon boso, ku ta mal hende, por papia kos bon? Pasobra boka ta papia loke kurason ta yená kuné.#Mateo 15:18; Lukas 6:45 35Un bon hende ta saka kos bon for di su mangasina di kos bon; un mal hende ta saka kos malu for di su mangasina di kos malu.
36Mi ta bisa boso: riba dia di huisio, hende lo mester duna kuenta di kada palabra sin sentido, ku nan a yega di papia. 37Pasobra ta bo mes palabranan lo demostrá si bo ta inosente òf si mester kondená bo.’
Nan ta pidi Hesus un señal
(Marko 8:11-12; Lukas 11:29-32)
38Algun dòktor di lei i fariseo a bisa Hesus: ‘Maestro, nos ke pa bo duna un señal pa mustra nos ku Dios ta ku bo.’#Mateo 16:1; Marko 8:11; Lukas 11:16 39Hesus a bisa nan: ‘Generashon perverso i malbado, ku ta pidi señal,#Mateo 16:4; Marko 8:12 e úniko señal ku boso lo haña, ta e señal di profeta Yonas. 40Pasobra manera Yonas a keda tres dia i tres anochi den barika di e piská grandi,#Yonas 1:17 asina ei e Yu di hende lo keda tres dia i tres anochi den barika di tera. 41Dia di huisio, e hendenan di Nínive lo lanta huntu ku e hendenan di e generashon akí i kondená nan. Pasobra nan a arepentí, ora nan a tende predikashi di Yonas.#Yonas 3:5 I mira, aki tin algu superior na Yonas. 42Reina di Sheba tambe lo lanta dia di huisio huntu ku e hendenan di e generashon akí i lo e kondená nan. Pasobra el a sali fo'i un ekstremo di mundu pa skucha rei Salomon su palabranan di sabiduria#1 Reinan 10:1-10; 2 Krónikanan 9:1-12 i mira, aki tin algu superior na Salomon.
Mal spiritu ta bini bèk
(Lukas 11:24-26)
43Ora un mal spiritu sali for di un hende, e ta pasa den lugá seku pa buska un lugá di sosiegu, sin por haña esei. 44E ta bisa: “Mi ta bai kas bèk for di kaminda mi a sali.” Anto ora e bai bèk, e ta haña e kas bashí, bon limpiá i nèchi drechá. 45E ora ei e ta bai buska shete otro mal spiritu, pió ku e mes; nan ta drenta i forma nan bibá. E hòmber su situashon ta bira pió ku e tabata na kuminsamentu. Asina lo pasa ku e generashon malbado akí!’
Mama i e rumannan di Hesus
(Marko 3:31-35; Lukas 8:19-21)
46Miéntras Hesus tabata papia ku e hendenan, ata su mama i su rumannan a bin para pafó; nan tabata buska moda di papia kunÉ. 47Un hende a bis'É: ‘Bo mama i bo rumannan ta pará pafó; nan ke papia ku Bo.’ 48Hesus a kontestá esun ku a papia kunÉ: ‘Ken ta mi mama? Ken ta mi rumannan?’ 49El a mustra den direkshon di su disipelnan i a bisa: ‘Wak, ata mi mama i mi rumannan akí! 50Ken ku hasi boluntat di mi Tata ku ta den shelu, ta mi ruman hòmber, mi ruman muhé, mi mama.’
Currently Selected:
:
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013