Yeremías 5
5
Herusalèm, un siudat kompletamente korumpí
1SEÑOR ta bisa:
‘Kana pasa den kayanan di Herusalèm!
Wak bon rònt i tuma nota!
Riba plenchinan tambe!
Si boso haña maske ta ún hende
ku ta hasi loke ta drechi
i ku ta purba di ta honesto,
Mi ta pordoná Herusalèm.’#Génesis 18:23-33
2Mi a rospondé:
‘Maske nan hura ku e palabranan:
“Mi ta hura pa Dios”,
tòg nan huramentu ta falsu.
3Ma n' ta hende sinsero Bo ta buska, SEÑOR?
Bo a gòlpia e pueblo akí,
pero esei no a sirbi pa nada.
Bo a aplastá nan,
pero nan a nenga di kohe kurpa.
Nan ta kabesura,
nan ta nenga di bolbe serka Bo.’
4Den kuminsamentu m'a pensa:
‘Kasi sigur ta hende mashá simpel ta hasi asina,
hende ku no sa mihó,
ku no sa kiko SEÑOR ta spera di nan,
ni no konosé Dios su mandamentunan.
5Laga mi bai antó serka shon grandinan
i papia ku nan.
Nan sí sa kiko SEÑOR ta spera di nan,
nan sí konosé SEÑOR su mandamentunan.’
Pero tantu bal, tur ta meskos,
nan a sakudí su yugo fo'i nan skouder
i kibra tur laso kunÉ.
6P'esei lobo ta sali for di boske mata nan,
zoro for di sabana habraká nan,
leopardo ta drumi lur nan siudatnan:
e hende ku tribi sali ta keda isker na pida pida,
pasobra nan krímennan ta numeroso,
nan a bira lomba pa SEÑOR mashá hopi be mes.
7SEÑOR a bisa:
‘Herusalèm, ta kon Mi ta hasi pordoná bo?
Bo yunan a bandoná Mi,
nan a hura pa diosnan ku no ta ni dios tampoko.
Mi a duna nan mas di loke nan tabatin mester,
pero nan a kometé adulterio
i na trupa nan a basha bai kasnan di bia.
8Kabai gordo, kayente nan ta!
Kada machu ta grita: “Hi hi hi”,
loko tras di muhé di otro.
9Anto Mi no mester kastigá nan?
Mi no mester tuma vengansa riba un pueblo asina?
10Ban mira! Subi e terasanan di wendrùif, destrosá nan,
pero no destruí tur e matanan di wendrùif sí.
Ranka solamente e stèkinan kit'afó,
nan no ta pertenesé na Mi.#Isaías 5:1-7; Yeremías 2:21
11Pasobra bèrdat ta
ku tantu reino di Huda
komo reino di Israel
a bandoná Mi kompletamente.’
Asina SEÑOR ta bisa.
Pueblo mester karga konsekuensia di su maldat
12E pueblo a nenga SEÑOR.
El a bisa: ‘Ai, E no ta hasi nada tòg!
Nada no ta pasa nos.
Guera no ta bini no,
nos no ta muri di hamber.
13E profetanan n' ta nada mas ku bientu.
E kosnan ku nan ta anunsiá mester pasa nan mes,
pasobra sigur sigur n' ta Dios a papia ku nan.’
14Pasobra e pueblo a bisa e kos ei,
p'esei SEÑOR, Dios Soberano, a bisa mi:
‘Yeremías, Mi ta laga mi palabranan
bira kandela den bo boka,
ku ta kima e pueblo akí
manera kandela ku ta kome palu.’
15‘Enkuanto boso, israelitanan,’
asina SEÑOR ta deklará,
‘Mi ta manda un pueblo for di un pais leu pa boso.
Boso no konosé nan idioma,
ni no ta komprondé loke nan ta papia.
Ta un pueblo sumamente bieu
ku forsa inagotabel.#Deuteronomio 28:49-52; Barug 4:15
16Tur ta sòldá itrein
ku ta sembra morto ku nan flechanan.
17Nan ta devorá boso kosecha, boso kuminda;
nan ta devorá boso yunan muhé i hòmber;
nan ta devorá boso baka- i karnénan;
nan ta devorá boso matanan di wendrùif i di figo;
nan lo kibra boso siudatnan reforsá na filingrana,
e siudatnan ku boso ta konfia tantu
i nan lo mata e habitantenan ku spada.
18I ainda Mi no ta kaba ku boso kompletamente,’ SEÑOR ta deklará. 19‘Pero si un hende puntra: “Pakiko SEÑOR, nos Dios, a hasi tur e kosnan ei ku nos?”, abo, Yeremías mester rospondé: “Boso a bandoná SEÑOR pa sirbi diosnan straño anto den boso propio pais! P'esei tambe boso ta bai sirbi strañeronan den un pais ku no ta di boso.” ’
Tantu maldat no meresé kastigu?
20SEÑOR a bisa:
‘Anunsiá e desendientenan di Yakob,
proklamá na pueblo di Huda:
21“Tende un kos akí, hendenan kabes duru i sin sintí,
boso ku tin wowo, pero no ta mira,
orea, pero no ta tende:#Isaías 6:9-10; Ezekiel 12:2; Marko 8:18
22Di kon boso no tin rèspèt di Mi,
ni no ta para tembla Mi dilanti?
Mi a krea playa komo límite di laman,
un límite ku laman no ta pasa nunka.#Job 38:8-11; Salmo 104:6-9; Proverbionan 8:29
Maske e olanan lora bini,
nunka nan no por sigui bai mas leu;
maske kuantu nan bati kontra e barera ei,
nan no por kibr'é.
23Pero boso ta un pueblo kabesura,
rebelde boso ta;
boso a bira lomba pa Mi i kore bai,
24na lugá di bisa:
‘Ban sinti rèspèt di SEÑOR Dios,
pasobra E ta duna áwaseru ora ta nesesario,
trempan i lat den aña,
i E ta duna nos tur aña di nobo un tempu pa kosechá.’
25Boso maldat a bruha tur asuntu.
Mi no ta duna boso e bendishonnan ei mas,
pa motibu di boso pikánan.
26Tin bandidu den mi pueblo,
nan ta drumi warda manera hende ku ke kohe para,
pero e trampa ku nan pone ta pa kohe hende.
27Manera ta pak un kouchi ku para,
asina nan ta stiwa nan kas yen di kos,
ku nan a logra haña ku ladronisia.
T'esei a hasi nan riku i poderoso;
28nan ta grandi i gordo.
Nan krímennan no tin límite,
hustisia ta mal pará serka nan:
nan no ta sali pa wérfanonan
ni defendé derecho di pobernan.
29Antó Mi no mester kastigá nan?
Mi no mester tuma vengansa riba un pueblo asina?
30Loke ta pasa den e pais akí
ta algu teribel, abominabel:
31Profetanan, mentira so nan ta saka,
saserdotenan ta aktua riba nan mes#5:31 saserdotenan…mes; otro posibel tradukshon: saserdotenan ta manda segun indikashon di e profetanan
i nèt esei ta loke mi pueblo gusta.
Pero ora e fin yega,
kiko boso lo hasi?”’
Currently Selected:
Yeremías 5: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Yeremías 5
5
Herusalèm, un siudat kompletamente korumpí
1SEÑOR ta bisa:
‘Kana pasa den kayanan di Herusalèm!
Wak bon rònt i tuma nota!
Riba plenchinan tambe!
Si boso haña maske ta ún hende
ku ta hasi loke ta drechi
i ku ta purba di ta honesto,
Mi ta pordoná Herusalèm.’#Génesis 18:23-33
2Mi a rospondé:
‘Maske nan hura ku e palabranan:
“Mi ta hura pa Dios”,
tòg nan huramentu ta falsu.
3Ma n' ta hende sinsero Bo ta buska, SEÑOR?
Bo a gòlpia e pueblo akí,
pero esei no a sirbi pa nada.
Bo a aplastá nan,
pero nan a nenga di kohe kurpa.
Nan ta kabesura,
nan ta nenga di bolbe serka Bo.’
4Den kuminsamentu m'a pensa:
‘Kasi sigur ta hende mashá simpel ta hasi asina,
hende ku no sa mihó,
ku no sa kiko SEÑOR ta spera di nan,
ni no konosé Dios su mandamentunan.
5Laga mi bai antó serka shon grandinan
i papia ku nan.
Nan sí sa kiko SEÑOR ta spera di nan,
nan sí konosé SEÑOR su mandamentunan.’
Pero tantu bal, tur ta meskos,
nan a sakudí su yugo fo'i nan skouder
i kibra tur laso kunÉ.
6P'esei lobo ta sali for di boske mata nan,
zoro for di sabana habraká nan,
leopardo ta drumi lur nan siudatnan:
e hende ku tribi sali ta keda isker na pida pida,
pasobra nan krímennan ta numeroso,
nan a bira lomba pa SEÑOR mashá hopi be mes.
7SEÑOR a bisa:
‘Herusalèm, ta kon Mi ta hasi pordoná bo?
Bo yunan a bandoná Mi,
nan a hura pa diosnan ku no ta ni dios tampoko.
Mi a duna nan mas di loke nan tabatin mester,
pero nan a kometé adulterio
i na trupa nan a basha bai kasnan di bia.
8Kabai gordo, kayente nan ta!
Kada machu ta grita: “Hi hi hi”,
loko tras di muhé di otro.
9Anto Mi no mester kastigá nan?
Mi no mester tuma vengansa riba un pueblo asina?
10Ban mira! Subi e terasanan di wendrùif, destrosá nan,
pero no destruí tur e matanan di wendrùif sí.
Ranka solamente e stèkinan kit'afó,
nan no ta pertenesé na Mi.#Isaías 5:1-7; Yeremías 2:21
11Pasobra bèrdat ta
ku tantu reino di Huda
komo reino di Israel
a bandoná Mi kompletamente.’
Asina SEÑOR ta bisa.
Pueblo mester karga konsekuensia di su maldat
12E pueblo a nenga SEÑOR.
El a bisa: ‘Ai, E no ta hasi nada tòg!
Nada no ta pasa nos.
Guera no ta bini no,
nos no ta muri di hamber.
13E profetanan n' ta nada mas ku bientu.
E kosnan ku nan ta anunsiá mester pasa nan mes,
pasobra sigur sigur n' ta Dios a papia ku nan.’
14Pasobra e pueblo a bisa e kos ei,
p'esei SEÑOR, Dios Soberano, a bisa mi:
‘Yeremías, Mi ta laga mi palabranan
bira kandela den bo boka,
ku ta kima e pueblo akí
manera kandela ku ta kome palu.’
15‘Enkuanto boso, israelitanan,’
asina SEÑOR ta deklará,
‘Mi ta manda un pueblo for di un pais leu pa boso.
Boso no konosé nan idioma,
ni no ta komprondé loke nan ta papia.
Ta un pueblo sumamente bieu
ku forsa inagotabel.#Deuteronomio 28:49-52; Barug 4:15
16Tur ta sòldá itrein
ku ta sembra morto ku nan flechanan.
17Nan ta devorá boso kosecha, boso kuminda;
nan ta devorá boso yunan muhé i hòmber;
nan ta devorá boso baka- i karnénan;
nan ta devorá boso matanan di wendrùif i di figo;
nan lo kibra boso siudatnan reforsá na filingrana,
e siudatnan ku boso ta konfia tantu
i nan lo mata e habitantenan ku spada.
18I ainda Mi no ta kaba ku boso kompletamente,’ SEÑOR ta deklará. 19‘Pero si un hende puntra: “Pakiko SEÑOR, nos Dios, a hasi tur e kosnan ei ku nos?”, abo, Yeremías mester rospondé: “Boso a bandoná SEÑOR pa sirbi diosnan straño anto den boso propio pais! P'esei tambe boso ta bai sirbi strañeronan den un pais ku no ta di boso.” ’
Tantu maldat no meresé kastigu?
20SEÑOR a bisa:
‘Anunsiá e desendientenan di Yakob,
proklamá na pueblo di Huda:
21“Tende un kos akí, hendenan kabes duru i sin sintí,
boso ku tin wowo, pero no ta mira,
orea, pero no ta tende:#Isaías 6:9-10; Ezekiel 12:2; Marko 8:18
22Di kon boso no tin rèspèt di Mi,
ni no ta para tembla Mi dilanti?
Mi a krea playa komo límite di laman,
un límite ku laman no ta pasa nunka.#Job 38:8-11; Salmo 104:6-9; Proverbionan 8:29
Maske e olanan lora bini,
nunka nan no por sigui bai mas leu;
maske kuantu nan bati kontra e barera ei,
nan no por kibr'é.
23Pero boso ta un pueblo kabesura,
rebelde boso ta;
boso a bira lomba pa Mi i kore bai,
24na lugá di bisa:
‘Ban sinti rèspèt di SEÑOR Dios,
pasobra E ta duna áwaseru ora ta nesesario,
trempan i lat den aña,
i E ta duna nos tur aña di nobo un tempu pa kosechá.’
25Boso maldat a bruha tur asuntu.
Mi no ta duna boso e bendishonnan ei mas,
pa motibu di boso pikánan.
26Tin bandidu den mi pueblo,
nan ta drumi warda manera hende ku ke kohe para,
pero e trampa ku nan pone ta pa kohe hende.
27Manera ta pak un kouchi ku para,
asina nan ta stiwa nan kas yen di kos,
ku nan a logra haña ku ladronisia.
T'esei a hasi nan riku i poderoso;
28nan ta grandi i gordo.
Nan krímennan no tin límite,
hustisia ta mal pará serka nan:
nan no ta sali pa wérfanonan
ni defendé derecho di pobernan.
29Antó Mi no mester kastigá nan?
Mi no mester tuma vengansa riba un pueblo asina?
30Loke ta pasa den e pais akí
ta algu teribel, abominabel:
31Profetanan, mentira so nan ta saka,
saserdotenan ta aktua riba nan mes#5:31 saserdotenan…mes; otro posibel tradukshon: saserdotenan ta manda segun indikashon di e profetanan
i nèt esei ta loke mi pueblo gusta.
Pero ora e fin yega,
kiko boso lo hasi?”’
Currently Selected:
:
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013