Sôfônia 1
1
1Ny tenin’i Iaveh izay natao tamin’i Sôfônia#1,1 I Sôfônia: Ny hevitry ny anarany dia hoe: narovan’Andriamanitra., zanak’i Kozì, zanak’i Godoliasa, zanak’i Amariaza, zanak’i Ezekiasa#1,1 I Ezekiasa: Tsy i Ezekiasa mpanjaka akory io Ezekiasa io., tamin’ny andron’i Josiasa#1,1 I Josiasa: Mpanjaka tsara fanahy; izy no nandrava ny fanompoan-tsampy tamin’i Israely sy i Jodà., zanak’i Amôna, mpanjakan’i Jodà.
1. NY ANDRON’I IAVEH AO AMIN’NY JODÀ
Ny ataon’i Iaveh mialoha eo amin’izao tontolo izao
2Hoesoriko#1,2 Hoesoriko: Izany hoe, holevoniko. eo ambonin’ny tany ny zavatra rehetra,
- teny marin’i Iaveh; -
3Hoesoriko ny olombelona sy ny biby;
hoesoriko ny voromanidina sy ny hazan-dranomasina,
ary ny fanafintohinana#1,3 Ny fanafintohinana: Ny zavatra rehetra izay mahatarika amin’ny fanompoan-tsampy. mbamin’ny ratsy fanahy;
ka haringako eo ambonin’ny tany ny olombelona,
- teny marin’i Iaveh. -
Famelezana ny fanompoan-tsampy
4Dia haninji-tanana hamely an’i Jodà Aho,
sy hamely ny mponina rehetra ao Jerosalema,
ary haringako amin’ity fitoerana ity ny sisan’i Baala#1,4 Ny sisan’i Baala. Angentsam-pitenenana izany, manambara ny fanovana ny toe-piainan’ny olona, izay vao natombok’i Josiasa.,
ny anaran’ny mpandraharahany miaraka amin’ny mpisorona.
5Ireo miankohoka eny ambonin’ny tafon-trano#1,5 Ambonin’ny tafon-trano. Ny tafon-tranon’ny Hebrio dia marin-tampona sahala amin’ny rihana tsy misy tafo atỳ amintsika, ka teo no nananganany ôtely mba ho voninahitry ny masoandro, volana, kintana, izay lazaina hoe tafiky ny lanitra.,
eo anatrehan’ny tafiky ny lanitra;
sy ireo miankohoka manao fianianana amin’i Iaveh#1,5 Manao fianianana amin’i Iaveh: Ny lazaina eto, dia ireo izay nampifangaro ny fomba fivavahana amin’ny sampy sy ny fanao amin’i Iaveh.,
sady mianiana amin’ny mpanjakany#1,5 Mianiana amin’ny mpanjakany: Ny lazaina hoe, mpanjakany, dia ilay sampy nalaza tamin’ny Amônita natao hoe Melkoma, izay niely eran’i Jodea ny fanompoana azy.;
6sy ireo mihataka miala amin’i Iaveh,
izay tsy mitady an’i Iaveh,
ary tsy manan-draharaha Aminy akory.
7Mangina eo anatrehan’ny Tompo Iaveh,
fa efa akaiky ny andron’i Iaveh,
satria efa nanomana sorona#1,7 Sorona: Ny fitsaran’i Iaveh dia oharina amin’ny sorona, arahin’ny sakafo masina. i Iaveh,
efa nanamasina ny olo-nasainy Izy.
Famelezana ireo ambony tany amin’ny lapa
8Ary izao no hitranga: Amin’ny andron’ny soron’i Iaveh
hofaizako ny mpanapaka
sy ny zanak’andriana,
mbamin’izay rehetra manao fitafian’ny hafa firenena.
9Hofaizako avokoa amin’izany andro izany,
izay rehetra#1,9 Izay rehetra, sns. Hofaizako ny mpanompon’ny manamboninahitra sy ny mpanjaka izay sahy miditra ny tokonan-tranon’olona mba handroba azy. miezaka mihoatra ny tokonana,
ka nameno fahasahiana amam-pitaka
ny tranon’ny tompony.
Famelezana ny mpivarotr’i Jerosalema
10Amin’izany andro izany dia izao no hatao,
- teny marin’i Iaveh: -
Hisy antsoantso hitatatata avy ao am-bavahadin’ny hazandrano#1,10 Vavahadin’ny hazandrano: Izany vavahady izany dia ao ambonin’i Tiropeona.;
hisy hitarainana, avy ao an-tanàna faharoa#1,10 Tanàna faharoa: Tanàna erỳ ambany amin’ny havoan’i Akrà; atao hoe faharoa, raha miolotra amin’ilay tanàna voalohany naorin’i Davida teo an-tendrombohitra Siôna.;
ary hisy kotrokotroka be avy amin’ny havoana#1,10 Havoana: Ireo havoana manodidina ny tanàna ambany..
11Midradradradrà, ry mponina ao amin’ny Feta#1,11 Feta: Anarana fizaran-tany ao an-tanàna, ka ny mpivarotra indrindra no nonina tao.,
fa ringana avokoa ny vahoaka kananeanina,
levona avokoa izay rehetra mivesatra vola.
Famelezana ny tsy mpino
12Izao no hatao amin’izany andro izany:
Hokarohiko amin’ny fanala i Jerosalema,
ka hofaizako ny olona mandry mifetaka amin’ny faikany#1,12 Olona mandry mifetaka amin’ny faikany: Hain-teny mitarehin’ohabolana midika hoe: olona donto, tsy miraika intsony amin’izay hoe lalàm-pitondran-tena sy fivavahana; raha tsorina dia hoe, olona mivarilavo amin’ny faharatsiana.,
izay manao anakampo hoe:
Tsy manisy soa, tsy manisy ratsy i Iaveh!
13Hatolotra hobaboina, ny fananany,
ary hatolotra horavana ny tranony;
hanao trano izy, fa tsy hitoetra ao;
hamboly voaloboka izy, fa tsy hisotro divay avy amin’izany.
Ny andron’i Iaveh
14Efa akaiky ny andro#1,14 Ny andro: Ny lazaina amin’ity andininy ity sy ny andininy manaraka, sady efa nambaran’i Joely mpaminany koa (Jl 2,1-2) dia ny famaboana ataon’ny Babilônianina. Izany andro izany, araka ny hevitr’i Masindahy Jérôme, dia tandindon’ilay andro farany izay hikapohan’Andriamanitra ny mpanota noho ny faharatsiany. lehiben’i Iaveh,
efa akaiky izy sady tamy haingana dia haingana!
Injay migàdona ny andron’i Iaveh!
Ho velon-taraina mangidy amin’izay ny olo-mahery fo.
15Fa izany andro izany, dia androm-pahatezerana,
androm-pahoriana aman-tebiteby,
andro fahalahelovana amam-pandravana,
androm-pahamaizinana sy fanjombonana,
andro mandrahona sady manjavona mainty,
16andron’ny trômpetra sy ny fanairana,
eo ambonin’ny tanàna mimanda, mbamin’ny nongonongona avo amin’ny manda.
17Halatsako am-pahoriana ny olona,
ka hiraparapa toy ny jamba,
satria nanota tamin’i Iaveh izy.
Hiraraka toy ny vovoka ny rany,
ary toy ny zezika ny nofony.
18Tsy hisy hahavonjy azy na ny volafotsiny na ny volamenany,
amin’ny andron’ny fisafoahan’i Iaveh;
holevonin’ny fahasaro-piarony avokoa ny tany;
fa hataony rava tsy misy miangana, ataony fongotra tampoka,
ny mponina rehetra amin’ny tany.
Currently Selected:
Sôfônia 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.