Salamo 1
1
SALAMO 1
Lalana roa
1Sambatra ny olona tsy mandeha amin’ny fisainan’ny
tsy mpivavaka,
tsy mijanona amin’ny lalan’ny mpanota,
ary tsy mipetraka amin’ny mpaniratsira;
2fa ny lalàn’i Iaveh no ifaliany,
sady saintsaininy andro aman’alina.
3Tahaka ny hazo nambolena eo amoron’ny ranovelona izy,
ka ny voany tonga amin’ny fotoany;
ny raviny tsy mba malazo;
ny ataony rehetra vanona avokoa#1,3 Jereo Jer 17,8..
4Tsy mba toy izany ny tsy mpivavaka:
toy ny akofa faohin’ny rivotra izy,
5ka tsy hahatsangana amin’ny andron’ny fitsarana#1,5 Amin’ny andron’ny fitsarana. Ny fitsarana lazaina eto dia ny fanasazian’Andriamanitra ny ratsy fanahy, na eto an-tany na amin’ny farandro.
ny tsy mpivavaka,
na eo amin’ny fiangonan’ny olo-marina, ny mpanota#1,5 Tsy hahatsangana ny mpanota. Amin’izany, dia ho safo-kenatra ary tsy ho afa-miaro tena izy ireo..
6Satria ny lalan’ny marina fantatr’i Iaveh
fa ny lalan’ny mpanota mitarika ho amin’ny fahaverezana.
Currently Selected:
Salamo 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.