Osea 13
13
Sazin’ny mpanompo sampy
1Raha vao niteny i Efraima#13,1 I Efraima: Anisan’ny firenena nanan-kasina ny fokon’i Efraima, hany ka nanjary lohan’ny foko 12; ka raha miteny izy, dia manaiky aman-tahotra sy amim-panajana daholo ny sisa rehetra. Nefa, araka ny filazan’i Masindahy Jérôme, dia maro no milaza fa ny hoe Efraima eto, dia manambara an’i Jerôbôama, avy amin’izany foko izany, izay nampiseho hevitra tamin’ny vahoakany hitsaoka ny zanak’omby volamenany. Raiki-tahotra i Israely tamin’izay, ka dia nanaraka izay nirin’ny fony (1Mpa 12,28 sy ny manaraka)., dia nihorohoro ny olona;
nisandratra izy teo amin’i Israely.
Fa tonga meloka izy noho ny amin’i Baala, ka maty.
2Ary ankehitriny izy ireo mandroso manota ihany#13,2 Mandroso manota ihany: Izany hoe, mbola manaraka ny fomba ratsiny ihany izy ireo, mivavaka amin’ny zanak’omby volamena, na manao ny tanana am-bava eo anatrehan’ny sampy ho mariky ny fitsaohana azy (Jôb 31,27).;
nanao sarin-javatra anidina#13,2 Sarin-javatra anìdina: Voarara mafy tsy ho azo atao ny manao sarin-javatra anidina mba hivavahana (Eks 34,17). tamin’ny volany,
dia sampy araka izay hevitra foroniny;
asan’ny mpanao taozavatra foana izany!
Izao no filazan’ny olona#13,2 Olona: milaza ny mpaminany sandoka, araka ny fomba kaldeanina. Ny mpisorona sy ny mpanjaka, hoy i Masindahy Jérôme; ary araka ny filazan’ny sasany, ny lazaina hoe olona eto, dia ireo mpaminanin’Andriamanitra sy ny Jody tsy mba nivadika izay naniny ny Israelita foko folo tamin’ny nanolorany sorona olona ho an’i Môlôka. azy ireo! Mpanao sorona olona,
manoroka zanak’omby.
3Noho izany izy ireo dia ho tahaka ny rahona maraina,
ho toy ny ando amin’ny maraina malaky levona,
ho tahaka ny akofa paohin’ny rivotra avy eo am-pamoloana,
ary ho tahaka ny setroka mivoaka avy eo am-baravarankely#13,3 Varavarankely: Angamba ny tena hevitr’io teny io, dia mitovitovy amin’ny ataon’ny Malagasy hoe: lava-kombarika: satria ny Israelita dia tsy mba nanana lafaoro fivoahan-tsetroka, toy ny an-dry zareo Eorôpeanina, fa ny rindrina no nogoroboahany mba hivoahan’ny setroka..
Sazin’ny tsy mpankasitraka
4Ary Izaho no Iaveh Andriamanitrao,
hatrany amin’ny tany Ejipta;
tsy hahalala Andriamanitra afa-tsy Izaho ianao;
ary eo ivelan’ny Tenako tsy misy mpamonjy.
5Nahalala anao tany an’efitra Aho
tany amin’ny tany fahamainana.
6Nony nahazo hanina izy ireo, dia nivoky;
nivoky izy ka nisondrotra ny fony;
ka izany no nanadinoany Ahy.
7Izaho kosa amin’izy ireo, dia ho toy ny liona,
ho tahaka ny pantera, hamitsahako eny amoron-dalana izy.
8Hiantoraka aminy toy ny orsa very anaka Aho,
handriatra ny sarom-pony Aho
ary handrapaka azy eo, toy ny liom-bavy;
ny biby any an-tsaha hamotipotika azy.
Foana ny fanjakana
9Izao no mahavery anao, ry Israely,
dia ianao manohitra Ahy,
manohitra an’izay vonjinao.
10Aiza àry izay mpanjakanao,
hamonjy anao ao an-tanànanao rehetra?
Ary aiza ireo mpitsaranao, izay nilazanao hoe:
Omeo mpanjaka ama-mpanapaka Aho?
11Omeko mpanjaka ianao amin’ny hatezerako;
ary esoriko ireny amin’ny fahavinirako.
Tsy maintsy rava
12Voafehy ny helok’i Efraima,
atao tsara tahiry#13,12 Voafehy...tsara tahiry: Izany hoe, tsy hadino, fa voatahiry ao amin’ny fahatsiarovan’Andriamanitra ho amin’ny andron’ny famaizana. ny fahotany.
13Voan’ny fanaintainan’ny vehivavy raha miteraka#13,13 Fanaintainan’ny vehivavy raha miteraka. Fanoharana hita matetika ao amin’ny Soratra Masina izany (jereo Mik 4,9; 1Tes 5,3). Raha mba mety mibebaka mantsy i Efraima, dia hahazo toe-piainana vaovao, masina sy sambatra. izy;
zaza tsy manam-pahendrena#13,13 Zaza tsy manam-pahendrena izy: Izany hoe, zaza tsy mety ho teraka, ka raha izany dia samy tsy maintsy ho faty na ny reniny na ilay zaza. Toy izany koa i Israely tsy mety mibebaka, ka dia tsy maintsy iharan’ny fanasaziana na ny tenan’ny isam-batan’olona izay nanota na ny firenena izay niaviany koa.,
fa nony tonga ny fotoana, tsy mandroso izy ho teraka.
14Hanafaka azy amin’ny herin’ny Seoly Aho,
hanavotra azy amin’ny fahafatesana.
Ry fahafatesana ô, aiza ny aretina fandripahanao?
Ry Seoly ô, aiza ny fandringananao?
Miafina amin’ny masoko ny nenina.
15Fa hahavokatra eo amin’ny rahalahiny i Efraima;
nefa ho tonga ny rivotra avy atsinanana#13,15 Rivotra avy atsinanana: Izany hoe, ny tafiky ny Asirianina.;
hiakatra avy any an’efitra ny fofon’ain’i Iaveh;
ka ho maina ny loharanony;
ho tankina ny fantsakàny;
hobaboiny ny firaketan’ny zava-tsarobidy rehetra.
Currently Selected:
Osea 13: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
Osea 13
13
Sazin’ny mpanompo sampy
1Raha vao niteny i Efraima#13,1 I Efraima: Anisan’ny firenena nanan-kasina ny fokon’i Efraima, hany ka nanjary lohan’ny foko 12; ka raha miteny izy, dia manaiky aman-tahotra sy amim-panajana daholo ny sisa rehetra. Nefa, araka ny filazan’i Masindahy Jérôme, dia maro no milaza fa ny hoe Efraima eto, dia manambara an’i Jerôbôama, avy amin’izany foko izany, izay nampiseho hevitra tamin’ny vahoakany hitsaoka ny zanak’omby volamenany. Raiki-tahotra i Israely tamin’izay, ka dia nanaraka izay nirin’ny fony (1Mpa 12,28 sy ny manaraka)., dia nihorohoro ny olona;
nisandratra izy teo amin’i Israely.
Fa tonga meloka izy noho ny amin’i Baala, ka maty.
2Ary ankehitriny izy ireo mandroso manota ihany#13,2 Mandroso manota ihany: Izany hoe, mbola manaraka ny fomba ratsiny ihany izy ireo, mivavaka amin’ny zanak’omby volamena, na manao ny tanana am-bava eo anatrehan’ny sampy ho mariky ny fitsaohana azy (Jôb 31,27).;
nanao sarin-javatra anidina#13,2 Sarin-javatra anìdina: Voarara mafy tsy ho azo atao ny manao sarin-javatra anidina mba hivavahana (Eks 34,17). tamin’ny volany,
dia sampy araka izay hevitra foroniny;
asan’ny mpanao taozavatra foana izany!
Izao no filazan’ny olona#13,2 Olona: milaza ny mpaminany sandoka, araka ny fomba kaldeanina. Ny mpisorona sy ny mpanjaka, hoy i Masindahy Jérôme; ary araka ny filazan’ny sasany, ny lazaina hoe olona eto, dia ireo mpaminanin’Andriamanitra sy ny Jody tsy mba nivadika izay naniny ny Israelita foko folo tamin’ny nanolorany sorona olona ho an’i Môlôka. azy ireo! Mpanao sorona olona,
manoroka zanak’omby.
3Noho izany izy ireo dia ho tahaka ny rahona maraina,
ho toy ny ando amin’ny maraina malaky levona,
ho tahaka ny akofa paohin’ny rivotra avy eo am-pamoloana,
ary ho tahaka ny setroka mivoaka avy eo am-baravarankely#13,3 Varavarankely: Angamba ny tena hevitr’io teny io, dia mitovitovy amin’ny ataon’ny Malagasy hoe: lava-kombarika: satria ny Israelita dia tsy mba nanana lafaoro fivoahan-tsetroka, toy ny an-dry zareo Eorôpeanina, fa ny rindrina no nogoroboahany mba hivoahan’ny setroka..
Sazin’ny tsy mpankasitraka
4Ary Izaho no Iaveh Andriamanitrao,
hatrany amin’ny tany Ejipta;
tsy hahalala Andriamanitra afa-tsy Izaho ianao;
ary eo ivelan’ny Tenako tsy misy mpamonjy.
5Nahalala anao tany an’efitra Aho
tany amin’ny tany fahamainana.
6Nony nahazo hanina izy ireo, dia nivoky;
nivoky izy ka nisondrotra ny fony;
ka izany no nanadinoany Ahy.
7Izaho kosa amin’izy ireo, dia ho toy ny liona,
ho tahaka ny pantera, hamitsahako eny amoron-dalana izy.
8Hiantoraka aminy toy ny orsa very anaka Aho,
handriatra ny sarom-pony Aho
ary handrapaka azy eo, toy ny liom-bavy;
ny biby any an-tsaha hamotipotika azy.
Foana ny fanjakana
9Izao no mahavery anao, ry Israely,
dia ianao manohitra Ahy,
manohitra an’izay vonjinao.
10Aiza àry izay mpanjakanao,
hamonjy anao ao an-tanànanao rehetra?
Ary aiza ireo mpitsaranao, izay nilazanao hoe:
Omeo mpanjaka ama-mpanapaka Aho?
11Omeko mpanjaka ianao amin’ny hatezerako;
ary esoriko ireny amin’ny fahavinirako.
Tsy maintsy rava
12Voafehy ny helok’i Efraima,
atao tsara tahiry#13,12 Voafehy...tsara tahiry: Izany hoe, tsy hadino, fa voatahiry ao amin’ny fahatsiarovan’Andriamanitra ho amin’ny andron’ny famaizana. ny fahotany.
13Voan’ny fanaintainan’ny vehivavy raha miteraka#13,13 Fanaintainan’ny vehivavy raha miteraka. Fanoharana hita matetika ao amin’ny Soratra Masina izany (jereo Mik 4,9; 1Tes 5,3). Raha mba mety mibebaka mantsy i Efraima, dia hahazo toe-piainana vaovao, masina sy sambatra. izy;
zaza tsy manam-pahendrena#13,13 Zaza tsy manam-pahendrena izy: Izany hoe, zaza tsy mety ho teraka, ka raha izany dia samy tsy maintsy ho faty na ny reniny na ilay zaza. Toy izany koa i Israely tsy mety mibebaka, ka dia tsy maintsy iharan’ny fanasaziana na ny tenan’ny isam-batan’olona izay nanota na ny firenena izay niaviany koa.,
fa nony tonga ny fotoana, tsy mandroso izy ho teraka.
14Hanafaka azy amin’ny herin’ny Seoly Aho,
hanavotra azy amin’ny fahafatesana.
Ry fahafatesana ô, aiza ny aretina fandripahanao?
Ry Seoly ô, aiza ny fandringananao?
Miafina amin’ny masoko ny nenina.
15Fa hahavokatra eo amin’ny rahalahiny i Efraima;
nefa ho tonga ny rivotra avy atsinanana#13,15 Rivotra avy atsinanana: Izany hoe, ny tafiky ny Asirianina.;
hiakatra avy any an’efitra ny fofon’ain’i Iaveh;
ka ho maina ny loharanony;
ho tankina ny fantsakàny;
hobaboiny ny firaketan’ny zava-tsarobidy rehetra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.