3Joany 1
1
Fiarahabana
1Izaho anti-dahy, mamangy an’i Gaiosy#1 Gaiosy. Olon-tsy fantatra; toy izany koa ry Diôtrefesy (9) sy i Demetriosa (12). malala, izay tiako araka ny marina. 2Ry malala, iriko ho toraka ny an’ny fanahinao koa ny fanambinana ny raharahanao rehetra amam-pahasalamanao.
Fiderana an’i Gaiosy
3Faly loatra aho, fa nisy havana iray finoana tonga nanambara ny fahamarinanao, na ny andehananao araka ny fahamarinana. 4Tsy misy mahafaly ahy mihoatra noho ny mandre fa mandeha araka ny fahamarinana ny zanako.
5Ry malala, tsara tokoa ny ataonao rehetra amin’ny havana iray finoana, fa indrindra amin’ireo vahiny; 6ka nambaran’izy ireo teo anatrehan’ny Eglizy ny fitiavanao namana. Ary tsara raha mamatsy azy araka ny mendrika an’Andriamanitra ianao, amin’ny fandehanan’izy ireo; 7fa ho voninahitry ny Anarany no nandehanan’izy ireo, ka tsy nandray na inona na inona tamin’ny Jentily izy. 8Tsy maintsy manohana ny olona toy ireny isika, mba ho mpiara-miasa aminy amin’ny fahamarinana.
Fihetsik’i Diôtrefesy
9Nanoratra kely tamin’ny Eglizy aho#9 Nanoratra kely, sns., very angamba ny taratasiny: na angamba manoratra no heviny. Tsy te-handray anay, sns. Tokony ho mpitondra ny fiangonana io Diôtrefesy io, faingy olona mpiavonavona tsy nety nanaiky an’i Md. Joany., nefa tsy te-handray anay i Diôtrefesy izay te-ho lohan’izy ireo. 10Ka rehefa tonga aho dia hopotsiriko ny nataony, sy ny bedibedy foana anaratsiany anay. Sady tsy afa-po amin’izany ihany izy; fa ny tenany, tsy mandray ny rahalahy; izay te-handray ireo koa, sakanany sy roahiny amin’ny Eglizy.
11Ry malala, aza ny ratsy no alain-tahaka, fa ny tsara. Izay manao ny tsara no avy amin’Andriamanitra; fa izay manao ny ratsy, tsy mba nahita an’Andriamanitra.
Fiderana an’i Demetriosa
12Milaza soa an’i Demetriosa ny olona rehetra mbamin’ny fahamarinana aza#12 Mbamin’ny fahamarinana aza, izany hoe, tsy ny olona ihany, fa ny zavatra misy tokoa ka tena marina koa, dia ny asa ataony izany, no midera azy.; izahay koa milaza izany, ary fantatrao fa marina ny filazanay.
Fehin-tantara
13Manan-javatra maro hosoratana aminao aho, fa tsy tiako atao amin’ny ranomainty sy ny penina izany. 14Fa manantena hahita anao faingana aho, ka dia hiresaka mifanatrika isika. Ho ao aminao anie ny fiadanana.
Manao veloma anao ny sakaizantsika. Veloma any amin’ny sakaizantsika tsirairay avy.
Currently Selected:
3Joany 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.