Sɛ́núnywɛ́ 9
9
Ɖɛ xo ná dó mɔ Sɛ́núnywɛ́
(1 Axɔ́sú 3.6-9)
1 Mawu tɔ́gbó ce lɛ́ɛ tɔn, Aklúnɔ wǎn yíyí ɖó nú mɛ tɔ́, a ɖǒ wɛ̌kɛ́ ɔ́ ɖó nukikɛ towe wú. 2A blǒ gbɛtɔ́ lɛ́ɛ kpódó Sɛ́núnywɛ́ towe kpán, bónú yě ná nɔ nǔɖíɖó towe lɛ́ɛ bǐ sésé nu. 3A byɔ̌ yě ɖɔ yě ní kpa acɛ dó gbɛ ɔ́ nu lě e a jlǒ gbɔn é kpódó hwɛjijɔ kpán, bó ɖɔ hwɛ kpódó ayijlɔ́jlɔ́ kpán. 4Nǎ mì Sɛ́núnywɛ́ e jínjɔ́n akpá towe ɖo axɔ́súzinkpo towe jí é. Ma nya mì dó gbě ó, kɛnklɛ́n wa nǔ nú má nyí vǐ nú we nú tɛgbɛ gbe. 5Nǔgbó ɔ́, mɛsɛntɔ́ towe wɛ nú mì; vǐ nyɔ̌nu mɛsɛntɔ́ towe tɔn; gbɛtɔ́ gǎnmaɖowǔnánɔ ɖé, gbɛmaɖiganánɔ e má sixú mɔ nukúnnú jɛ hwɛjijɔ kpódó sɛ́n lɛ́ɛ kpó mɛ fó ǎ é. 6È nǎ ɖɔ lɔ ɔ́, gbɛtɔ́ na bo nyɔ́ yi fó gbɔn ɖěbǔ, bó má ká ɖó Sɛ́núnywɛ́ e nɔ́ gosín gɔ̌n towe lɛ́ɛ ǎ ɔ́, è nǎ sɔ́ ɛ dó mɔ nǔɖé ǎ.
7Hwi wɛ sɔ́ mì nú má ɖu axɔ́sú ɖo togun towe nu, bó ná nɔ́ ɖɔ hwɛ xá vǐ súnnu kpódó vǐ nyɔ̌nu towe lɛ́ɛ kpán. 8A zɔ̌n mì ɖɔ má gbá Sinsɛnxɔ ɖokpó ɖó só mímɛ́ towe jí, lobo mɛ vɔ̌sákpe ɖokpó dó toxo towe e a sɔ́ dó ɖó nɔtɛn towe ná ɔ́ mɛ. Un ka ɖó ná kpɔ́n nǔ dó goxɔ mímɛ́ e hwi ɖésúnɔ kó tun te sín bǐbɛ́mɛ ɖokpóó é wú.
9Sɛ́núnywɛ́ ɖo kpɔ́ xá we. É tunwun nǔwiwa towe lɛ́ɛ. Nukún tɔn mɛ wɛ a ɖǒ gbɛ ɔ́ ɖe; é tunwun nǔ e nɔ́ jló we lɛ́ɛ é kpódó nǔ e jɛ xá sɛ́n towe lɛ́ɛ kpán. 10Sɛ́ ɛ dó sín nɔtɛn mímɛ́ towe, ní jɛ te wá sín susuzinkpo towe jí. Énɛ́ ɔ́, é ná dó alɔ mì ɖo nǔwiwa ce lɛ́ɛ mɛ, lobo ná xlɛ́ nǔ e ná nyɔ́ nukún towe mɛ é mì. 11Nǔgbó dodó ɔ́, é tunwun nǔ bǐ, bó mɔ nukúnnú jɛ nǔ bǐ wú. É ná sɔ́ nǔnywɛ́ yi dó xlɛ́ ali mì ɖo nǔwiwa ce lɛ́ɛ mɛ. É ná cyɔ́n alɔ jǐ ce gbɔn wěziza tɔn e má nɔ́ kú awi ǎ é gbla mɛ. 12Énɛ́ lo ɔ́, nǔwiwa ce lɛ́ɛ ná nyɔ́ nukún towe mɛ Aklúnɔ. Un ná wá ɖɔ hwɛ xá togun towe kpódó hwɛjijɔ kpán, bó ná nyí mɛ e jɛ xá ná jínjɔ́n axɔ́súzinkpo Tɔ́ ce tɔn jí é.
Gbɛtɔ́ ɖó ná ɖó Sɛ́núnywɛ́
13“Mɛ̌ ká sixú mɔ nǔ jɛ jló Mawu tɔn wú? Mɛ̌ ká tunwun linlin Aklúnɔ tɔn lɛ́ɛ? 14Nǔgbó wɛ, linlin gbɛtɔ́ e nyí nǔ ná kú é tɔn hwe, bɔ tamɛ linlin mǐtɔn ká lí dǒ káká ɖé ǎ. 15Nǔgbó ɔ́, agbaza mǐtɔn e nyí nǔ bó ná nyɔ é ɔ́, agban wɛ é nyí bó nɔ́ kpɛn lǐndɔ̌n mǐtɔn, bɔ goxɔ énɛ́ e è sɔ́ kɔ́ dó mɛ é nɔ́ húzú nǔ kpinkpɛn nú lǐndɔ̌n, lobo ka nɔ ná ɛ linkpɔ́n gěgé. 16Nǔ e ɖo ayǐkúngban jí lɛ́ɛ wú ná mɔ nukúnnú jɛ ɔ́ kó bɔwǔ nú mǐ ǎ; nǔ e ɖo mǐ kpá lɛ́ɛ ná mɔ ɔ́, kpɛtɛ wɛ ka nyí. Ée nǔ ɖo mɔ̌ é ɔ́, mɛ̌ wɛ ká sixú mɔ do nú sɛ́xwé nú lɛ́ɛ lo? 17Aklúnɔ, ényí mɛɖé tunwun jlǒ towe hǔn, Sɛ́núnywɛ́ towe wɛ a ná ɛ nɛ́. A sɛ́ Yɛ mímɛ́ towe dó e sín jǐxwé. 18Mɔ̌ wɛ gbɛtɔ́ e ɖo ayǐkúngban jí lɛ́ɛ nɔ́ lɛ́ kɔ wá ali jlɔ́jlɔ́ jí gbɔn. Mɔ̌ wɛ gbɛtɔ́ lɛ́ɛ nɔ́ tunwun nǔ e nɔ́ nyɔ́ nukún towe mɛ é gbɔn, bɔ Sɛ́núnywɛ́ hwlɛ́n yě gán é nɛ́.”
Currently Selected:
Sɛ́núnywɛ́ 9: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 9
9
Ɖɛ xo ná dó mɔ Sɛ́núnywɛ́
(1 Axɔ́sú 3.6-9)
1 Mawu tɔ́gbó ce lɛ́ɛ tɔn, Aklúnɔ wǎn yíyí ɖó nú mɛ tɔ́, a ɖǒ wɛ̌kɛ́ ɔ́ ɖó nukikɛ towe wú. 2A blǒ gbɛtɔ́ lɛ́ɛ kpódó Sɛ́núnywɛ́ towe kpán, bónú yě ná nɔ nǔɖíɖó towe lɛ́ɛ bǐ sésé nu. 3A byɔ̌ yě ɖɔ yě ní kpa acɛ dó gbɛ ɔ́ nu lě e a jlǒ gbɔn é kpódó hwɛjijɔ kpán, bó ɖɔ hwɛ kpódó ayijlɔ́jlɔ́ kpán. 4Nǎ mì Sɛ́núnywɛ́ e jínjɔ́n akpá towe ɖo axɔ́súzinkpo towe jí é. Ma nya mì dó gbě ó, kɛnklɛ́n wa nǔ nú má nyí vǐ nú we nú tɛgbɛ gbe. 5Nǔgbó ɔ́, mɛsɛntɔ́ towe wɛ nú mì; vǐ nyɔ̌nu mɛsɛntɔ́ towe tɔn; gbɛtɔ́ gǎnmaɖowǔnánɔ ɖé, gbɛmaɖiganánɔ e má sixú mɔ nukúnnú jɛ hwɛjijɔ kpódó sɛ́n lɛ́ɛ kpó mɛ fó ǎ é. 6È nǎ ɖɔ lɔ ɔ́, gbɛtɔ́ na bo nyɔ́ yi fó gbɔn ɖěbǔ, bó má ká ɖó Sɛ́núnywɛ́ e nɔ́ gosín gɔ̌n towe lɛ́ɛ ǎ ɔ́, è nǎ sɔ́ ɛ dó mɔ nǔɖé ǎ.
7Hwi wɛ sɔ́ mì nú má ɖu axɔ́sú ɖo togun towe nu, bó ná nɔ́ ɖɔ hwɛ xá vǐ súnnu kpódó vǐ nyɔ̌nu towe lɛ́ɛ kpán. 8A zɔ̌n mì ɖɔ má gbá Sinsɛnxɔ ɖokpó ɖó só mímɛ́ towe jí, lobo mɛ vɔ̌sákpe ɖokpó dó toxo towe e a sɔ́ dó ɖó nɔtɛn towe ná ɔ́ mɛ. Un ka ɖó ná kpɔ́n nǔ dó goxɔ mímɛ́ e hwi ɖésúnɔ kó tun te sín bǐbɛ́mɛ ɖokpóó é wú.
9Sɛ́núnywɛ́ ɖo kpɔ́ xá we. É tunwun nǔwiwa towe lɛ́ɛ. Nukún tɔn mɛ wɛ a ɖǒ gbɛ ɔ́ ɖe; é tunwun nǔ e nɔ́ jló we lɛ́ɛ é kpódó nǔ e jɛ xá sɛ́n towe lɛ́ɛ kpán. 10Sɛ́ ɛ dó sín nɔtɛn mímɛ́ towe, ní jɛ te wá sín susuzinkpo towe jí. Énɛ́ ɔ́, é ná dó alɔ mì ɖo nǔwiwa ce lɛ́ɛ mɛ, lobo ná xlɛ́ nǔ e ná nyɔ́ nukún towe mɛ é mì. 11Nǔgbó dodó ɔ́, é tunwun nǔ bǐ, bó mɔ nukúnnú jɛ nǔ bǐ wú. É ná sɔ́ nǔnywɛ́ yi dó xlɛ́ ali mì ɖo nǔwiwa ce lɛ́ɛ mɛ. É ná cyɔ́n alɔ jǐ ce gbɔn wěziza tɔn e má nɔ́ kú awi ǎ é gbla mɛ. 12Énɛ́ lo ɔ́, nǔwiwa ce lɛ́ɛ ná nyɔ́ nukún towe mɛ Aklúnɔ. Un ná wá ɖɔ hwɛ xá togun towe kpódó hwɛjijɔ kpán, bó ná nyí mɛ e jɛ xá ná jínjɔ́n axɔ́súzinkpo Tɔ́ ce tɔn jí é.
Gbɛtɔ́ ɖó ná ɖó Sɛ́núnywɛ́
13“Mɛ̌ ká sixú mɔ nǔ jɛ jló Mawu tɔn wú? Mɛ̌ ká tunwun linlin Aklúnɔ tɔn lɛ́ɛ? 14Nǔgbó wɛ, linlin gbɛtɔ́ e nyí nǔ ná kú é tɔn hwe, bɔ tamɛ linlin mǐtɔn ká lí dǒ káká ɖé ǎ. 15Nǔgbó ɔ́, agbaza mǐtɔn e nyí nǔ bó ná nyɔ é ɔ́, agban wɛ é nyí bó nɔ́ kpɛn lǐndɔ̌n mǐtɔn, bɔ goxɔ énɛ́ e è sɔ́ kɔ́ dó mɛ é nɔ́ húzú nǔ kpinkpɛn nú lǐndɔ̌n, lobo ka nɔ ná ɛ linkpɔ́n gěgé. 16Nǔ e ɖo ayǐkúngban jí lɛ́ɛ wú ná mɔ nukúnnú jɛ ɔ́ kó bɔwǔ nú mǐ ǎ; nǔ e ɖo mǐ kpá lɛ́ɛ ná mɔ ɔ́, kpɛtɛ wɛ ka nyí. Ée nǔ ɖo mɔ̌ é ɔ́, mɛ̌ wɛ ká sixú mɔ do nú sɛ́xwé nú lɛ́ɛ lo? 17Aklúnɔ, ényí mɛɖé tunwun jlǒ towe hǔn, Sɛ́núnywɛ́ towe wɛ a ná ɛ nɛ́. A sɛ́ Yɛ mímɛ́ towe dó e sín jǐxwé. 18Mɔ̌ wɛ gbɛtɔ́ e ɖo ayǐkúngban jí lɛ́ɛ nɔ́ lɛ́ kɔ wá ali jlɔ́jlɔ́ jí gbɔn. Mɔ̌ wɛ gbɛtɔ́ lɛ́ɛ nɔ́ tunwun nǔ e nɔ́ nyɔ́ nukún towe mɛ é gbɔn, bɔ Sɛ́núnywɛ́ hwlɛ́n yě gán é nɛ́.”
La Bible en langue fon © Alliance Biblique du Bénin, 2012.