Sɛ́núnywɛ́ 13
13
Mɛ e nɔ sɛn gbɛ mɛ fí nú lɛ́ɛ
1Gbɛtɔ́ e má tunwun Mawu ǎ lɛ́ɛ bǐ wɛ nyí gbɛtɔ́ ayihwedónánɔ tawun: nǔ e yě nɔ́ mɔ dó mɔ nǔ ɖagbe ɔ́ zɔ́n bɔ yě ná sixú tunwun mɛ e tíin é ǎ; yě ná bó ɖo azɔ̌wiwa tɔn lɛ́ɛ kpɔ́n wɛ ɔ́, yě nɔ́ tunwun azɔ̌watɔ́ ɔ́ ǎ. 2Lo ɔ́, nǔ e yě sɔ́ dó mɔ nǔmɛsɛn e nɔ kpa acɛ dó gbɛ ɔ́ nu lɛ́ɛ wɛ nyí myɔ, jɔhɔn fífá, jɔhɔn syɛ́nsyɛ́n, sunví lɛ́ɛ, sin e ɖo adǎn wa wɛ é, hwe kpó sun kpó. 3Afɔ nyɔ́ ɔ́, ɖɛkpɛnyínyɔ́ yětɔn wɛ dɔn yě. Énɛ́ wútu wɛ yě sɔ́ yě dó mɔ nǔmɛsɛn. Yě ká ɖó ná tunwun lě do e mɛ e ɖó nǔ énɛ́ lɛ́ɛ lɛ́ hú gǎn yě sɔ é, ɖó ɖɛkpɛnyínyɔ́ɖótɔ́ ɔ́ ɖésú wɛ nyí mɛ e ɖó yě é. 4Mɛ énɛ́ lɛ́ɛ ɔ́, afɔ nyɔ́ ɔ́, nǔwúkpíkpé yětɔn kpódó nǔwiwa yětɔn kpó wɛ ná kó flú yě. Nǔ e yě ɖó ná ɖɔ nú yěɖée hwenɛ́nu ɔ́ ɖíe: Mɛ e ɖó yě ɔ́, kpé nǔ wú hú gǎn yě ɖésú. 5Ɖó lě e nǔɖíɖó lɛ́ɛ d'agba sɔ, bo ka nɔ́ jɛ acɔ́ sɔ é nɔ́ zɔ́n bɔ mǐ nɔ mɔ nǔ jɛ mɛ e ɖó yě ɔ́ wú.
6Nǔ ɖo mɔ̌ có tódɔnnúmɛ kpɛɖé jɛ́n jɛ xá mɛ énɛ́ lɛ́ɛ. Nǔgbó ɔ́, hwenu e yě wá ɖo ali nyanya ɖé wlí wɛ ɔ́, afɔ nyɔ́ ɔ́, é sixú nyí Mawu ɔ́ ba wɛ jɛ́n yě ɖe, bó ká jló ná mɔ ɛ: 7yě nɔ́ ɖo biba ɛ wɛ ɖo nǔ e é bló lɛ́ɛ tɛ́ntin, ɖó nǔ e yě mɔ ɖo nukún ta lɛ́ɛ nɔ́ jɛ acɔ́ káká, bɔ yě nɔ́ gbɔ bó nɔ́ xwedó. 8Nǔ ɖo mɔ̌ có, è sixú kpɔ́n mɛ nú yě ǎ. 9Nǔnywɛ́tɔ́ titewungbe wɛ nú yě, bɔ yě kpé wú bó kplɔ́n nǔ e ɖo jijɛ wɛ ɖo gbɛ ɔ́ mɛ lɛ́ɛ é káká yi gɔngɔn yětɔn mɛ. Có yě ká tunwun mɛ e ɖó nǔ bǐ é ǎ. Nɛ̌ nǔ ká sixú nyí mɔ̌ gbɔn?
Atíngbotɔ́ e nɔ́ bló nǔmɛsɛn tófwe lɛ́ɛ é
10 Mɛ e nɔ sɔ́ jiɖiɖe yětɔn dó nǔ e má ɖó gbɛ ɖo wǔ ǎ lɛ́ɛ mɛ é sín nǔ blá wǔ ɖésú. Yě nɔ́ sɔ́ alɔ yětɔn núwiwa lɛ́ɛ dó ɖó nǔmɛsɛn: sikánú lɛ́ɛ, kpatágan sín nǔ lɛ́ɛ, ée è sɔ́ aɖawunlɔ dó bló ná yě ɖésú é, kanlin sín ɖiɖe lɛ́ɛ abǐ awǐnnya ma xɔ akwɛ́ e è kpa bɔ é kó lín é.
11Mi kpɔ́n nǔ dó atíngbotɔ́ ɖokpó wú: é nɔ́ zɛ atín e é hɛn ɔ́, é ná sɔ́ é. É nɔ́ ɖe fló ná kpódó yɛ̌yi kpán. É nɔ́ ɖó ayi te dó wa azɔ̌ ɖo wǔ tɔn, lobo nɔ sɔ́ dó bló nǔ e è hɛn ɔ́, è na zán hwebǐnu é. 12É nɔ́ sɔ́ atínfló lɛ́ɛ dó flɔ́ myɔ ná bó nɔ́ ɖa nǔ lobo nɔ ɖu gɔ́ xo. 13Ɖo atínfló nɛ́ lɛ́ɛ mɛ ɔ́, atínví ɖé ɖ'é mɛ, bó nɔ́ wa nǔɖé ǎ; é gɔ́ndɔ́n bó ká ɖó gǒ gěgé. Atíngbotɔ́ ɔ́ nɔ́ sɔ́ ɛ, bó nɔ́ kpa, lobo nɔ sɔ́ dó zán hwenu tɔn ná. É nɔ́ sɔ́ ayi ɖó te dó wa azɔ̌ tɔn. É nɔ́ ná ɛ gbɛtɔ́ sín ɖiɖe, 14abǐ kanlin baɖabaɖa ɖé tɔn. É nɔ́ sá nǔ dó, bó nɔ́ zé sɛn vɔvɔ cɛ́cɛ́ sá dó blɔ̌ é ɖo wǔ tɔn lɛ́ɛ mɛ. 15É nɔ́ bló nɔtɛn e jɛ xá ɛ é n'i, lobo nɔ sɔ́ ɛ bɔ dó dǒ wǔ, bó nɔ́ xwe e kpódó hǔnjɛ́n kpán.
16É nɔ́ bló dɛ̌dɛ̌ bónú atínkpavǐ ɔ́ má wá jɛ ayǐ ó. Nǔgbó ɔ́, é tunwun ganjí ɖɔ atínkpavǐ nɛ́ ɔ́ kún sixú nɔ te é ɖóɖó ó. Atínkpavǐ kpowun wɛ bó ɖó ná ɖó gǎnjɛwú ɖé. 17Lo ɔ́, ényí atínkpatɔ́ ɔ́ jló ná xo ɖɛ dó dɔkun tɔn lɛ́ɛ tamɛ ɔ́, dó asidida tɔn abǐ vǐ tɔn lɛ́ɛ tamɛ ɔ́, é nɔ́ ɖó winnyá dó sa vo nú nǔ gbɛmaɖowǔnánɔ énɛ́ ǎ. É nɔ́ byɔ́ lanmɛsyɛ́n ɖo nǔ gǎnmaɖowǔnánɔ sí, 18bó nɔ́ byɔ́ gbɛ ɖo nǔkúkú sí. Nú é ɖo alɔdó ba wɛ ɔ́, é nɔ́ ylɔ́ mɛ e ma tunwun nǔɖé ǎ é. Bó ná dó zɛ hwɛ ɔ́, é nɔ́ gán jɛ nǔ e má sixú sɔ́ afɔ dó yi ǎ lɛ́ɛ é wú. 19Lo ɔ́, bó ná dó mɔ gbɛ tɔn bo ɖu, abǐ bó ná dó wa nǔ ɖěbǔ, abǐ nú alɔnuzɔ́ tɔn ná dó yi nukɔn ɔ́, é nɔ́ byɔ́ hlɔ̌nhlɔ́n ɖo alɔ gǎnmaɖowǔnánɔ sí.
Currently Selected:
Sɛ́núnywɛ́ 13: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 13
13
Mɛ e nɔ sɛn gbɛ mɛ fí nú lɛ́ɛ
1Gbɛtɔ́ e má tunwun Mawu ǎ lɛ́ɛ bǐ wɛ nyí gbɛtɔ́ ayihwedónánɔ tawun: nǔ e yě nɔ́ mɔ dó mɔ nǔ ɖagbe ɔ́ zɔ́n bɔ yě ná sixú tunwun mɛ e tíin é ǎ; yě ná bó ɖo azɔ̌wiwa tɔn lɛ́ɛ kpɔ́n wɛ ɔ́, yě nɔ́ tunwun azɔ̌watɔ́ ɔ́ ǎ. 2Lo ɔ́, nǔ e yě sɔ́ dó mɔ nǔmɛsɛn e nɔ kpa acɛ dó gbɛ ɔ́ nu lɛ́ɛ wɛ nyí myɔ, jɔhɔn fífá, jɔhɔn syɛ́nsyɛ́n, sunví lɛ́ɛ, sin e ɖo adǎn wa wɛ é, hwe kpó sun kpó. 3Afɔ nyɔ́ ɔ́, ɖɛkpɛnyínyɔ́ yětɔn wɛ dɔn yě. Énɛ́ wútu wɛ yě sɔ́ yě dó mɔ nǔmɛsɛn. Yě ká ɖó ná tunwun lě do e mɛ e ɖó nǔ énɛ́ lɛ́ɛ lɛ́ hú gǎn yě sɔ é, ɖó ɖɛkpɛnyínyɔ́ɖótɔ́ ɔ́ ɖésú wɛ nyí mɛ e ɖó yě é. 4Mɛ énɛ́ lɛ́ɛ ɔ́, afɔ nyɔ́ ɔ́, nǔwúkpíkpé yětɔn kpódó nǔwiwa yětɔn kpó wɛ ná kó flú yě. Nǔ e yě ɖó ná ɖɔ nú yěɖée hwenɛ́nu ɔ́ ɖíe: Mɛ e ɖó yě ɔ́, kpé nǔ wú hú gǎn yě ɖésú. 5Ɖó lě e nǔɖíɖó lɛ́ɛ d'agba sɔ, bo ka nɔ́ jɛ acɔ́ sɔ é nɔ́ zɔ́n bɔ mǐ nɔ mɔ nǔ jɛ mɛ e ɖó yě ɔ́ wú.
6Nǔ ɖo mɔ̌ có tódɔnnúmɛ kpɛɖé jɛ́n jɛ xá mɛ énɛ́ lɛ́ɛ. Nǔgbó ɔ́, hwenu e yě wá ɖo ali nyanya ɖé wlí wɛ ɔ́, afɔ nyɔ́ ɔ́, é sixú nyí Mawu ɔ́ ba wɛ jɛ́n yě ɖe, bó ká jló ná mɔ ɛ: 7yě nɔ́ ɖo biba ɛ wɛ ɖo nǔ e é bló lɛ́ɛ tɛ́ntin, ɖó nǔ e yě mɔ ɖo nukún ta lɛ́ɛ nɔ́ jɛ acɔ́ káká, bɔ yě nɔ́ gbɔ bó nɔ́ xwedó. 8Nǔ ɖo mɔ̌ có, è sixú kpɔ́n mɛ nú yě ǎ. 9Nǔnywɛ́tɔ́ titewungbe wɛ nú yě, bɔ yě kpé wú bó kplɔ́n nǔ e ɖo jijɛ wɛ ɖo gbɛ ɔ́ mɛ lɛ́ɛ é káká yi gɔngɔn yětɔn mɛ. Có yě ká tunwun mɛ e ɖó nǔ bǐ é ǎ. Nɛ̌ nǔ ká sixú nyí mɔ̌ gbɔn?
Atíngbotɔ́ e nɔ́ bló nǔmɛsɛn tófwe lɛ́ɛ é
10 Mɛ e nɔ sɔ́ jiɖiɖe yětɔn dó nǔ e má ɖó gbɛ ɖo wǔ ǎ lɛ́ɛ mɛ é sín nǔ blá wǔ ɖésú. Yě nɔ́ sɔ́ alɔ yětɔn núwiwa lɛ́ɛ dó ɖó nǔmɛsɛn: sikánú lɛ́ɛ, kpatágan sín nǔ lɛ́ɛ, ée è sɔ́ aɖawunlɔ dó bló ná yě ɖésú é, kanlin sín ɖiɖe lɛ́ɛ abǐ awǐnnya ma xɔ akwɛ́ e è kpa bɔ é kó lín é.
11Mi kpɔ́n nǔ dó atíngbotɔ́ ɖokpó wú: é nɔ́ zɛ atín e é hɛn ɔ́, é ná sɔ́ é. É nɔ́ ɖe fló ná kpódó yɛ̌yi kpán. É nɔ́ ɖó ayi te dó wa azɔ̌ ɖo wǔ tɔn, lobo nɔ sɔ́ dó bló nǔ e è hɛn ɔ́, è na zán hwebǐnu é. 12É nɔ́ sɔ́ atínfló lɛ́ɛ dó flɔ́ myɔ ná bó nɔ́ ɖa nǔ lobo nɔ ɖu gɔ́ xo. 13Ɖo atínfló nɛ́ lɛ́ɛ mɛ ɔ́, atínví ɖé ɖ'é mɛ, bó nɔ́ wa nǔɖé ǎ; é gɔ́ndɔ́n bó ká ɖó gǒ gěgé. Atíngbotɔ́ ɔ́ nɔ́ sɔ́ ɛ, bó nɔ́ kpa, lobo nɔ sɔ́ dó zán hwenu tɔn ná. É nɔ́ sɔ́ ayi ɖó te dó wa azɔ̌ tɔn. É nɔ́ ná ɛ gbɛtɔ́ sín ɖiɖe, 14abǐ kanlin baɖabaɖa ɖé tɔn. É nɔ́ sá nǔ dó, bó nɔ́ zé sɛn vɔvɔ cɛ́cɛ́ sá dó blɔ̌ é ɖo wǔ tɔn lɛ́ɛ mɛ. 15É nɔ́ bló nɔtɛn e jɛ xá ɛ é n'i, lobo nɔ sɔ́ ɛ bɔ dó dǒ wǔ, bó nɔ́ xwe e kpódó hǔnjɛ́n kpán.
16É nɔ́ bló dɛ̌dɛ̌ bónú atínkpavǐ ɔ́ má wá jɛ ayǐ ó. Nǔgbó ɔ́, é tunwun ganjí ɖɔ atínkpavǐ nɛ́ ɔ́ kún sixú nɔ te é ɖóɖó ó. Atínkpavǐ kpowun wɛ bó ɖó ná ɖó gǎnjɛwú ɖé. 17Lo ɔ́, ényí atínkpatɔ́ ɔ́ jló ná xo ɖɛ dó dɔkun tɔn lɛ́ɛ tamɛ ɔ́, dó asidida tɔn abǐ vǐ tɔn lɛ́ɛ tamɛ ɔ́, é nɔ́ ɖó winnyá dó sa vo nú nǔ gbɛmaɖowǔnánɔ énɛ́ ǎ. É nɔ́ byɔ́ lanmɛsyɛ́n ɖo nǔ gǎnmaɖowǔnánɔ sí, 18bó nɔ́ byɔ́ gbɛ ɖo nǔkúkú sí. Nú é ɖo alɔdó ba wɛ ɔ́, é nɔ́ ylɔ́ mɛ e ma tunwun nǔɖé ǎ é. Bó ná dó zɛ hwɛ ɔ́, é nɔ́ gán jɛ nǔ e má sixú sɔ́ afɔ dó yi ǎ lɛ́ɛ é wú. 19Lo ɔ́, bó ná dó mɔ gbɛ tɔn bo ɖu, abǐ bó ná dó wa nǔ ɖěbǔ, abǐ nú alɔnuzɔ́ tɔn ná dó yi nukɔn ɔ́, é nɔ́ byɔ́ hlɔ̌nhlɔ́n ɖo alɔ gǎnmaɖowǔnánɔ sí.
La Bible en langue fon © Alliance Biblique du Bénin, 2012.