Sɛ́núnywɛ́ 11
11
1 Mɛ e nyí Mawu tɔn lɛ́ɛ ɔ́, Sɛ́núnywɛ́ wɛ zɔ́n bɔ azɔ̌ e yě wa gbɔn gbeyíɖɔ Mawu tɔn mímɛ́ ɖokpó jí é kpa yě. 2Yě zun zɔnlin gbɔn axéko jí fí e mɛɖé má sá xwé nyi ǎ é; yě dó goxɔ yětɔn nyi fí e mɛɖé má sixú yi ǎ é. 3Yě húzú kpan nukɔn kɛntɔ́ yětɔn lɛ́ɛ, bó dó gǔdofɔ nú mɛ e ma nɔ mɔ yě gbɔ ǎ lɛ́ɛ é.
b. Sókanmɛsin kpó tɔsisasin kpán
4Kɔ xú yě bɔ yě sú xó ylɔ́ we Aklúnɔ; hwenɛ́nu ɔ́, a blǒ bɔ sin tɔ́n sín só mɛ nú yě; awǐnnya syɛ́nsyɛ́n mɛ wɛ yě mɔ sin e fá kɔ nú yě ɔ́ ɖe. 5Gbɔn mɔ̌ ɔ́, sin e è sɔ́ dó dɔn tó nú kɛntɔ́ yětɔn lɛ́ɛ ɔ́ wá húzú nǔ ɖagbe nú yědɛɛ lɛ́ɛ ɖo wǔvɛ́ yětɔn mɛ.
6Bó ná dó dɔn tó nú yě ɔ́, a hɛn tɔ yětɔn e má nɔ gɔn sisa gbeɖé ǎ é blú kpódó kanjɔ kpó babá kpán. 7Lo ɔ́, mɛ e nyí towe lɛ́ɛ ɔ́, a nǎ sin wɔ̌buwɔ́bú e yě ma ɖó nukún tɔn ǎ é yě. 8Gbɔn kɔ e xú yě hwenɛ́nu é gbla mɛ ɔ́, a ɖe lě e a dɔn tó nú kɛntɔ́ yětɔn lɛ́ɛ gbɔn é xlɛ́ yě. 9Nǔgbó wɛ, a dǒ yě tɔ kpɔ́n, lobo kplɔ́n yě kpódó xomɛnyínyɔ́ kpán. Énɛ́ wú wɛ yě mɔ nǔ jɛ mɛ ɖɔ akpɔ ɖaxó wɛ é nɔ́ nyí nú mɛ e ma nɔ ɖó sísí nú we ǎ, bɔ a nɔ ɖó hwɛ nú yě kpódó xomɛsin kpán lɛ́ɛ é. 10Yědɛɛ lɛ́ɛ ɔ́, a dǒ yě tɔ vǐtɔ́ e ná gba akpá nú vǐ tɔn lɛ́ɛ é ɖɔhun. Lo ɔ́, a byɔ̌ axɔ́ kɛntɔ́ yětɔn lɛ́ɛ ɖi axɔ́sú e nɔ dɔn tó nú mɛ tlílí é ɖɔhun. 11Bɔ kɛntɔ́ yětɔn e sɛkpɔ́ yě kpódó yě ɖěɖě ɖo zɔ nú yě lɛ́ɛ kpán ɖo wǔvɛ́ ɖokpó ɔ́ se wɛ. 12Gbɔn mɔ̌ ɔ́, wǔ kú yě ɖó nǔ we wú: jɛ nukɔn ɔ́, yě ɖo azɔn wɛn wɛ, ɖó yě flín awě e xo yě xóxó wá yi lɛ́ɛ é. 13Wegɔ́ ɔ́, yě mɔ ɖɔ awě e xo émídɛɛ lɛ́ɛ wá yi é wá húzú nǔ ɖagbe nú mɛ ɖě lɛ́ɛ. Hwenɛ́nu ɔ́, yě wá mɔ nǔ jɛ wú ɖɔ hwi Ajalɔ̌nlɔn ɔ́ ɖésú sín nǔwiwa wɛ. 14Mɛ e yě xo nyi kɛ́n, bó jó dó nyi sin nukún mɛ é ɔ́, yě gbɔ́ ɛ ko bó nya ɛ. Lo ɔ́, ée nǔ énɛ́ lɛ́ɛ jɛ wá yi gúdo ɔ́, kɔ wá xú yě alɔkpa vo lobo syɛ́n hú mɛ e nɔ se tónú nú Mawu lɛ́ɛ é tɔn. Fí e yě wá yí wǎn n'i ɖe é nɛ́.
c. Mawu dɔn tó nú Ejípunu lɛ́ɛ ɖó jlɛ̌ jí
15 Mɛ énɛ́ lɛ́ɛ ɔ́, adǎnúwatɔ́ wɛ nú yě, bɔ yě ɖó linlin gɛ́dɛ́gɛ́dɛ́, linlin baɖabaɖa, bɔ é ɖo yě dɔn bú wɛ. Nǔgbó ɔ́, linlin lɛ́ɛ wɛ nɔ́ zɔ́n bɔ yě nɔ́ sɛn dan e ma ɖó nǔnywɛ́ ǎ é kpódó kanlin masɔatɛ́n lɛ́ɛ kpán. Bó ná dó dɔn tó nú yě ɔ́, Aklúnɔ, a sɛ́ kanlin ma ɖó nǔnywɛ́ wɔ̌buwɔ́bú ɖé lɛ́ɛ dó yě. 16Fínɛ́ wɛ yě ná tɔ́n byɔ́ mɛ ɖe ɖɔ ali e nu è hu hwɛ ɖe é sín bǎ wɛ nɔ́ xo mɛ. 17Gǎnhúnǔlɔ towe wɛ a dǒ ɖó gbɛ ɔ́ tagba majɛmajɛ, ɖó nǔ e má nyí nǔɖé ǎ é wɛ a dǒ bló ná. Énɛ́ ɔ́ wɛ zɔ́n bɔ a hɛn ɔ́, a nǎ kó sɛ́ kanlin baɖabaɖa lɛ́ɛ dó yě kpɔ́ gégé, gběvún abǐ kinnikínní lɛ́ɛ. 18A lɛ̌ hɛn ɔ́, a nǎ kó lɛ́ ɖó kanlin yaɖéyaɖé ɖěvo lɛ́ɛ, kanlin e mɛ ɖé má mɔ kpɔ́n gbeɖé ǎ lɛ́ɛ é, bɔ yě nɔ́ wa adǎn ɖésú, kanlin e hɛn ɔ́, myɔ na tɔ́n ɖo nu yětɔn mɛ lɛ́ɛ é, abǐ éé hɛn ɔ́, é ná sú xó bɔ azizɔ ná tɔ́n sín nu yětɔn mɛ lɛ́ɛ é, abǐ kanlin e sín nukún nɔ́ kán myɔ lɛ́ɛ é. 19Kanlin baɖabaɖa énɛ́ lɛ́ɛ hɛn ɔ́, yě ná gblé gbɛ dó nú mɛ énɛ́ lɛ́ɛ; lo ɔ́, nú yě mɔ yě lě kɛ́ɖɛ́ ɔ́, é kó kpé bɔ yě ná kú xɛsi kú. 20Énɛ́ ɔ́ mɛ vo lɔ ɔ́, a hɛn ɔ́, a nǎ flí yě xwe kpódó funfún ɖokpó géé kpán, lobo bɔ hwɛjijɔ towe ɖó nú yě, lobo sɔ́ funfún towe hlɔ̌nhlɔ́nnɔ ɔ́ dó nya yě. É ɖo mɔ̌ có a to nǔ bǐ ɖó jlɛ̌ jí, lobo nɔ lɛ́n bó nɔ́ da kpɔ́n.
Mawu yí wǎn nú nǔ e é ɖó é bǐ
21Ajalɔ̌nlɔn, a hɛn ɔ́, a nǎ ɖe nǔwúkpíkpé towe ma ɖó jlɛ̌ ɔ́ xlɛ́ hwebǐnu, bɔ mɛ ɖěbǔ sixú nɔ te ɖo acɛkpikpa towe nukɔn ǎ. 22Nǔgbó wɛ, gbɛ ɔ́ bǐ sésé cí kɔ́kwín e ɖo nǔdagan jí é ɖɔhun, abǐ ahǔn zǎnzǎn tɔn e nɔ́ ja kɔn nyi ayǐkúngban jí é ɖɔhun nú we. 23Ée a hɛn ɔ́, a nǎ wa nǔ bǐ é wú ɔ́, a nɔ kú nǔbláwǔ nú mɛ bǐ; a nɔ myɔ́ nukún dó gbɛtɔ́ lɛ́ɛ sín hwɛ, bónú yě ná mɔ tɛn dó húzú jijɔ. 24Nǔgbó ɔ́, nǔ e ko tíin lɛ́ɛ bǐ wɛ a yí wǎn ná; a gbɛ̌ wǎn nú nǔ e a sɔ́ alɔ towe dó bló lɛ́ɛ ɖě ǎ. Ényí a ko gbɛ́ wǎn nú ɖě wɛ ɔ́, a nǎ ɖó e ǎ. 25Bɔ nɛ̌ wɛ nǔɖé sixú dɔ́ ji jlǒ towe mɛ vo gbɔn? Nú a ma ko ɖó e ɖ'ayǐ ǎ ɔ́, nɛ̌ é ká ná sixú dɔ́ ji gbɔn? 26Ajalɔ̌nlɔn, hwi Mɛ̌si e yí wǎn nú gbɛ ɔ́ é, a nɔ jó nǔ e a ɖǒ lɛ́ɛ é bǐ dó nyi gbɛ, ɖó nǔ bǐ wɛ nyí towe.
Currently Selected:
Sɛ́núnywɛ́ 11: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Sɛ́núnywɛ́ 11
11
1 Mɛ e nyí Mawu tɔn lɛ́ɛ ɔ́, Sɛ́núnywɛ́ wɛ zɔ́n bɔ azɔ̌ e yě wa gbɔn gbeyíɖɔ Mawu tɔn mímɛ́ ɖokpó jí é kpa yě. 2Yě zun zɔnlin gbɔn axéko jí fí e mɛɖé má sá xwé nyi ǎ é; yě dó goxɔ yětɔn nyi fí e mɛɖé má sixú yi ǎ é. 3Yě húzú kpan nukɔn kɛntɔ́ yětɔn lɛ́ɛ, bó dó gǔdofɔ nú mɛ e ma nɔ mɔ yě gbɔ ǎ lɛ́ɛ é.
b. Sókanmɛsin kpó tɔsisasin kpán
4Kɔ xú yě bɔ yě sú xó ylɔ́ we Aklúnɔ; hwenɛ́nu ɔ́, a blǒ bɔ sin tɔ́n sín só mɛ nú yě; awǐnnya syɛ́nsyɛ́n mɛ wɛ yě mɔ sin e fá kɔ nú yě ɔ́ ɖe. 5Gbɔn mɔ̌ ɔ́, sin e è sɔ́ dó dɔn tó nú kɛntɔ́ yětɔn lɛ́ɛ ɔ́ wá húzú nǔ ɖagbe nú yědɛɛ lɛ́ɛ ɖo wǔvɛ́ yětɔn mɛ.
6Bó ná dó dɔn tó nú yě ɔ́, a hɛn tɔ yětɔn e má nɔ gɔn sisa gbeɖé ǎ é blú kpódó kanjɔ kpó babá kpán. 7Lo ɔ́, mɛ e nyí towe lɛ́ɛ ɔ́, a nǎ sin wɔ̌buwɔ́bú e yě ma ɖó nukún tɔn ǎ é yě. 8Gbɔn kɔ e xú yě hwenɛ́nu é gbla mɛ ɔ́, a ɖe lě e a dɔn tó nú kɛntɔ́ yětɔn lɛ́ɛ gbɔn é xlɛ́ yě. 9Nǔgbó wɛ, a dǒ yě tɔ kpɔ́n, lobo kplɔ́n yě kpódó xomɛnyínyɔ́ kpán. Énɛ́ wú wɛ yě mɔ nǔ jɛ mɛ ɖɔ akpɔ ɖaxó wɛ é nɔ́ nyí nú mɛ e ma nɔ ɖó sísí nú we ǎ, bɔ a nɔ ɖó hwɛ nú yě kpódó xomɛsin kpán lɛ́ɛ é. 10Yědɛɛ lɛ́ɛ ɔ́, a dǒ yě tɔ vǐtɔ́ e ná gba akpá nú vǐ tɔn lɛ́ɛ é ɖɔhun. Lo ɔ́, a byɔ̌ axɔ́ kɛntɔ́ yětɔn lɛ́ɛ ɖi axɔ́sú e nɔ dɔn tó nú mɛ tlílí é ɖɔhun. 11Bɔ kɛntɔ́ yětɔn e sɛkpɔ́ yě kpódó yě ɖěɖě ɖo zɔ nú yě lɛ́ɛ kpán ɖo wǔvɛ́ ɖokpó ɔ́ se wɛ. 12Gbɔn mɔ̌ ɔ́, wǔ kú yě ɖó nǔ we wú: jɛ nukɔn ɔ́, yě ɖo azɔn wɛn wɛ, ɖó yě flín awě e xo yě xóxó wá yi lɛ́ɛ é. 13Wegɔ́ ɔ́, yě mɔ ɖɔ awě e xo émídɛɛ lɛ́ɛ wá yi é wá húzú nǔ ɖagbe nú mɛ ɖě lɛ́ɛ. Hwenɛ́nu ɔ́, yě wá mɔ nǔ jɛ wú ɖɔ hwi Ajalɔ̌nlɔn ɔ́ ɖésú sín nǔwiwa wɛ. 14Mɛ e yě xo nyi kɛ́n, bó jó dó nyi sin nukún mɛ é ɔ́, yě gbɔ́ ɛ ko bó nya ɛ. Lo ɔ́, ée nǔ énɛ́ lɛ́ɛ jɛ wá yi gúdo ɔ́, kɔ wá xú yě alɔkpa vo lobo syɛ́n hú mɛ e nɔ se tónú nú Mawu lɛ́ɛ é tɔn. Fí e yě wá yí wǎn n'i ɖe é nɛ́.
c. Mawu dɔn tó nú Ejípunu lɛ́ɛ ɖó jlɛ̌ jí
15 Mɛ énɛ́ lɛ́ɛ ɔ́, adǎnúwatɔ́ wɛ nú yě, bɔ yě ɖó linlin gɛ́dɛ́gɛ́dɛ́, linlin baɖabaɖa, bɔ é ɖo yě dɔn bú wɛ. Nǔgbó ɔ́, linlin lɛ́ɛ wɛ nɔ́ zɔ́n bɔ yě nɔ́ sɛn dan e ma ɖó nǔnywɛ́ ǎ é kpódó kanlin masɔatɛ́n lɛ́ɛ kpán. Bó ná dó dɔn tó nú yě ɔ́, Aklúnɔ, a sɛ́ kanlin ma ɖó nǔnywɛ́ wɔ̌buwɔ́bú ɖé lɛ́ɛ dó yě. 16Fínɛ́ wɛ yě ná tɔ́n byɔ́ mɛ ɖe ɖɔ ali e nu è hu hwɛ ɖe é sín bǎ wɛ nɔ́ xo mɛ. 17Gǎnhúnǔlɔ towe wɛ a dǒ ɖó gbɛ ɔ́ tagba majɛmajɛ, ɖó nǔ e má nyí nǔɖé ǎ é wɛ a dǒ bló ná. Énɛ́ ɔ́ wɛ zɔ́n bɔ a hɛn ɔ́, a nǎ kó sɛ́ kanlin baɖabaɖa lɛ́ɛ dó yě kpɔ́ gégé, gběvún abǐ kinnikínní lɛ́ɛ. 18A lɛ̌ hɛn ɔ́, a nǎ kó lɛ́ ɖó kanlin yaɖéyaɖé ɖěvo lɛ́ɛ, kanlin e mɛ ɖé má mɔ kpɔ́n gbeɖé ǎ lɛ́ɛ é, bɔ yě nɔ́ wa adǎn ɖésú, kanlin e hɛn ɔ́, myɔ na tɔ́n ɖo nu yětɔn mɛ lɛ́ɛ é, abǐ éé hɛn ɔ́, é ná sú xó bɔ azizɔ ná tɔ́n sín nu yětɔn mɛ lɛ́ɛ é, abǐ kanlin e sín nukún nɔ́ kán myɔ lɛ́ɛ é. 19Kanlin baɖabaɖa énɛ́ lɛ́ɛ hɛn ɔ́, yě ná gblé gbɛ dó nú mɛ énɛ́ lɛ́ɛ; lo ɔ́, nú yě mɔ yě lě kɛ́ɖɛ́ ɔ́, é kó kpé bɔ yě ná kú xɛsi kú. 20Énɛ́ ɔ́ mɛ vo lɔ ɔ́, a hɛn ɔ́, a nǎ flí yě xwe kpódó funfún ɖokpó géé kpán, lobo bɔ hwɛjijɔ towe ɖó nú yě, lobo sɔ́ funfún towe hlɔ̌nhlɔ́nnɔ ɔ́ dó nya yě. É ɖo mɔ̌ có a to nǔ bǐ ɖó jlɛ̌ jí, lobo nɔ lɛ́n bó nɔ́ da kpɔ́n.
Mawu yí wǎn nú nǔ e é ɖó é bǐ
21Ajalɔ̌nlɔn, a hɛn ɔ́, a nǎ ɖe nǔwúkpíkpé towe ma ɖó jlɛ̌ ɔ́ xlɛ́ hwebǐnu, bɔ mɛ ɖěbǔ sixú nɔ te ɖo acɛkpikpa towe nukɔn ǎ. 22Nǔgbó wɛ, gbɛ ɔ́ bǐ sésé cí kɔ́kwín e ɖo nǔdagan jí é ɖɔhun, abǐ ahǔn zǎnzǎn tɔn e nɔ́ ja kɔn nyi ayǐkúngban jí é ɖɔhun nú we. 23Ée a hɛn ɔ́, a nǎ wa nǔ bǐ é wú ɔ́, a nɔ kú nǔbláwǔ nú mɛ bǐ; a nɔ myɔ́ nukún dó gbɛtɔ́ lɛ́ɛ sín hwɛ, bónú yě ná mɔ tɛn dó húzú jijɔ. 24Nǔgbó ɔ́, nǔ e ko tíin lɛ́ɛ bǐ wɛ a yí wǎn ná; a gbɛ̌ wǎn nú nǔ e a sɔ́ alɔ towe dó bló lɛ́ɛ ɖě ǎ. Ényí a ko gbɛ́ wǎn nú ɖě wɛ ɔ́, a nǎ ɖó e ǎ. 25Bɔ nɛ̌ wɛ nǔɖé sixú dɔ́ ji jlǒ towe mɛ vo gbɔn? Nú a ma ko ɖó e ɖ'ayǐ ǎ ɔ́, nɛ̌ é ká ná sixú dɔ́ ji gbɔn? 26Ajalɔ̌nlɔn, hwi Mɛ̌si e yí wǎn nú gbɛ ɔ́ é, a nɔ jó nǔ e a ɖǒ lɛ́ɛ é bǐ dó nyi gbɛ, ɖó nǔ bǐ wɛ nyí towe.
La Bible en langue fon © Alliance Biblique du Bénin, 2012.