Tobíi 8
8
1Hwenu e yě ɖu nǔ, bó nu ahan ɖó alɔ te é ɔ́, yě jló ná yi mlɔ́ ayǐ. É kplá dɔ̌nkpɛvú ɔ́ yi xɔ ɔ́ mɛ. 2Énɛ́ ɔ́, Tobiyási flín xó e Hlafayɛ́li ɖɔ n'i lɛ́ɛ. É dɔn alǐn hweví ɔ́ tɔn kpó hǔn hweví ɔ́ tɔn kpó sín glo tɔn mɛ, bó bɛ́ kɔn nyi myɔkán e ɖo nǔ e mɛ è nɔ fyɔ́ célu ɖe ɔ́ jí. 3 Hweví ɔ́ sín wǎn nya yɛ nyanya ɔ́, bɔ é hɔn gbɔn jɔhɔn mɛ káká yi Ejípu. Hlafayɛ́li nya ɛ káká bó wlí i, bó dó wɔlɔ ɛ azɔn ɖokpó.
4Ée mɛjitɔ́ lɛ́ɛ tɔ́n sín xɔ ɔ́ mɛ, bó sú hɔn ɔ́ é ɔ́, Tobiyási jɛ te sín akánma ɔ́ jí, bó ɖɔ nú Sala ɖɔ: “Nɔví ce, sí te nú mǐ ná xo ɖɛ syɛ́nsyɛ́n sɛ́ dó Aklúnɔ mǐtɔn, bónú é ná ɖe xomɛnyínyɔ́ tɔn xlɛ́ mǐ, bó cyɔ́n alɔ mǐ jí.” 5Sala sí te, bɔ yě jɛ vo sa nú Aklúnɔ jí ɖɔ é ní cyɔ́n alɔ émí jí. Ɖɛ e Tobiyási xo é ɖíe:
“Mǐ xomlá we Mawu tɔ́gbó mǐtɔn lɛ́ɛ tɔn!
È nǐ nɔ́ xomlá nyǐkɔ towe tɛgbɛ sɔ́yi!
Jǐxwé kpódó nǔɖíɖó towe lɛ́ɛ bǐ kpán ní ji han dó xomlá we tɛgbɛ!
6 Hwi wɛ ɖó Adámu, bó ná ɛ Ɛvu, asi tɔn ɔ́, nú é ná dó alɔ ɛ,
bó ná nyí gǎnjɛwú tɔn.
Bɔ yě mɛ we lɛ́ɛ dó kúnkan gbɛtɔ́ lɛ́ɛ tɔn.
A ɖɔ: ‘É nyɔ́ nú súnnu ní nɔ é ɖokpónɔ ǎ,
un ná bló alɔdómɛtɔ́ e ná sɔgbe xá ɛ é ɖokpó n'i.’
7Din ɔ́, jlǒ e má ɖo sɛ́xwi jí ǎ é ɖé wɛ zɔ́n bɔ un sɔ́ Sala dó ɖó asi ná ǎ,
lo ɔ́, gbejí ná nɔ nú we wú wɛ.
Kɛnklɛ́n kú nǔbláwǔ tɔn, bó kú nǔbláwǔ nú nyi lɔmɔ̌,
bó ná gbɛjidɔ́ mǐ mɛ we lɛ́ɛ.”
8Bɔ yě ɖɔ: “Axoaɖi! Axoaɖi!” 9Bɔ yě yi gbadaxɔ.
10Hlagwɛ́li sí te bo ylɔ́ mɛsɛntɔ́ tɔn lɛ́ɛ nú yě ná kun yɔ ɖokpó, ɖó é ɖo linlin wɛ ɖɔ: Dɔ̌nkpɛvú ɔ́ sixú wá kú, bɔ mɛ lɛ́ɛ ná cá mǐ ko, bó ná zun mǐ. 11Ée yě kun yɔ ɔ́ fó ɔ́, Hlagwɛ́li lɛ́ kɔ wá xwé gbe, bó ylɔ́ asi tɔn. 12É ɖɔ n'i ɖɔ: “Sɛ́ mɛsɛntɔ́ nyɔ̌nu ɖokpó dó xɔ ɔ́ mɛ ní yi kpɔ́n ɖɔ Tobiyási kpo ɖo gbɛ a jí. Nú é kó kú ɔ́, mǐ ná ɖi i mɛɖé má tunwun.” 13Yě kplá nyɔ̌nu mɛsɛntɔ́ ɔ́ wá, yě tá myɔ, bó hun xɔ ɔ́ mɛ sín hɔn. Nyɔ̌nu mɛsɛntɔ́ ɔ́ byɔ́ xɔ ɔ́ mɛ, bó mɔ yě mɛ we lɛ́ɛ bǐ ɖo amlɔ dɔ́ wɛ fɛɛ. 14É tɔ́n, bó wá ɖɔ nú yě ɖɔ: “É ɖo gbɛ, nǔ bǐ ɖo nǔ ganjí.” 15Énɛ́ ɔ́, yě dó kú nú Mawu sɛ́xwé tɔn bɔ Hlagwɛ́li ɖɔ:
“Mawu ce, gbɛtɔ́ ayimímɛ́nɔ lɛ́ɛ bǐ ji han mlá we;
kpikpa wɛ jɛ xá we nú tɛgbɛ gbe.
16Jɛlijɛli nú we, ɖó a dǒ awǎjijɛ nú mì,
nǔ e lin wɛ un ɖe ɔ́ jɛ ǎ.
Xomɛnyínyɔ́ ɖaxó wɛ a ɖe xlɛ́ mì gbɔn nǔ e a wa nú mì é gbla mɛ.
17Un ɖo nǔbláwǔ e a kú nú vǐ ɖokpónɔ we énɛ́ lɛ́ɛ é sín kú dó nú we wɛ.
Nyɔ̌ xomɛ dó yě wú, bó cyɔ́n alɔ yě jí!
Blǒ nú gbɛ yětɔn bǐ ní nyí awǎjijɛ!”
18Énɛ́ gúdo ɔ́, Hlagwɛ́li ɖɔ nú mɛsɛntɔ́ tɔn lɛ́ɛ ɖɔ yě ní sú yɔdo ɔ́ có ayǐ ná hɔ́n.
Asikplákplá sín agɔ̌
19Hlagwɛ́li ɖɔ nú asi tɔn ɖɔ é ní dó wɔ̌xúxú gěgé kpó mɛ. É yi kpɔ́n wutó tɔn mɛ, bó fɔ nyibú we, lɛ̌ngbɔ́ ɛnɛ, bó zɔ́n ɖɔ è nǐ ɖa lan yětɔn. Lě e yě jɛ xwenú sɔ́ jí gbɔn é nɛ́. 20 Hlagwɛ́li ylɔ́ Tobiyási, bó ɖɔ n'i ɖɔ: “A nǎ gosín fí káká jɛ azǎn wɛ̌nɛ gbe ǎ. A nǎ ɖo xwé ce gbe, bó ná ɖo nǔ ɖu wɛ, bó ná ɖo ahan nu wɛ; a nǎ dó awǎjijɛ lanmɛ nú vǐ nyɔ̌nu ce, bɔ é ná wɔn wǔvɛ́ tɔn lɛ́ɛ, éyɛ́ mɛ e awě kó xo sɔ mɔ̌ é! 21Énɛ́ gúdo ɔ́, nǔ e un ɖó lɛ́ɛ sín vlɔ̌ ɖó we ná nyí towe, bɔ a nǎ zɔn ganjí bó lɛ́ kɔ yi tɔ́ towe xwé. Nú nyi kpó asi ce kpó wá kú hweɖénu ɔ́, dɔkun ce sín vlɔ̌ ɖó wegɔ́ ɔ́ ná lɛ́ nyí mitɔn. Ɖe ji vǐ ce, nyi wɛ nyí tɔ́ nú we, bɔ Ɛdina nyí nɔ nú we; mǐ ɖo kpɔ́ xá we bɛ́ sín din káká sɔ́yi. Hǔn bo ɖeji vǐ ce!”
Currently Selected:
Tobíi 8: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Tobíi 8
8
1Hwenu e yě ɖu nǔ, bó nu ahan ɖó alɔ te é ɔ́, yě jló ná yi mlɔ́ ayǐ. É kplá dɔ̌nkpɛvú ɔ́ yi xɔ ɔ́ mɛ. 2Énɛ́ ɔ́, Tobiyási flín xó e Hlafayɛ́li ɖɔ n'i lɛ́ɛ. É dɔn alǐn hweví ɔ́ tɔn kpó hǔn hweví ɔ́ tɔn kpó sín glo tɔn mɛ, bó bɛ́ kɔn nyi myɔkán e ɖo nǔ e mɛ è nɔ fyɔ́ célu ɖe ɔ́ jí. 3 Hweví ɔ́ sín wǎn nya yɛ nyanya ɔ́, bɔ é hɔn gbɔn jɔhɔn mɛ káká yi Ejípu. Hlafayɛ́li nya ɛ káká bó wlí i, bó dó wɔlɔ ɛ azɔn ɖokpó.
4Ée mɛjitɔ́ lɛ́ɛ tɔ́n sín xɔ ɔ́ mɛ, bó sú hɔn ɔ́ é ɔ́, Tobiyási jɛ te sín akánma ɔ́ jí, bó ɖɔ nú Sala ɖɔ: “Nɔví ce, sí te nú mǐ ná xo ɖɛ syɛ́nsyɛ́n sɛ́ dó Aklúnɔ mǐtɔn, bónú é ná ɖe xomɛnyínyɔ́ tɔn xlɛ́ mǐ, bó cyɔ́n alɔ mǐ jí.” 5Sala sí te, bɔ yě jɛ vo sa nú Aklúnɔ jí ɖɔ é ní cyɔ́n alɔ émí jí. Ɖɛ e Tobiyási xo é ɖíe:
“Mǐ xomlá we Mawu tɔ́gbó mǐtɔn lɛ́ɛ tɔn!
È nǐ nɔ́ xomlá nyǐkɔ towe tɛgbɛ sɔ́yi!
Jǐxwé kpódó nǔɖíɖó towe lɛ́ɛ bǐ kpán ní ji han dó xomlá we tɛgbɛ!
6 Hwi wɛ ɖó Adámu, bó ná ɛ Ɛvu, asi tɔn ɔ́, nú é ná dó alɔ ɛ,
bó ná nyí gǎnjɛwú tɔn.
Bɔ yě mɛ we lɛ́ɛ dó kúnkan gbɛtɔ́ lɛ́ɛ tɔn.
A ɖɔ: ‘É nyɔ́ nú súnnu ní nɔ é ɖokpónɔ ǎ,
un ná bló alɔdómɛtɔ́ e ná sɔgbe xá ɛ é ɖokpó n'i.’
7Din ɔ́, jlǒ e má ɖo sɛ́xwi jí ǎ é ɖé wɛ zɔ́n bɔ un sɔ́ Sala dó ɖó asi ná ǎ,
lo ɔ́, gbejí ná nɔ nú we wú wɛ.
Kɛnklɛ́n kú nǔbláwǔ tɔn, bó kú nǔbláwǔ nú nyi lɔmɔ̌,
bó ná gbɛjidɔ́ mǐ mɛ we lɛ́ɛ.”
8Bɔ yě ɖɔ: “Axoaɖi! Axoaɖi!” 9Bɔ yě yi gbadaxɔ.
10Hlagwɛ́li sí te bo ylɔ́ mɛsɛntɔ́ tɔn lɛ́ɛ nú yě ná kun yɔ ɖokpó, ɖó é ɖo linlin wɛ ɖɔ: Dɔ̌nkpɛvú ɔ́ sixú wá kú, bɔ mɛ lɛ́ɛ ná cá mǐ ko, bó ná zun mǐ. 11Ée yě kun yɔ ɔ́ fó ɔ́, Hlagwɛ́li lɛ́ kɔ wá xwé gbe, bó ylɔ́ asi tɔn. 12É ɖɔ n'i ɖɔ: “Sɛ́ mɛsɛntɔ́ nyɔ̌nu ɖokpó dó xɔ ɔ́ mɛ ní yi kpɔ́n ɖɔ Tobiyási kpo ɖo gbɛ a jí. Nú é kó kú ɔ́, mǐ ná ɖi i mɛɖé má tunwun.” 13Yě kplá nyɔ̌nu mɛsɛntɔ́ ɔ́ wá, yě tá myɔ, bó hun xɔ ɔ́ mɛ sín hɔn. Nyɔ̌nu mɛsɛntɔ́ ɔ́ byɔ́ xɔ ɔ́ mɛ, bó mɔ yě mɛ we lɛ́ɛ bǐ ɖo amlɔ dɔ́ wɛ fɛɛ. 14É tɔ́n, bó wá ɖɔ nú yě ɖɔ: “É ɖo gbɛ, nǔ bǐ ɖo nǔ ganjí.” 15Énɛ́ ɔ́, yě dó kú nú Mawu sɛ́xwé tɔn bɔ Hlagwɛ́li ɖɔ:
“Mawu ce, gbɛtɔ́ ayimímɛ́nɔ lɛ́ɛ bǐ ji han mlá we;
kpikpa wɛ jɛ xá we nú tɛgbɛ gbe.
16Jɛlijɛli nú we, ɖó a dǒ awǎjijɛ nú mì,
nǔ e lin wɛ un ɖe ɔ́ jɛ ǎ.
Xomɛnyínyɔ́ ɖaxó wɛ a ɖe xlɛ́ mì gbɔn nǔ e a wa nú mì é gbla mɛ.
17Un ɖo nǔbláwǔ e a kú nú vǐ ɖokpónɔ we énɛ́ lɛ́ɛ é sín kú dó nú we wɛ.
Nyɔ̌ xomɛ dó yě wú, bó cyɔ́n alɔ yě jí!
Blǒ nú gbɛ yětɔn bǐ ní nyí awǎjijɛ!”
18Énɛ́ gúdo ɔ́, Hlagwɛ́li ɖɔ nú mɛsɛntɔ́ tɔn lɛ́ɛ ɖɔ yě ní sú yɔdo ɔ́ có ayǐ ná hɔ́n.
Asikplákplá sín agɔ̌
19Hlagwɛ́li ɖɔ nú asi tɔn ɖɔ é ní dó wɔ̌xúxú gěgé kpó mɛ. É yi kpɔ́n wutó tɔn mɛ, bó fɔ nyibú we, lɛ̌ngbɔ́ ɛnɛ, bó zɔ́n ɖɔ è nǐ ɖa lan yětɔn. Lě e yě jɛ xwenú sɔ́ jí gbɔn é nɛ́. 20 Hlagwɛ́li ylɔ́ Tobiyási, bó ɖɔ n'i ɖɔ: “A nǎ gosín fí káká jɛ azǎn wɛ̌nɛ gbe ǎ. A nǎ ɖo xwé ce gbe, bó ná ɖo nǔ ɖu wɛ, bó ná ɖo ahan nu wɛ; a nǎ dó awǎjijɛ lanmɛ nú vǐ nyɔ̌nu ce, bɔ é ná wɔn wǔvɛ́ tɔn lɛ́ɛ, éyɛ́ mɛ e awě kó xo sɔ mɔ̌ é! 21Énɛ́ gúdo ɔ́, nǔ e un ɖó lɛ́ɛ sín vlɔ̌ ɖó we ná nyí towe, bɔ a nǎ zɔn ganjí bó lɛ́ kɔ yi tɔ́ towe xwé. Nú nyi kpó asi ce kpó wá kú hweɖénu ɔ́, dɔkun ce sín vlɔ̌ ɖó wegɔ́ ɔ́ ná lɛ́ nyí mitɔn. Ɖe ji vǐ ce, nyi wɛ nyí tɔ́ nú we, bɔ Ɛdina nyí nɔ nú we; mǐ ɖo kpɔ́ xá we bɛ́ sín din káká sɔ́yi. Hǔn bo ɖeji vǐ ce!”
La Bible en langue fon © Alliance Biblique du Bénin, 2012.