Tobíi 4
4
Tobíi kplɔ́n nǔ vǐ tɔn
1Gbe énɛ́ gbe ɖokpó ɔ́, Tobíi flín akwɛ́ e é sɔ́ ɖ'ayǐ, ɖo Gabayɛ́li gɔ́n, ɖo toxo Hlagɛ́si tɔn e ɖo Mɛdi é mɛ é. 2Énɛ́ ɔ́, é ɖɔ nú éɖée ɖɔ: “Un ko byɔ́ Mawu ɖɔ é ní jó mì dó má kú; ényí un ylɔ́ vǐ ce Tobiyási bó ɖɔ akwɛ́ énɛ́ xó n'i cóbó kú ɔ́, nǔ ɖagbe wɛ é ná nyí bɔ un ná wa.” 3Hǔn é ylɔ́ Tobiyási, bɔ ée é wá tlóló ɔ́, é ɖɔ n'i ɖɔ: “Nú un kú hweɖénu hǔn, ɖi mì lě e é jɛ xá gbɔn é. Nɔ sí nɔ towe; ma dó vɛ̌ n'i ɖo gbɛ hwenu tɔn ó. Nɔ dó xomɛhunhun n'i ɖo nǔ bǐ mɛ, bó má ká wa nǔ ɖěbǔ, bó dó dó akpɔ n'i ó. 4Vǐ ce, ma wɔn adǎn ɖěɖě gbo e ɖó ta towe mɛ hwenu e xo towe ɖo nu tɔn é ó. Nú é wá kú hǔn, ɖi i ɖó akpá ce, ɖó yɔdo ɖokpó ɔ́ mɛ.
5“Vǐ ce, nɔ gbejí nú Aklúnɔ, ɖo gbɛ towe bǐ mɛ. Hɛn hwiɖée, bó hɔn nú hwɛhuhu, bó má ká vɛ́ tóli nú sɛ́n tɔn lɛ́ɛ ó. Wa nǔ e jlɔ́ é ɖo gbɛ towe bǐ mɛ; ma mlɛ́ nǔ nyanya sín ali gbeɖé ó. 6Ɛɛn, mɛ e nɔ zán gbɛ ɖo nǔgbó mɛ lɛ́ɛ ná mɔ ta nú nǔ e yě ná sɔ́ ɖó te bo ná wa lɛ́ɛ é bǐ.
7 “Sɔ́ ɖě sín dɔkun towe mɛ, bó ná mɛ e nɔ wa nǔ jlɔ́jlɔ́ lɛ́ɛ, bó má ká nú é vɛ́ nú we ó. Ma nɔ ɖe kɔ dó wamamɔnɔ ɖé gbeɖé ó; énɛ́ ɔ́, Mawu ná ɖe kɔ dó hwi lɔmɔ̌ ǎ. 8A nyǐ dɔkunnɔ kpó a gbɔ kpó ɔ́, dǒ alɔ mɛ ɖě lɛ́ɛ lě e é ɖo así towe gbɔn é. É ná bó nyí kpɛɖé wɛ a ɖǒ hǔn, ma xokpɔ́n cóbó ná kpɛ e ɖo así towe é ó. 9Ényí a blǒ mɔ̌ ɔ́, dɔkun xɔ akwɛ́ kplé ɖ'ayǐ wɛ a ɖe nú azǎn nyanya gbe nɛ́. 10Nǔgbó ɔ́, mɛ e nɔ ná nǔ wamamɔnɔ é nɔ́ gló kú; nǔnámɛ tɔn lɛ́ɛ nɔ́ sú ablu gɔngɔn yɔdo tɔn sín ali n'i. 11Mɛ e nɔ ná nǔ wamamɔnɔ lɛ́ɛ bǐ ɔ́, vɔ̌sánú xɔ akwɛ́ sɔ́ xwlé Nǔbǐwúkpétɔ́ ɔ́ wɛ yě ɖe.
12“Vǐ ce, ma lɔn nú asidida towe gbɔn vo nú lě e Mawu sɛ́n ɔ́ zɔ́n gbɔn é ó. Kpɔ́n nyɔ̌nu e gosín togun towe mɛ é ɖokpó bó sɔ́. Ma da jǒnɔ e má nyí kúnkan ɖokpó ɔ́ xá tɔ́ towe ǎ é ó, ɖó gbeyíɖɔ lɛ́ɛ sín kún mɛ wɛ mǐ jɔ ɖe. Vǐ ce, flín tɔ́gbó tɔgbo mǐtɔn ayǐjɛ tɔn lɛ́ɛ: Nɔwée, Ablaxámu, Izáki kpó Jakɔ́bu kpán; yě bǐ wɛ da nyɔ̌nu e gosín kúnkan yětɔn mɛ é, bɔ Mawu xo ɖɛ dó yě jí, bó ná vǐ yě. É dó akpá nú vǐ yětɔn lɛ́ɛ kpó vǐvú yětɔn lɛ́ɛ kpán ɖɔ to ɔ́ ná nyí yětɔn. 13Vǐ ce, hwi lɔmɔ̌ ɔ́, yǐ wǎn nú nɔví towe Izlayɛ́linu lɛ́ɛ. Ma gbɛ́ wǎn nú súnnu abǐ nyɔ̌nu togun towe tɔn ɖěbǔ ó, bó ba asi e a nǎ da é ɖo yě mɛ. Nǔgbó wɛ, goyíyí nɔ́ hɛn mɛ bú ali, bó nɔ́ hɛn nǔ gěgé gblé ɖo mɛ wú. Mɔ̌ jɛ́n fɔnlín lɔ nɔ dɔn mɛ dó gbɛ̌dídó kpó gbɛya ɖaxó kpán mɛ é nɛ́. É wɛ nɔ́ zɔ́n bɔ adɔ nɔ hɛn mɛ.
14“Ma nɔ te kpɔ́n sɔ hwɛ̌ cóbó sú axɔ́ azɔ̌watɔ́ towe ó; sú axɔ́ ɛ azɔn ɖokpó. Nú a sɔ́ hwiɖée ɖó Mawu kannu gbɔn mɔ̌ ɔ́, é ná dó ajɔ we. Vǐ ce, cɔ́ hwiɖée ɖo nǔwiwa towe lɛ́ɛ bǐ mɛ; nɔ ɖe xlɛ́ ɖo zǐnzán towe mɛ ɖɔ émí yí kplɔ́n ɖagbe. 15 Ma lɔn bo wa nǔ e má ná nyɔ́ nukún towe mɛ ǎ é nú mɛɖé ó; ma nɔ nu vǐwunhan zɛ jlɛ̌ wú ó. Ma húzú ahannumúnɔ gbeɖé ó.
16“Nɔ má nǔɖuɖu towe xá mɛ e ɖo xovɛ́ lɛ́ɛ é, bó nɔ́ má avɔ towe xá mɛ e ɖo mɛ̌ lɛ́ɛ é. Nǔ e a ɖǒ bɔ é lán ɖ'é jí é ɔ́, nǎ wamamɔnɔ lɛ́ɛ; ényí a mǎ hǔn, ní má lɛ́ vɛ́ nú we ó. 17 Ényí hwɛjijɔnɔ ɖé kú hǔn, nǎ nǔɖuɖu mɛ lɛ́ɛ; lo ɔ́, nú é nyí hwɛhutɔ́ ɖé wɛ kú hǔn, ma bló mɔ̌ ó.
18“Ɖǒ tó te nú mɛ e ɖó sɛ́núnywɛ́ lɛ́ɛ, bó má dó vɛ̌ nú nǔkplɔ́nmɛ ɖagbe ó. 19Nɔ dó kú nú Aklúnɔ ɖo nǔ bǐ mɛ; nɔ byɔ́ ɛ ɖɔ é ní kplá we gbɔn ali jlɔ́jlɔ́ jí, bó ká bló nú tito towe lɛ́ɛ, kpó nǔ e wú a nǎ sí te dó lɛ́ɛ é bǐ kpó ní yi ta. Nǔgbó ɔ́, nywɛ̌ ɖɔ sɛ́núnywɛ́ ɖíɖó kún nyí togun ɖokpó ɖé tɔn ó; Aklúnɔ kɛ́ɖɛ́ wɛ nɔ́ ná ɖagbe lɛ́ɛ, bó ká nɔ́ hwín mɛ e é jló lɛ́ɛ é dó do káká yi doxwé ɖo mɛkúkú lɛ́ɛ mɛ.
“É nyí mɔ̌ hǔn, vǐ ce, flín nǔkplɔ́nmɛ énɛ́ lɛ́ɛ; ma jó yě dó nú yě bú sín ayi mɛ nú we ó.
20“Din ɔ́, un ɖó ná ɖɔ nǔ élɔ́ nú we: un sɔ́ gankwɛ́ afɔɖé kanwe ko (300) ɖó Gabayɛ́li Gabli sín vǐ ɔ́ gɔ́n ɖo Hlagɛ́si, ɖo Mɛdi tomɛ. 21 Nǔgbó wɛ vǐ ce, mǐ ɖíe wá húzú wamamɔnɔ e; ma ka lin énɛ́ kpɔ́n ó; ényí a ko nɔ se tónú nú Aklúnɔ Mawu towe, bó nɔ́ ɖó wǔ zɔ nú hwɛhuhu, bó nɔ́ bló nǔ e nɔ́ jló e lɛ́ɛ é hǔn, a ko ɖó dɔkun titewungbe ɖokpó.”
Currently Selected:
Tobíi 4: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Tobíi 4
4
Tobíi kplɔ́n nǔ vǐ tɔn
1Gbe énɛ́ gbe ɖokpó ɔ́, Tobíi flín akwɛ́ e é sɔ́ ɖ'ayǐ, ɖo Gabayɛ́li gɔ́n, ɖo toxo Hlagɛ́si tɔn e ɖo Mɛdi é mɛ é. 2Énɛ́ ɔ́, é ɖɔ nú éɖée ɖɔ: “Un ko byɔ́ Mawu ɖɔ é ní jó mì dó má kú; ényí un ylɔ́ vǐ ce Tobiyási bó ɖɔ akwɛ́ énɛ́ xó n'i cóbó kú ɔ́, nǔ ɖagbe wɛ é ná nyí bɔ un ná wa.” 3Hǔn é ylɔ́ Tobiyási, bɔ ée é wá tlóló ɔ́, é ɖɔ n'i ɖɔ: “Nú un kú hweɖénu hǔn, ɖi mì lě e é jɛ xá gbɔn é. Nɔ sí nɔ towe; ma dó vɛ̌ n'i ɖo gbɛ hwenu tɔn ó. Nɔ dó xomɛhunhun n'i ɖo nǔ bǐ mɛ, bó má ká wa nǔ ɖěbǔ, bó dó dó akpɔ n'i ó. 4Vǐ ce, ma wɔn adǎn ɖěɖě gbo e ɖó ta towe mɛ hwenu e xo towe ɖo nu tɔn é ó. Nú é wá kú hǔn, ɖi i ɖó akpá ce, ɖó yɔdo ɖokpó ɔ́ mɛ.
5“Vǐ ce, nɔ gbejí nú Aklúnɔ, ɖo gbɛ towe bǐ mɛ. Hɛn hwiɖée, bó hɔn nú hwɛhuhu, bó má ká vɛ́ tóli nú sɛ́n tɔn lɛ́ɛ ó. Wa nǔ e jlɔ́ é ɖo gbɛ towe bǐ mɛ; ma mlɛ́ nǔ nyanya sín ali gbeɖé ó. 6Ɛɛn, mɛ e nɔ zán gbɛ ɖo nǔgbó mɛ lɛ́ɛ ná mɔ ta nú nǔ e yě ná sɔ́ ɖó te bo ná wa lɛ́ɛ é bǐ.
7 “Sɔ́ ɖě sín dɔkun towe mɛ, bó ná mɛ e nɔ wa nǔ jlɔ́jlɔ́ lɛ́ɛ, bó má ká nú é vɛ́ nú we ó. Ma nɔ ɖe kɔ dó wamamɔnɔ ɖé gbeɖé ó; énɛ́ ɔ́, Mawu ná ɖe kɔ dó hwi lɔmɔ̌ ǎ. 8A nyǐ dɔkunnɔ kpó a gbɔ kpó ɔ́, dǒ alɔ mɛ ɖě lɛ́ɛ lě e é ɖo así towe gbɔn é. É ná bó nyí kpɛɖé wɛ a ɖǒ hǔn, ma xokpɔ́n cóbó ná kpɛ e ɖo así towe é ó. 9Ényí a blǒ mɔ̌ ɔ́, dɔkun xɔ akwɛ́ kplé ɖ'ayǐ wɛ a ɖe nú azǎn nyanya gbe nɛ́. 10Nǔgbó ɔ́, mɛ e nɔ ná nǔ wamamɔnɔ é nɔ́ gló kú; nǔnámɛ tɔn lɛ́ɛ nɔ́ sú ablu gɔngɔn yɔdo tɔn sín ali n'i. 11Mɛ e nɔ ná nǔ wamamɔnɔ lɛ́ɛ bǐ ɔ́, vɔ̌sánú xɔ akwɛ́ sɔ́ xwlé Nǔbǐwúkpétɔ́ ɔ́ wɛ yě ɖe.
12“Vǐ ce, ma lɔn nú asidida towe gbɔn vo nú lě e Mawu sɛ́n ɔ́ zɔ́n gbɔn é ó. Kpɔ́n nyɔ̌nu e gosín togun towe mɛ é ɖokpó bó sɔ́. Ma da jǒnɔ e má nyí kúnkan ɖokpó ɔ́ xá tɔ́ towe ǎ é ó, ɖó gbeyíɖɔ lɛ́ɛ sín kún mɛ wɛ mǐ jɔ ɖe. Vǐ ce, flín tɔ́gbó tɔgbo mǐtɔn ayǐjɛ tɔn lɛ́ɛ: Nɔwée, Ablaxámu, Izáki kpó Jakɔ́bu kpán; yě bǐ wɛ da nyɔ̌nu e gosín kúnkan yětɔn mɛ é, bɔ Mawu xo ɖɛ dó yě jí, bó ná vǐ yě. É dó akpá nú vǐ yětɔn lɛ́ɛ kpó vǐvú yětɔn lɛ́ɛ kpán ɖɔ to ɔ́ ná nyí yětɔn. 13Vǐ ce, hwi lɔmɔ̌ ɔ́, yǐ wǎn nú nɔví towe Izlayɛ́linu lɛ́ɛ. Ma gbɛ́ wǎn nú súnnu abǐ nyɔ̌nu togun towe tɔn ɖěbǔ ó, bó ba asi e a nǎ da é ɖo yě mɛ. Nǔgbó wɛ, goyíyí nɔ́ hɛn mɛ bú ali, bó nɔ́ hɛn nǔ gěgé gblé ɖo mɛ wú. Mɔ̌ jɛ́n fɔnlín lɔ nɔ dɔn mɛ dó gbɛ̌dídó kpó gbɛya ɖaxó kpán mɛ é nɛ́. É wɛ nɔ́ zɔ́n bɔ adɔ nɔ hɛn mɛ.
14“Ma nɔ te kpɔ́n sɔ hwɛ̌ cóbó sú axɔ́ azɔ̌watɔ́ towe ó; sú axɔ́ ɛ azɔn ɖokpó. Nú a sɔ́ hwiɖée ɖó Mawu kannu gbɔn mɔ̌ ɔ́, é ná dó ajɔ we. Vǐ ce, cɔ́ hwiɖée ɖo nǔwiwa towe lɛ́ɛ bǐ mɛ; nɔ ɖe xlɛ́ ɖo zǐnzán towe mɛ ɖɔ émí yí kplɔ́n ɖagbe. 15 Ma lɔn bo wa nǔ e má ná nyɔ́ nukún towe mɛ ǎ é nú mɛɖé ó; ma nɔ nu vǐwunhan zɛ jlɛ̌ wú ó. Ma húzú ahannumúnɔ gbeɖé ó.
16“Nɔ má nǔɖuɖu towe xá mɛ e ɖo xovɛ́ lɛ́ɛ é, bó nɔ́ má avɔ towe xá mɛ e ɖo mɛ̌ lɛ́ɛ é. Nǔ e a ɖǒ bɔ é lán ɖ'é jí é ɔ́, nǎ wamamɔnɔ lɛ́ɛ; ényí a mǎ hǔn, ní má lɛ́ vɛ́ nú we ó. 17 Ényí hwɛjijɔnɔ ɖé kú hǔn, nǎ nǔɖuɖu mɛ lɛ́ɛ; lo ɔ́, nú é nyí hwɛhutɔ́ ɖé wɛ kú hǔn, ma bló mɔ̌ ó.
18“Ɖǒ tó te nú mɛ e ɖó sɛ́núnywɛ́ lɛ́ɛ, bó má dó vɛ̌ nú nǔkplɔ́nmɛ ɖagbe ó. 19Nɔ dó kú nú Aklúnɔ ɖo nǔ bǐ mɛ; nɔ byɔ́ ɛ ɖɔ é ní kplá we gbɔn ali jlɔ́jlɔ́ jí, bó ká bló nú tito towe lɛ́ɛ, kpó nǔ e wú a nǎ sí te dó lɛ́ɛ é bǐ kpó ní yi ta. Nǔgbó ɔ́, nywɛ̌ ɖɔ sɛ́núnywɛ́ ɖíɖó kún nyí togun ɖokpó ɖé tɔn ó; Aklúnɔ kɛ́ɖɛ́ wɛ nɔ́ ná ɖagbe lɛ́ɛ, bó ká nɔ́ hwín mɛ e é jló lɛ́ɛ é dó do káká yi doxwé ɖo mɛkúkú lɛ́ɛ mɛ.
“É nyí mɔ̌ hǔn, vǐ ce, flín nǔkplɔ́nmɛ énɛ́ lɛ́ɛ; ma jó yě dó nú yě bú sín ayi mɛ nú we ó.
20“Din ɔ́, un ɖó ná ɖɔ nǔ élɔ́ nú we: un sɔ́ gankwɛ́ afɔɖé kanwe ko (300) ɖó Gabayɛ́li Gabli sín vǐ ɔ́ gɔ́n ɖo Hlagɛ́si, ɖo Mɛdi tomɛ. 21 Nǔgbó wɛ vǐ ce, mǐ ɖíe wá húzú wamamɔnɔ e; ma ka lin énɛ́ kpɔ́n ó; ényí a ko nɔ se tónú nú Aklúnɔ Mawu towe, bó nɔ́ ɖó wǔ zɔ nú hwɛhuhu, bó nɔ́ bló nǔ e nɔ́ jló e lɛ́ɛ é hǔn, a ko ɖó dɔkun titewungbe ɖokpó.”
La Bible en langue fon © Alliance Biblique du Bénin, 2012.