Silaki ví 7
7
Nǔkplɔ́nmɛ tɛnmɛ tɛnmɛ
1Ma wa nǔ nyanya ó,
énɛ́ ɔ́, nǔ nyanya ná ɖu gǎn nú we ǎ.
2Nɔ zɔ nú hwɛagɔdídó,
é ɖésú ná nɔ zɔ nú we.
3Vǐ ce, ma dó nǔ agɔ wiwa sín nǔkún ɖó hwɛn towe jí ó,
é má nyí mɔ̌ ǎ ɔ́, a nǎ ya mɔ̌hunkɔtɔn donu tɛ́nwe.
4Ma byɔ́ tɛnmɛ nukɔntɔn ɖo Aklúnɔ sí ó,
ma ka lɛ́ byɔ́ ɖo axɔ́sú sí ɖɔ ní sɔ́ we ɖó tɛn ɖaxó mɛ ó.
5Ma nɔ ɖe xlɛ́ ɖɔ émí nyí mɛjɔmɛ ɖo Aklúnɔ nukɔn ó,
ma ka nɔ lɛ́ ɖe xlɛ́ ɖɔ émí nyí nǔnywɛ́tɔ́ ɖo axɔ́sú nukɔn ó.
6Nú a ma kpé wú ná sú kún dó nú hwɛ agɔ ǎ hǔn,
ma ba ɖɔ émí ná nyí hwɛɖɔtɔ́ ó,
é má nyí mɔ̌ ǎ ɔ́, mɛxó ɖé ná ɖo fínɛ́ bó ná hú nukún we,
bɔ gbɛtɔ́ ayijlɔ́jlɔ́nɔ e a nyǐ é ná wá tún bú dó we.
7Ma wa nǔ nyanya dó to towe mɛ nu lɛ́ɛ wú ó,
é má nyí mɔ̌ ǎ ɔ́, wi towe ná kɔ́n ɖo yě bǐ nukɔn.
8Ma jɛ hwɛ ɖokpó ɔ́ mɛ azɔn we ó,
azɔn ɖokpó kó kpé bɔ a nǎ nyí nǔwanyidotɔ́.
9Ma ɖɔ: “Mawu Ajalɔ̌nlɔn ná sɔ́ nukún ɖagbe dó kpɔ́n vɔ̌sánú wɔ̌buwɔ́bú e un nɔ xwlé e lɛ́ɛ é;
un xwlé yě e hweɖěbǔnu ɔ́, é ná yí yě” ó.
10A ɖo ɖɛ xo wɛ hǔn, ma nɔ kpo zɔn ó,
ma ka nɔ dó vɛ̌ nú nǔ ná wamamɔnɔ lɛ́ɛ ó.
11Ma ko mɛ e ɖo wǔvɛ́ ɖé mɔ wɛ é ó,
ɖó Mawu e sɔ́ ɛ hwe ɔ́, é hɛn ɔ́, é ná lɛ́ sɔ́ ɛ d'aga.
12Ma ba ná ɖó adingban dó nɔví towe abǐ xɔ́ntɔn towe nu ó.
13Ma nɔ ɖó adingban gbeɖé ó, ɖó nǔ ɖagbe ɖé nɔ́ tɔ́n sín mɛ ǎ.
14A ɖo mɛxó lɛ́ɛ sín kplɔ́ngbasá hǔn, ma nɔ ɖɔ xó ɖé ján kpowun ó;
a ɖo ɖɛ xo wɛ hǔn, ma nɔ ɖo nǔ ɖokpó ɔ́ vɔ́ ɖɔ wɛ ó.
15Ma nɔ gbɛ́ wǎn nú azɔ̌ e vɛ́ wǔ lɛ́ɛ é kpó glezɔ́ e Mawu Nǔbǐwúkpétɔ́ ɔ́ ɖó é kpó ó.
16Ma dó gbɛ̌ nǔnyanyawatɔ́ lɛ́ɛ tɔn ó;
flín ɖɔ xomɛsin Mawu tɔn kún nɔ́ lín ó.
17Sɔ́ hwiɖée hwe, ɖó zo kpó wǎnvú kpó wɛ è nǎ dó dɔn tó nú mɛ e gbɛ́ wǎn nú Aklúnɔ é.
Xɔ́ntɔn lɛ́ɛ, hɛ̌nnumɔ
18Ma nú é sín akwɛ́ wú nú a hɛn xɔ́ntɔn gblé ó;
ní má lɛ́ sín sikágan wú nú a gbɛ̌ nɔví towe ó.
19Ma ja nyɔ̌nu ɖagbe e nyɔ́ nǔ i é da gbé bó xokpɔ́n ó.
Nǔgbó wɛ, ɖɛkpɛ tɔn xɔ akwɛ́ hú siká.
20Ma dó ya nú kannumɔ e ɖo gbejí dó ɖo sinsɛn we wɛ é
kpó azɔ̌watɔ́ e ɖo azɔ̌ wa wɛ kpó ayi ɖagbe kpó é ó.
21 Nú a ɖǒ kannumɔ nǔnywɛ́tɔ́ hǔn,
yǐ wǎn n'i hwi ɖésú ɖɔhun;
ma gbɛ́ ma ɖe e nyi kɔ vɔ́ ó.
22Nú a ɖǒ kanlinkpó hǔn,
kpé nukún dó yě wú;
nú le nɔ tɔ́n sín mɛ nú we hǔn, bo hɛn.
23Nú a ɖǒ vǐ hǔn, kplɔ́n yě.
Hwenu e yě kpo ɖo kpɛví é ɔ́,
kplɔ́n yě lě e è nɔ se tónú gbɔn é.
24Nú a ɖǒ vǐ nyɔ̌nu hǔn,
kpé nukún dó agbaza yětɔn wú,
bó má ká bɔ nukún mɛ nú yě ó.
25Nǎ vǐ towe nyɔ̌nu asú,
nǔ ɖaxó ɖokpó wɛ é ná nyí bɔ a nǎ wa;
lo ɔ́, súnnu nǔnywɛ́tɔ́ wɛ a nǎ da ɛ ná.
26Nú nyɔ̌nu e a yí wǎn ná kpódó ayi towe bǐ kpó é jɛ́n a da hǔn, ma gbɛ́ ɛ ó;
lo ɔ́, ma ka ɖó jiɖiɖe dó nyɔ̌nu e a ma yí wǎn ná ǎ é wú ó.
27 Sí tɔ́ towe kpó ayi towe bǐ kpán,
lobo ma ka wɔn ya e nɔ towe ji dó wǔ we é gbeɖé ó.
28Nɔ flín tɛgbɛ ɖɔ yě wɛ ná gbɛ we.
Nǔ e yě wa nú we ɔ́, nɛ̌ a ka ná sixú sú axɔ́ tɔn yě gbɔn?
Nǔ e a nǎ wa nú vɔ̌sánú-xwlémawutɔ́ lɛ́ɛ é
29Sɛn Aklúnɔ kpó gbɛ towe bǐ kpó,
bó ká sí vɔ̌sánú-xwlémawutɔ́ lɛ́ɛ.
30Yǐ wǎn nú mɛ e ɖó we é kpó hlɔ̌nhlɔ́n towe bǐ kpán,
lobo ma ka dó vɛ̌ nú mɛ e nɔ sɛn ɛ lɛ́ɛ ó.
31Sí Aklúnɔ bó ká wlí yɛ̌yi nú vɔ̌sánú-xwlémawutɔ́ tɔn;
sɔ́ kanta e nyí yětɔn ɔ́ nú yě lě e è zɔ̌n we gbɔn é:
jinukún nukɔntɔn lɛ́ɛ, hwɛxɔ́súsú vɔ̌sísá kanlin e è xwlé lɛ́ɛ é sín abɔ̌ta,
vɔ̌sánú e kpo ɔ́ kpó nǔkún ɖagbe e tɔ́n sín ayǐkúngban lanmɛ
bɔ è sɔ́ ɖ'ayǐ nú Aklúnɔ lɛ́ɛ é kpó.
Nǔ e è nǎ wa nú wamamɔnɔ lɛ́ɛ é
32Hun alɔ gblogblo dó ná nǔ wamamɔnɔ,
bónú Aklúnɔ ná xo ɖɛ dó jǐ we ganjí.
33Nyɔ̌ xomɛ dó mɛ e ɖo gbɛ lɛ́ɛ é bǐ wú,
lobo ma ka gɔn sísí ɖó nú mɛkúkú lɛ́ɛ ó.
34Ma ɖe kɔ dó mɛ e ɖo avǐ ya wɛ lɛ́ɛ ó;
lo ɔ́, ji ya xá mɛ e ɖo aluwɛ mɛ lɛ́ɛ é.
35Ma dó vɛ̌ nú azunzɔnnɔ lɛ́ɛ yi ba kpɔ́n ó;
nú a nɔ bló gbɔn mɔ̌ ɔ́, mɛ lɛ́ɛ ná yí wǎn nú we.
36Ɖo nǔwiwa towe lɛ́ɛ bǐ mɛ ɔ́,
nɔ flín gbɛvivɔzán gbe towe,
bó ma sɔ́ hu hwɛ ɖě gbeɖé ó.
Currently Selected:
Silaki ví 7: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 7
7
Nǔkplɔ́nmɛ tɛnmɛ tɛnmɛ
1Ma wa nǔ nyanya ó,
énɛ́ ɔ́, nǔ nyanya ná ɖu gǎn nú we ǎ.
2Nɔ zɔ nú hwɛagɔdídó,
é ɖésú ná nɔ zɔ nú we.
3Vǐ ce, ma dó nǔ agɔ wiwa sín nǔkún ɖó hwɛn towe jí ó,
é má nyí mɔ̌ ǎ ɔ́, a nǎ ya mɔ̌hunkɔtɔn donu tɛ́nwe.
4Ma byɔ́ tɛnmɛ nukɔntɔn ɖo Aklúnɔ sí ó,
ma ka lɛ́ byɔ́ ɖo axɔ́sú sí ɖɔ ní sɔ́ we ɖó tɛn ɖaxó mɛ ó.
5Ma nɔ ɖe xlɛ́ ɖɔ émí nyí mɛjɔmɛ ɖo Aklúnɔ nukɔn ó,
ma ka nɔ lɛ́ ɖe xlɛ́ ɖɔ émí nyí nǔnywɛ́tɔ́ ɖo axɔ́sú nukɔn ó.
6Nú a ma kpé wú ná sú kún dó nú hwɛ agɔ ǎ hǔn,
ma ba ɖɔ émí ná nyí hwɛɖɔtɔ́ ó,
é má nyí mɔ̌ ǎ ɔ́, mɛxó ɖé ná ɖo fínɛ́ bó ná hú nukún we,
bɔ gbɛtɔ́ ayijlɔ́jlɔ́nɔ e a nyǐ é ná wá tún bú dó we.
7Ma wa nǔ nyanya dó to towe mɛ nu lɛ́ɛ wú ó,
é má nyí mɔ̌ ǎ ɔ́, wi towe ná kɔ́n ɖo yě bǐ nukɔn.
8Ma jɛ hwɛ ɖokpó ɔ́ mɛ azɔn we ó,
azɔn ɖokpó kó kpé bɔ a nǎ nyí nǔwanyidotɔ́.
9Ma ɖɔ: “Mawu Ajalɔ̌nlɔn ná sɔ́ nukún ɖagbe dó kpɔ́n vɔ̌sánú wɔ̌buwɔ́bú e un nɔ xwlé e lɛ́ɛ é;
un xwlé yě e hweɖěbǔnu ɔ́, é ná yí yě” ó.
10A ɖo ɖɛ xo wɛ hǔn, ma nɔ kpo zɔn ó,
ma ka nɔ dó vɛ̌ nú nǔ ná wamamɔnɔ lɛ́ɛ ó.
11Ma ko mɛ e ɖo wǔvɛ́ ɖé mɔ wɛ é ó,
ɖó Mawu e sɔ́ ɛ hwe ɔ́, é hɛn ɔ́, é ná lɛ́ sɔ́ ɛ d'aga.
12Ma ba ná ɖó adingban dó nɔví towe abǐ xɔ́ntɔn towe nu ó.
13Ma nɔ ɖó adingban gbeɖé ó, ɖó nǔ ɖagbe ɖé nɔ́ tɔ́n sín mɛ ǎ.
14A ɖo mɛxó lɛ́ɛ sín kplɔ́ngbasá hǔn, ma nɔ ɖɔ xó ɖé ján kpowun ó;
a ɖo ɖɛ xo wɛ hǔn, ma nɔ ɖo nǔ ɖokpó ɔ́ vɔ́ ɖɔ wɛ ó.
15Ma nɔ gbɛ́ wǎn nú azɔ̌ e vɛ́ wǔ lɛ́ɛ é kpó glezɔ́ e Mawu Nǔbǐwúkpétɔ́ ɔ́ ɖó é kpó ó.
16Ma dó gbɛ̌ nǔnyanyawatɔ́ lɛ́ɛ tɔn ó;
flín ɖɔ xomɛsin Mawu tɔn kún nɔ́ lín ó.
17Sɔ́ hwiɖée hwe, ɖó zo kpó wǎnvú kpó wɛ è nǎ dó dɔn tó nú mɛ e gbɛ́ wǎn nú Aklúnɔ é.
Xɔ́ntɔn lɛ́ɛ, hɛ̌nnumɔ
18Ma nú é sín akwɛ́ wú nú a hɛn xɔ́ntɔn gblé ó;
ní má lɛ́ sín sikágan wú nú a gbɛ̌ nɔví towe ó.
19Ma ja nyɔ̌nu ɖagbe e nyɔ́ nǔ i é da gbé bó xokpɔ́n ó.
Nǔgbó wɛ, ɖɛkpɛ tɔn xɔ akwɛ́ hú siká.
20Ma dó ya nú kannumɔ e ɖo gbejí dó ɖo sinsɛn we wɛ é
kpó azɔ̌watɔ́ e ɖo azɔ̌ wa wɛ kpó ayi ɖagbe kpó é ó.
21 Nú a ɖǒ kannumɔ nǔnywɛ́tɔ́ hǔn,
yǐ wǎn n'i hwi ɖésú ɖɔhun;
ma gbɛ́ ma ɖe e nyi kɔ vɔ́ ó.
22Nú a ɖǒ kanlinkpó hǔn,
kpé nukún dó yě wú;
nú le nɔ tɔ́n sín mɛ nú we hǔn, bo hɛn.
23Nú a ɖǒ vǐ hǔn, kplɔ́n yě.
Hwenu e yě kpo ɖo kpɛví é ɔ́,
kplɔ́n yě lě e è nɔ se tónú gbɔn é.
24Nú a ɖǒ vǐ nyɔ̌nu hǔn,
kpé nukún dó agbaza yětɔn wú,
bó má ká bɔ nukún mɛ nú yě ó.
25Nǎ vǐ towe nyɔ̌nu asú,
nǔ ɖaxó ɖokpó wɛ é ná nyí bɔ a nǎ wa;
lo ɔ́, súnnu nǔnywɛ́tɔ́ wɛ a nǎ da ɛ ná.
26Nú nyɔ̌nu e a yí wǎn ná kpódó ayi towe bǐ kpó é jɛ́n a da hǔn, ma gbɛ́ ɛ ó;
lo ɔ́, ma ka ɖó jiɖiɖe dó nyɔ̌nu e a ma yí wǎn ná ǎ é wú ó.
27 Sí tɔ́ towe kpó ayi towe bǐ kpán,
lobo ma ka wɔn ya e nɔ towe ji dó wǔ we é gbeɖé ó.
28Nɔ flín tɛgbɛ ɖɔ yě wɛ ná gbɛ we.
Nǔ e yě wa nú we ɔ́, nɛ̌ a ka ná sixú sú axɔ́ tɔn yě gbɔn?
Nǔ e a nǎ wa nú vɔ̌sánú-xwlémawutɔ́ lɛ́ɛ é
29Sɛn Aklúnɔ kpó gbɛ towe bǐ kpó,
bó ká sí vɔ̌sánú-xwlémawutɔ́ lɛ́ɛ.
30Yǐ wǎn nú mɛ e ɖó we é kpó hlɔ̌nhlɔ́n towe bǐ kpán,
lobo ma ka dó vɛ̌ nú mɛ e nɔ sɛn ɛ lɛ́ɛ ó.
31Sí Aklúnɔ bó ká wlí yɛ̌yi nú vɔ̌sánú-xwlémawutɔ́ tɔn;
sɔ́ kanta e nyí yětɔn ɔ́ nú yě lě e è zɔ̌n we gbɔn é:
jinukún nukɔntɔn lɛ́ɛ, hwɛxɔ́súsú vɔ̌sísá kanlin e è xwlé lɛ́ɛ é sín abɔ̌ta,
vɔ̌sánú e kpo ɔ́ kpó nǔkún ɖagbe e tɔ́n sín ayǐkúngban lanmɛ
bɔ è sɔ́ ɖ'ayǐ nú Aklúnɔ lɛ́ɛ é kpó.
Nǔ e è nǎ wa nú wamamɔnɔ lɛ́ɛ é
32Hun alɔ gblogblo dó ná nǔ wamamɔnɔ,
bónú Aklúnɔ ná xo ɖɛ dó jǐ we ganjí.
33Nyɔ̌ xomɛ dó mɛ e ɖo gbɛ lɛ́ɛ é bǐ wú,
lobo ma ka gɔn sísí ɖó nú mɛkúkú lɛ́ɛ ó.
34Ma ɖe kɔ dó mɛ e ɖo avǐ ya wɛ lɛ́ɛ ó;
lo ɔ́, ji ya xá mɛ e ɖo aluwɛ mɛ lɛ́ɛ é.
35Ma dó vɛ̌ nú azunzɔnnɔ lɛ́ɛ yi ba kpɔ́n ó;
nú a nɔ bló gbɔn mɔ̌ ɔ́, mɛ lɛ́ɛ ná yí wǎn nú we.
36Ɖo nǔwiwa towe lɛ́ɛ bǐ mɛ ɔ́,
nɔ flín gbɛvivɔzán gbe towe,
bó ma sɔ́ hu hwɛ ɖě gbeɖé ó.
La Bible en langue fon © Alliance Biblique du Bénin, 2012.