Silaki ví 48
48
Elíi
1 Énɛ́ gúdo ɔ́, gbeyíɖɔ Mawu tɔn Elíi wá zé zo ɖɔhun;
xó tɔn ɖi ɖɛ̌ zohwín ɖɔhun.
2É dɔn adɔ wá nú mɛ lɛ́ɛ,
bɔ hun jɛ dó Aklúnɔ jí tɔn mɛ ɔ́,
é sú mɛ gěgé kún dó.
3Ɖo Aklúnɔ sín acɛ mɛ ɔ́,
é zɔ́n bɔ jǐ gɔn jija,
bɔ zo ja sín jǐxwé kɔn nyi ayǐ azɔn atɔn.
4Elíi, a hǔzú nǔsúɖaxó
gbɔn nǔ ɖaxó ɖaxó wiwa towe lɛ́ɛ mɛ.
Mɛ̌ wɛ ká ná glá flé nu ɖɔ émí ná cí hwɛ ɖɔhun?
5Ɖo Mawu Ajalɔ̌nlɔn ɔ́ sín gbeɖiɖe mɛ ɔ́,
a fɔ́n mɛ e kú é sín kútomɛ;
6A nɔ axɔ́sú lɛ́ɛ gúdo káká bɔ yě bǐ yi vɔ;
a kpíkpé mɛ nukúnɖéjí lɛ́ɛ sín azɔnzan yětɔn lɛ́ɛ jí
káká yi dó yɔdo mɛ.
7Ɖo Sinayíi ɖo Holɛ́bu sín só jí ɔ́,
a se Aklúnɔ sín gbe bɔ é kɛ nu dó nǔ wú nú we,
bɔ hwɛ syɛ́nsyɛ́n e é ná wá ɖɔ é ɔ́, é ɖɔ xó tɔn nú we.
8Elíi, a sá ami nú axɔ́sú ɖé lɛ́ɛ
nú yě ná dó wa nǔ mlɛ́ gbetakɛ́n énɛ́ lɛ́ɛ;
a sɔ́ gbeyíɖɔ ɖé lɛ́ɛ nú yě ná dó nɔ tɛn towe mɛ.
9È wǎ sɔ́ we yi jǐxwé ɖo axásáxásá jɔhɔn myɔnɔ ɖé mɛ,
ɖo ahwankɛkɛ́ e è sɔ́ zo hɛɛ lɛ́ɛ nɔ́ dɔn é mɛ.
10Nú è kpɔ́n wěma mímɛ́ lɛ́ɛ mɛ ɔ́,
hwi wɛ nyí mɛ e ná fá xomɛ nú Aklúnɔ
cóbɔ xomɛsin tɔn ná wá jɛ wěxo é;
hwi wɛ ná dó hwɛ gbɔ nú tɔ́ kpó vǐ kpó,
bó ná sɔ́ Jakɔ́bu sín akɔta ɔ́ ɖó tɛn tɔn mɛ.
11Nǔ nyɔ́ nú mɛ e ná mɔ we lɛ́ɛ é;
nú nyɔ́ nú mɛ e ná ɖo wǎn yí nú Aklúnɔ wɛ káká
bó ná yi dɔ́ kúmlɔ lɛ́ɛ é;
Nǔgbó wɛ, mǐ lɔmɔ̌ ná nɔ gbɛ dandan.
Elizée
12 Ée axásáxásá jɔhɔn myɔnɔ ɔ́ wá sɔ́ Elíi yi gúdo é ɔ́,
Yɛ tɔn gɔ́ Elizée;
Elizée sísɔ́ avuvɔ ɖo gǎn ɖé nukɔn kpɔ́n ɖo gbɛ tɔn mɛ ǎ;
mɛɖé ká lɛ́ ɖu ɖo jǐ tɔn gbeɖé ǎ.
13 Nǔ ɖěbǔ ká vɛ́ wǔ n'i díngan ǎ;
kú tɔn gúdo ɖésú ɔ́,
agbaza tɔn lɛ́ɛ wá nǔ gbeyíɖɔ Mawu tɔn ɖɔhun.
14É wa nǔdábaɖa ɖé lɛ́ɛ ɖo gbɛ tɔn hwenu;
é kú có nǔwiwa tɔn lɛ́ɛ nɔ́ kpácá mɛ.
15 É ɖo mɔ̌ có Izlayɛ́li togun ɔ́
ká húzú nukún mɛ nú gbɛ tɔn ǎ;
é lɛ́ kɔ sín hwɛ tɔn lɛ́ɛ gúdo cóbɔ è tún to n'i,
lobo gba ɛ kpé fí bǐ ɖo ayǐkúngban ɔ́ bǐ jí ǎ;
yě mɛ kwín we ɖé jɛ́n kpo ɖo togun ɔ́ mɛ,
bó ɖó axɔ́sú ɖokpó bɔ é tɔ́n sín Davídi hɛ́nnu mɛ.
16Judáa xɔ́sú ɖé lɛ́ɛ wa nǔ e nɔ́ nyɔ́ Mawu nukún mɛ lɛ́ɛ é;
lo ɔ́, yě mɛ ɖé lɛ́ɛ ká wa nǔ gěgé nyi do.
Axɔ́sú Ezekiyási kpó gbeyíɖɔ Mawu tɔn Ezayíi kpán
17 Ezekiyási mɛ dǒ lɛ́ lɛ̌ dó Jeluzalɛ́mu to ɔ́,
lobo dɔn sin wá toxo ɔ́ mɛ;
é zɔ́n bɔ è sɔ́ ganlyannú dó kun so dó sóxo mɛ,
bó kun tɔ ɖé lɛ́ɛ nú yě ná hɛn sin.
18 Hwetɔnnu wɛ axɔ́sú Senakelíbu wá tɔ́n ahwan Jeluzalɛ́mu;
é sɛ́ ahwangán tɔn ɖaxó bǐ ɔ́ dó,
bɔ é wá myɔ́ gusú dó Sinyɔ́ɔ jí;
bó ɖe goyíyí ɖaxó ɖé xlɛ́.
19Xɛsi zɔ́n bɔ ayi mɛ bǐ tɔn gbadó,
lobɔ alɔ bǐ nɔ́ sísɔ́ ɖó xɛsi wú ɖo Jeluzalɛ́mu hwenɛ́nu;
mɛ lɛ́ɛ bǐ ɖo wǔvɛ́ mɛ nyɔ̌nu ɖo ajidonu bó ɖo vǐ ná ji wɛ ɖɔhun.
20 Yě sú xó ylɔ́ Aklúnɔ e nyí xomɛnyɔ́tɔ́ é;
yě dlɛ́n alɔ bɔ tlóló ɔ́,
Mawu mímɛ́ ɔ́ yí gbe nú yě sín jǐxwé,
bó hwlɛ́n yě gán gbɔn Ezayíi jí.
21Aklúnɔ ká húzú kpan nukɔn ahwangɔnu Asilíinu lɛ́ɛ tɔn,
lobɔ wɛnsagun tɔn ka vɔ yě.
22Nǔgbó ɔ́, Ezekiyási wa nǔ e nyɔ́ Aklúnɔ nukún mɛ é;
é nɔ daágbó tɔn Davídi sín ali jí télélé;
Ezayíi gbeyíɖɔ Mawu tɔn ɖaxó ée nɔ́ mɔ nǔ ganjí é wɛ byɔ́ ɛ nǔ énɛ́ ɔ́.
23 Hwenɛ́nu ɔ́, Ezayíi dɔn hwe ɔ́ yi gǔdo;
bó mɔ jidɔ́ yí nú axɔ́sú ɔ́.
24Nǔwúkpíkpé yɛ ɔ́ tɔn zɔ́n bɔ é mɔ hwenu e gbɛ ɔ́ ná vɔ é sɛ́ dó;
bó ná akɔ́nkpinkpan mɛ e ɖo aluwɛ mɛ ɖo Jeluzalɛ́mu lɛ́ɛ é.
25É ɖɔ nǔ dó nǔ e ná tó jɛ hwɛ̌
cóbɔ gbɛvuvɔzán ɔ́ ná wá kpé lɛ́ɛ é,
kpódó nǔ e ɖo hwlǎhwlá bó ná wá jɛ lɛ́ɛ é kpán wú.
Currently Selected:
Silaki ví 48: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 48
48
Elíi
1 Énɛ́ gúdo ɔ́, gbeyíɖɔ Mawu tɔn Elíi wá zé zo ɖɔhun;
xó tɔn ɖi ɖɛ̌ zohwín ɖɔhun.
2É dɔn adɔ wá nú mɛ lɛ́ɛ,
bɔ hun jɛ dó Aklúnɔ jí tɔn mɛ ɔ́,
é sú mɛ gěgé kún dó.
3Ɖo Aklúnɔ sín acɛ mɛ ɔ́,
é zɔ́n bɔ jǐ gɔn jija,
bɔ zo ja sín jǐxwé kɔn nyi ayǐ azɔn atɔn.
4Elíi, a hǔzú nǔsúɖaxó
gbɔn nǔ ɖaxó ɖaxó wiwa towe lɛ́ɛ mɛ.
Mɛ̌ wɛ ká ná glá flé nu ɖɔ émí ná cí hwɛ ɖɔhun?
5Ɖo Mawu Ajalɔ̌nlɔn ɔ́ sín gbeɖiɖe mɛ ɔ́,
a fɔ́n mɛ e kú é sín kútomɛ;
6A nɔ axɔ́sú lɛ́ɛ gúdo káká bɔ yě bǐ yi vɔ;
a kpíkpé mɛ nukúnɖéjí lɛ́ɛ sín azɔnzan yětɔn lɛ́ɛ jí
káká yi dó yɔdo mɛ.
7Ɖo Sinayíi ɖo Holɛ́bu sín só jí ɔ́,
a se Aklúnɔ sín gbe bɔ é kɛ nu dó nǔ wú nú we,
bɔ hwɛ syɛ́nsyɛ́n e é ná wá ɖɔ é ɔ́, é ɖɔ xó tɔn nú we.
8Elíi, a sá ami nú axɔ́sú ɖé lɛ́ɛ
nú yě ná dó wa nǔ mlɛ́ gbetakɛ́n énɛ́ lɛ́ɛ;
a sɔ́ gbeyíɖɔ ɖé lɛ́ɛ nú yě ná dó nɔ tɛn towe mɛ.
9È wǎ sɔ́ we yi jǐxwé ɖo axásáxásá jɔhɔn myɔnɔ ɖé mɛ,
ɖo ahwankɛkɛ́ e è sɔ́ zo hɛɛ lɛ́ɛ nɔ́ dɔn é mɛ.
10Nú è kpɔ́n wěma mímɛ́ lɛ́ɛ mɛ ɔ́,
hwi wɛ nyí mɛ e ná fá xomɛ nú Aklúnɔ
cóbɔ xomɛsin tɔn ná wá jɛ wěxo é;
hwi wɛ ná dó hwɛ gbɔ nú tɔ́ kpó vǐ kpó,
bó ná sɔ́ Jakɔ́bu sín akɔta ɔ́ ɖó tɛn tɔn mɛ.
11Nǔ nyɔ́ nú mɛ e ná mɔ we lɛ́ɛ é;
nú nyɔ́ nú mɛ e ná ɖo wǎn yí nú Aklúnɔ wɛ káká
bó ná yi dɔ́ kúmlɔ lɛ́ɛ é;
Nǔgbó wɛ, mǐ lɔmɔ̌ ná nɔ gbɛ dandan.
Elizée
12 Ée axásáxásá jɔhɔn myɔnɔ ɔ́ wá sɔ́ Elíi yi gúdo é ɔ́,
Yɛ tɔn gɔ́ Elizée;
Elizée sísɔ́ avuvɔ ɖo gǎn ɖé nukɔn kpɔ́n ɖo gbɛ tɔn mɛ ǎ;
mɛɖé ká lɛ́ ɖu ɖo jǐ tɔn gbeɖé ǎ.
13 Nǔ ɖěbǔ ká vɛ́ wǔ n'i díngan ǎ;
kú tɔn gúdo ɖésú ɔ́,
agbaza tɔn lɛ́ɛ wá nǔ gbeyíɖɔ Mawu tɔn ɖɔhun.
14É wa nǔdábaɖa ɖé lɛ́ɛ ɖo gbɛ tɔn hwenu;
é kú có nǔwiwa tɔn lɛ́ɛ nɔ́ kpácá mɛ.
15 É ɖo mɔ̌ có Izlayɛ́li togun ɔ́
ká húzú nukún mɛ nú gbɛ tɔn ǎ;
é lɛ́ kɔ sín hwɛ tɔn lɛ́ɛ gúdo cóbɔ è tún to n'i,
lobo gba ɛ kpé fí bǐ ɖo ayǐkúngban ɔ́ bǐ jí ǎ;
yě mɛ kwín we ɖé jɛ́n kpo ɖo togun ɔ́ mɛ,
bó ɖó axɔ́sú ɖokpó bɔ é tɔ́n sín Davídi hɛ́nnu mɛ.
16Judáa xɔ́sú ɖé lɛ́ɛ wa nǔ e nɔ́ nyɔ́ Mawu nukún mɛ lɛ́ɛ é;
lo ɔ́, yě mɛ ɖé lɛ́ɛ ká wa nǔ gěgé nyi do.
Axɔ́sú Ezekiyási kpó gbeyíɖɔ Mawu tɔn Ezayíi kpán
17 Ezekiyási mɛ dǒ lɛ́ lɛ̌ dó Jeluzalɛ́mu to ɔ́,
lobo dɔn sin wá toxo ɔ́ mɛ;
é zɔ́n bɔ è sɔ́ ganlyannú dó kun so dó sóxo mɛ,
bó kun tɔ ɖé lɛ́ɛ nú yě ná hɛn sin.
18 Hwetɔnnu wɛ axɔ́sú Senakelíbu wá tɔ́n ahwan Jeluzalɛ́mu;
é sɛ́ ahwangán tɔn ɖaxó bǐ ɔ́ dó,
bɔ é wá myɔ́ gusú dó Sinyɔ́ɔ jí;
bó ɖe goyíyí ɖaxó ɖé xlɛ́.
19Xɛsi zɔ́n bɔ ayi mɛ bǐ tɔn gbadó,
lobɔ alɔ bǐ nɔ́ sísɔ́ ɖó xɛsi wú ɖo Jeluzalɛ́mu hwenɛ́nu;
mɛ lɛ́ɛ bǐ ɖo wǔvɛ́ mɛ nyɔ̌nu ɖo ajidonu bó ɖo vǐ ná ji wɛ ɖɔhun.
20 Yě sú xó ylɔ́ Aklúnɔ e nyí xomɛnyɔ́tɔ́ é;
yě dlɛ́n alɔ bɔ tlóló ɔ́,
Mawu mímɛ́ ɔ́ yí gbe nú yě sín jǐxwé,
bó hwlɛ́n yě gán gbɔn Ezayíi jí.
21Aklúnɔ ká húzú kpan nukɔn ahwangɔnu Asilíinu lɛ́ɛ tɔn,
lobɔ wɛnsagun tɔn ka vɔ yě.
22Nǔgbó ɔ́, Ezekiyási wa nǔ e nyɔ́ Aklúnɔ nukún mɛ é;
é nɔ daágbó tɔn Davídi sín ali jí télélé;
Ezayíi gbeyíɖɔ Mawu tɔn ɖaxó ée nɔ́ mɔ nǔ ganjí é wɛ byɔ́ ɛ nǔ énɛ́ ɔ́.
23 Hwenɛ́nu ɔ́, Ezayíi dɔn hwe ɔ́ yi gǔdo;
bó mɔ jidɔ́ yí nú axɔ́sú ɔ́.
24Nǔwúkpíkpé yɛ ɔ́ tɔn zɔ́n bɔ é mɔ hwenu e gbɛ ɔ́ ná vɔ é sɛ́ dó;
bó ná akɔ́nkpinkpan mɛ e ɖo aluwɛ mɛ ɖo Jeluzalɛ́mu lɛ́ɛ é.
25É ɖɔ nǔ dó nǔ e ná tó jɛ hwɛ̌
cóbɔ gbɛvuvɔzán ɔ́ ná wá kpé lɛ́ɛ é,
kpódó nǔ e ɖo hwlǎhwlá bó ná wá jɛ lɛ́ɛ é kpán wú.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.