Silaki ví 3
3
Nǔ e è nǎ wa nú mɛjitɔ́ lɛ́ɛ é
1Vǐ ce lɛ́ɛ mi,
mi ɖótó nǔkplɔ́nmɛ tɔ́ mitɔn lɛ́ɛ tɔn.
Mi xwedó yě bó ná nɔ gbɛ ɖo ayij'ayǐ mɛ.
2Nǔgbó wɛ Aklúnɔ ná acɛ tɔ́ ɖo vǐ tɔn lɛ́ɛ jí;
é lɛ́ sɔ́ acɛ e nɔ nɔ ɖó dó vǐ tɔn lɛ́ɛ jí ɔ́ jínjɔ́n ayǐ.
3Mɛ e nɔ sí tɔ́ yětɔn lɛ́ɛ nɔ́ mɔ sísɔ́kɛ hwɛ yětɔn lɛ́ɛ tɔn.
4Mɛ e nɔ ná susu nɔ yětɔn lɛ́ɛ ɔ́, dɔkun kplé ɖ'ayǐ wɛ yě ɖe.
5Mɛ e nɔ sí tɔ́ yětɔn lɛ́ɛ é ná mɔ awǎjijɛ yětɔn ɖo vǐ yětɔn lɛ́ɛ mɛ.
Azǎn e gbe yě ná xo ɖɛ é ɔ́, Aklúnɔ ná ɖótó yě.
6Mɛ e nɔ ná susu tɔ́ yětɔn lɛ́ɛ ná dɔ́ ji.
Mɛ e se tónú nú Aklúnɔ lɛ́ɛ ɔ́,
nǔ yětɔn nɔ́ nyɔ́ nɔ yětɔn nukún mɛ.
7Yě nɔ́ sɛn mɛjitɔ́ yětɔn lɛ́ɛ ɖi nǔkplɔ́nmɛtɔ́ yětɔn ɖɔhun.
8 Sí tɔ́ towe ɖo nǔwiwa towe lɛ́ɛ mɛ, ɖo xó ɖiɖɔ towe lɛ́ɛ mɛ,
énɛ́ ɔ́, ɖɛxixo tɔn ná wá jǐ we.
9Ɖɛ e tɔ́ xo ɔ́ nɔ́ zɔ́n bɔ vǐ tɔn lɛ́ɛ sín xwé nɔ́ lí dǒ,
lo ɔ́, nudómɛ vǐnɔ tɔn nɔ́ hɛn ɛ mu káká yi do.
10Ényí tɔ́ towe kɔ́n wi nú éɖée hǔn, ma nú é víví nú we ó.
Ényí wi gosín ta nú tɔ́ towe ɔ́, a sixú mɔ susu ɖ'é mɛ ǎ.
11Nǔgbó ɔ́, tɔ́ towe sín wi ɔ́, wi hwi ɖésúnɔ tɔn wɛ.
Nú è gbɛ́ wǎn nú nɔ ɖé ɔ́, winnyá wɛ é nyí nú vǐ tɔn lɛ́ɛ.
12Vǐ ce, nú tɔ́ towe ná bó nyí degénɔ hǔn,
kpé nukún dó wǔ tɔn;
ma dó tagba n'i gbɛ hwenu tɔn ó.
13Nú tamɛ tɔn ma tlɛ sɔ́ wá sɔgbe ǎ hǔn, ma ké ya ná ó;
Hwi mɛ e ɖo wǐnnyáwínnyá mɛ ɔ́, ma dó vɛ̌ n'i ó.
14Aklúnɔ ná wɔn ɖagbe e a wa nú tɔ́ towe é ɖěbǔ ǎ;
ɖagbe énɛ́ ná zɔ́n bɔ è nǎ sɔ́ hwɛ towe gěgé kɛ we.
15Hwenu e awě ná ɖo xixo we wɛ ɔ́, Aklúnɔ ná flín we.
Hwɛ towe lɛ́ɛ ná bú lě e kɛ́njí nɔ́ bú ɖo hwesivɔ́ nu é ɖɔhun.
16Lo ɔ́, mɛ e nɔ dó vɛ̌ nú tɔ́ yětɔn lɛ́ɛ nɔ́ cí mɛ e nɔ zun Aklúnɔ lɛ́ɛ é ɖɔhun.
Mɛ e nɔ dó ayimɛya nú nɔ yětɔn lɛ́ɛ ɔ́,
Aklúnɔ nɔ́ dó nu yě nú tɛgbɛ gbe.
Mɛɖée sɔ́ hwe
17Vǐ ce, wa nǔ towe bǐ kpó xomɛfífá kpó.
Hwenɛ́nu ɔ́, mɛ lɛ́ɛ ná yí wǎn nú we hú mɛ e nɔ ná nǔ mɛ é.
18 Lě e a nyí mɛjɔmɛ sɔ ɔ́, mɔ̌ wɛ a nǎ sɔ hwiɖée hwe sɔ é nɛ́.
Hwenɛ́nu ɔ́, Aklúnɔ ná yí we kpó xomɛnyínyɔ́ kpó.
20Nǔgbó wɛ, gǎnhúnǔ Aklúnɔ tɔn ɔ́ d'agba,
lo ɔ́, mɛ yǎyá lɛ́ɛ wɛ nɔ́ ná ɛ susu.
21Ma nɔ ba nǔ e ná vɛ́ wǔ nú we dín ɔ́ ó,
ma nú nǔ e ná hú gǎn hlɔ̌nhlɔ́n towe ɔ́ ní nɔ́ myá nukún nú we ó.
22 Lin tamɛ dó sɛ́n e è dó nú we lɛ́ɛ é wú;
ma yi tɛ́ dó nǔ e nyí nǔbúdo lɛ́ɛ é wú ó.
23Ma nɔ ba ná bló nǔ e vɛ́ wǔ dín lɛ́ɛ é ó.
Nǔ e a ko mɔ é hú nǔ e mɛ gbɛtɔ́ sín ayixa sixú mɔ nú jɛ é.
24Mɛ gěgé bú ali, ɖó yě jló ná mɔ nǔ jɛ nǔ bǐ wǔ.
Nǔmaɖóta ɖé e yě nɔ́ lin ɔ́ nɔ́ zɔ́n bɔ tito yětɔn jɛ kɛ́n.
Tasyɛ́ntɔ́ abǐ nǔnywɛ́tɔ́ nyínyí
26Tasyɛ́ntɔ́ nɔ ayǐ káká ɔ́, nǔ ná wá gblé dó e.
Mɛ e yí wǎn nú awǒvinú é ná wá jɛ mɛ.
27Mɛ e nyí tasyɛ́ntɔ́ é ɔ́, ya wɛ ná wá gbídí kɔ n'i.
É nɔ́ wa nǔ nyi do bó nɔ́ sɔ́ hwɛ ɖě dó ɖě jí.
28Amasin tíin nú goyítɔ́ sín azɔn ǎ.
Nǔgbó ɔ́, hunnylánylá kó dó ɖɔ do ɖo gbɛ tɔn mɛ.
29Gbɛtɔ́ ayiɖotenánɔ nɔ́ lin tamɛ dó nǔnywɛ́tɔ́ lɛ́ɛ sín lǒ wú.
Tɛ́ tó bó se nǔ, nǔ e nǔnywɛ́tɔ́ nɔ́ ba é nɛ́.
Dǒ alɔ mɛ ɖě lɛ́ɛ
30Sin nɔ xo zo e ɖo jiji wɛ é cí,
mɔ̌ ɖokpó ɔ́, nǔ e è nǎ wamamɔnɔ lɛ́ɛ é nɔ́ súnsún hwɛ mɛtɔn lɛ́ɛ.
31Mɛ e ɖo ɖagbe wa wɛ ɔ́, sɔ e ja é bló ɖó wɛ é ɖe.
Nú é j'ayǐ ɔ́, é ná mɔ gǎnjɛwú.
Currently Selected:
Silaki ví 3: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 3
3
Nǔ e è nǎ wa nú mɛjitɔ́ lɛ́ɛ é
1Vǐ ce lɛ́ɛ mi,
mi ɖótó nǔkplɔ́nmɛ tɔ́ mitɔn lɛ́ɛ tɔn.
Mi xwedó yě bó ná nɔ gbɛ ɖo ayij'ayǐ mɛ.
2Nǔgbó wɛ Aklúnɔ ná acɛ tɔ́ ɖo vǐ tɔn lɛ́ɛ jí;
é lɛ́ sɔ́ acɛ e nɔ nɔ ɖó dó vǐ tɔn lɛ́ɛ jí ɔ́ jínjɔ́n ayǐ.
3Mɛ e nɔ sí tɔ́ yětɔn lɛ́ɛ nɔ́ mɔ sísɔ́kɛ hwɛ yětɔn lɛ́ɛ tɔn.
4Mɛ e nɔ ná susu nɔ yětɔn lɛ́ɛ ɔ́, dɔkun kplé ɖ'ayǐ wɛ yě ɖe.
5Mɛ e nɔ sí tɔ́ yětɔn lɛ́ɛ é ná mɔ awǎjijɛ yětɔn ɖo vǐ yětɔn lɛ́ɛ mɛ.
Azǎn e gbe yě ná xo ɖɛ é ɔ́, Aklúnɔ ná ɖótó yě.
6Mɛ e nɔ ná susu tɔ́ yětɔn lɛ́ɛ ná dɔ́ ji.
Mɛ e se tónú nú Aklúnɔ lɛ́ɛ ɔ́,
nǔ yětɔn nɔ́ nyɔ́ nɔ yětɔn nukún mɛ.
7Yě nɔ́ sɛn mɛjitɔ́ yětɔn lɛ́ɛ ɖi nǔkplɔ́nmɛtɔ́ yětɔn ɖɔhun.
8 Sí tɔ́ towe ɖo nǔwiwa towe lɛ́ɛ mɛ, ɖo xó ɖiɖɔ towe lɛ́ɛ mɛ,
énɛ́ ɔ́, ɖɛxixo tɔn ná wá jǐ we.
9Ɖɛ e tɔ́ xo ɔ́ nɔ́ zɔ́n bɔ vǐ tɔn lɛ́ɛ sín xwé nɔ́ lí dǒ,
lo ɔ́, nudómɛ vǐnɔ tɔn nɔ́ hɛn ɛ mu káká yi do.
10Ényí tɔ́ towe kɔ́n wi nú éɖée hǔn, ma nú é víví nú we ó.
Ényí wi gosín ta nú tɔ́ towe ɔ́, a sixú mɔ susu ɖ'é mɛ ǎ.
11Nǔgbó ɔ́, tɔ́ towe sín wi ɔ́, wi hwi ɖésúnɔ tɔn wɛ.
Nú è gbɛ́ wǎn nú nɔ ɖé ɔ́, winnyá wɛ é nyí nú vǐ tɔn lɛ́ɛ.
12Vǐ ce, nú tɔ́ towe ná bó nyí degénɔ hǔn,
kpé nukún dó wǔ tɔn;
ma dó tagba n'i gbɛ hwenu tɔn ó.
13Nú tamɛ tɔn ma tlɛ sɔ́ wá sɔgbe ǎ hǔn, ma ké ya ná ó;
Hwi mɛ e ɖo wǐnnyáwínnyá mɛ ɔ́, ma dó vɛ̌ n'i ó.
14Aklúnɔ ná wɔn ɖagbe e a wa nú tɔ́ towe é ɖěbǔ ǎ;
ɖagbe énɛ́ ná zɔ́n bɔ è nǎ sɔ́ hwɛ towe gěgé kɛ we.
15Hwenu e awě ná ɖo xixo we wɛ ɔ́, Aklúnɔ ná flín we.
Hwɛ towe lɛ́ɛ ná bú lě e kɛ́njí nɔ́ bú ɖo hwesivɔ́ nu é ɖɔhun.
16Lo ɔ́, mɛ e nɔ dó vɛ̌ nú tɔ́ yětɔn lɛ́ɛ nɔ́ cí mɛ e nɔ zun Aklúnɔ lɛ́ɛ é ɖɔhun.
Mɛ e nɔ dó ayimɛya nú nɔ yětɔn lɛ́ɛ ɔ́,
Aklúnɔ nɔ́ dó nu yě nú tɛgbɛ gbe.
Mɛɖée sɔ́ hwe
17Vǐ ce, wa nǔ towe bǐ kpó xomɛfífá kpó.
Hwenɛ́nu ɔ́, mɛ lɛ́ɛ ná yí wǎn nú we hú mɛ e nɔ ná nǔ mɛ é.
18 Lě e a nyí mɛjɔmɛ sɔ ɔ́, mɔ̌ wɛ a nǎ sɔ hwiɖée hwe sɔ é nɛ́.
Hwenɛ́nu ɔ́, Aklúnɔ ná yí we kpó xomɛnyínyɔ́ kpó.
20Nǔgbó wɛ, gǎnhúnǔ Aklúnɔ tɔn ɔ́ d'agba,
lo ɔ́, mɛ yǎyá lɛ́ɛ wɛ nɔ́ ná ɛ susu.
21Ma nɔ ba nǔ e ná vɛ́ wǔ nú we dín ɔ́ ó,
ma nú nǔ e ná hú gǎn hlɔ̌nhlɔ́n towe ɔ́ ní nɔ́ myá nukún nú we ó.
22 Lin tamɛ dó sɛ́n e è dó nú we lɛ́ɛ é wú;
ma yi tɛ́ dó nǔ e nyí nǔbúdo lɛ́ɛ é wú ó.
23Ma nɔ ba ná bló nǔ e vɛ́ wǔ dín lɛ́ɛ é ó.
Nǔ e a ko mɔ é hú nǔ e mɛ gbɛtɔ́ sín ayixa sixú mɔ nú jɛ é.
24Mɛ gěgé bú ali, ɖó yě jló ná mɔ nǔ jɛ nǔ bǐ wǔ.
Nǔmaɖóta ɖé e yě nɔ́ lin ɔ́ nɔ́ zɔ́n bɔ tito yětɔn jɛ kɛ́n.
Tasyɛ́ntɔ́ abǐ nǔnywɛ́tɔ́ nyínyí
26Tasyɛ́ntɔ́ nɔ ayǐ káká ɔ́, nǔ ná wá gblé dó e.
Mɛ e yí wǎn nú awǒvinú é ná wá jɛ mɛ.
27Mɛ e nyí tasyɛ́ntɔ́ é ɔ́, ya wɛ ná wá gbídí kɔ n'i.
É nɔ́ wa nǔ nyi do bó nɔ́ sɔ́ hwɛ ɖě dó ɖě jí.
28Amasin tíin nú goyítɔ́ sín azɔn ǎ.
Nǔgbó ɔ́, hunnylánylá kó dó ɖɔ do ɖo gbɛ tɔn mɛ.
29Gbɛtɔ́ ayiɖotenánɔ nɔ́ lin tamɛ dó nǔnywɛ́tɔ́ lɛ́ɛ sín lǒ wú.
Tɛ́ tó bó se nǔ, nǔ e nǔnywɛ́tɔ́ nɔ́ ba é nɛ́.
Dǒ alɔ mɛ ɖě lɛ́ɛ
30Sin nɔ xo zo e ɖo jiji wɛ é cí,
mɔ̌ ɖokpó ɔ́, nǔ e è nǎ wamamɔnɔ lɛ́ɛ é nɔ́ súnsún hwɛ mɛtɔn lɛ́ɛ.
31Mɛ e ɖo ɖagbe wa wɛ ɔ́, sɔ e ja é bló ɖó wɛ é ɖe.
Nú é j'ayǐ ɔ́, é ná mɔ gǎnjɛwú.
La Bible en langue fon © Alliance Biblique du Bénin, 2012.