Silaki ví 23
23
1Aklúnɔ, hwi mɛ e nyí tɔ́ nú gbɛ ce,
bó lɛ́ kpa acɛ dó nu tɔn é,
ma jó mì dó nyi acɛ e ɖo xóɖiɖɔ ce sí é lɔ mɛ ó;
ma ka lɛ́ lɔn nú un yi dɔn nyiɖée gbɔn nǔ nyanya li jí ó.
2Jlɔ̌ linlin ce lɛ́ɛ ɖó xwi jí,
bó ká ná kplɔ́n ɖagbe ayi ce nú é xwedó Sɛ́núnywɛ́;
hwenɛ́nu ɔ́, un ná jó nǔwanyido ce lɛ́ɛ ɖěbǔ dó,
bɔ yě ná dín gbɔn gbɛ ce mɛ ǎ.
Nǔ e un ma tunwun ǎ bó wa lɛ́ɛ ɔ́,
un ná wá ja ɖiɖɔ gbé ɖɔ yě kún sín wǔ ce ó ǎ.
3Énɛ́ ɔ́, un ná lɛ́ kpo ɖo nyiɖée blɛ́ wɛ, bó kpo ɖo nǔ wa nyi do lɛ́ɛ zín kplé ɖě jɛ ɖě jí wɛ ǎ;
un ná jɛ ayǐ ɖo kɛntɔ́ ce lɛ́ɛ nukɔn ǎ;
yě ná gbɔ́ mì ko ǎ.
4Aklúnɔ, hwi mɛ e nyí tɔ́, bó nyí Mawu gbɛ ce tɔn é;
Ma lɔn nú un nɔ sɔ́ wǎngbɛ́númɛ nukún dó kpɔ́n mɛ ná ó.
5Ɖe jló nyanya bǐ dó zɔ nú mì.
6Ma lɔn nú agbaza sín jlǒ nyanya ɖu ɖo jǐ ce ó.
Ma ka jó mì dó nú nǔɖé gbo vɛ̌ mì díngan ó.
Akpádídó lɛ́ɛ
7Vǐ ce lɛ́ɛ mì, mi tɛ́nkpɔ́n bó ɖu ɖo nu mitɔn jí;
mɛ e nɔ sí nǔkplɔ́nmɛ ce lɛ́ɛ é ná jɛ mɔ mɛ gbeɖé ǎ.
8Mɛ nyanya nɔ jɛ xó tɔn lɛ́ɛ sín mɔ mɛ;
Xó énɛ́ lɛ́ɛ nɔ́ zin acagbɔ́komɛwútɔ́ kpó goyítɔ́ kpán dɛ́.
9 Ma nɔ dó akpá bó xwlé nǔ d'é jí ó;
mɔ̌ ɖokpó ɔ́, ma nɔ xwlé Mawu mímɛ́ ɔ́ nyíkɔ ma gbokɔ ó.
10Kannumɔ e è nɔ ɖo cícɔ́ wɛ hwebǐnu ɔ́,
bǎkpa gěgé wɛ nɔ́ nɔ wǔ tɔn;
mɔ̌ ɖokpó ɔ́, mɛ e nɔ dó akpá bó nɔ́ xwlé nǔ d'é jí,
bó nɔ́ lɛ́ ɖo Mawu nyíkɔ ylɔ́ wɛ hwebǐnu lɛ́ɛ ɔ́,
hwɛ yětɔn ná súnsún gbeɖé ǎ.
11Mɛ e nɔ ɖo akpá dó wɛ hwebǐnu é nɔ́ dó asá sɛ́n hwɛhwɛ,
bɔ tódɔnnúmɛbá nɔ́ ja jǐ ɖɔhun kɔn nyi xwédo tɔn jí tɛgbɛ.
Nú ayi tɔn ma ɖo fínɛ́ ǎ bɔ é xwlé nǔ ɔ́,
agɔ wɛ nyí bɔ é jɛ.
Nú é má lin tamɛ kpɔ́n ǎ bó xwlé nǔ hǔn,
hwɛ azɔn we nɛ́ é hu nɛ́.
Nú é dó akpá bó gɔn ma ɖe ɔ́,
è nǎ ɖó hwɛ n'i, bɔ hɛ̌nnu tɔn bǐ ná ji ya ɖésú.
Lě e è nɔ ɖɔ xó nú mɛ ɖě lɛ́ɛ gbɔn é
12Xó ɖiɖɔ alɔkpa ɖé tíin, bó nylá ɖi kú ɖɔhun.
È nǐ má se ɖo Izlayɛ́li togun mɛ ó.
Mɛ e ɖo gbejí nú Mawu lɛ́ɛ é ɖó ná nɔ zɔ nú nǔ énɛ́ lɛ́ɛ bǐ,
bó ná lɔn bó blí yěɖée dó hwɛ mɔ̌hunkɔ mɛ ǎ.
13Ma nɔ kɛ nu gblogblo ó,
ɖó énɛ́ wɛ nɔ́ dɔn mɛ dó hwɛ mɛ.
14A ɖo mɛjɔmɛ lɛ́ɛ tɛ́ntin hǔn,
flín tɔ́ towe kpó nɔ towe kpán;
é má nyí mɔ̌ ǎ ɔ́, a sixú gɔn ma wá yi ɖu ɖo hwiɖée jí ɖo yě nukɔn,
bɔ lě e a ko nɔ bló gbɔn é ɔ́,
xó gblégblé ɖé ná tɔ́n sín nu towe mɛ.
Hwe énɛ́ ɔ́ nu ɔ́, nǔ e wú a wǎ gbɛ é ɔ́, a táá wá dán ɛ,
bó ná wá ja nu dó azǎn e gbe è ji we é gbé.
15Mɛ e xó kwíji kwíji jɛ́n nɔ́ tɔ́n sín nu tɔn mɛ ɔ́,
sixú wá húzú éɖée bó nyí nǔnywɛ́tɔ́ gbeɖé ǎ.
Súnnu e mɔ nyɔ̌nu ɖěbǔ ɔ́, é nɔ ɖo biba wɛ é
16Gbɛtɔ́ gbɛ̌ we tíin bɔ yě nɔ́ hu hwɛ gěgé,
bɔ gbɛ̌ atɔngɔ́ ɔ́ nɔ́ dɔn xomɛsin Aklúnɔ tɔn;
jɛ nukɔn ɔ́, mɛ ɖé lɛ́ɛ tíin bɔ jlǒ yětɔn nɔ́ wlí zo myɔ ɖɔhun;
yě má kó gbɔ jlǒ yětɔn ǎ ɔ́, yě nɔ́ hwíhwɛ́ ǎ.
Énɛ́ gúdo ɔ́, súnnu e nɔ́ ba ná sɛkpɔ́ nyɔ̌nu e é kó mɔ é bǐ ɔ́,
é ná ɖ'é wú káká yi jɛ hwenu e jlǒ tɔn ná ɖu i kɔn afín é hwɛ̌ cóbó ná lɛ́ kɔ.
17Nyɔ̌nu e éyɛ́ mɔ é bǐ wɛ nyɔ́ bɔ é ná ba.
Hwenu e é kú é jɛ́n é ná hwíhwɛ́.
18Súnnu e ma nɔ́ nɔ gbejí nú asi tɔn ǎ é lɔ ɖo fínɛ́;
é nɔ́ ɖɔ nú éɖée ɖɔ: “Mɛ̌ wɛ ká ɖo mimɔ mì wɛ?
Zǎn wɛ kú lɛ́ lɛ̌ dó mì bɔ dǒ ká lɛ́ sɔ́ mì hwlá;
mɛ ɖěbǔ ɖo mimɔ mì wɛ ǎ;
étɛ́ sín xɛsi un ka ná ɖi lo?
Nǔbǐwúkpétɔ́ ɔ́ ná flín hwɛ ce lɛ́ɛ ǎ.”
19Nǔ ɖokpó e sí wɛ mɛ énɛ́ ɖe é wɛ nyí ɖɔ mɛ ɖě lɛ́ɛ ní má mɔ ɛ ó.
É sɔ́ tunwun ɖɔ nukún Aklúnɔ tɔn lɛ́ɛ nɔ́ mɔ nǔ hú hwesivɔ́ děgba we afɔwó (10.000) ǎ.
Aklúnɔ nɔ́ mɔ nǔ jɛ nǔ e wa wɛ gbɛtɔ́ lɛ́ɛ nɔ́ ɖe é bǐ wú,
bɔ nukún tɔn lɛ́ɛ nɔ́ mɔ nǔ káká yi jɛ fí e jɛ nǔglɔ́ lɛ́ɛ é bǐ.
20Mawu kó tunwun nǔ lɛ́ɛ bǐ cóbó ɖó yě;
hwenu e yě má sɔ́ ná tíin ǎ ɔ́,
é ná lɛ́ tunwun yě.
21È nǎ wlí nya énɛ́ hwenu e é má lin dó ǎ é,
bó ná dɔn tó n'i ɖo tokplétɛn.
Nyɔ̌nu agalɛtɔ́
22Mɔ̌ ɖokpó ɔ́ wɛ é ná nyí nú nyɔ̌nu e má nɔ gbejí nú asú tɔn ǎ,
bó nɔ́ ji vǐ ɖěvo dó vǐ mɛ n'i é.
23Jɛ nukɔn ɔ́, é vɛ́ tóli nú Nǔbǐwúkpétɔ́ sín sɛ́n ɔ́,
énɛ́ gúdo ɔ́, é lɛ́ jɛ agɔ dó asú tɔn.
Gbɔn gǔdo ɔ́, hwenu e é ɖo aga lɛ wɛ ɔ́,
é ɖo nǔ wa wɛ ɖi tonyatɔ́ ɖɔhun,
bó nɔ́ sɔ́ mɛ ɖěvo ví wá ji nú asú tɔn.
24Hǔn, è nǎ kplá ɛ hɛn yi togun ɔ́ sín nukɔn,
bó ná ba do nú vǐ e é ji lɛ́ɛ é;
25wǐnnyáwínnyá mɛ wɛ mɛ énɛ́ lɛ́ɛ ná kú ɖe ma ɖó vǐ donu.
26Winnyá nyɔ̌nu énɛ́ tɔn ná súnsún gbeɖé ǎ,
bɔ kú tɔn gúdo ɔ́, mɛ lɛ́ɛ ná nɔ́ dó flín nǔ e é jó nyi ayǐ é.
27Mɛ e kpo lɛ́ɛ ná tunwun lo ɖɔ è ɖǒ sísí nú Aklúnɔ wɛ nyí nǔ e nyɔ́ hú nǔ bǐ é;
è tɛ́ dó sɛ́n tɔn wú wɛ nyí nǔ e víví hú nǔ bǐ é.
Currently Selected:
Silaki ví 23: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 23
23
1Aklúnɔ, hwi mɛ e nyí tɔ́ nú gbɛ ce,
bó lɛ́ kpa acɛ dó nu tɔn é,
ma jó mì dó nyi acɛ e ɖo xóɖiɖɔ ce sí é lɔ mɛ ó;
ma ka lɛ́ lɔn nú un yi dɔn nyiɖée gbɔn nǔ nyanya li jí ó.
2Jlɔ̌ linlin ce lɛ́ɛ ɖó xwi jí,
bó ká ná kplɔ́n ɖagbe ayi ce nú é xwedó Sɛ́núnywɛ́;
hwenɛ́nu ɔ́, un ná jó nǔwanyido ce lɛ́ɛ ɖěbǔ dó,
bɔ yě ná dín gbɔn gbɛ ce mɛ ǎ.
Nǔ e un ma tunwun ǎ bó wa lɛ́ɛ ɔ́,
un ná wá ja ɖiɖɔ gbé ɖɔ yě kún sín wǔ ce ó ǎ.
3Énɛ́ ɔ́, un ná lɛ́ kpo ɖo nyiɖée blɛ́ wɛ, bó kpo ɖo nǔ wa nyi do lɛ́ɛ zín kplé ɖě jɛ ɖě jí wɛ ǎ;
un ná jɛ ayǐ ɖo kɛntɔ́ ce lɛ́ɛ nukɔn ǎ;
yě ná gbɔ́ mì ko ǎ.
4Aklúnɔ, hwi mɛ e nyí tɔ́, bó nyí Mawu gbɛ ce tɔn é;
Ma lɔn nú un nɔ sɔ́ wǎngbɛ́númɛ nukún dó kpɔ́n mɛ ná ó.
5Ɖe jló nyanya bǐ dó zɔ nú mì.
6Ma lɔn nú agbaza sín jlǒ nyanya ɖu ɖo jǐ ce ó.
Ma ka jó mì dó nú nǔɖé gbo vɛ̌ mì díngan ó.
Akpádídó lɛ́ɛ
7Vǐ ce lɛ́ɛ mì, mi tɛ́nkpɔ́n bó ɖu ɖo nu mitɔn jí;
mɛ e nɔ sí nǔkplɔ́nmɛ ce lɛ́ɛ é ná jɛ mɔ mɛ gbeɖé ǎ.
8Mɛ nyanya nɔ jɛ xó tɔn lɛ́ɛ sín mɔ mɛ;
Xó énɛ́ lɛ́ɛ nɔ́ zin acagbɔ́komɛwútɔ́ kpó goyítɔ́ kpán dɛ́.
9 Ma nɔ dó akpá bó xwlé nǔ d'é jí ó;
mɔ̌ ɖokpó ɔ́, ma nɔ xwlé Mawu mímɛ́ ɔ́ nyíkɔ ma gbokɔ ó.
10Kannumɔ e è nɔ ɖo cícɔ́ wɛ hwebǐnu ɔ́,
bǎkpa gěgé wɛ nɔ́ nɔ wǔ tɔn;
mɔ̌ ɖokpó ɔ́, mɛ e nɔ dó akpá bó nɔ́ xwlé nǔ d'é jí,
bó nɔ́ lɛ́ ɖo Mawu nyíkɔ ylɔ́ wɛ hwebǐnu lɛ́ɛ ɔ́,
hwɛ yětɔn ná súnsún gbeɖé ǎ.
11Mɛ e nɔ ɖo akpá dó wɛ hwebǐnu é nɔ́ dó asá sɛ́n hwɛhwɛ,
bɔ tódɔnnúmɛbá nɔ́ ja jǐ ɖɔhun kɔn nyi xwédo tɔn jí tɛgbɛ.
Nú ayi tɔn ma ɖo fínɛ́ ǎ bɔ é xwlé nǔ ɔ́,
agɔ wɛ nyí bɔ é jɛ.
Nú é má lin tamɛ kpɔ́n ǎ bó xwlé nǔ hǔn,
hwɛ azɔn we nɛ́ é hu nɛ́.
Nú é dó akpá bó gɔn ma ɖe ɔ́,
è nǎ ɖó hwɛ n'i, bɔ hɛ̌nnu tɔn bǐ ná ji ya ɖésú.
Lě e è nɔ ɖɔ xó nú mɛ ɖě lɛ́ɛ gbɔn é
12Xó ɖiɖɔ alɔkpa ɖé tíin, bó nylá ɖi kú ɖɔhun.
È nǐ má se ɖo Izlayɛ́li togun mɛ ó.
Mɛ e ɖo gbejí nú Mawu lɛ́ɛ é ɖó ná nɔ zɔ nú nǔ énɛ́ lɛ́ɛ bǐ,
bó ná lɔn bó blí yěɖée dó hwɛ mɔ̌hunkɔ mɛ ǎ.
13Ma nɔ kɛ nu gblogblo ó,
ɖó énɛ́ wɛ nɔ́ dɔn mɛ dó hwɛ mɛ.
14A ɖo mɛjɔmɛ lɛ́ɛ tɛ́ntin hǔn,
flín tɔ́ towe kpó nɔ towe kpán;
é má nyí mɔ̌ ǎ ɔ́, a sixú gɔn ma wá yi ɖu ɖo hwiɖée jí ɖo yě nukɔn,
bɔ lě e a ko nɔ bló gbɔn é ɔ́,
xó gblégblé ɖé ná tɔ́n sín nu towe mɛ.
Hwe énɛ́ ɔ́ nu ɔ́, nǔ e wú a wǎ gbɛ é ɔ́, a táá wá dán ɛ,
bó ná wá ja nu dó azǎn e gbe è ji we é gbé.
15Mɛ e xó kwíji kwíji jɛ́n nɔ́ tɔ́n sín nu tɔn mɛ ɔ́,
sixú wá húzú éɖée bó nyí nǔnywɛ́tɔ́ gbeɖé ǎ.
Súnnu e mɔ nyɔ̌nu ɖěbǔ ɔ́, é nɔ ɖo biba wɛ é
16Gbɛtɔ́ gbɛ̌ we tíin bɔ yě nɔ́ hu hwɛ gěgé,
bɔ gbɛ̌ atɔngɔ́ ɔ́ nɔ́ dɔn xomɛsin Aklúnɔ tɔn;
jɛ nukɔn ɔ́, mɛ ɖé lɛ́ɛ tíin bɔ jlǒ yětɔn nɔ́ wlí zo myɔ ɖɔhun;
yě má kó gbɔ jlǒ yětɔn ǎ ɔ́, yě nɔ́ hwíhwɛ́ ǎ.
Énɛ́ gúdo ɔ́, súnnu e nɔ́ ba ná sɛkpɔ́ nyɔ̌nu e é kó mɔ é bǐ ɔ́,
é ná ɖ'é wú káká yi jɛ hwenu e jlǒ tɔn ná ɖu i kɔn afín é hwɛ̌ cóbó ná lɛ́ kɔ.
17Nyɔ̌nu e éyɛ́ mɔ é bǐ wɛ nyɔ́ bɔ é ná ba.
Hwenu e é kú é jɛ́n é ná hwíhwɛ́.
18Súnnu e ma nɔ́ nɔ gbejí nú asi tɔn ǎ é lɔ ɖo fínɛ́;
é nɔ́ ɖɔ nú éɖée ɖɔ: “Mɛ̌ wɛ ká ɖo mimɔ mì wɛ?
Zǎn wɛ kú lɛ́ lɛ̌ dó mì bɔ dǒ ká lɛ́ sɔ́ mì hwlá;
mɛ ɖěbǔ ɖo mimɔ mì wɛ ǎ;
étɛ́ sín xɛsi un ka ná ɖi lo?
Nǔbǐwúkpétɔ́ ɔ́ ná flín hwɛ ce lɛ́ɛ ǎ.”
19Nǔ ɖokpó e sí wɛ mɛ énɛ́ ɖe é wɛ nyí ɖɔ mɛ ɖě lɛ́ɛ ní má mɔ ɛ ó.
É sɔ́ tunwun ɖɔ nukún Aklúnɔ tɔn lɛ́ɛ nɔ́ mɔ nǔ hú hwesivɔ́ děgba we afɔwó (10.000) ǎ.
Aklúnɔ nɔ́ mɔ nǔ jɛ nǔ e wa wɛ gbɛtɔ́ lɛ́ɛ nɔ́ ɖe é bǐ wú,
bɔ nukún tɔn lɛ́ɛ nɔ́ mɔ nǔ káká yi jɛ fí e jɛ nǔglɔ́ lɛ́ɛ é bǐ.
20Mawu kó tunwun nǔ lɛ́ɛ bǐ cóbó ɖó yě;
hwenu e yě má sɔ́ ná tíin ǎ ɔ́,
é ná lɛ́ tunwun yě.
21È nǎ wlí nya énɛ́ hwenu e é má lin dó ǎ é,
bó ná dɔn tó n'i ɖo tokplétɛn.
Nyɔ̌nu agalɛtɔ́
22Mɔ̌ ɖokpó ɔ́ wɛ é ná nyí nú nyɔ̌nu e má nɔ gbejí nú asú tɔn ǎ,
bó nɔ́ ji vǐ ɖěvo dó vǐ mɛ n'i é.
23Jɛ nukɔn ɔ́, é vɛ́ tóli nú Nǔbǐwúkpétɔ́ sín sɛ́n ɔ́,
énɛ́ gúdo ɔ́, é lɛ́ jɛ agɔ dó asú tɔn.
Gbɔn gǔdo ɔ́, hwenu e é ɖo aga lɛ wɛ ɔ́,
é ɖo nǔ wa wɛ ɖi tonyatɔ́ ɖɔhun,
bó nɔ́ sɔ́ mɛ ɖěvo ví wá ji nú asú tɔn.
24Hǔn, è nǎ kplá ɛ hɛn yi togun ɔ́ sín nukɔn,
bó ná ba do nú vǐ e é ji lɛ́ɛ é;
25wǐnnyáwínnyá mɛ wɛ mɛ énɛ́ lɛ́ɛ ná kú ɖe ma ɖó vǐ donu.
26Winnyá nyɔ̌nu énɛ́ tɔn ná súnsún gbeɖé ǎ,
bɔ kú tɔn gúdo ɔ́, mɛ lɛ́ɛ ná nɔ́ dó flín nǔ e é jó nyi ayǐ é.
27Mɛ e kpo lɛ́ɛ ná tunwun lo ɖɔ è ɖǒ sísí nú Aklúnɔ wɛ nyí nǔ e nyɔ́ hú nǔ bǐ é;
è tɛ́ dó sɛ́n tɔn wú wɛ nyí nǔ e víví hú nǔ bǐ é.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.