Silaki ví 19
19
1Azɔ̌watɔ́ ahannumúnɔ sixú jɛ dɔkun ǎ.
Mɛ e nɔ gbɛ́ wǎn nú nǔ kpɛví kpɛví lɛ́ɛ ná jɛ ayǐ dɛ̌dɛ̌.
2Ahan kpó nyɔ̌nu kpó nɔ dɔn gbɛtɔ́ ayisísɛ́nɔ lɛ́ɛ bú ali.
Mɛ e nɔ yi xa tonyatɔ́ lɛ́ɛ é nɔ́ kɔ́n wi nú éɖée.
3Zǐnzán énɛ́ ná dɔn ɛ yi kú, bɔ dohɔ́n lɛ́ɛ ná ɖu lan tɔn.
È nǐ cɔ́ mɛɖée ɖo xógbe mɛ
4Mɛ e nɔ yá wǔ ɖi nǔ e è ɖɔ n'i ɔ́ nyí mɛjɔmɛ ɖé ǎ.
Mɛ e nɔ wa nǔ nyanya é ɔ́,
nǔ wa dó é ɖésúnɔ wú wɛ é ɖe.
5Mɛ e nǔ nyanya wiwa nɔ víví ná é ɔ́, è nǎ ɖó hwɛ n'i.
6Mɛ e nɔ ɖó wǔ zɔ nú nǔwlíɖɔ é ná gló nǔ nyanya.
7Ma nɔ vɔ́ nǔ e è ɖɔ nú we ɔ́ ɖɔ ɖo fí ɖé ó,
énɛ́ ɔ́, mɛ ɖé ja nǔɖé wa nú we gbé ǎ.
8Ma ɖɔ xó dó mɛ ɖěbǔ wú ó;
é sixú nyí xɔ́ntɔn alǒ kɛntɔ́, ma ɖɔ xó ɖěbǔ ó,
afi nú abwɛ̌ ninɔ towe ná nyí hwɛ nú we.
9Nǔgbó ɔ́, mɛ ɖě ɔ́ sixú wá se nǔ e a ɖɔ dó wǔ tɔn é.
É sɔ́ ná ɖeji dó wǔ we ǎ,
lobɔ hwe tɔn nu ka wá su ɔ́,
é ná gbɛ́ wǎn nú we.
10Xó ɖé wɛ è ɖɔ bɔ a se a?
Ma lɔn nú é tɔ́n sín nu towe mɛ ó;
hɛn nú hwiɖée káká wá jɛ kúzán towe gbe.
Ɖeji, a nǎ wú dó goto ǎ.
11Xó ɖokpó wɛ zɔ́n bɔ gbɛtɔ́ nǔvɔ́nɔ nɔ́ ɖo ya ji wɛ, ɖi nyɔ̌nu ja vǐ jǐ gbé ɖɔhun.
12É cí ɖɔ gǎ wɛ nyí bɔ è sɔ́ asá n'i ɖɔhun.
Ba do nú nǔ e è ɖɔ bɔ a se é
13Yi mɔ xɔ́ntɔn towe bó yi kan nǔ byɔ́ ɛ,
afɔ nyɔ́ ɔ́, é wa nǔɖé ǎ.
Nú é ká nyí ɖɔ nǔɖé wɛ é wa ɔ́,
é sɔ́ ná bló ɖě ǎ.
14Kan nǔ byɔ́ xwékpánu towe,
afɔ nyɔ́ ɔ́, é ɖɔ xó ɖé ǎ.
Nú é ká nyí nǔɖé wɛ é ɖɔ ɔ́, é sɔ́ ná vɔ́ ɖɔ ǎ.
15Kan xó byɔ́ xɔ́ntɔn towe.
Nǔgbó ɔ́, hwɛhwɛ ɔ́, nǔ e mɛ lɛ́ɛ má wa ǎ ɔ́ wɛ é nɔ́ ɖɔ dó yě wú.
Ma nɔ ɖótó nǔ e ɖɔ nú we wɛ mɛ lɛ́ɛ ɖe ɔ́ bǐ ó.
16Hwɛhwɛ ɔ́, mɛ lɛ́ɛ nɔ ɖó linlin nyanya ǎ cóbó nɔ́ ɖɔ nǔ nyi do.
Mɛ̌ wɛ má ká hu hwɛ ɖo xóɖiɖɔ mɛ kpɔ́n gbeɖé ǎ?
17Kan nǔ byɔ́ xwékpánu towe hwɛ̌ cóbó kɛ nu dó nǔ wú n'i;
bó jó Mawu Ajalɔ̌nlɔn ɔ́ dó nú é wa azɔ̌ tɔn.
Sɛ́núnywɛ́ nǔgbó ɔ́ kpó tófwe ɔ́ kpán
20Sɛ́núnywɛ́ nǔgbó tɔn ɔ́ nɛ́ nyí è nǐ sí Aklúnɔ, bó ká bló nǔ e é zɔ́n é nɛ́.
22Lo ɔ́, nǔ mɔ jɛ nǔ nyanya wú nyí nǔnywɛ́ ɖíɖó ǎ.
Sísɛ́ ɖé ká nyí ɖɔ è nǐ ɖótó nǔkplɔ́nmɛ mɛ nyanya lɛ́ɛ tɔn ǎ.
23Bǐbí ɖé tíin bó nyí nǔ baɖabaɖa.
Mɛ e nǔnywɛ́ hwedó é ɔ́, nǔvɔ́nɔ wɛ.
24È gɔn ma sɛ́ bó ká nɔ sí Aklúnɔ ɔ́,
é nyɔ́ hú è sɛ́ bó ká gbɛ́ wǎn nú sɛ́n tɔn.
25Bǐbí sín ayi ɖé tíin bɔ è nɔ sɔ́ dó hízí nǔ ná.
Mɛ ɖé lɛ́ɛ nɔ blɛ́ mɛ,
bó ná dó yí nǔ e sín acɛ yě ɖó é.
26Kpɔ́ndéwú ɖokpó wɛ nyí ɖɔ mɛ ɖé lɛ́ɛ sín kɔ nɔ ɖo do bɔ yě nɔ́ ɖo yiyi wɛ, mɛ ɖo aluwɛ mɛ ɖɔhun;
lo ɔ́, lě e yě ná wa gbɔn bó hízí mɛ ɖě lɛ́ɛ é kɛ́ɖɛ́ wɛ ɖo ayi yětɔn mɛ.
27Yě nɔ́ dó kɔ do, bó nɔ́ bló ɖi mɛ ma ɖo xó ɖé se wɛ ɖɔhun;
lo ɔ́, nú mɛɖé ma wɔ́ yɛ yětɔn ǎ ɔ́, yě ná sɔ́ yɛmɛnú wiwa yětɔn dó ɖu ɖo jǐ we.
28Mɛ ɖé lɛ́ɛ tíin bó ɖó hlɔ̌nhlɔ́n bó ná dó nǔ nyanya sin ǎ;
lo ɔ́, nú yě wá mɔ ali tɔn ɔ́, yě nɔ́ xo nǔ kpɔ́n ǎ.
29È kpɔ́n ninɔmɛ mɛ ɖé tɔn ɔ́, è nɔ tunwun mɛ alɔkpa e é nyí é.
È kpɔ́n nukún mɛ mɛ ɖé tɔn ɔ́ è nɔ tunwun ɖɔ gbɛtɔ́ ayiɖotenánɔ wɛ.
30Lě e é nɔ́ sɔ́ nǔ gbɔn é,
lě e é nɔ́ ko nǔ gbɔn é,
lě e é nɔ ɖi zɔnlin gbɔn é nɔ ɖe mɛ e é nyí ɔ́ xlɛ́.
Currently Selected:
Silaki ví 19: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 19
19
1Azɔ̌watɔ́ ahannumúnɔ sixú jɛ dɔkun ǎ.
Mɛ e nɔ gbɛ́ wǎn nú nǔ kpɛví kpɛví lɛ́ɛ ná jɛ ayǐ dɛ̌dɛ̌.
2Ahan kpó nyɔ̌nu kpó nɔ dɔn gbɛtɔ́ ayisísɛ́nɔ lɛ́ɛ bú ali.
Mɛ e nɔ yi xa tonyatɔ́ lɛ́ɛ é nɔ́ kɔ́n wi nú éɖée.
3Zǐnzán énɛ́ ná dɔn ɛ yi kú, bɔ dohɔ́n lɛ́ɛ ná ɖu lan tɔn.
È nǐ cɔ́ mɛɖée ɖo xógbe mɛ
4Mɛ e nɔ yá wǔ ɖi nǔ e è ɖɔ n'i ɔ́ nyí mɛjɔmɛ ɖé ǎ.
Mɛ e nɔ wa nǔ nyanya é ɔ́,
nǔ wa dó é ɖésúnɔ wú wɛ é ɖe.
5Mɛ e nǔ nyanya wiwa nɔ víví ná é ɔ́, è nǎ ɖó hwɛ n'i.
6Mɛ e nɔ ɖó wǔ zɔ nú nǔwlíɖɔ é ná gló nǔ nyanya.
7Ma nɔ vɔ́ nǔ e è ɖɔ nú we ɔ́ ɖɔ ɖo fí ɖé ó,
énɛ́ ɔ́, mɛ ɖé ja nǔɖé wa nú we gbé ǎ.
8Ma ɖɔ xó dó mɛ ɖěbǔ wú ó;
é sixú nyí xɔ́ntɔn alǒ kɛntɔ́, ma ɖɔ xó ɖěbǔ ó,
afi nú abwɛ̌ ninɔ towe ná nyí hwɛ nú we.
9Nǔgbó ɔ́, mɛ ɖě ɔ́ sixú wá se nǔ e a ɖɔ dó wǔ tɔn é.
É sɔ́ ná ɖeji dó wǔ we ǎ,
lobɔ hwe tɔn nu ka wá su ɔ́,
é ná gbɛ́ wǎn nú we.
10Xó ɖé wɛ è ɖɔ bɔ a se a?
Ma lɔn nú é tɔ́n sín nu towe mɛ ó;
hɛn nú hwiɖée káká wá jɛ kúzán towe gbe.
Ɖeji, a nǎ wú dó goto ǎ.
11Xó ɖokpó wɛ zɔ́n bɔ gbɛtɔ́ nǔvɔ́nɔ nɔ́ ɖo ya ji wɛ, ɖi nyɔ̌nu ja vǐ jǐ gbé ɖɔhun.
12É cí ɖɔ gǎ wɛ nyí bɔ è sɔ́ asá n'i ɖɔhun.
Ba do nú nǔ e è ɖɔ bɔ a se é
13Yi mɔ xɔ́ntɔn towe bó yi kan nǔ byɔ́ ɛ,
afɔ nyɔ́ ɔ́, é wa nǔɖé ǎ.
Nú é ká nyí ɖɔ nǔɖé wɛ é wa ɔ́,
é sɔ́ ná bló ɖě ǎ.
14Kan nǔ byɔ́ xwékpánu towe,
afɔ nyɔ́ ɔ́, é ɖɔ xó ɖé ǎ.
Nú é ká nyí nǔɖé wɛ é ɖɔ ɔ́, é sɔ́ ná vɔ́ ɖɔ ǎ.
15Kan xó byɔ́ xɔ́ntɔn towe.
Nǔgbó ɔ́, hwɛhwɛ ɔ́, nǔ e mɛ lɛ́ɛ má wa ǎ ɔ́ wɛ é nɔ́ ɖɔ dó yě wú.
Ma nɔ ɖótó nǔ e ɖɔ nú we wɛ mɛ lɛ́ɛ ɖe ɔ́ bǐ ó.
16Hwɛhwɛ ɔ́, mɛ lɛ́ɛ nɔ ɖó linlin nyanya ǎ cóbó nɔ́ ɖɔ nǔ nyi do.
Mɛ̌ wɛ má ká hu hwɛ ɖo xóɖiɖɔ mɛ kpɔ́n gbeɖé ǎ?
17Kan nǔ byɔ́ xwékpánu towe hwɛ̌ cóbó kɛ nu dó nǔ wú n'i;
bó jó Mawu Ajalɔ̌nlɔn ɔ́ dó nú é wa azɔ̌ tɔn.
Sɛ́núnywɛ́ nǔgbó ɔ́ kpó tófwe ɔ́ kpán
20Sɛ́núnywɛ́ nǔgbó tɔn ɔ́ nɛ́ nyí è nǐ sí Aklúnɔ, bó ká bló nǔ e é zɔ́n é nɛ́.
22Lo ɔ́, nǔ mɔ jɛ nǔ nyanya wú nyí nǔnywɛ́ ɖíɖó ǎ.
Sísɛ́ ɖé ká nyí ɖɔ è nǐ ɖótó nǔkplɔ́nmɛ mɛ nyanya lɛ́ɛ tɔn ǎ.
23Bǐbí ɖé tíin bó nyí nǔ baɖabaɖa.
Mɛ e nǔnywɛ́ hwedó é ɔ́, nǔvɔ́nɔ wɛ.
24È gɔn ma sɛ́ bó ká nɔ sí Aklúnɔ ɔ́,
é nyɔ́ hú è sɛ́ bó ká gbɛ́ wǎn nú sɛ́n tɔn.
25Bǐbí sín ayi ɖé tíin bɔ è nɔ sɔ́ dó hízí nǔ ná.
Mɛ ɖé lɛ́ɛ nɔ blɛ́ mɛ,
bó ná dó yí nǔ e sín acɛ yě ɖó é.
26Kpɔ́ndéwú ɖokpó wɛ nyí ɖɔ mɛ ɖé lɛ́ɛ sín kɔ nɔ ɖo do bɔ yě nɔ́ ɖo yiyi wɛ, mɛ ɖo aluwɛ mɛ ɖɔhun;
lo ɔ́, lě e yě ná wa gbɔn bó hízí mɛ ɖě lɛ́ɛ é kɛ́ɖɛ́ wɛ ɖo ayi yětɔn mɛ.
27Yě nɔ́ dó kɔ do, bó nɔ́ bló ɖi mɛ ma ɖo xó ɖé se wɛ ɖɔhun;
lo ɔ́, nú mɛɖé ma wɔ́ yɛ yětɔn ǎ ɔ́, yě ná sɔ́ yɛmɛnú wiwa yětɔn dó ɖu ɖo jǐ we.
28Mɛ ɖé lɛ́ɛ tíin bó ɖó hlɔ̌nhlɔ́n bó ná dó nǔ nyanya sin ǎ;
lo ɔ́, nú yě wá mɔ ali tɔn ɔ́, yě nɔ́ xo nǔ kpɔ́n ǎ.
29È kpɔ́n ninɔmɛ mɛ ɖé tɔn ɔ́, è nɔ tunwun mɛ alɔkpa e é nyí é.
È kpɔ́n nukún mɛ mɛ ɖé tɔn ɔ́ è nɔ tunwun ɖɔ gbɛtɔ́ ayiɖotenánɔ wɛ.
30Lě e é nɔ́ sɔ́ nǔ gbɔn é,
lě e é nɔ́ ko nǔ gbɔn é,
lě e é nɔ ɖi zɔnlin gbɔn é nɔ ɖe mɛ e é nyí ɔ́ xlɛ́.
La Bible en langue fon © Alliance Biblique du Bénin, 2012.