Silaki ví 17
17
Nǔ e gbɛtɔ́ nyí ɖo nǔɖíɖó lɛ́ɛ tɛ́ntin é
1 Kɔ́ wɛ Aklúnɔ dó bló gbɛtɔ́ ná;
é ná lɛ́ lɛ́ kɔ n'i yi kɔ́ glɔ́.
2É sɔ́ azǎn nabíɖé, hwenu nabí ɖé ɖó te nú gbɛtɔ́ bɔ é ná dó nɔ gbɛmɛ fí ná.
É ɖɔ yě ni kpa acɛ dó nǔ e ɖo ayǐkúngban jí lɛ́ɛ bǐ nú.
3É ɖó yě bɔ yě cí é ɖésú ɖɔhun,
lobɔ é ná hlɔ̌nhlɔ́n yě é ɖésú ɖɔhun.
4É bló bɔ nǔ e ko nyí nǔɖíɖó lɛ́ɛ é bǐ na ɖi xɛsi nú gbɛtɔ́ lɛ́ɛ.
Énɛ́ ɔ́, gbɛtɔ́ lɛ́ɛ hɛn ɔ́, yě ná ɖu ɖo lan lɛ́ɛ kpó xɛ lɛ́ɛ kpán jí.
6É ná yě nǔmɔjɛnǔmɛ, ɖɛ̌, nukún, tó kpó ayi kpó nú yě ná dó lin tamɛ.
7 É ná yě nǔnywɛ́ kpó tamɛbibɔ kpán;
é kplɔ́n nǔ e nyí nǔ ɖagbe é kpó nǔ e nyí nǔ nyanya é kpó yě.
8É sɔ́ wěziza tɔn dó ayi yětɔn mɛ,
bó ná dó ɖe lě e nǔ e wa wɛ é ɖe ɔ́ d'agba sɔ é xlɛ́ yě.
9-10Yě ná kpa susu nú nyǐkɔ tɔn mímɛ́ ɔ́ dó han mɛ,
bó ɖɔ lě e nǔwiwa tɔn d'agba sɔ é.
Akɔjijɛ sín sɛ́n ɔ́
11Hú mɔ̌ ɔ́, Aklúnɔ ná nǔtunwuntunwun gbɛtɔ́ lɛ́ɛ;
é ná yě sɛ́n e nɔ hɛn mɛ ɖó gbɛ é.
12É jɛ akɔ tɛgbɛ tɔn xá yě, bó xlɛ́ sɛ́n tɔn lɛ́ɛ yě.
13Bɔ nukún yětɔn mɔ lě e susu tɔn d'agba sɔ é.
Tó yětɔn se gbe víví e ɖo kɔ tɔn nu é.
14É ɖɔ nú yě ɖɔ:
“Mi cɔ́ miɖée dó nǔ nyanya e ná zin sɛ́n Mawu tɔn dɛ́ lɛ́ɛ bǐ wú.”
Sɛ́n e mɛ ɖokpó ɖokpó ná nyi dó nɔzo wú é ɔ́, é ná yě.
Aklúnɔ nɔ́ mɔ nǔ bǐ
15Aklúnɔ nɔ mɔ nǔ e wa wɛ gbɛtɔ́ nɔ ɖe lɛ́ɛ bǐ hwebǐnu.
Nǔ ɖěbǔ ɖo hwlǎhwlá ɖo nukún tɔn mɛ ǎ.
17É sɔ́ gǎn ɖó togun ɖokpó ɖokpó nu.
Lo ɔ́, Izlayɛ́li ɔ́ kpo ɖo Aklúnɔ tɔn nyí wɛ.
19Nǔwiwa gbɛtɔ́ lɛ́ɛ tɔn bǐ wɛ ɖo Aklúnɔ nukɔn,
bó za wě hwe ɖɔhun. É nɔ ɖo zǐnzán yětɔn kpɔ́n wɛ hwebǐnu.
20É nɔ ba nǔ e yě wa nyi do ɔ́ ɖě kpo ǎ;
hwɛ yětɔn lɛ́ɛ bǐ nɔ́ ɖo nukɔn tɔn.
22Ɖagbe e é wa nú mɛ ɖé ɔ́,
cí alɔ dó wěma mɛ e nyí gǎnjɛwú dɔkun tɔn é ɖɔhun nú Aklúnɔ;
lě e nukúnzin xɔ akwɛ́ sɔ é wɛ élɔ́ xɔ akwɛ́ sɔ.
23Nǔ e gbɛtɔ́ lɛ́ɛ wa ɔ́,
Aklúnɔ ná sí te bó ná sú axɔ́ tɔn yě gbe ɖokpó;
É ná ná nǔ e jɛ xá yě ɔ́ yě.
24Lo ɔ́, mɛ e hwɛ yětɔn lɛ́ɛ vɛ́ nú yě lɛ́ɛ ɔ́,
é nɔ́ zɔ́n bɔ yě nɔ́ lɛ́ kɔ wá gɔ̌n tɔn;
é nɔ́ ná akɔ́nkpinkpan mɛ e awakanmɛ kú lɛ́ɛ é.
Mɛ ylɔ́ nú è nǎ lɛ́ kɔ wá Aklúnɔ gɔ́n
25 Kpan nukɔn Aklúnɔ, bó jó hwɛ towe lɛ́ɛ dó.
Xo ɖɛ, bo byɔ́ ɛ, énɛ́ ɔ́, hwɛ towe sɔ́ ná syɛ́n sɔ mɔ̌ ǎ.
26Lɛ̌ kɔ wá Mawu Ajalɔ̌nlɔn gɔ́n;
ɖe kɔ sín nǔ nyanya wú,
gbɛ̌ wǎn nú nǔ e é mɔ dó mɔ nǔ gbɛ́hɛn é bǐ kpó hlɔ̌nhlɔ́n kpán.
27 Mɛ̌ wɛ ká sixú ji han dó xo mlá Mawu Ajalɔ̌nlɔn ɔ́ ɖo kútomɛ!
Mɛ e ɖo gbɛ lɛ́ɛ wɛ sixú tunwun lě e é d'agba sɔ é.
28Mɛ e ɖo gbɛ, bɔ lanmɛ tɔn ɖo ganjí é jɛ́n sixú xo mlá Aklúnɔ dó hangbe mɛ.
Hwenu e é kú, lobo ma sɔ́ tíin ǎ é ɔ́,
é sɔ́ sixú dó kú n'i ǎ.
29Nǔgbó wɛ, xomɛnyínyɔ́ Aklúnɔ tɔn kló bó d'agba,
bɔ hwɛsɔ́kɛmɛ tɔn tíin nú mɛ e nɔ hɔn yi su i lɛ́ɛ é!
30Gbɛtɔ́ nɔ́ kú, hǔn yě sixú wa nǔ bǐ ǎ.
31Étɛ́ ká sɔ́ sixú za wě hú hwe?
É ɖo mɔ̌ có é nɔ́ za wě tɛgbɛ ǎ.
Mɔ̌ wɛ é nɔ́ nyí gbɔn nú gbɛtɔ́ e nɔ ɖo nǔ nyanya lin dó ayi mɛ wɛ é nɛ́.
32Aklúnɔ nɔ cɔ́ nǔ e nɔ ná wěziza lɛ́ɛ sín ahwan.
Lo ɔ́, kɔ́ kpó afúntúntún kpán wɛ é dó bló gbɛtɔ́ lɛ́ɛ.
Currently Selected:
Silaki ví 17: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 17
17
Nǔ e gbɛtɔ́ nyí ɖo nǔɖíɖó lɛ́ɛ tɛ́ntin é
1 Kɔ́ wɛ Aklúnɔ dó bló gbɛtɔ́ ná;
é ná lɛ́ lɛ́ kɔ n'i yi kɔ́ glɔ́.
2É sɔ́ azǎn nabíɖé, hwenu nabí ɖé ɖó te nú gbɛtɔ́ bɔ é ná dó nɔ gbɛmɛ fí ná.
É ɖɔ yě ni kpa acɛ dó nǔ e ɖo ayǐkúngban jí lɛ́ɛ bǐ nú.
3É ɖó yě bɔ yě cí é ɖésú ɖɔhun,
lobɔ é ná hlɔ̌nhlɔ́n yě é ɖésú ɖɔhun.
4É bló bɔ nǔ e ko nyí nǔɖíɖó lɛ́ɛ é bǐ na ɖi xɛsi nú gbɛtɔ́ lɛ́ɛ.
Énɛ́ ɔ́, gbɛtɔ́ lɛ́ɛ hɛn ɔ́, yě ná ɖu ɖo lan lɛ́ɛ kpó xɛ lɛ́ɛ kpán jí.
6É ná yě nǔmɔjɛnǔmɛ, ɖɛ̌, nukún, tó kpó ayi kpó nú yě ná dó lin tamɛ.
7 É ná yě nǔnywɛ́ kpó tamɛbibɔ kpán;
é kplɔ́n nǔ e nyí nǔ ɖagbe é kpó nǔ e nyí nǔ nyanya é kpó yě.
8É sɔ́ wěziza tɔn dó ayi yětɔn mɛ,
bó ná dó ɖe lě e nǔ e wa wɛ é ɖe ɔ́ d'agba sɔ é xlɛ́ yě.
9-10Yě ná kpa susu nú nyǐkɔ tɔn mímɛ́ ɔ́ dó han mɛ,
bó ɖɔ lě e nǔwiwa tɔn d'agba sɔ é.
Akɔjijɛ sín sɛ́n ɔ́
11Hú mɔ̌ ɔ́, Aklúnɔ ná nǔtunwuntunwun gbɛtɔ́ lɛ́ɛ;
é ná yě sɛ́n e nɔ hɛn mɛ ɖó gbɛ é.
12É jɛ akɔ tɛgbɛ tɔn xá yě, bó xlɛ́ sɛ́n tɔn lɛ́ɛ yě.
13Bɔ nukún yětɔn mɔ lě e susu tɔn d'agba sɔ é.
Tó yětɔn se gbe víví e ɖo kɔ tɔn nu é.
14É ɖɔ nú yě ɖɔ:
“Mi cɔ́ miɖée dó nǔ nyanya e ná zin sɛ́n Mawu tɔn dɛ́ lɛ́ɛ bǐ wú.”
Sɛ́n e mɛ ɖokpó ɖokpó ná nyi dó nɔzo wú é ɔ́, é ná yě.
Aklúnɔ nɔ́ mɔ nǔ bǐ
15Aklúnɔ nɔ mɔ nǔ e wa wɛ gbɛtɔ́ nɔ ɖe lɛ́ɛ bǐ hwebǐnu.
Nǔ ɖěbǔ ɖo hwlǎhwlá ɖo nukún tɔn mɛ ǎ.
17É sɔ́ gǎn ɖó togun ɖokpó ɖokpó nu.
Lo ɔ́, Izlayɛ́li ɔ́ kpo ɖo Aklúnɔ tɔn nyí wɛ.
19Nǔwiwa gbɛtɔ́ lɛ́ɛ tɔn bǐ wɛ ɖo Aklúnɔ nukɔn,
bó za wě hwe ɖɔhun. É nɔ ɖo zǐnzán yětɔn kpɔ́n wɛ hwebǐnu.
20É nɔ ba nǔ e yě wa nyi do ɔ́ ɖě kpo ǎ;
hwɛ yětɔn lɛ́ɛ bǐ nɔ́ ɖo nukɔn tɔn.
22Ɖagbe e é wa nú mɛ ɖé ɔ́,
cí alɔ dó wěma mɛ e nyí gǎnjɛwú dɔkun tɔn é ɖɔhun nú Aklúnɔ;
lě e nukúnzin xɔ akwɛ́ sɔ é wɛ élɔ́ xɔ akwɛ́ sɔ.
23Nǔ e gbɛtɔ́ lɛ́ɛ wa ɔ́,
Aklúnɔ ná sí te bó ná sú axɔ́ tɔn yě gbe ɖokpó;
É ná ná nǔ e jɛ xá yě ɔ́ yě.
24Lo ɔ́, mɛ e hwɛ yětɔn lɛ́ɛ vɛ́ nú yě lɛ́ɛ ɔ́,
é nɔ́ zɔ́n bɔ yě nɔ́ lɛ́ kɔ wá gɔ̌n tɔn;
é nɔ́ ná akɔ́nkpinkpan mɛ e awakanmɛ kú lɛ́ɛ é.
Mɛ ylɔ́ nú è nǎ lɛ́ kɔ wá Aklúnɔ gɔ́n
25 Kpan nukɔn Aklúnɔ, bó jó hwɛ towe lɛ́ɛ dó.
Xo ɖɛ, bo byɔ́ ɛ, énɛ́ ɔ́, hwɛ towe sɔ́ ná syɛ́n sɔ mɔ̌ ǎ.
26Lɛ̌ kɔ wá Mawu Ajalɔ̌nlɔn gɔ́n;
ɖe kɔ sín nǔ nyanya wú,
gbɛ̌ wǎn nú nǔ e é mɔ dó mɔ nǔ gbɛ́hɛn é bǐ kpó hlɔ̌nhlɔ́n kpán.
27 Mɛ̌ wɛ ká sixú ji han dó xo mlá Mawu Ajalɔ̌nlɔn ɔ́ ɖo kútomɛ!
Mɛ e ɖo gbɛ lɛ́ɛ wɛ sixú tunwun lě e é d'agba sɔ é.
28Mɛ e ɖo gbɛ, bɔ lanmɛ tɔn ɖo ganjí é jɛ́n sixú xo mlá Aklúnɔ dó hangbe mɛ.
Hwenu e é kú, lobo ma sɔ́ tíin ǎ é ɔ́,
é sɔ́ sixú dó kú n'i ǎ.
29Nǔgbó wɛ, xomɛnyínyɔ́ Aklúnɔ tɔn kló bó d'agba,
bɔ hwɛsɔ́kɛmɛ tɔn tíin nú mɛ e nɔ hɔn yi su i lɛ́ɛ é!
30Gbɛtɔ́ nɔ́ kú, hǔn yě sixú wa nǔ bǐ ǎ.
31Étɛ́ ká sɔ́ sixú za wě hú hwe?
É ɖo mɔ̌ có é nɔ́ za wě tɛgbɛ ǎ.
Mɔ̌ wɛ é nɔ́ nyí gbɔn nú gbɛtɔ́ e nɔ ɖo nǔ nyanya lin dó ayi mɛ wɛ é nɛ́.
32Aklúnɔ nɔ cɔ́ nǔ e nɔ ná wěziza lɛ́ɛ sín ahwan.
Lo ɔ́, kɔ́ kpó afúntúntún kpán wɛ é dó bló gbɛtɔ́ lɛ́ɛ.
La Bible en langue fon © Alliance Biblique du Bénin, 2012.