Naxúmu 3
3
Mi kpɔ́n! È ɖo mɛhutɔ́ lɛ́ɛ sín toxo ɔ́ sín kún sú dó wɛ
1Heelú mɛhutɔ́ sín toxo ɔ́;
ahizi kpó asúfánmɛ kpó jí wɛ axɔ́súɖuto tɔn jínjɔ́n.
È nɔ gɔn ajo ja dó jɛ dɔkun ná ǎ.
2A ɖo bǎ gbe se wɛ ǎ cé?
A ɖo ahwankɛkɛ́fɔ lɛ́ɛ sín zǐngídi se wɛ ǎ cé?
A ɖo sɔ́ lɛ́ɛ sín afɔgbe se wɛ ǎ cé?
A ɖo ahwankɛkɛ́ lɛ́ɛ sín zǐngídi se wɛ ǎ cé?
3Sɔ́xátɔ́ lɛ́ɛ tɔ́n ahwan Ninívu toxo ɔ́.
Hwǐ lɛ́ɛ ɖo myɔ kán wɛ,
bɔ hwǎn lɛ́ɛ ɖo kínkɔ́n wɛ.
Gbɛtɔ́ wɔ̌buwɔ́bú ɖé gblé wǔ.
Cyɔ ɖo kpɔ́.
Mɛ e kú lɛ́ɛ nyí maxamaxa;
a jɛ ayǐ ɔ́, mɛkúkú jí jɛ́n a nǎ jɛ.
Ninívu toxo ɔ́ ɖu winnyá
4Ninívu toxo agalɛtɔ́ towunɖó ɔ́,
nɔ́ sɔ́ ɖɛkpɛ tɔn kpó walɔ tɔn e é nɔ́ dó lú mɛ é kpó dó dɔn mɛ ná.
É nɔ́ sɔ́ aga tɔn kpó azě tɔn kpó
dó sa togun lɛ́ɛ kpó akɔta lɛ́ɛ kpó.
5Mawu Mavɔmavɔ Nǔbǐwúkpétɔ́ ɔ́ ɖɔ:
“Éɖíe, un ɖo biba we wɛ.
Un ná kplɔ́ awu gaga e a dǒ é sín do káká yi nukún mɛ.
Un ná xlɛ́ mɛ̌ towe akɔta ɖě lɛ́ɛ,
bó ná zé winnyá e a ɖu ɔ́ xlɛ́ axɔ́súɖuto lɛ́ɛ.
6Un ná dɔn we gbɔn babá mɛ;
un ná kɔ́n wi towe,
bó ná sɔ́ we dó húzú nǔkpínkpɔ́n.
7Mɛ e ná mɔ we lɛ́ɛ bǐ wɛ ná nɔ hɔn yi zɔ nú we,
bɔ è nǎ ɖɔ:
‘Ninívu toxo ɔ́ gba.
Mɛ̌ wɛ nǔ tɔn ká ná blá wǔ ná?
Fítɛ́ wɛ un ka ná yi ba gbɔdónúmɛtɔ́ lɛ́ɛ sín wá n'i?’ ”
Nǔ e gbo Tɛbu toxo é wɛ gbo Ninívu toxo ɔ́
8Tɛbu ɔ́
Asilíi xɔ́sú Asúubanipalu yí toxo ɔ́,
bó bɛ́ nǔ e ɖo toxo ɔ́ mɛ lɛ́ɛ bǐ,
ɖo é kpo xwe nǔwɔntɔn kanɖé ko-nukún-atɔn (663)
bɔ è nǎ ji Jezu Klísu. Tɔsisa tɛ́ntin wɛ é ɖe.
Sin wɛ lɛ́ lɛ̌ dó,
xu wɛ nyí ahohó tɔn,
xu wɛ nyí dǒ tɔn.
Hwɛ Ninívu ɔ́,
a nyɔ̌ hú Tɛbu ɔ́ wɛ a?
9Etiopíi kpódó Ejípu kpó wɛ nɔ́ dó dɔkun ɖu mavɔ n'i.
Putinu lɛ́ɛ kpódó Libíinu lɛ́ɛ kpó wɛ nɔ́ dó alɔ ɛ ahwan hwenu.
10É ɖo mɔ̌ có,
è wlǐ kannumɔ tɔn hɛn yi.
È hu vǐ tɔn lɛ́ɛ tɛ́ gbɔn ali jí ali jí.
Mɛ e ɖu ɖ'é jí lɛ́ɛ nyi akɔ dó mɛ nukúnɖéjí tɔn lɛ́ɛ bǐ bó má,
bó dó wɔlɔ kpinkpɛn togán tɔn lɛ́ɛ.
11Hwɛ Ninívu toxo ɔ́,
wǔvɛ́ ná mú we ahan ɖɔhun,
bɔ a nǎ hɔn hwlá. Hwɛ ɖésú ɔ́,
a nǎ ba fí e a nǎ hɔn bɛ dó bɔ kɛntɔ́ towe lɛ́ɛ ma ná mɔ we ǎ é.
Ninívu sixú dɛ ɖ'é nu ǎ
12Ahohó towe lɛ́ɛ bǐ cí fígitín e sínsɛ́n tɔn lɛ́ɛ ko myá é ɖɔhun.
Ényí è hǔnhún atín ɔ́ lě ɔ́,
sínsɛ́n lɛ́ɛ nɔ jɛ mɛ e jló ná ɖu é sín nu mɛ.
Lě e ahohó towe lɛ́ɛ ɖe gbɔn ɔ́ nɛ́.
13Togun towe ɔ́, nyɔ̌nu kɛ́ɖɛ́ wɛ.
To towe sín hɔn lɛ́ɛ nɔ́ nɔ yě ɖóɖó bó nɔ́ hun ɖo kɛntɔ́ nukɔn.
Hɔnglá towe lɛ́ɛ bǐ ji zo.
14Mi bló blǐkisúnto mitɔn lɛ́ɛ ɖó.
Mi dun sin.
Mi byɔ́ kɔ́do mɛ.
Mi nya kɔ́.
Mi sún blǐki bó bló ahohó mitɔn lɛ́ɛ ɖó,
ɖó ahwan e ná tɔ́n mi wɛ è ɖe ɔ́ wú.
15Mi na bo bló gbɔn ɖěbǔ ɔ́,
myɔ ná fyɔ́ mi.
Ahwan ná gba mi;
é ná ɖu mi lě e wɛn nɔ ɖu gběhan ɔ́ ɖɔhun.
Togun blěbǔ ɖokpó blí bú
Togun mitɔn sukpɔ́ ɖ'ayǐ bó ɖo winnini wɛn ɖɔhun.
16Ɖ'ayǐ ɔ́, ajɔ̌watɔ́ mitɔn lɛ́ɛ sukpɔ́ hú sunví e ɖo jǐxwé lɛ́ɛ.
Yě cí wɛn nyi ahwan wá xweyǐgbe ɖɔhun.
17Mɛ nukúnɖéjí mitɔn lɛ́ɛ sukpɔ́ wɛn ɖɔhun.
Azɔ̌watɔ́ mitɔn lɛ́ɛ cí wɛn wá kɔn nyi kpá jí avivɔ hwenu ɖɔhun.
Ényí hwe tɔ́n ɔ́, yě nɔ́ zɔn,
bɔ è sɔ́ nɔ tunwun fí e yě zɔn sín é ǎ.
Nǔ e gblé bɔ è ma sixú bló ɖó ǎ é
18Hwi Asilíi xɔ́sú ɔ́,
tokpɔngán towe lɛ́ɛ kú.
Ahwangán towe lɛ́ɛ dɔ́ amlɔ dɔ̌mányí.
Togun towe gba kpé sókan lɛ́ɛ mɛ,
bɔ mɛ ɖé ká xo yě kplé ǎ.
19Amasin ɖé ɖe nú è nǎ dó hu akpa e a xo é ǎ.
Wǔ vantankánnyá wɛ a gblě.
Mɛ e ná se xó towe lɛ́ɛ bǐ ná kpa wǒóo dó ta nú we.
Ɖó nǔ nyanya e a nɔ ɖo sin dó wɛ ɔ́,
mɛ̌ wɛ bǎ tɔn ma ká xo ǎ?
Currently Selected:
Naxúmu 3: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Naxúmu 3
3
Mi kpɔ́n! È ɖo mɛhutɔ́ lɛ́ɛ sín toxo ɔ́ sín kún sú dó wɛ
1Heelú mɛhutɔ́ sín toxo ɔ́;
ahizi kpó asúfánmɛ kpó jí wɛ axɔ́súɖuto tɔn jínjɔ́n.
È nɔ gɔn ajo ja dó jɛ dɔkun ná ǎ.
2A ɖo bǎ gbe se wɛ ǎ cé?
A ɖo ahwankɛkɛ́fɔ lɛ́ɛ sín zǐngídi se wɛ ǎ cé?
A ɖo sɔ́ lɛ́ɛ sín afɔgbe se wɛ ǎ cé?
A ɖo ahwankɛkɛ́ lɛ́ɛ sín zǐngídi se wɛ ǎ cé?
3Sɔ́xátɔ́ lɛ́ɛ tɔ́n ahwan Ninívu toxo ɔ́.
Hwǐ lɛ́ɛ ɖo myɔ kán wɛ,
bɔ hwǎn lɛ́ɛ ɖo kínkɔ́n wɛ.
Gbɛtɔ́ wɔ̌buwɔ́bú ɖé gblé wǔ.
Cyɔ ɖo kpɔ́.
Mɛ e kú lɛ́ɛ nyí maxamaxa;
a jɛ ayǐ ɔ́, mɛkúkú jí jɛ́n a nǎ jɛ.
Ninívu toxo ɔ́ ɖu winnyá
4Ninívu toxo agalɛtɔ́ towunɖó ɔ́,
nɔ́ sɔ́ ɖɛkpɛ tɔn kpó walɔ tɔn e é nɔ́ dó lú mɛ é kpó dó dɔn mɛ ná.
É nɔ́ sɔ́ aga tɔn kpó azě tɔn kpó
dó sa togun lɛ́ɛ kpó akɔta lɛ́ɛ kpó.
5Mawu Mavɔmavɔ Nǔbǐwúkpétɔ́ ɔ́ ɖɔ:
“Éɖíe, un ɖo biba we wɛ.
Un ná kplɔ́ awu gaga e a dǒ é sín do káká yi nukún mɛ.
Un ná xlɛ́ mɛ̌ towe akɔta ɖě lɛ́ɛ,
bó ná zé winnyá e a ɖu ɔ́ xlɛ́ axɔ́súɖuto lɛ́ɛ.
6Un ná dɔn we gbɔn babá mɛ;
un ná kɔ́n wi towe,
bó ná sɔ́ we dó húzú nǔkpínkpɔ́n.
7Mɛ e ná mɔ we lɛ́ɛ bǐ wɛ ná nɔ hɔn yi zɔ nú we,
bɔ è nǎ ɖɔ:
‘Ninívu toxo ɔ́ gba.
Mɛ̌ wɛ nǔ tɔn ká ná blá wǔ ná?
Fítɛ́ wɛ un ka ná yi ba gbɔdónúmɛtɔ́ lɛ́ɛ sín wá n'i?’ ”
Nǔ e gbo Tɛbu toxo é wɛ gbo Ninívu toxo ɔ́
8Tɛbu ɔ́
Asilíi xɔ́sú Asúubanipalu yí toxo ɔ́,
bó bɛ́ nǔ e ɖo toxo ɔ́ mɛ lɛ́ɛ bǐ,
ɖo é kpo xwe nǔwɔntɔn kanɖé ko-nukún-atɔn (663)
bɔ è nǎ ji Jezu Klísu. Tɔsisa tɛ́ntin wɛ é ɖe.
Sin wɛ lɛ́ lɛ̌ dó,
xu wɛ nyí ahohó tɔn,
xu wɛ nyí dǒ tɔn.
Hwɛ Ninívu ɔ́,
a nyɔ̌ hú Tɛbu ɔ́ wɛ a?
9Etiopíi kpódó Ejípu kpó wɛ nɔ́ dó dɔkun ɖu mavɔ n'i.
Putinu lɛ́ɛ kpódó Libíinu lɛ́ɛ kpó wɛ nɔ́ dó alɔ ɛ ahwan hwenu.
10É ɖo mɔ̌ có,
è wlǐ kannumɔ tɔn hɛn yi.
È hu vǐ tɔn lɛ́ɛ tɛ́ gbɔn ali jí ali jí.
Mɛ e ɖu ɖ'é jí lɛ́ɛ nyi akɔ dó mɛ nukúnɖéjí tɔn lɛ́ɛ bǐ bó má,
bó dó wɔlɔ kpinkpɛn togán tɔn lɛ́ɛ.
11Hwɛ Ninívu toxo ɔ́,
wǔvɛ́ ná mú we ahan ɖɔhun,
bɔ a nǎ hɔn hwlá. Hwɛ ɖésú ɔ́,
a nǎ ba fí e a nǎ hɔn bɛ dó bɔ kɛntɔ́ towe lɛ́ɛ ma ná mɔ we ǎ é.
Ninívu sixú dɛ ɖ'é nu ǎ
12Ahohó towe lɛ́ɛ bǐ cí fígitín e sínsɛ́n tɔn lɛ́ɛ ko myá é ɖɔhun.
Ényí è hǔnhún atín ɔ́ lě ɔ́,
sínsɛ́n lɛ́ɛ nɔ jɛ mɛ e jló ná ɖu é sín nu mɛ.
Lě e ahohó towe lɛ́ɛ ɖe gbɔn ɔ́ nɛ́.
13Togun towe ɔ́, nyɔ̌nu kɛ́ɖɛ́ wɛ.
To towe sín hɔn lɛ́ɛ nɔ́ nɔ yě ɖóɖó bó nɔ́ hun ɖo kɛntɔ́ nukɔn.
Hɔnglá towe lɛ́ɛ bǐ ji zo.
14Mi bló blǐkisúnto mitɔn lɛ́ɛ ɖó.
Mi dun sin.
Mi byɔ́ kɔ́do mɛ.
Mi nya kɔ́.
Mi sún blǐki bó bló ahohó mitɔn lɛ́ɛ ɖó,
ɖó ahwan e ná tɔ́n mi wɛ è ɖe ɔ́ wú.
15Mi na bo bló gbɔn ɖěbǔ ɔ́,
myɔ ná fyɔ́ mi.
Ahwan ná gba mi;
é ná ɖu mi lě e wɛn nɔ ɖu gběhan ɔ́ ɖɔhun.
Togun blěbǔ ɖokpó blí bú
Togun mitɔn sukpɔ́ ɖ'ayǐ bó ɖo winnini wɛn ɖɔhun.
16Ɖ'ayǐ ɔ́, ajɔ̌watɔ́ mitɔn lɛ́ɛ sukpɔ́ hú sunví e ɖo jǐxwé lɛ́ɛ.
Yě cí wɛn nyi ahwan wá xweyǐgbe ɖɔhun.
17Mɛ nukúnɖéjí mitɔn lɛ́ɛ sukpɔ́ wɛn ɖɔhun.
Azɔ̌watɔ́ mitɔn lɛ́ɛ cí wɛn wá kɔn nyi kpá jí avivɔ hwenu ɖɔhun.
Ényí hwe tɔ́n ɔ́, yě nɔ́ zɔn,
bɔ è sɔ́ nɔ tunwun fí e yě zɔn sín é ǎ.
Nǔ e gblé bɔ è ma sixú bló ɖó ǎ é
18Hwi Asilíi xɔ́sú ɔ́,
tokpɔngán towe lɛ́ɛ kú.
Ahwangán towe lɛ́ɛ dɔ́ amlɔ dɔ̌mányí.
Togun towe gba kpé sókan lɛ́ɛ mɛ,
bɔ mɛ ɖé ká xo yě kplé ǎ.
19Amasin ɖé ɖe nú è nǎ dó hu akpa e a xo é ǎ.
Wǔ vantankánnyá wɛ a gblě.
Mɛ e ná se xó towe lɛ́ɛ bǐ ná kpa wǒóo dó ta nú we.
Ɖó nǔ nyanya e a nɔ ɖo sin dó wɛ ɔ́,
mɛ̌ wɛ bǎ tɔn ma ká xo ǎ?
La Bible en langue fon © Alliance Biblique du Bénin, 2012.