Jozuwée Xónusɔ́ɖóte
Xónusɔ́ɖóte
Lě e Izlayɛ́li ví lɛ́ɛ yí Kanáa to ɔ́ gbɔn ɔ́ sín tan wɛ ɖo Jozuwée sín wěma ɔ́ mɛ. Hwenu e Jozuwée jɛ Mɔyízi tɛnmɛ ɔ́ wɛ é nɔ nukɔn nú yě, bɔ yě yí.
Wěma ɔ́, akpá we wɛ è mǎ ɖó. Akpá nukɔntɔn (1—12) ɔ́, ɖɔ xó dó lě e è yǐ ayǐkúngban e sín akpá Mawu dó ɔ́ gbɔn é wú. Izlayɛ́li ví lɛ́ɛ dó asá Judɛ́ɛn tɔ ɔ́ bɔ Mawu d'alɔ yě bɔ yě wa nǔ ɖaxó ɖaxó gěgé. Yě yǐ Jeliko toxo ɔ́. Mawu jlɛ́ nǔ gěgé bɔ yě ɖu ɖo ahwan e yě fun ɖo Gabawɔ́ɔn é jí. Lo ɔ́, hwenu e Izlayɛ́li ví lɛ́ɛ má nɔ gbejí nú akɔ e Mawu jɛ xá yě ɔ́ ǎ ɔ́, è ɖu ɖo yě jí ɖo ahwan e yě fun ɖo Ayíi é mɛ (7.1-12).
Ɖo wěma ɔ́ sín akpá wegɔ́ ɔ́ (13—24) mɛ ɔ́, è mǎ ayǐkúngban nú akɔta Izlayɛ́li tɔn wěwe lɛ́ɛ. Levíi ví lɛ́ɛ kɛ́ɖɛ́ wɛ má ɖó ayǐkúngban ɖé tawun ǎ, lě e Mawu Mavɔmavɔ ná gbe tɔn gbɔn é, ɖó vɔ̌sánú-xwlémawutɔ́ wɛ yě nyí. Yě ná nɔ́ nɔ toxo ɖé lɛ́ɛ mɛ; toxo énɛ́ lɛ́ɛ gbɔn fí bǐ ɖo to ɔ́ mɛ. Mawu ɖɔ nú Jozuwée ɖɔ é ní ɖó toxo ɖé lɛ́ɛ ayǐ bónú Izlayɛ́li ví lɛ́ɛ ná nɔ́ sixú hɔn yi cí mɛ. Ényí mɛɖé má tunwun ǎ bó hu mɛ ɔ́, é sixú hɔn hwlá cí toxo énɛ́ lɛ́ɛ ɖě mɛ.
Mawu nu wɛ Jozuwée nɔ se kplɔ́n énɛ́ lɛ́ɛ ɖe, bó nɔ́ ɖɔ nú togun Izlayɛ́li tɔn. Jozuwée nyi gbehwán gěgé sɛ́ dó togun ɔ́, bó nɔ́ ná ɛ akɔ́nkpinkpan ɖɔ é ní nɔ gbejí nú Mawu. Cóbónú Jozuwée ná kú ɔ́, é ɖɔ nú togun Izlayɛ́li tɔn ɔ́ ɖɔ:
“Nú mi ma ka jló ná sɛn Mawu Mavɔmavɔ ǎ hǔn, mi bó ɖɔ nǔ e mi ná sɛn ɔ́ bɛ́ sín égbé. Amɔ̌, nyɛ kpódó xwédo ce kpó ɔ́, Mawu Mavɔmavɔ wɛ mǐ nǎ sɛn.” (24.15)
Nǔ tají tají e ɖo wěma ɔ́ mɛ lɛ́ɛ
Izlayɛ́li ví lɛ́ɛ yí Kanáa to ɔ́ (1—12)
Izlayɛ́li ví lɛ́ɛ má Kanáa to ɔ́ (13—21)
Ayǐkúngban e ɖo zǎnzǎnhwe jí nú Judɛ́ɛn tɔ é (13)
Ayǐkúngban e ɖo gbadahwe jí nú Judɛ́ɛn tɔ ɔ́ é (14—19)
Toxo e mɛ Izlayɛ́li ví lɛ́ɛ sixú hɔn yi cí lɛ́ɛ (20)
Toxo e nyí Levíi ví lɛ́ɛ tɔn lɛ́ɛ (21)
Akɔta e ɖo Judɛ́ɛn tɔ ɔ́ sín zǎnzǎnhwe jí lɛ́ɛ lɛ́ kɔ yi ayǐkúngban yětɔn jí (22)
Jozuwée ɖɔ xó tɔn gǔdo gúdo tɔn (23.1—24.28)
Jozuwée kú (24.29-33)
Currently Selected:
Jozuwée Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Jozuwée Xónusɔ́ɖóte
Xónusɔ́ɖóte
Lě e Izlayɛ́li ví lɛ́ɛ yí Kanáa to ɔ́ gbɔn ɔ́ sín tan wɛ ɖo Jozuwée sín wěma ɔ́ mɛ. Hwenu e Jozuwée jɛ Mɔyízi tɛnmɛ ɔ́ wɛ é nɔ nukɔn nú yě, bɔ yě yí.
Wěma ɔ́, akpá we wɛ è mǎ ɖó. Akpá nukɔntɔn (1—12) ɔ́, ɖɔ xó dó lě e è yǐ ayǐkúngban e sín akpá Mawu dó ɔ́ gbɔn é wú. Izlayɛ́li ví lɛ́ɛ dó asá Judɛ́ɛn tɔ ɔ́ bɔ Mawu d'alɔ yě bɔ yě wa nǔ ɖaxó ɖaxó gěgé. Yě yǐ Jeliko toxo ɔ́. Mawu jlɛ́ nǔ gěgé bɔ yě ɖu ɖo ahwan e yě fun ɖo Gabawɔ́ɔn é jí. Lo ɔ́, hwenu e Izlayɛ́li ví lɛ́ɛ má nɔ gbejí nú akɔ e Mawu jɛ xá yě ɔ́ ǎ ɔ́, è ɖu ɖo yě jí ɖo ahwan e yě fun ɖo Ayíi é mɛ (7.1-12).
Ɖo wěma ɔ́ sín akpá wegɔ́ ɔ́ (13—24) mɛ ɔ́, è mǎ ayǐkúngban nú akɔta Izlayɛ́li tɔn wěwe lɛ́ɛ. Levíi ví lɛ́ɛ kɛ́ɖɛ́ wɛ má ɖó ayǐkúngban ɖé tawun ǎ, lě e Mawu Mavɔmavɔ ná gbe tɔn gbɔn é, ɖó vɔ̌sánú-xwlémawutɔ́ wɛ yě nyí. Yě ná nɔ́ nɔ toxo ɖé lɛ́ɛ mɛ; toxo énɛ́ lɛ́ɛ gbɔn fí bǐ ɖo to ɔ́ mɛ. Mawu ɖɔ nú Jozuwée ɖɔ é ní ɖó toxo ɖé lɛ́ɛ ayǐ bónú Izlayɛ́li ví lɛ́ɛ ná nɔ́ sixú hɔn yi cí mɛ. Ényí mɛɖé má tunwun ǎ bó hu mɛ ɔ́, é sixú hɔn hwlá cí toxo énɛ́ lɛ́ɛ ɖě mɛ.
Mawu nu wɛ Jozuwée nɔ se kplɔ́n énɛ́ lɛ́ɛ ɖe, bó nɔ́ ɖɔ nú togun Izlayɛ́li tɔn. Jozuwée nyi gbehwán gěgé sɛ́ dó togun ɔ́, bó nɔ́ ná ɛ akɔ́nkpinkpan ɖɔ é ní nɔ gbejí nú Mawu. Cóbónú Jozuwée ná kú ɔ́, é ɖɔ nú togun Izlayɛ́li tɔn ɔ́ ɖɔ:
“Nú mi ma ka jló ná sɛn Mawu Mavɔmavɔ ǎ hǔn, mi bó ɖɔ nǔ e mi ná sɛn ɔ́ bɛ́ sín égbé. Amɔ̌, nyɛ kpódó xwédo ce kpó ɔ́, Mawu Mavɔmavɔ wɛ mǐ nǎ sɛn.” (24.15)
Nǔ tají tají e ɖo wěma ɔ́ mɛ lɛ́ɛ
Izlayɛ́li ví lɛ́ɛ yí Kanáa to ɔ́ (1—12)
Izlayɛ́li ví lɛ́ɛ má Kanáa to ɔ́ (13—21)
Ayǐkúngban e ɖo zǎnzǎnhwe jí nú Judɛ́ɛn tɔ é (13)
Ayǐkúngban e ɖo gbadahwe jí nú Judɛ́ɛn tɔ ɔ́ é (14—19)
Toxo e mɛ Izlayɛ́li ví lɛ́ɛ sixú hɔn yi cí lɛ́ɛ (20)
Toxo e nyí Levíi ví lɛ́ɛ tɔn lɛ́ɛ (21)
Akɔta e ɖo Judɛ́ɛn tɔ ɔ́ sín zǎnzǎnhwe jí lɛ́ɛ lɛ́ kɔ yi ayǐkúngban yětɔn jí (22)
Jozuwée ɖɔ xó tɔn gǔdo gúdo tɔn (23.1—24.28)
Jozuwée kú (24.29-33)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.