Ozée Xónusɔ́ɖóte
Xónusɔ́ɖóte
Gbeyíɖɔ Mawu tɔn Ozée ɖɔ Mawuxó ɖo Izlayɛ́li axɔ́súɖuto taligbé tɔn ɔ́ mɛ; gbeyíɖɔ Mawu tɔn Amɔ́si sín hwenu ko wá yi nɛ́. È ko gba Samalíi tota axɔ́súɖuto taligbé tɔn ɔ́ hwenɛ́nu ǎ. Togun ɔ́ nɔ́ ɖo vodún sɛn wɛ; é nɔ́ se tónú nú Mawu ǎ. Mawu ɖɔ nú Ozée ɖɔ é ní da agalɛtɔ́ ɖokpó; Izlayɛ́li nɔ gbejí nú Mawu ǎ; lě do e nǔ énɛ́ nyí nǔ nyanya sɔ ɔ́ wɛ Mawu jló ná ɖe xlɛ́ Izlayɛ́li bó ɖɔ nú Ozée ɖɔ é ní da agalɛtɔ́. Mawu ɖɔ nú Ozée ɖɔ é ní yí wǎn nú nyɔ̌nu agalɛtɔ́ énɛ́ ɔ́ lě e éyɛ́ Mawu Mavɔmavɔ ɔ́ yí wǎn nú togun tɔn gbɔn é; togun tɔn se tónú n'i ǎ có é yí wǎn n'i.
Mawu mɔ hwɛ e togun tɔn hu ɔ́. Gǎn e ɖo togun ɔ́ nu lɛ́ɛ jó Mawu dó. Togun ɔ́ nɔ́ gán jɛ hlɔ̌nhlɔ́n é ɖésúnɔ tɔn wú; é nɔ́ gán jɛ akɔta e lɛ́ lɛ̌ dó e lɛ́ɛ wú bó nɔ́ gán jɛ vodún lɛ́ɛ wú; yě nɔ́ gán jɛ Mawu wǔ ǎ. Énɛ́ ɔ́, Mawu ylɔ́ hwɛ togun tɔn. É dó hwɛ ɛ bó ɖó hwɛ n'i. É ná dɔn tó n'i. Lo ɔ́, Mawu dó akpá nú togun tɔn ɖɔ émí ná sɔ́ hwɛ kɛ ɛ lě e nyɔ̌nu nɔ́ dó afɔ gbě, bɔ asú tɔn nɔ́ sɔ́ hwɛ kɛ ɛ é ɖɔhun:
Mawu Mavɔmavɔ ɖɔ:
“Un ná sɔ́ afɔ e Izlayɛ́linu lɛ́ɛ dó gbě ɔ́ kɛ yě...
Un sɔ́ ná sin xomɛ dó yě ǎ.” (14.5)
Nǔ tají tají e ɖo wěma ɔ́ mɛ lɛ́ɛ
Ozée da asi bó ɖó vǐ (1—3)
Mawu dó hwɛ Izlayɛ́li bó ɖó hwɛ n'i (4—13)
Mawu sɔ́ hwɛ kɛ togun tɔn (14)
Currently Selected:
Ozée Xónusɔ́ɖóte: FONDC
Highlight
Share
Copy
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ozée Xónusɔ́ɖóte
Xónusɔ́ɖóte
Gbeyíɖɔ Mawu tɔn Ozée ɖɔ Mawuxó ɖo Izlayɛ́li axɔ́súɖuto taligbé tɔn ɔ́ mɛ; gbeyíɖɔ Mawu tɔn Amɔ́si sín hwenu ko wá yi nɛ́. È ko gba Samalíi tota axɔ́súɖuto taligbé tɔn ɔ́ hwenɛ́nu ǎ. Togun ɔ́ nɔ́ ɖo vodún sɛn wɛ; é nɔ́ se tónú nú Mawu ǎ. Mawu ɖɔ nú Ozée ɖɔ é ní da agalɛtɔ́ ɖokpó; Izlayɛ́li nɔ gbejí nú Mawu ǎ; lě do e nǔ énɛ́ nyí nǔ nyanya sɔ ɔ́ wɛ Mawu jló ná ɖe xlɛ́ Izlayɛ́li bó ɖɔ nú Ozée ɖɔ é ní da agalɛtɔ́. Mawu ɖɔ nú Ozée ɖɔ é ní yí wǎn nú nyɔ̌nu agalɛtɔ́ énɛ́ ɔ́ lě e éyɛ́ Mawu Mavɔmavɔ ɔ́ yí wǎn nú togun tɔn gbɔn é; togun tɔn se tónú n'i ǎ có é yí wǎn n'i.
Mawu mɔ hwɛ e togun tɔn hu ɔ́. Gǎn e ɖo togun ɔ́ nu lɛ́ɛ jó Mawu dó. Togun ɔ́ nɔ́ gán jɛ hlɔ̌nhlɔ́n é ɖésúnɔ tɔn wú; é nɔ́ gán jɛ akɔta e lɛ́ lɛ̌ dó e lɛ́ɛ wú bó nɔ́ gán jɛ vodún lɛ́ɛ wú; yě nɔ́ gán jɛ Mawu wǔ ǎ. Énɛ́ ɔ́, Mawu ylɔ́ hwɛ togun tɔn. É dó hwɛ ɛ bó ɖó hwɛ n'i. É ná dɔn tó n'i. Lo ɔ́, Mawu dó akpá nú togun tɔn ɖɔ émí ná sɔ́ hwɛ kɛ ɛ lě e nyɔ̌nu nɔ́ dó afɔ gbě, bɔ asú tɔn nɔ́ sɔ́ hwɛ kɛ ɛ é ɖɔhun:
Mawu Mavɔmavɔ ɖɔ:
“Un ná sɔ́ afɔ e Izlayɛ́linu lɛ́ɛ dó gbě ɔ́ kɛ yě...
Un sɔ́ ná sin xomɛ dó yě ǎ.” (14.5)
Nǔ tají tají e ɖo wěma ɔ́ mɛ lɛ́ɛ
Ozée da asi bó ɖó vǐ (1—3)
Mawu dó hwɛ Izlayɛ́li bó ɖó hwɛ n'i (4—13)
Mawu sɔ́ hwɛ kɛ togun tɔn (14)
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.