Ɛsitɛ́ɛ Glɛ̌sigbe E
E
Wěma e ná vivo Jwifu lɛ́ɛ, lobo ka ɖó hwɛ nú Hamáa é
13 Wɛn e gosín hɔnmɛ é ɖíe: “Aatazɛɛzɛsi axɔ́sú ɖaxó ɔ́ ɖo gbe dó sɛ́ dó afɔ tɔn sɔ́ ɖó te tɔ́ e ɖo azɔ̌ wa wɛ ɖo tota kantɔn tɛ́nwe (127) axɔ́súɖuto tɔn mɛ lɛ́ɛ é wɛ, sín Ɛndu káká wá Ejípu. Un lɛ́ dó gbe nú mɛ e yí gbe nú acɛkpikpa mǐtɔn lɛ́ɛ é bǐ.”
14 “Gbɛtɔ́ gěgé nɔ́ tíin bɔ nǔ nɔ́ jló yě zɛ xwé wú, hwenu e ɖagbewatɔ́ xomɛnyɔ́tɔ́ nɔ́ sɔ́ yě ɖó tɛn ɖaxó ɖé mɛ é, bɔ yě nɔ́ húzú goyítɔ́. 15 Susu e nyí yětɔn é kɛ́ɖɛ́ sɔ́ nɔ́ kpé yě ǎ; nǔ nyanya kɛ́ɖɛ́ wɛ yě nɔ́ ba ná nɔ́ wa nú mɛ e ɖo acɛ mǐtɔn glɔ́ lɛ́ɛ é ǎ, lo ɔ́, yě nɔ́ lɛ́ blá sé ta nú ɖagbewatɔ́ yětɔn lɛ́ɛ. 16 Yě nɔ́ tunwun ɖagbe nú gbɛtɔ́ ɖěbǔ ǎ, bɔ nugoyítɔ́ e ma tunwun nǔ e ɖagbewiwa nyí ǎ lɛ́ɛ é nɔ́ dó cɔcɔ nú yě gbɔn mɔ̌ ɔ́ yě nɔ́ vɛdó sín ɖɔ émí ná xo hwɛjijɔ Mawu tɔn, ée nɔ́ mɔ nǔ bǐ, lobo ka gbɛ́ wǎn nú nǔ nyanya e gló wɛ sín.
17 “Hwɛhwɛ ɔ́, mɛ e ɖó acɛkpikpa lɛ́ɛ é nɔ́ ɖó agban nú xɔ́ntɔn yětɔn e wú yě ɖeji dó ɖɔ yě ná nɔ nǔ émítɔn nu lɛ́ɛ é; acɛ wɛ mɛ énɛ́ lɛ́ɛ nɔ́ kpa zɛ xwé wú. È sixú wá dɔn yě dó nyladó e alɔ ma sixú bló ɖó ǎ é mɛ, lobɔ yě sixú wá ɖó nu ɖo xomɛvɔ́nɔ sín kú mɛ. 18 Nǔgbó wɛ, xɔ́ntɔn énɛ́ lɛ́ɛ hɛn ɔ́, yě ná sɔ́ linlin gblégblé kpó adingban kpó dó flú nukɔntɔ́ ayiɖowɛnnánɔ lɛ́ɛ, bɔ é ná xo akpa ɖo yě wú ɖésú. 19 Ɛɛn mɛgblégblé énɛ́ lɛ́ɛ nɔ́ zán acɛ e ɖo yě sí ɔ́ nyi do, lobo ka nɔ jɛ hwɛ ɖaxó mɛ. Mi hɛn ɔ́, mi ná tɔ́n byɔ́ mɛ gbɔn tan xóxó hwɛndo mǐtɔn lɛ́ɛ tɔn gbla mɛ; lo ɔ́, nǔ e mɔ wɛ nukún mǐtɔn lɛ́ɛ ká ɖe éhɔ́nmɛ din lɛ́ɛ é lɔ ɖ'é mɛ. 20 Nǔ e wú wɛ é lín káká ɔ́, un ná dó gǎn, bɔ fífá kpódó ayij'ayǐ kpó ná tíin nú mɛ bǐ ɖo axɔ́súɖuto ce mɛ é nɛ́. 21 Énɛ́ wú ɔ́, un ná tɛ́nkpɔ́n, bó ná húzú alɔ nú nǔ gěgé ɖo to ɔ́ mɛ, lobɔ xó ɖé ká wá gosín gɔ̌n ce ɔ́, un ná nɔ́ yi agbɔ̌n jí, bó ná nɔ́ gbéjé kpɔ́n ganjí, lobo ka ná nɔ́ xwedó hwɛjijɔ dó gbo hwɛ ná nú tɛgbɛ gbe.
22 “Mi bo nú mǐ ná sɔ́ kpɔ́ndéwú Hamáa Hamadatoví, ée nyí Masedwaninu, bó ká nyí jǒnɔ nú togun Pɛ́si tɔn é tɔn. Nya énɛ́ ɔ́ ɖu su nú xomɛnyínyɔ́ e nyí mǐtɔn é. Nǔ ká ɖo mɔ̌ có un ka yí i dó akpá. 23 É ɖɔ wǎn e mǐ yí nú akɔta e ko ɖo kɛ́ jí lɛ́ɛ é bǐ kpɔ́n káká bɔ è nɔ ylɔ́ ɛ ɖɔ: ‘tɔ́’, lobo húzú mɛ nukúnɖéjí wegɔ́ ɔ́ ɖo axɔ́súɖuto ɔ́ mɛ, bɔ mɛ bǐ nɔ́ wɛ ta n'i. 24 Nǔ ɖo mɔ̌ có nǔ kpo ɖo jlǒjló e wɛ jɛ́n wɛ, bɔ é dó gǎn, bó yí acɛ kpó gbɛ kpó sín así ce, 25 gbɔn adingban kloklo ɖíɖó gbla mɛ, é byɔ́ ɖɔ mi ní hu mɛ e nyí hwlɛngántɔ́ mǐtɔn, lobo ka lɛ́ nyí ɖagbewatɔ́ mǐtɔn é, Maadocée kpódó Ɛsitɛ́ɛ kpó; Ɛsitɛ́ɛ ɖěe nyí sósyɛ́n ɖokpó nú mǐ ɖo gǎnɖuɖu ce mɛ, lobo ka lɛ́ nyí mɛ nukúnɖéjí nú togun ce é. 26 É lin ɖɔ émí zé gbɔn mɔ̌ ɔ́, nyɛ ná jɛ jɔhɔn mɛ, bɔ axɔ́súɖuto Pɛ́si tɔn ná jɛ Masedwaninu lɛ́ɛ sí. 27 Amɔ̌, mǐdɛɛ lɛ́ɛ ɔ́, mǐ mɔ ɖɔ Jwifu e ɖó mɔ énɛ́ lɛ́ɛ ná wɛ é ɖe bó ná hu lɛ́ɛ é kún nyí mɛdídá ɖé ó; é nyɔ́ wa ɔ́, sɛ́n blɔ̌máɖowǔ jí wɛ yě to gbɛ yětɔn ɖó. 28 Mawu gbɛɖe, Aditi, Adimúla ée ɖo axɔ́súɖuto ɔ́ to wɛ ɖo ali jlɔ́jlɔ́ jí sín daágbó mǐtɔn lɛ́ɛ hwenu káká wá tɔ́n din ɖó lě e é jɛ xá gbɔn é sín vǐ wɛ nú yě.
29 “Ényí mi ma ka ké ya nú wěma e Hamini Hamadatɔ́si ví ɔ́ sɛ́ dó ǎ lɛ́ɛ hǔn, é nyɔ́ káká. 30 È ko ká mɛ e wlán wěma énɛ́ lɛ́ɛ é nyi atín jí, ɖo toxo Suzi tɔn mɛ byɔ́byɔ́, éyɛ́ kpódó hɛ̌nnu tɔn bǐ kpán. Mawu ɖěe kpa acɛ dó nǔ e tíin lɛ́ɛ bǐ nu é lín cóbó sɔ́ sɛ́nbá e jɛ xá ɛ é dó xo e ná ǎ. 31 Mi tɛ́ wěma e sɛ́ dó mi wɛ un ɖe din é ɖó fí e mɛ bǐ kpaa ná mɔ xa ɖe lɛ́ɛ é. Mi ní tún kan nú Jwifu lɛ́ɛ nú yě ní vo dó fɔ hwɛndo yětɔn lɛ́ɛ. 32 Mi bo dó alɔ yě ɖo ali bǐ xo, bónú yě ná sixú li za xá mɛ e ná bɔ ɖó nú yě ɖo awěxomɛ hwenu lɛ́ɛ é, ɖo azǎn wǎtɔngɔ́ ɔ́, sunzán wěwegɔ́ ɔ́ e è nɔ ylɔ́ ɖɔ Adáa é gbe. 33 Nǔgbó wɛ, gbe nɛ́ gbe wɛ togun e Mawu ɖe alɔ bo sɔ́ é ɖó ná blíbú. 34 Mi lɔmɔ̌ ɔ́, ɖo flín xwezán mitɔn lɛ́ɛ mɛ ɔ́, mi ná flín azǎn ɖaxó énɛ́ ɔ́, bó ná ɖu xwe tɔn kpó awǎjijɛ kpó, 35 lobɔ, nú din sɔ́ yi nukɔn mɛ ɔ́, é ná nyí hwlɛngán nú mi kpó Pɛ́sinu lɛ́ɛ kpán, lobo ka ná flín mɛ e ɖo sé blá dó ta nú mi wɛ lɛ́ɛ é, ɖɔ yěɖée nǔ wa wɛ yě ká ɖe. 36 To ɖaxó ɖěbǔ, abǐ tokpɔnla ɖěbǔ e mɛ è ma ná xwedó sɛ́n élɔ́ lɛ́ɛ ɖe ǎ lɛ́ɛ é ɔ́, un ná hu to ɔ́ mɛ nu lɛ́ɛ bǐ, lobo ka ná dó to énɛ́ ɔ́ mɛ nu lɛ́ɛ zo. Gbɛtɔ́ lɛ́ɛ kɛ́ɖɛ́ wɛ sɔ́ ɖo sɛ́n énɛ́ ɔ́ ná nyi wɛ din ǎ, lo ɔ́, gběkanlin lɛ́ɛ kpódó xɛ lɛ́ɛ bǐ sésé kpán wɛ.
Currently Selected:
Ɛsitɛ́ɛ Glɛ̌sigbe E: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ɛsitɛ́ɛ Glɛ̌sigbe E
E
Wěma e ná vivo Jwifu lɛ́ɛ, lobo ka ɖó hwɛ nú Hamáa é
13 Wɛn e gosín hɔnmɛ é ɖíe: “Aatazɛɛzɛsi axɔ́sú ɖaxó ɔ́ ɖo gbe dó sɛ́ dó afɔ tɔn sɔ́ ɖó te tɔ́ e ɖo azɔ̌ wa wɛ ɖo tota kantɔn tɛ́nwe (127) axɔ́súɖuto tɔn mɛ lɛ́ɛ é wɛ, sín Ɛndu káká wá Ejípu. Un lɛ́ dó gbe nú mɛ e yí gbe nú acɛkpikpa mǐtɔn lɛ́ɛ é bǐ.”
14 “Gbɛtɔ́ gěgé nɔ́ tíin bɔ nǔ nɔ́ jló yě zɛ xwé wú, hwenu e ɖagbewatɔ́ xomɛnyɔ́tɔ́ nɔ́ sɔ́ yě ɖó tɛn ɖaxó ɖé mɛ é, bɔ yě nɔ́ húzú goyítɔ́. 15 Susu e nyí yětɔn é kɛ́ɖɛ́ sɔ́ nɔ́ kpé yě ǎ; nǔ nyanya kɛ́ɖɛ́ wɛ yě nɔ́ ba ná nɔ́ wa nú mɛ e ɖo acɛ mǐtɔn glɔ́ lɛ́ɛ é ǎ, lo ɔ́, yě nɔ́ lɛ́ blá sé ta nú ɖagbewatɔ́ yětɔn lɛ́ɛ. 16 Yě nɔ́ tunwun ɖagbe nú gbɛtɔ́ ɖěbǔ ǎ, bɔ nugoyítɔ́ e ma tunwun nǔ e ɖagbewiwa nyí ǎ lɛ́ɛ é nɔ́ dó cɔcɔ nú yě gbɔn mɔ̌ ɔ́ yě nɔ́ vɛdó sín ɖɔ émí ná xo hwɛjijɔ Mawu tɔn, ée nɔ́ mɔ nǔ bǐ, lobo ka gbɛ́ wǎn nú nǔ nyanya e gló wɛ sín.
17 “Hwɛhwɛ ɔ́, mɛ e ɖó acɛkpikpa lɛ́ɛ é nɔ́ ɖó agban nú xɔ́ntɔn yětɔn e wú yě ɖeji dó ɖɔ yě ná nɔ nǔ émítɔn nu lɛ́ɛ é; acɛ wɛ mɛ énɛ́ lɛ́ɛ nɔ́ kpa zɛ xwé wú. È sixú wá dɔn yě dó nyladó e alɔ ma sixú bló ɖó ǎ é mɛ, lobɔ yě sixú wá ɖó nu ɖo xomɛvɔ́nɔ sín kú mɛ. 18 Nǔgbó wɛ, xɔ́ntɔn énɛ́ lɛ́ɛ hɛn ɔ́, yě ná sɔ́ linlin gblégblé kpó adingban kpó dó flú nukɔntɔ́ ayiɖowɛnnánɔ lɛ́ɛ, bɔ é ná xo akpa ɖo yě wú ɖésú. 19 Ɛɛn mɛgblégblé énɛ́ lɛ́ɛ nɔ́ zán acɛ e ɖo yě sí ɔ́ nyi do, lobo ka nɔ jɛ hwɛ ɖaxó mɛ. Mi hɛn ɔ́, mi ná tɔ́n byɔ́ mɛ gbɔn tan xóxó hwɛndo mǐtɔn lɛ́ɛ tɔn gbla mɛ; lo ɔ́, nǔ e mɔ wɛ nukún mǐtɔn lɛ́ɛ ká ɖe éhɔ́nmɛ din lɛ́ɛ é lɔ ɖ'é mɛ. 20 Nǔ e wú wɛ é lín káká ɔ́, un ná dó gǎn, bɔ fífá kpódó ayij'ayǐ kpó ná tíin nú mɛ bǐ ɖo axɔ́súɖuto ce mɛ é nɛ́. 21 Énɛ́ wú ɔ́, un ná tɛ́nkpɔ́n, bó ná húzú alɔ nú nǔ gěgé ɖo to ɔ́ mɛ, lobɔ xó ɖé ká wá gosín gɔ̌n ce ɔ́, un ná nɔ́ yi agbɔ̌n jí, bó ná nɔ́ gbéjé kpɔ́n ganjí, lobo ka ná nɔ́ xwedó hwɛjijɔ dó gbo hwɛ ná nú tɛgbɛ gbe.
22 “Mi bo nú mǐ ná sɔ́ kpɔ́ndéwú Hamáa Hamadatoví, ée nyí Masedwaninu, bó ká nyí jǒnɔ nú togun Pɛ́si tɔn é tɔn. Nya énɛ́ ɔ́ ɖu su nú xomɛnyínyɔ́ e nyí mǐtɔn é. Nǔ ká ɖo mɔ̌ có un ka yí i dó akpá. 23 É ɖɔ wǎn e mǐ yí nú akɔta e ko ɖo kɛ́ jí lɛ́ɛ é bǐ kpɔ́n káká bɔ è nɔ ylɔ́ ɛ ɖɔ: ‘tɔ́’, lobo húzú mɛ nukúnɖéjí wegɔ́ ɔ́ ɖo axɔ́súɖuto ɔ́ mɛ, bɔ mɛ bǐ nɔ́ wɛ ta n'i. 24 Nǔ ɖo mɔ̌ có nǔ kpo ɖo jlǒjló e wɛ jɛ́n wɛ, bɔ é dó gǎn, bó yí acɛ kpó gbɛ kpó sín así ce, 25 gbɔn adingban kloklo ɖíɖó gbla mɛ, é byɔ́ ɖɔ mi ní hu mɛ e nyí hwlɛngántɔ́ mǐtɔn, lobo ka lɛ́ nyí ɖagbewatɔ́ mǐtɔn é, Maadocée kpódó Ɛsitɛ́ɛ kpó; Ɛsitɛ́ɛ ɖěe nyí sósyɛ́n ɖokpó nú mǐ ɖo gǎnɖuɖu ce mɛ, lobo ka lɛ́ nyí mɛ nukúnɖéjí nú togun ce é. 26 É lin ɖɔ émí zé gbɔn mɔ̌ ɔ́, nyɛ ná jɛ jɔhɔn mɛ, bɔ axɔ́súɖuto Pɛ́si tɔn ná jɛ Masedwaninu lɛ́ɛ sí. 27 Amɔ̌, mǐdɛɛ lɛ́ɛ ɔ́, mǐ mɔ ɖɔ Jwifu e ɖó mɔ énɛ́ lɛ́ɛ ná wɛ é ɖe bó ná hu lɛ́ɛ é kún nyí mɛdídá ɖé ó; é nyɔ́ wa ɔ́, sɛ́n blɔ̌máɖowǔ jí wɛ yě to gbɛ yětɔn ɖó. 28 Mawu gbɛɖe, Aditi, Adimúla ée ɖo axɔ́súɖuto ɔ́ to wɛ ɖo ali jlɔ́jlɔ́ jí sín daágbó mǐtɔn lɛ́ɛ hwenu káká wá tɔ́n din ɖó lě e é jɛ xá gbɔn é sín vǐ wɛ nú yě.
29 “Ényí mi ma ka ké ya nú wěma e Hamini Hamadatɔ́si ví ɔ́ sɛ́ dó ǎ lɛ́ɛ hǔn, é nyɔ́ káká. 30 È ko ká mɛ e wlán wěma énɛ́ lɛ́ɛ é nyi atín jí, ɖo toxo Suzi tɔn mɛ byɔ́byɔ́, éyɛ́ kpódó hɛ̌nnu tɔn bǐ kpán. Mawu ɖěe kpa acɛ dó nǔ e tíin lɛ́ɛ bǐ nu é lín cóbó sɔ́ sɛ́nbá e jɛ xá ɛ é dó xo e ná ǎ. 31 Mi tɛ́ wěma e sɛ́ dó mi wɛ un ɖe din é ɖó fí e mɛ bǐ kpaa ná mɔ xa ɖe lɛ́ɛ é. Mi ní tún kan nú Jwifu lɛ́ɛ nú yě ní vo dó fɔ hwɛndo yětɔn lɛ́ɛ. 32 Mi bo dó alɔ yě ɖo ali bǐ xo, bónú yě ná sixú li za xá mɛ e ná bɔ ɖó nú yě ɖo awěxomɛ hwenu lɛ́ɛ é, ɖo azǎn wǎtɔngɔ́ ɔ́, sunzán wěwegɔ́ ɔ́ e è nɔ ylɔ́ ɖɔ Adáa é gbe. 33 Nǔgbó wɛ, gbe nɛ́ gbe wɛ togun e Mawu ɖe alɔ bo sɔ́ é ɖó ná blíbú. 34 Mi lɔmɔ̌ ɔ́, ɖo flín xwezán mitɔn lɛ́ɛ mɛ ɔ́, mi ná flín azǎn ɖaxó énɛ́ ɔ́, bó ná ɖu xwe tɔn kpó awǎjijɛ kpó, 35 lobɔ, nú din sɔ́ yi nukɔn mɛ ɔ́, é ná nyí hwlɛngán nú mi kpó Pɛ́sinu lɛ́ɛ kpán, lobo ka ná flín mɛ e ɖo sé blá dó ta nú mi wɛ lɛ́ɛ é, ɖɔ yěɖée nǔ wa wɛ yě ká ɖe. 36 To ɖaxó ɖěbǔ, abǐ tokpɔnla ɖěbǔ e mɛ è ma ná xwedó sɛ́n élɔ́ lɛ́ɛ ɖe ǎ lɛ́ɛ é ɔ́, un ná hu to ɔ́ mɛ nu lɛ́ɛ bǐ, lobo ka ná dó to énɛ́ ɔ́ mɛ nu lɛ́ɛ zo. Gbɛtɔ́ lɛ́ɛ kɛ́ɖɛ́ wɛ sɔ́ ɖo sɛ́n énɛ́ ɔ́ ná nyi wɛ din ǎ, lo ɔ́, gběkanlin lɛ́ɛ kpódó xɛ lɛ́ɛ bǐ sésé kpán wɛ.
La Bible en langue fon © Alliance Biblique du Bénin, 2012.