Ɛsitɛ́ɛ Glɛ̌sigbe 4
4
Maadocée byɔ́ Ɛsitɛ́ɛ ɖɔ é ní d'alɔ hɔn kpá ɖo axɔ́sú ɔ́ gɔ́n nú émí
1 Ée Maadocée se xó e wá é ɔ́, é vún awu dó kɔ nú éɖée, bó sɔ́ ati dó, bó lɛ afín. É wlí ali ɖaxó e ɖo to ɔ́ mɛ ɔ́, lobo ɖo xó sú wɛ syɛ́nsyɛ́n ɖɔ: “È jlǒ ná sú togun xomɛvɔ́nɔ ɖé sín kún dó.” 2 Énɛ́ gúdo ɔ́, é wá nɔ te ɖo axɔ́sú ɔ́ sín hɔntogbó jí, lobo nɔ te ɖo fínɛ́; nǔgbó wɛ, é ɖó acɛ e zɔn ati kpó afín kpó mɛ yi hɔn ɔ́ mɛ é ǎ. 3 Tokpɔn ɖěbǔ e mɛ è ko sixú xa sɛ́nwéma énɛ́ ɔ́ ɖe ɔ́, alěníná, nubláblá, kpódó aluwɛ ɖaxó kpó mɛ jɛ́n Judéenu lɛ́ɛ nɔ́ byɔ́, lobɔ mɛ bǐ nɔ́ dó ati lobo nɔ lɛ afín.
4 Mɛ e nɔ sɛn axɔ́si Ɛsitɛ́ɛ lɛ́ɛ kpó mɛ e nɔ nya xɛ ɖo jǐ tɔn lɛ́ɛ kpó wá gba akpá n'i. Ée é se nǔ e ɖo jijɛ wɛ ɔ́, ayi tɔn bǐ gbadó. É bɛ́ avɔ sɛ́ dó Maadocée nú é ná dó, lobo ɖe ati sín wǔ; lo ɔ́, Maadocée gbɛ́ nǔ lɛ́ɛ bǐ. 5 Hwenɛ́nu ɔ́, Ɛsitɛ́ɛ zɔ́n bɔ è wǎ ylɔ́ Haklatayɔsi agooɖojǐe e ɖo kan tɔn nu é wá n'i; é sɛ́ ɛ dó Maadocée gɔ́n ɖɔ ní yi ba do nú xó ɔ́ céɖécéɖé. 7 Maadocée ɖɔ nǔ e jɛ é kpó akwɛ́ talɛ́nti děgba we afɔwó (10.000) e sín akpá Hamáa dó nú axɔ́sú ɔ́, bó ná mɔ tɛn nú è hu Jwifu lɛ́ɛ bǐ é nú mɛsɛ́dó ɔ́. 8 É lɛ́ sɔ́ sɛ́nwéma e è xa ɖo Suzi, ɖó Jwifu lɛ́ɛ ná hu tamɛ é ɖokpó n'i, nú é ná xlɛ́ Ɛsitɛ́ɛ. É ɖɔ d'é jí ɖɔ: “Ɖɔ n'i ɖo nyǐkɔ ce mɛ ɖɔ ní yi mɔ axɔ́sú ɔ́, lobo sa vo n'i dó togun e nyí towe ɔ́ tamɛ. A nǎ ɖɔ n'i ɖɔ: ‘Flín hwenu e a ma ko nyí mɛɖé ǎ é ɔ́, lě e un hɛn we gbɔn é; ɖó Hamáa e nyí mɛ nukúnɖéjí wegɔ́ ɔ́ e ɖo axɔ́súɖuto ɔ́ mɛ ɔ́ ɖɔ xó mǐtɔn nyanya nú axɔ́sú ɔ́ nú é ná hu mǐ. Ylɔ̌ Aklúnɔ, bó ɖɔ xó nú axɔ́sú ɔ́ ɖó nu mǐtɔn. Hwlɛ̌n mǐ ɖo kú sí.’ ” 9 Haklatayɔsi wá ɖó gbe énɛ́ lɛ́ɛ bǐ nú Ɛsitɛ́ɛ. 10 Hwenɛ́nu ɔ́, Ɛsitɛ́ɛ zɔ́n Haklatayɔsi ɖɔ: “Yi ɖɔ xó élɔ́ nú Maadocée ɖɔ: 11 Mɛ e ɖo axɔ́súɖuto ɔ́ mɛ lɛ́ɛ é bǐ wɛ tunwun ɖɔ mɛɖéján, súnnu abǐ nyɔ̌nu kún nɔ́ yi axɔ́sú ɔ́ gɔ́n ɖo hɔnmɛ axɔ́sú ɔ́ ma ylɔ́ ɛ mɛ vo ó; nǔ nyí mɔ̌ ɔ́, mɛ énɛ́ ɔ́ ná kú, afi mɛ e axɔ́sú ɔ́ ɖésú sɛ́ axɔ́súkpogɛ tɔn dó é; mɛ énɛ́ ɔ́ ná gán. Nyɛ ɔ́, é kó bló azǎn gban din bɔ è sɔ́ ylɔ́ mì nú má sɛkpɔ́ axɔ́sú ɔ́ ǎ.” 12 Haklatayɔsi ɖó gbe lɛ́ɛ bǐ nú Maadocée. 13 Hwenɛ́nu ɔ́, Maadocée zɔ́n bɔ è yi ɖɔ nú axɔ́si ɔ́ ɖɔ: “Ma lin gbeɖé ɖɔ émí ɖokpó géé ɖo axɔ́súɖuto ɔ́ bǐ sésé mɛ ɔ́ ná xo nǔ e ɖo te nú Jwifu lɛ́ɛ é gló ó. 14 Ényí a gbɛ̌, bó má kɛ nu dó xó ɔ́ mɛ din ǎ ɔ́, alɔdó kpódó ahwanjɛmɛjí kpó ná gosín fí ɖěvo wá nú Jwifu lɛ́ɛ, amɔ̌, hwɛ ɔ́, a nǎ kú, lobɔ hɛ̌nnu towe sín kún ná sú dó. Amɔ̌, mɛ̌ wɛ tunwun, é sixú nyí ninɔmɛ e ɖo te nú mǐ din é wɛ Mawu kó sixú mɔ bɔ a dǒ húzú axɔ́si.” 15 Hwenɛ́nu ɔ́, Ɛsitɛ́ɛ lɛ́ nyi mɛ e wá dó wɛn n'i é sɛ́ dó nú è nǎ yi ɖɔ nú Maadocée ɖɔ: 16 “Yi xo Jwifu e ɖo Suzi lɛ́ɛ bǐ kplé nú mi blá nu dó ta ce mɛ. Mi ná gɔn nǔ ɖu, bó ná gɔn sin nu nú zǎn kpó kéze kpó atɔn. Kásɛntɔ́ ce lɛ́ɛ kpó nyɛ ɖésú kpó ɔ́, mǐ lɔ ná bló gbɔn mɔ̌. Énɛ́ gúdo ɔ́, é ná bó ma ɖo sɛ́nxwi jí ǎ, lobɔ é ká byɔ́ ɖɔ má yi vɔ ɖ'é mɛ ɔ́, un ná sɔ́ ta nyi gbě, lobo ná yi Dadá ɔ́ gɔ́n ɖo hɔnmɛ.” 17 Maadocée yi wa nǔ e Ɛsitɛ́ɛ zɔ́n ɛ lɛ́ɛ é.
Currently Selected:
Ɛsitɛ́ɛ Glɛ̌sigbe 4: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ɛsitɛ́ɛ Glɛ̌sigbe 4
4
Maadocée byɔ́ Ɛsitɛ́ɛ ɖɔ é ní d'alɔ hɔn kpá ɖo axɔ́sú ɔ́ gɔ́n nú émí
1 Ée Maadocée se xó e wá é ɔ́, é vún awu dó kɔ nú éɖée, bó sɔ́ ati dó, bó lɛ afín. É wlí ali ɖaxó e ɖo to ɔ́ mɛ ɔ́, lobo ɖo xó sú wɛ syɛ́nsyɛ́n ɖɔ: “È jlǒ ná sú togun xomɛvɔ́nɔ ɖé sín kún dó.” 2 Énɛ́ gúdo ɔ́, é wá nɔ te ɖo axɔ́sú ɔ́ sín hɔntogbó jí, lobo nɔ te ɖo fínɛ́; nǔgbó wɛ, é ɖó acɛ e zɔn ati kpó afín kpó mɛ yi hɔn ɔ́ mɛ é ǎ. 3 Tokpɔn ɖěbǔ e mɛ è ko sixú xa sɛ́nwéma énɛ́ ɔ́ ɖe ɔ́, alěníná, nubláblá, kpódó aluwɛ ɖaxó kpó mɛ jɛ́n Judéenu lɛ́ɛ nɔ́ byɔ́, lobɔ mɛ bǐ nɔ́ dó ati lobo nɔ lɛ afín.
4 Mɛ e nɔ sɛn axɔ́si Ɛsitɛ́ɛ lɛ́ɛ kpó mɛ e nɔ nya xɛ ɖo jǐ tɔn lɛ́ɛ kpó wá gba akpá n'i. Ée é se nǔ e ɖo jijɛ wɛ ɔ́, ayi tɔn bǐ gbadó. É bɛ́ avɔ sɛ́ dó Maadocée nú é ná dó, lobo ɖe ati sín wǔ; lo ɔ́, Maadocée gbɛ́ nǔ lɛ́ɛ bǐ. 5 Hwenɛ́nu ɔ́, Ɛsitɛ́ɛ zɔ́n bɔ è wǎ ylɔ́ Haklatayɔsi agooɖojǐe e ɖo kan tɔn nu é wá n'i; é sɛ́ ɛ dó Maadocée gɔ́n ɖɔ ní yi ba do nú xó ɔ́ céɖécéɖé. 7 Maadocée ɖɔ nǔ e jɛ é kpó akwɛ́ talɛ́nti děgba we afɔwó (10.000) e sín akpá Hamáa dó nú axɔ́sú ɔ́, bó ná mɔ tɛn nú è hu Jwifu lɛ́ɛ bǐ é nú mɛsɛ́dó ɔ́. 8 É lɛ́ sɔ́ sɛ́nwéma e è xa ɖo Suzi, ɖó Jwifu lɛ́ɛ ná hu tamɛ é ɖokpó n'i, nú é ná xlɛ́ Ɛsitɛ́ɛ. É ɖɔ d'é jí ɖɔ: “Ɖɔ n'i ɖo nyǐkɔ ce mɛ ɖɔ ní yi mɔ axɔ́sú ɔ́, lobo sa vo n'i dó togun e nyí towe ɔ́ tamɛ. A nǎ ɖɔ n'i ɖɔ: ‘Flín hwenu e a ma ko nyí mɛɖé ǎ é ɔ́, lě e un hɛn we gbɔn é; ɖó Hamáa e nyí mɛ nukúnɖéjí wegɔ́ ɔ́ e ɖo axɔ́súɖuto ɔ́ mɛ ɔ́ ɖɔ xó mǐtɔn nyanya nú axɔ́sú ɔ́ nú é ná hu mǐ. Ylɔ̌ Aklúnɔ, bó ɖɔ xó nú axɔ́sú ɔ́ ɖó nu mǐtɔn. Hwlɛ̌n mǐ ɖo kú sí.’ ” 9 Haklatayɔsi wá ɖó gbe énɛ́ lɛ́ɛ bǐ nú Ɛsitɛ́ɛ. 10 Hwenɛ́nu ɔ́, Ɛsitɛ́ɛ zɔ́n Haklatayɔsi ɖɔ: “Yi ɖɔ xó élɔ́ nú Maadocée ɖɔ: 11 Mɛ e ɖo axɔ́súɖuto ɔ́ mɛ lɛ́ɛ é bǐ wɛ tunwun ɖɔ mɛɖéján, súnnu abǐ nyɔ̌nu kún nɔ́ yi axɔ́sú ɔ́ gɔ́n ɖo hɔnmɛ axɔ́sú ɔ́ ma ylɔ́ ɛ mɛ vo ó; nǔ nyí mɔ̌ ɔ́, mɛ énɛ́ ɔ́ ná kú, afi mɛ e axɔ́sú ɔ́ ɖésú sɛ́ axɔ́súkpogɛ tɔn dó é; mɛ énɛ́ ɔ́ ná gán. Nyɛ ɔ́, é kó bló azǎn gban din bɔ è sɔ́ ylɔ́ mì nú má sɛkpɔ́ axɔ́sú ɔ́ ǎ.” 12 Haklatayɔsi ɖó gbe lɛ́ɛ bǐ nú Maadocée. 13 Hwenɛ́nu ɔ́, Maadocée zɔ́n bɔ è yi ɖɔ nú axɔ́si ɔ́ ɖɔ: “Ma lin gbeɖé ɖɔ émí ɖokpó géé ɖo axɔ́súɖuto ɔ́ bǐ sésé mɛ ɔ́ ná xo nǔ e ɖo te nú Jwifu lɛ́ɛ é gló ó. 14 Ényí a gbɛ̌, bó má kɛ nu dó xó ɔ́ mɛ din ǎ ɔ́, alɔdó kpódó ahwanjɛmɛjí kpó ná gosín fí ɖěvo wá nú Jwifu lɛ́ɛ, amɔ̌, hwɛ ɔ́, a nǎ kú, lobɔ hɛ̌nnu towe sín kún ná sú dó. Amɔ̌, mɛ̌ wɛ tunwun, é sixú nyí ninɔmɛ e ɖo te nú mǐ din é wɛ Mawu kó sixú mɔ bɔ a dǒ húzú axɔ́si.” 15 Hwenɛ́nu ɔ́, Ɛsitɛ́ɛ lɛ́ nyi mɛ e wá dó wɛn n'i é sɛ́ dó nú è nǎ yi ɖɔ nú Maadocée ɖɔ: 16 “Yi xo Jwifu e ɖo Suzi lɛ́ɛ bǐ kplé nú mi blá nu dó ta ce mɛ. Mi ná gɔn nǔ ɖu, bó ná gɔn sin nu nú zǎn kpó kéze kpó atɔn. Kásɛntɔ́ ce lɛ́ɛ kpó nyɛ ɖésú kpó ɔ́, mǐ lɔ ná bló gbɔn mɔ̌. Énɛ́ gúdo ɔ́, é ná bó ma ɖo sɛ́nxwi jí ǎ, lobɔ é ká byɔ́ ɖɔ má yi vɔ ɖ'é mɛ ɔ́, un ná sɔ́ ta nyi gbě, lobo ná yi Dadá ɔ́ gɔ́n ɖo hɔnmɛ.” 17 Maadocée yi wa nǔ e Ɛsitɛ́ɛ zɔ́n ɛ lɛ́ɛ é.
La Bible en langue fon © Alliance Biblique du Bénin, 2012.