Ɛsitɛ́ɛ Glɛ̌sigbe 1
1
Agɔ̌ gɛnnyigɛnnyi e axɔ́sú Aatazɛɛzɛsi ɖu é
18 [1] Tan e kpi gbé è ja din é ɔ́, hwenu e Aatazɛɛzɛsi ɖu axɔ́sú dó to vovo kantɔn tɛ́nwe (127) nu sín Ɛndu dɔ̌n é sín tan wɛ. 19 Hwe énɛ́ nu e Aatazɛɛzɛsi wá yi zinkpo jí ɖo Suzi tomɛ ɔ́, 20 xwe tɔn atɔngɔ́ ɔ́ mɛ ɔ́, é wá ylɔ́ agɔ̌ nú xɔ́ntɔn tɔn lɛ́ɛ, akɔta ɖě lɛ́ɛ bǐ, mɛ nukúnɖéjí Pɛ́si tɔn, Mɛdi tɔn, kpódó tokpɔnlagán tɛnmɛ tɛnmɛ lɛ́ɛ kpó. 21 É sɔ́ azǎn kɛnnɛ ko (180) ɖó te, bó xlɛ́ yě todɔkun tɔn lɛ́ɛ kpódó lě e é hun nukún gbɔn lobo ka nɔ ɖu gbɛ sɔ lé. 22 Ée yě ɖu agɔ̌ ɔ́ wá yi gúdo é ɔ́, axɔ́sú ɔ́ wá flɔ́n mɛ tɔn lɛ́ɛ xɔ azǎn ayizɛ́n. 23 Avɔ wěwé pépé ɖé lɛ́ɛ, nǔ koklójónɔ kpódó nǔ vɔvɔ ɖé lɛ́ɛ kpó wɛ è sin dó lɛ̌ɛnkan didɛ nu, bó dó va kɔ́xo ɔ́ bǐ; zinkpo bubɔ ɖé lɛ́ɛ wɛ è tɛ́ ɖó xwé ɔ́ gbe bǐ. Zanjívɔ ɖé lɛ́ɛ lɔ bɔ è kó kpó hwɛkan lɛ́ɛ bǐ kpó, bɔ koklójó gbɔn fí bǐ. 24 Sikákɔ́fu ɖagbe ɖagbe axivɛ́ xivɛ́ ɖé lɛ́ɛ kɛ́ɖɛ́ wɛ è ɖe tɔ́n kpódó vɛ̌ɛn ɖagbe ɖagbe tobutóbú ɖé kpán, bɔ è yi sɔ́ ɖo ée axɔ́sú nu kpo lɛ́ɛ é mɛ. 25 È vɛ ahan dó mɛ ɖé wú ǎ. Axɔ́sú ɔ́ ná gbe kásɛntɔ́ tɔn lɛ́ɛ ɖɔ è nǐ ná ahan mɛ lɛ́ɛ ɖokpó ɖokpó lě e é jló e gbɔn é. 26 Axɔ́si Asitɛ́ɛn lɔ ɖo xwe ɖu nú nyɔ̌nu lɛ́ɛ wɛ ɖo axɔ́sú Aatazɛɛzɛsi sín hɔn ɔ́ mɛ.
Axɔ́si Asitɛ́ɛn sín nǔ nyɔ́ axɔ́sú ɔ́ nukún mɛ ǎ
27 Xwe ɖuɖu ɔ́ sín azǎn tɛ́nwegɔ́ ɔ́ gbe ɔ́, xomɛ ɖaxó ɖé hun axɔ́sú ɔ́, bɔ é ylɔ́ agooɖojǐe e ɖo kan tɔn nu lɛ́ɛ é: Hamáa, Bazani, Talaa, Bolazɛ, Zatoluta, Abataza kpódó Talaba kpán; glegbenu tɛ́nwe ɖěe è sá bó bɛ́ kɔn nyi hɔn ɔ́ mɛ nú è nǎ sɛn axɔ́sú Aatazɛɛzɛsi lɛ́ɛ, bó ɖɔ nú yě ɖɔ 28 yě ni kplá axɔ́si ɔ́ wá nukɔn émítɔn nú è nǎ xwe jɛ̌gbákún n'i, lobo nú gǎn hɔn-yitɔ́ lɛ́ɛ kpódó akɔta lɛ́ɛ bǐ kpán ná mɔ ɖɛkpɛ tɔn; ɖó é nyɔ́ ɖɛkpɛ ɖésú. 29 Lo ɔ́, axɔ́si Asitɛ́ɛn gbɛ́ ɖɔ émí kún ná xwedó agooɖojǐe lɛ́ɛ ó; xomɛ ka sin axɔ́sú ɔ́ taala. 30 É ɖɔ nú xɔ́ntɔn tɔn lɛ́ɛ ɖɔ: “gbe e Asitɛ́ɛn yí é ná. Mi bo gbéjé xó nɛ́ ɔ́ kpɔ́n nú mì.” 31 Aakesayosu, Saasatayosu kpódó Maleseya kpó ée nyí gǎn hɔn-yitɔ́ Pɛ́si kpódó Mɛdinu lɛ́ɛ kpó tɔn ɖo axɔ́sú ɔ́ kpá, lobo bɔ dó wǔ tɔn kɛ́nnɛ́kɛ́nnɛ́ lɛ́ɛ é sɛkpɔ́ ɛ. 32 Yě ɖɔ n'i ɖɔ: “Gbetakɛ́n e axɔ́sú ɔ́ ɖe tɔ́n, bɔ agooɖojǐe lɛ́ɛ yi ɖɔ nú axɔ́si Asitɛ́ɛn é ɔ́, é se tónú ná ǎ. Yě ɖɔ nǔ e è sixú nɔ sɛ́nxwi jí bó wa nú axɔ́si Asitɛ́ɛn e gbɛ́ gbe n'i é ɔ́ n'i.” 33 Mukayiosu yí xó ɖo axɔ́sú ɔ́ kpó gǎn hɔn-yitɔ́ lɛ́ɛ bǐ sésé kpó nukɔn bó ɖɔ: “Axɔ́sú ɔ́ kɛ́ɖɛ́ wɛ é sɔ́ xo kɔ́ ǎ, lo ɔ́, gǎn hɔn-yitɔ́ lɛ́ɛ kpódó mɛ e ko ɖo nǔɖé nǔɖé nu ɖo hɔn ɔ́ mɛ lɛ́ɛ é bǐ sésé kpó wɛ. 34 Axɔ́sú ɔ́ ɖɔ nǔ e axɔ́si ɔ́ ɖɔ ɔ́ kpódó lě e é yí gbe n'i gbɔn é kpó nú yě. Lě e é yí gbe nú axɔ́sú Aatazɛɛzɛsi gbɔn é 35 jɛ́n wɛ nyɔ̌nu gǎn hɔn-yitɔ́ Pɛ́si kpódó Mɛdi tɔn lɛ́ɛ kpó, hwenu e yě ná wá se gbe e é yí nú axɔ́sú ɔ́ é ɔ́, yě lɔ ɔ́ ná wá kɔ́n wi mɔ̌hun nú asú yětɔn lɛ́ɛ é nɛ́. 36 È ma sin xomɛ ó, è nǐ kɛnklɛ́n bó ɖe gbetakɛ́n ɖé tɔ́n nú è nǎ ba tɛn n'i ɖo sɛ́n e ɖɔ nǔ dó Pɛ́si lɛ́ɛ kpódó Mɛdi lɛ́ɛ kpó nu é mɛ. È ma sɔ́ wa nǔɖé hú mɔ̌ ó! Axɔ́si ɔ́ ma ka sɛkpɔ́ mɛ ó, lobo nú è ka yí axɔ́si ɔ́ sín así tɔn bó sɔ́ jó nú nyɔ̌nu e nyɔ́ hú mɔ̌ é. 37 Gbetakɛ́n énɛ́ e a nǎ ɖe tɔ́n é ɔ́, mɛ bǐ ná tunwun, bó ná nyi ɖo axɔ́súɖuto ɔ́ bǐ mɛ. Gbɔn mɔ̌ ɔ́, nyɔ̌nu lɛ́ɛ ná ɖó sísí nú asú yětɔn lɛ́ɛ, bɛ́ sín wamamɔnɔ lɛ́ɛ jí káká yi dɔkunnɔ lɛ́ɛ jí.” 38 Nǔ ɔ́ nyɔ́ axɔ́sú ɔ́ nukún mɛ, é lɛ́ jɛ jí nú gǎn hɔn-yitɔ́ lɛ́ɛ ɖésú. Axɔ́sú ɔ́ bló gbɔn lě e Mukayiosu ɖɔ gbɔn é. 39 Xá ɔ́ mɛ sín gbe ɖokpó ɖokpó mɛ wɛ è wlǎn wěma ɔ́ dó. Gbɔn mɔ̌ ɔ́, sísí ɖó nú acɛkpikpa ɔ́ jínjɔ́n hɛ̌nnu ɖokpó ɖokpó mɛ.
Currently Selected:
Ɛsitɛ́ɛ Glɛ̌sigbe 1: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ɛsitɛ́ɛ Glɛ̌sigbe 1
1
Agɔ̌ gɛnnyigɛnnyi e axɔ́sú Aatazɛɛzɛsi ɖu é
18 [1] Tan e kpi gbé è ja din é ɔ́, hwenu e Aatazɛɛzɛsi ɖu axɔ́sú dó to vovo kantɔn tɛ́nwe (127) nu sín Ɛndu dɔ̌n é sín tan wɛ. 19 Hwe énɛ́ nu e Aatazɛɛzɛsi wá yi zinkpo jí ɖo Suzi tomɛ ɔ́, 20 xwe tɔn atɔngɔ́ ɔ́ mɛ ɔ́, é wá ylɔ́ agɔ̌ nú xɔ́ntɔn tɔn lɛ́ɛ, akɔta ɖě lɛ́ɛ bǐ, mɛ nukúnɖéjí Pɛ́si tɔn, Mɛdi tɔn, kpódó tokpɔnlagán tɛnmɛ tɛnmɛ lɛ́ɛ kpó. 21 É sɔ́ azǎn kɛnnɛ ko (180) ɖó te, bó xlɛ́ yě todɔkun tɔn lɛ́ɛ kpódó lě e é hun nukún gbɔn lobo ka nɔ ɖu gbɛ sɔ lé. 22 Ée yě ɖu agɔ̌ ɔ́ wá yi gúdo é ɔ́, axɔ́sú ɔ́ wá flɔ́n mɛ tɔn lɛ́ɛ xɔ azǎn ayizɛ́n. 23 Avɔ wěwé pépé ɖé lɛ́ɛ, nǔ koklójónɔ kpódó nǔ vɔvɔ ɖé lɛ́ɛ kpó wɛ è sin dó lɛ̌ɛnkan didɛ nu, bó dó va kɔ́xo ɔ́ bǐ; zinkpo bubɔ ɖé lɛ́ɛ wɛ è tɛ́ ɖó xwé ɔ́ gbe bǐ. Zanjívɔ ɖé lɛ́ɛ lɔ bɔ è kó kpó hwɛkan lɛ́ɛ bǐ kpó, bɔ koklójó gbɔn fí bǐ. 24 Sikákɔ́fu ɖagbe ɖagbe axivɛ́ xivɛ́ ɖé lɛ́ɛ kɛ́ɖɛ́ wɛ è ɖe tɔ́n kpódó vɛ̌ɛn ɖagbe ɖagbe tobutóbú ɖé kpán, bɔ è yi sɔ́ ɖo ée axɔ́sú nu kpo lɛ́ɛ é mɛ. 25 È vɛ ahan dó mɛ ɖé wú ǎ. Axɔ́sú ɔ́ ná gbe kásɛntɔ́ tɔn lɛ́ɛ ɖɔ è nǐ ná ahan mɛ lɛ́ɛ ɖokpó ɖokpó lě e é jló e gbɔn é. 26 Axɔ́si Asitɛ́ɛn lɔ ɖo xwe ɖu nú nyɔ̌nu lɛ́ɛ wɛ ɖo axɔ́sú Aatazɛɛzɛsi sín hɔn ɔ́ mɛ.
Axɔ́si Asitɛ́ɛn sín nǔ nyɔ́ axɔ́sú ɔ́ nukún mɛ ǎ
27 Xwe ɖuɖu ɔ́ sín azǎn tɛ́nwegɔ́ ɔ́ gbe ɔ́, xomɛ ɖaxó ɖé hun axɔ́sú ɔ́, bɔ é ylɔ́ agooɖojǐe e ɖo kan tɔn nu lɛ́ɛ é: Hamáa, Bazani, Talaa, Bolazɛ, Zatoluta, Abataza kpódó Talaba kpán; glegbenu tɛ́nwe ɖěe è sá bó bɛ́ kɔn nyi hɔn ɔ́ mɛ nú è nǎ sɛn axɔ́sú Aatazɛɛzɛsi lɛ́ɛ, bó ɖɔ nú yě ɖɔ 28 yě ni kplá axɔ́si ɔ́ wá nukɔn émítɔn nú è nǎ xwe jɛ̌gbákún n'i, lobo nú gǎn hɔn-yitɔ́ lɛ́ɛ kpódó akɔta lɛ́ɛ bǐ kpán ná mɔ ɖɛkpɛ tɔn; ɖó é nyɔ́ ɖɛkpɛ ɖésú. 29 Lo ɔ́, axɔ́si Asitɛ́ɛn gbɛ́ ɖɔ émí kún ná xwedó agooɖojǐe lɛ́ɛ ó; xomɛ ka sin axɔ́sú ɔ́ taala. 30 É ɖɔ nú xɔ́ntɔn tɔn lɛ́ɛ ɖɔ: “gbe e Asitɛ́ɛn yí é ná. Mi bo gbéjé xó nɛ́ ɔ́ kpɔ́n nú mì.” 31 Aakesayosu, Saasatayosu kpódó Maleseya kpó ée nyí gǎn hɔn-yitɔ́ Pɛ́si kpódó Mɛdinu lɛ́ɛ kpó tɔn ɖo axɔ́sú ɔ́ kpá, lobo bɔ dó wǔ tɔn kɛ́nnɛ́kɛ́nnɛ́ lɛ́ɛ é sɛkpɔ́ ɛ. 32 Yě ɖɔ n'i ɖɔ: “Gbetakɛ́n e axɔ́sú ɔ́ ɖe tɔ́n, bɔ agooɖojǐe lɛ́ɛ yi ɖɔ nú axɔ́si Asitɛ́ɛn é ɔ́, é se tónú ná ǎ. Yě ɖɔ nǔ e è sixú nɔ sɛ́nxwi jí bó wa nú axɔ́si Asitɛ́ɛn e gbɛ́ gbe n'i é ɔ́ n'i.” 33 Mukayiosu yí xó ɖo axɔ́sú ɔ́ kpó gǎn hɔn-yitɔ́ lɛ́ɛ bǐ sésé kpó nukɔn bó ɖɔ: “Axɔ́sú ɔ́ kɛ́ɖɛ́ wɛ é sɔ́ xo kɔ́ ǎ, lo ɔ́, gǎn hɔn-yitɔ́ lɛ́ɛ kpódó mɛ e ko ɖo nǔɖé nǔɖé nu ɖo hɔn ɔ́ mɛ lɛ́ɛ é bǐ sésé kpó wɛ. 34 Axɔ́sú ɔ́ ɖɔ nǔ e axɔ́si ɔ́ ɖɔ ɔ́ kpódó lě e é yí gbe n'i gbɔn é kpó nú yě. Lě e é yí gbe nú axɔ́sú Aatazɛɛzɛsi gbɔn é 35 jɛ́n wɛ nyɔ̌nu gǎn hɔn-yitɔ́ Pɛ́si kpódó Mɛdi tɔn lɛ́ɛ kpó, hwenu e yě ná wá se gbe e é yí nú axɔ́sú ɔ́ é ɔ́, yě lɔ ɔ́ ná wá kɔ́n wi mɔ̌hun nú asú yětɔn lɛ́ɛ é nɛ́. 36 È ma sin xomɛ ó, è nǐ kɛnklɛ́n bó ɖe gbetakɛ́n ɖé tɔ́n nú è nǎ ba tɛn n'i ɖo sɛ́n e ɖɔ nǔ dó Pɛ́si lɛ́ɛ kpódó Mɛdi lɛ́ɛ kpó nu é mɛ. È ma sɔ́ wa nǔɖé hú mɔ̌ ó! Axɔ́si ɔ́ ma ka sɛkpɔ́ mɛ ó, lobo nú è ka yí axɔ́si ɔ́ sín así tɔn bó sɔ́ jó nú nyɔ̌nu e nyɔ́ hú mɔ̌ é. 37 Gbetakɛ́n énɛ́ e a nǎ ɖe tɔ́n é ɔ́, mɛ bǐ ná tunwun, bó ná nyi ɖo axɔ́súɖuto ɔ́ bǐ mɛ. Gbɔn mɔ̌ ɔ́, nyɔ̌nu lɛ́ɛ ná ɖó sísí nú asú yětɔn lɛ́ɛ, bɛ́ sín wamamɔnɔ lɛ́ɛ jí káká yi dɔkunnɔ lɛ́ɛ jí.” 38 Nǔ ɔ́ nyɔ́ axɔ́sú ɔ́ nukún mɛ, é lɛ́ jɛ jí nú gǎn hɔn-yitɔ́ lɛ́ɛ ɖésú. Axɔ́sú ɔ́ bló gbɔn lě e Mukayiosu ɖɔ gbɔn é. 39 Xá ɔ́ mɛ sín gbe ɖokpó ɖokpó mɛ wɛ è wlǎn wěma ɔ́ dó. Gbɔn mɔ̌ ɔ́, sísí ɖó nú acɛkpikpa ɔ́ jínjɔ́n hɛ̌nnu ɖokpó ɖokpó mɛ.
La Bible en langue fon © Alliance Biblique du Bénin, 2012.