Biy 8
8
1Sawulo wamono ti bwabubwe bu badzusa Estefano.
Sawulo wukwaamisa dibuundu
Mu kiluumbu kikyo, kwabwa nkwamusunu dzadzinene mu dibuundu dya Yerusalemi. Bobanso batsyamikina mu mansi ma Yudaya na ma Samariya; ha yulu bani bantumu bari basii yitika ko. 2Baatu bari na kinzaambi kyangwanwa badziika Estefano na bamudila mu ngebe dzalaka. 3Sawulo waba kwetsaamuna dibuundu; nde waba kwekoto mu nzo-nzo, waba kwepalisa mu makwa babakala na bakyeetu, na kubasoko mu boroko.
Filipo wayaabisa Musamu Wamubwete mu Samariya
4Bobanso baba tsyamikisi bayaabisa Musamu Wamubwete mu baba kweyendaana. 5Filipo wasunduka ku bvula [dimosi] dya mu nkoonsi ya Samariya, mu kuyaabisa Kiristo kuri baatu. 6Mu mutima mosi, mampuumbu ma baatu maba makaangama mu nyikusulu dza Filipo, mu kuyuka na kumono bidiimbu bi kaba kwesa. 7Mukwongo, mampeeve mamabi maba mu baatu balaka mapala, kuri makwefula misaakulu myaminene. Balaka babobo binamu na babeele miilu batsiinikini. 8Kiminu kyalaka kyamonikini munsa bvula didyo.
9Mubakala mosi, nkuumbu yaandi Simoni watekisiri kuba ha bulu bubwo, waba kwesalilaana bungaanga, na baatu bari Samariya baba pamukaana mu mi kaba kweyirikaana. Nde-meene waba kwetsimaana ti nde muutu wamunene. 10Bobanso, kuholosono bakuutu natee bilesi, baba bakaangama mu nde, na baba kweleelaa ti: "Muutu wumawu ngo mpinu dza Nzaambi, dzi bateelaa ti "Dzadzinene"." 11Bo baba bakaangama mu nde, mu ntoono yiri ti, kuholosono na kidzika, mu mukisi waandi, nde waba kwebapamunaana. 12Mu ntaangu yi basiiri bo kanyi mu Filipo wayaabisiri Musamu Wamubwete, wa Kimfumu kya Nzaambi, na wa nkuumbu ya Yesu Kiristo, babakala na bakyeetu bataambula mbotokulu 13Simoni nde-meene se wasa kanyi na wataambula mbotokulu. Nde wakaangama na Filipo na wapamuka, bu kaba kwemonaana bidiimbu na bimaangu byabinene byaba kweyirimaana.
14Bantumu basiiri ku Yerusalemi, bu bayuka ti bari Samariya bataambirye maampu ma Nzaambi, baheeke Petelo na Yowane kuri bo. 15Bu basunduka, basaambila mu bo mpisi bataambula Mpeeve Yangisi. 16Mukwongo, Mpeeve Yangisi yaba yakiri kubwa pe ti mu mosi mu bo, kunu kubotoko baba bamwaabotoko mu nkuumbu Mfumu Yesu. 17Hanaho, ba Petelo na Yowane babatetekele myooko, na bataambula Mpeeve Yangisi. 18Simoni bu kamono ti, Mpeeve bayiha mu ntetukulu myooko mya bantumu, wabaha mboongo, 19waleele ti: "Heenee me se lutumu lulwo, mpisi kuri wunde wunyitetekele me se myooko, kataambula Mpeeve Yangisi." 20Petelo waleele kuri nde ti: "Mboongo dzaaku kintwaari na ye fuukeenu, bukuri ye kutsima ti kikabu kya Nzaambi kusuumba mu mboongo! 21Ye wahele na ndaambu, wahele se na kikuuku mu maampu mamama, bukuri mutima ye wahele kusuunguma ha busu bwa Nzaambi; 22Hango yiinga madyeele mu bubi bwaaku, na saambila Mfumu, kampe bakuhemisini bitsimi bya mutima waaku. 23Me nyimono ti ye wuri na lubelu na bubayi." 24Simoni wabvutula waleele ti: "Beenu-meene saambikilee me kuri Mfumu, mpisi mpele kubwilikila dyaambu ti dimosi, mu ma luleeriri beenu." 25Hango bo, bu bata kimbaangi na kuyaabisa maampu ma Mfumu, babvutuka ku Yerusalemi. Bo bayaabisa Musamu Wamubwete mu mabula malaka ma ku Samariya.
Filipo na kisari kya ku Etyopi
26Mbasi Mfumu yadzoonso kuri Filipo, waleele ti: "Teleme na holo nzila ya ku sude, yisunduka ku Yerusalemi natee ku Ngadza, nzila yiyo yahele na baatu." 27Bu kateleme wayende. Na mono, muutu mosi wampokoro wa ku Etyopi, kisari kyakinene kya Kandake, mukebi busina bwa mbyaasi ya mukyeetu ya ku Etyopi, wayensi ku Yerusalemi mu kusaambila. 28Nde waba weki mu kubvutuka, na wadzakala munsa kikokolo kyaandi, wukwetaanga mubikiri Esaya. 29Mpeeve yaleele kuri Filipo ti: "Kokosolo na bakila kikokolo kikyo. 30Bu kadzumuna, Filipo wayuka, nde wuri mu kwetaanga mukaanda wa mubikiri Esaya, waleele ti: "Buri wuri mu kuyuka ma wuri mu kwetaanga?" 31Nde waleele ti: "Dyaburi nyiyaabila, mbuti muutu wahele kubaangula kuri me? Na nde wateele Filipo mu kunwaata na wadzakala ha mpele nde. 32Maampu ma kaba kwetaanga maba mamama:
"Nde waba bunu kimeeme ki bari mu kunata ku kudzusa,
na bunu mwaana kimeeme wahele na mbeembu,
ha busu bwa wuri mu kumutebe myoosi.
Nde wahele kudzibula munwa waandi.
33Kusa kusaana kubamusaanini,
nde kasii baka wumukalila buungu ko.
Na wuyaabisa kiseendu kyaandi?
Bukuri kidziingu kyaandi basukisiri ha butoto."
34Mpokoro muutu bu kadzibula munwa waleele ti: "Leele me, mubikiri mu na kari mu kudzoonsolo? Mu nde-meene hoti mu mukimi? 35Filipo wabaandika mu kuyikisa matinu, wayaabisa Musamu wamubwete wa Yesu kuri nde. 36Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [37] 38Nde watelemese kikokolo, Filipo na muutu wampokoro basunduka bo boolo mu maampa, na Filipo wamubotoko. 39Bu bantoomboko ku nkoto, Mpeeve ya Mfumu yayisila Filipo; muutu wampokoro kasii bweese kumumono ko. Nde wanamitina nzila yaandi mu kiminu. 40Filipo bamumono ku Adzoti, mu kweyikisa Musamu mu mabvula momanso natee watubuka ku Kayisareya.
Currently Selected:
Biy 8: MW2013
Highlight
Share
Copy
Want to have your highlights saved across all your devices? Sign up or sign in
Nouveau Testament Beembe © Bible Society of the Republic of Congo, 2013.
Biy 8
8
1Sawulo wamono ti bwabubwe bu badzusa Estefano.
Sawulo wukwaamisa dibuundu
Mu kiluumbu kikyo, kwabwa nkwamusunu dzadzinene mu dibuundu dya Yerusalemi. Bobanso batsyamikina mu mansi ma Yudaya na ma Samariya; ha yulu bani bantumu bari basii yitika ko. 2Baatu bari na kinzaambi kyangwanwa badziika Estefano na bamudila mu ngebe dzalaka. 3Sawulo waba kwetsaamuna dibuundu; nde waba kwekoto mu nzo-nzo, waba kwepalisa mu makwa babakala na bakyeetu, na kubasoko mu boroko.
Filipo wayaabisa Musamu Wamubwete mu Samariya
4Bobanso baba tsyamikisi bayaabisa Musamu Wamubwete mu baba kweyendaana. 5Filipo wasunduka ku bvula [dimosi] dya mu nkoonsi ya Samariya, mu kuyaabisa Kiristo kuri baatu. 6Mu mutima mosi, mampuumbu ma baatu maba makaangama mu nyikusulu dza Filipo, mu kuyuka na kumono bidiimbu bi kaba kwesa. 7Mukwongo, mampeeve mamabi maba mu baatu balaka mapala, kuri makwefula misaakulu myaminene. Balaka babobo binamu na babeele miilu batsiinikini. 8Kiminu kyalaka kyamonikini munsa bvula didyo.
9Mubakala mosi, nkuumbu yaandi Simoni watekisiri kuba ha bulu bubwo, waba kwesalilaana bungaanga, na baatu bari Samariya baba pamukaana mu mi kaba kweyirikaana. Nde-meene waba kwetsimaana ti nde muutu wamunene. 10Bobanso, kuholosono bakuutu natee bilesi, baba bakaangama mu nde, na baba kweleelaa ti: "Muutu wumawu ngo mpinu dza Nzaambi, dzi bateelaa ti "Dzadzinene"." 11Bo baba bakaangama mu nde, mu ntoono yiri ti, kuholosono na kidzika, mu mukisi waandi, nde waba kwebapamunaana. 12Mu ntaangu yi basiiri bo kanyi mu Filipo wayaabisiri Musamu Wamubwete, wa Kimfumu kya Nzaambi, na wa nkuumbu ya Yesu Kiristo, babakala na bakyeetu bataambula mbotokulu 13Simoni nde-meene se wasa kanyi na wataambula mbotokulu. Nde wakaangama na Filipo na wapamuka, bu kaba kwemonaana bidiimbu na bimaangu byabinene byaba kweyirimaana.
14Bantumu basiiri ku Yerusalemi, bu bayuka ti bari Samariya bataambirye maampu ma Nzaambi, baheeke Petelo na Yowane kuri bo. 15Bu basunduka, basaambila mu bo mpisi bataambula Mpeeve Yangisi. 16Mukwongo, Mpeeve Yangisi yaba yakiri kubwa pe ti mu mosi mu bo, kunu kubotoko baba bamwaabotoko mu nkuumbu Mfumu Yesu. 17Hanaho, ba Petelo na Yowane babatetekele myooko, na bataambula Mpeeve Yangisi. 18Simoni bu kamono ti, Mpeeve bayiha mu ntetukulu myooko mya bantumu, wabaha mboongo, 19waleele ti: "Heenee me se lutumu lulwo, mpisi kuri wunde wunyitetekele me se myooko, kataambula Mpeeve Yangisi." 20Petelo waleele kuri nde ti: "Mboongo dzaaku kintwaari na ye fuukeenu, bukuri ye kutsima ti kikabu kya Nzaambi kusuumba mu mboongo! 21Ye wahele na ndaambu, wahele se na kikuuku mu maampu mamama, bukuri mutima ye wahele kusuunguma ha busu bwa Nzaambi; 22Hango yiinga madyeele mu bubi bwaaku, na saambila Mfumu, kampe bakuhemisini bitsimi bya mutima waaku. 23Me nyimono ti ye wuri na lubelu na bubayi." 24Simoni wabvutula waleele ti: "Beenu-meene saambikilee me kuri Mfumu, mpisi mpele kubwilikila dyaambu ti dimosi, mu ma luleeriri beenu." 25Hango bo, bu bata kimbaangi na kuyaabisa maampu ma Mfumu, babvutuka ku Yerusalemi. Bo bayaabisa Musamu Wamubwete mu mabula malaka ma ku Samariya.
Filipo na kisari kya ku Etyopi
26Mbasi Mfumu yadzoonso kuri Filipo, waleele ti: "Teleme na holo nzila ya ku sude, yisunduka ku Yerusalemi natee ku Ngadza, nzila yiyo yahele na baatu." 27Bu kateleme wayende. Na mono, muutu mosi wampokoro wa ku Etyopi, kisari kyakinene kya Kandake, mukebi busina bwa mbyaasi ya mukyeetu ya ku Etyopi, wayensi ku Yerusalemi mu kusaambila. 28Nde waba weki mu kubvutuka, na wadzakala munsa kikokolo kyaandi, wukwetaanga mubikiri Esaya. 29Mpeeve yaleele kuri Filipo ti: "Kokosolo na bakila kikokolo kikyo. 30Bu kadzumuna, Filipo wayuka, nde wuri mu kwetaanga mukaanda wa mubikiri Esaya, waleele ti: "Buri wuri mu kuyuka ma wuri mu kwetaanga?" 31Nde waleele ti: "Dyaburi nyiyaabila, mbuti muutu wahele kubaangula kuri me? Na nde wateele Filipo mu kunwaata na wadzakala ha mpele nde. 32Maampu ma kaba kwetaanga maba mamama:
"Nde waba bunu kimeeme ki bari mu kunata ku kudzusa,
na bunu mwaana kimeeme wahele na mbeembu,
ha busu bwa wuri mu kumutebe myoosi.
Nde wahele kudzibula munwa waandi.
33Kusa kusaana kubamusaanini,
nde kasii baka wumukalila buungu ko.
Na wuyaabisa kiseendu kyaandi?
Bukuri kidziingu kyaandi basukisiri ha butoto."
34Mpokoro muutu bu kadzibula munwa waleele ti: "Leele me, mubikiri mu na kari mu kudzoonsolo? Mu nde-meene hoti mu mukimi? 35Filipo wabaandika mu kuyikisa matinu, wayaabisa Musamu wamubwete wa Yesu kuri nde. 36Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [37] 38Nde watelemese kikokolo, Filipo na muutu wampokoro basunduka bo boolo mu maampa, na Filipo wamubotoko. 39Bu bantoomboko ku nkoto, Mpeeve ya Mfumu yayisila Filipo; muutu wampokoro kasii bweese kumumono ko. Nde wanamitina nzila yaandi mu kiminu. 40Filipo bamumono ku Adzoti, mu kweyikisa Musamu mu mabvula momanso natee watubuka ku Kayisareya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament Beembe © Bible Society of the Republic of Congo, 2013.