Biy 16
16
Timoteho wayende kufila Pawulo bo na Sila
1Ha mambisa haho, Pawulo watubuka ku Derbe, tumi ku Listara. Kukwo kwaba muyiki mosi, nkuumbu Timoteho, mwaana mukyeetu wa Muyudayo wuri na kanyi, ngo kasi taayi waba Muhelene. 2Bampaangi ba ku Listara na ba ku Ikonyo baba tanaa kimbaangi kyakibweete mu nde. 3Pawulo waba tiiri kweende na nde. Bu kamuholo, wa muteende bubakala, mu ntoono Bayudayo baba mu loondolo didyo; bukuri bobanso baba bayaari ti taayi dya nde Muhelene kaba. 4Mu mabvula ma baba kwelutaana, bo baba kweyikisaana mu kukebe mangisi ma heeri bantumu na bakulu ba babakala bari ku Yerusalemi. 5Mabuundu maba kwesyaama mu kanyi na kwefununa mu lutaangu lwa baatu mpisi kiluumbu.
Pawulo wabaka mamono-miisu
6Mpeeve Yangisi bu kabadika kuyaabisa musamu ku Asya, bo bataba nkoonsi ya Firingya na ya Ngalatya. 7Bu batubuka bebele na Misya, bo basaka kukoto ku Bitinya ngo kasi Mpeeve Yesu ya bisiri kubaha miswa. 8Bu batabaa Misya, bo basuunduka ku Torowasi. 9Ngo mu butsuku, Pawulo wabaka mamono-miisu: muutu mosi wa ku Makedonya waba wateleme na waba muyiingikila, na kumuleele ti: "Wasa ku Makedonya, wutubakisa." 10Hanaho, bu kamono mamo, beetu twasaka mu kweende ku Makedonya, mu nsiitu ti Nzaambi wututeeriri mu kunata Musamu Wamubwete kuri bo se.
Ku Filipo, Lidya wasiila kanyi mu Mfumu
11Bu twaholo bwaatu ha Torowasi, twasuunguma na soongo-soongo ku Samotarake, na mu kiluumbu kyanama twayende ku Neyapoli. 12Bu twayisika haho, twayende ku Filipo, bvula dyatete dya nkoonsi ya Makedonya, kimvuka kya bari Loma. Beetu twalutisa mwaa-biluumbu ha bvula didyo. 13Mu kiluumbu kya mpuumunu, beetu twapala ku mbasi, mu kukweende ku simu dya muwiilu maampa, kukwo twaba tsima ti kuri kibeendu kya lusaambulu. Beetu twadzakala kukwo na twadzoonso kuri bakyeetu baba bakutukini haho. 14Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo. 15Bamanaa kumubotoko, nde na kaanda dyaandi, ha katuyiingukila, na waleele ti: "mbuti beenu lumono ti me nyiri na kanyi mu Mfumu, lo wasee lukoto na ludzakala ku nzo me." Na nde watukwiikisa mu kutaambula.
Pawulo bo na sila mu boroko ku Filipo
16Kiluumbu kimosi bu twaba kweende ku kibeendu kya lusaambulu, kisari kimosi kya mukyeetu kyaba na mpeeve ya mboomo, wayisa kutubwaana. Nde waba bakilaa bamfumu baandi ndaandu yalaka mu mbikukulu dzaandi. 17Nde wabeke mu kwetunama, Pawulo na beetu, kuri wukwefula misaakulu wukweleele ti:" Baatu bamaba, bisari bya Nzaambi Mwa-Yulu bari, bo bari mu kweluyaabisa nzila ya mvuukulu. 18Nde wasa bubwo mu biluumbu byalaka. Nduungusu dzibvulilaana, Pawulo wasyeeteke, na waleele kuri mpeeve yiyo ti: "me nyikutumini mu nkuumbu Yesu Kiristo, pala mu nde!" Mu kilookolo kinikyo, mpeeve ya pala. 19Bamfumu baandi bubamono ti nsiitu mu ndaandu yaaku yi mwaakweende, bo bakaanga Pawulo na Sila na babanata ha kibeendu kya baatu bobanso ha busu bwa bamfumu. 20Na bu babanata kuri batsuundisi ba bari Loma, baleele ti: "Baatu bamaba bari mu kwesa kisaangila kunsa bvula dyeetu. Bo bayudayo, 21na bo bari mu kweyikisaa bifu biri beetu twahele na miswa mu ku bitaambula bunu pe mu kubisalila, beetu bari Loma." 22Mpuumbu baatu yabaka nkesi mu bo. Batsuundisi batuma ti babasyoonono binkuta, na babalata nkwaasulu. 23Bu bamana kubalata nkwaasulu, babatuba mu boroko na batumisa kuri mukebi boroko mu kubakebe kwakubwe. 24Bu kataambula lutumu lwa bubwo, nde wabasoko kunsa kihekiri kya boroko na wakaanga miilu mya bo mu kidu. 25Mu kakati dya butsuku, Pawulo bo na Sila baba saambilaana na baba yimbilaana mu kudumusa Nzaambi, na baba mu boroko bakaka baba baywiilaana. 26Hanaho, na sisuu butoto bwateembele mu makwa, kuri lufulu lwa nzo boroko lwawa kutsyaamuka, ha nsi na nsi bidzibuku byobinso byawa kudzibuma na bikonyi bya maboroko byobinso byawa kunyanguka. 27Mukebi boroko bu kasiimbuka, nde wamono myeelu mya nzo boroko myadzibulu; bu kanana mbeesi yayila, nde wasaka kudzusa nyutu nde-meene, nde bu kaba tsima ti maboroko ma mwaayitika. 28Pawulo wafula mu mbeembu yayinene, waleele ti: "yasa bubi mu nyutu yaaku ko, bukuri beetu-banso turi haka." 29Mukebi boroko bu kaloombo buungi, nde wabingukila na kinkuuka kyokinso, wabwa ha miilu mya Pawulo bo na Sila. 30Tumi, bu kabanata ku mbasi, nde waleele ti: "Bamfumu, me nki nyelemini kusa mu kuri ti me bvuuka?" 31Bo baleele ti: "Siila kanyi mu Mfumu Yesu na ye sa bvuuka, ye na nzo yaaku." 32Bo bayaabisa maampu ma Mfumu, kuri nde na kuri bobanso baba mu nzo yaandi. 33Bunu butsuku bubwo, nde wabaholo, waswaaka mamputa ma bo, na hanaho, nde bamubotoko, na baatu baandi bobanso. 34Bu kabanata ku nzo yaandi, nde wabaha byandya ha taabala. Nde wamono kiminu na nzo yaandi yoyinso, bu basiiri kanyi mu Nzaambi. 35Bu bwakya, batsuundisi baheeke bayongolo, mu kuleele kuri mukebi boroko ti: "patala baatu babo." 36Mukebi boroko wayisa kuleele maampu mamo kuri Pawulo ti: "Batsuundisi baheekiri mukeensu ti balupatula haaka na haaka, ngo palee kweenu, yendee mu kiyeengi." 37Kasi Pawulo waleele kuri bo ti: "bo bu batumini ti balata beetu nkwaasulu ha busu bwa baatu, kwahele kututsuundisa, beetu baatu ba ku Loma, na batutubiri mu boroko; mu lumalu bo batiiri kutupatula mu mansweeki? Ngo pele, bo-meene biisa batupatula." 38Bayongolo bayende kutubula misamu mimyo kuri batsuundisi. Bo babaka boomo bayukaa ti bo baatu ba ku Loma bari. 39Bo bayisa, babayiingukila, babapalisa ku mbasi, na babatuma ti bayisika ha bvula didyo. 40Bu bapala mu boroko, Pawulo na Sila ba yende ku nzo Lidya, na bu bamono bampaangi, babasyaamisa, tumi ha bayende.
Currently Selected:
Biy 16: MW2013
Highlight
Share
Copy
Want to have your highlights saved across all your devices? Sign up or sign in
Nouveau Testament Beembe © Bible Society of the Republic of Congo, 2013.
Biy 16
16
Timoteho wayende kufila Pawulo bo na Sila
1Ha mambisa haho, Pawulo watubuka ku Derbe, tumi ku Listara. Kukwo kwaba muyiki mosi, nkuumbu Timoteho, mwaana mukyeetu wa Muyudayo wuri na kanyi, ngo kasi taayi waba Muhelene. 2Bampaangi ba ku Listara na ba ku Ikonyo baba tanaa kimbaangi kyakibweete mu nde. 3Pawulo waba tiiri kweende na nde. Bu kamuholo, wa muteende bubakala, mu ntoono Bayudayo baba mu loondolo didyo; bukuri bobanso baba bayaari ti taayi dya nde Muhelene kaba. 4Mu mabvula ma baba kwelutaana, bo baba kweyikisaana mu kukebe mangisi ma heeri bantumu na bakulu ba babakala bari ku Yerusalemi. 5Mabuundu maba kwesyaama mu kanyi na kwefununa mu lutaangu lwa baatu mpisi kiluumbu.
Pawulo wabaka mamono-miisu
6Mpeeve Yangisi bu kabadika kuyaabisa musamu ku Asya, bo bataba nkoonsi ya Firingya na ya Ngalatya. 7Bu batubuka bebele na Misya, bo basaka kukoto ku Bitinya ngo kasi Mpeeve Yesu ya bisiri kubaha miswa. 8Bu batabaa Misya, bo basuunduka ku Torowasi. 9Ngo mu butsuku, Pawulo wabaka mamono-miisu: muutu mosi wa ku Makedonya waba wateleme na waba muyiingikila, na kumuleele ti: "Wasa ku Makedonya, wutubakisa." 10Hanaho, bu kamono mamo, beetu twasaka mu kweende ku Makedonya, mu nsiitu ti Nzaambi wututeeriri mu kunata Musamu Wamubwete kuri bo se.
Ku Filipo, Lidya wasiila kanyi mu Mfumu
11Bu twaholo bwaatu ha Torowasi, twasuunguma na soongo-soongo ku Samotarake, na mu kiluumbu kyanama twayende ku Neyapoli. 12Bu twayisika haho, twayende ku Filipo, bvula dyatete dya nkoonsi ya Makedonya, kimvuka kya bari Loma. Beetu twalutisa mwaa-biluumbu ha bvula didyo. 13Mu kiluumbu kya mpuumunu, beetu twapala ku mbasi, mu kukweende ku simu dya muwiilu maampa, kukwo twaba tsima ti kuri kibeendu kya lusaambulu. Beetu twadzakala kukwo na twadzoonso kuri bakyeetu baba bakutukini haho. 14Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo. 15Bamanaa kumubotoko, nde na kaanda dyaandi, ha katuyiingukila, na waleele ti: "mbuti beenu lumono ti me nyiri na kanyi mu Mfumu, lo wasee lukoto na ludzakala ku nzo me." Na nde watukwiikisa mu kutaambula.
Pawulo bo na sila mu boroko ku Filipo
16Kiluumbu kimosi bu twaba kweende ku kibeendu kya lusaambulu, kisari kimosi kya mukyeetu kyaba na mpeeve ya mboomo, wayisa kutubwaana. Nde waba bakilaa bamfumu baandi ndaandu yalaka mu mbikukulu dzaandi. 17Nde wabeke mu kwetunama, Pawulo na beetu, kuri wukwefula misaakulu wukweleele ti:" Baatu bamaba, bisari bya Nzaambi Mwa-Yulu bari, bo bari mu kweluyaabisa nzila ya mvuukulu. 18Nde wasa bubwo mu biluumbu byalaka. Nduungusu dzibvulilaana, Pawulo wasyeeteke, na waleele kuri mpeeve yiyo ti: "me nyikutumini mu nkuumbu Yesu Kiristo, pala mu nde!" Mu kilookolo kinikyo, mpeeve ya pala. 19Bamfumu baandi bubamono ti nsiitu mu ndaandu yaaku yi mwaakweende, bo bakaanga Pawulo na Sila na babanata ha kibeendu kya baatu bobanso ha busu bwa bamfumu. 20Na bu babanata kuri batsuundisi ba bari Loma, baleele ti: "Baatu bamaba bari mu kwesa kisaangila kunsa bvula dyeetu. Bo bayudayo, 21na bo bari mu kweyikisaa bifu biri beetu twahele na miswa mu ku bitaambula bunu pe mu kubisalila, beetu bari Loma." 22Mpuumbu baatu yabaka nkesi mu bo. Batsuundisi batuma ti babasyoonono binkuta, na babalata nkwaasulu. 23Bu bamana kubalata nkwaasulu, babatuba mu boroko na batumisa kuri mukebi boroko mu kubakebe kwakubwe. 24Bu kataambula lutumu lwa bubwo, nde wabasoko kunsa kihekiri kya boroko na wakaanga miilu mya bo mu kidu. 25Mu kakati dya butsuku, Pawulo bo na Sila baba saambilaana na baba yimbilaana mu kudumusa Nzaambi, na baba mu boroko bakaka baba baywiilaana. 26Hanaho, na sisuu butoto bwateembele mu makwa, kuri lufulu lwa nzo boroko lwawa kutsyaamuka, ha nsi na nsi bidzibuku byobinso byawa kudzibuma na bikonyi bya maboroko byobinso byawa kunyanguka. 27Mukebi boroko bu kasiimbuka, nde wamono myeelu mya nzo boroko myadzibulu; bu kanana mbeesi yayila, nde wasaka kudzusa nyutu nde-meene, nde bu kaba tsima ti maboroko ma mwaayitika. 28Pawulo wafula mu mbeembu yayinene, waleele ti: "yasa bubi mu nyutu yaaku ko, bukuri beetu-banso turi haka." 29Mukebi boroko bu kaloombo buungi, nde wabingukila na kinkuuka kyokinso, wabwa ha miilu mya Pawulo bo na Sila. 30Tumi, bu kabanata ku mbasi, nde waleele ti: "Bamfumu, me nki nyelemini kusa mu kuri ti me bvuuka?" 31Bo baleele ti: "Siila kanyi mu Mfumu Yesu na ye sa bvuuka, ye na nzo yaaku." 32Bo bayaabisa maampu ma Mfumu, kuri nde na kuri bobanso baba mu nzo yaandi. 33Bunu butsuku bubwo, nde wabaholo, waswaaka mamputa ma bo, na hanaho, nde bamubotoko, na baatu baandi bobanso. 34Bu kabanata ku nzo yaandi, nde wabaha byandya ha taabala. Nde wamono kiminu na nzo yaandi yoyinso, bu basiiri kanyi mu Nzaambi. 35Bu bwakya, batsuundisi baheeke bayongolo, mu kuleele kuri mukebi boroko ti: "patala baatu babo." 36Mukebi boroko wayisa kuleele maampu mamo kuri Pawulo ti: "Batsuundisi baheekiri mukeensu ti balupatula haaka na haaka, ngo palee kweenu, yendee mu kiyeengi." 37Kasi Pawulo waleele kuri bo ti: "bo bu batumini ti balata beetu nkwaasulu ha busu bwa baatu, kwahele kututsuundisa, beetu baatu ba ku Loma, na batutubiri mu boroko; mu lumalu bo batiiri kutupatula mu mansweeki? Ngo pele, bo-meene biisa batupatula." 38Bayongolo bayende kutubula misamu mimyo kuri batsuundisi. Bo babaka boomo bayukaa ti bo baatu ba ku Loma bari. 39Bo bayisa, babayiingukila, babapalisa ku mbasi, na babatuma ti bayisika ha bvula didyo. 40Bu bapala mu boroko, Pawulo na Sila ba yende ku nzo Lidya, na bu bamono bampaangi, babasyaamisa, tumi ha bayende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament Beembe © Bible Society of the Republic of Congo, 2013.