Zakariya 2
2
Daalam ge azi: Kḭḭm ma ne naa ge suwa ma
1Mbi her mbi ndwara digi, mbi kwa kaŋ ma anda. 2Mbi ele maleka ge ne ka jan fare ne mbi go: «A da ma ne ɗaa?» Na sḛ jan mbi go: «A kḭḭm ma, ndwara go pool ma ge ne ɓarse naa ge suwal Yuda ne ma, ne naa ge suwal Israyela ne ma, ne naa ge Ursalima ne ma ne.»
3Bage ɗiŋnedin ŋgay mbi naa ge suwa ma anda. 4Mbi ele swaga go: «Nama mbe ma no, a mbo ya ke da ɗaa?» Gwan ne mbi janna go: «A kḭḭm ma ge ne ɓarse naa ge Yuda ne ma se sasar, ge gwan kat ge ndu her na pala digi to ma ne. Amma naa ge suwa mbe ma mbo ndwara ndace nama, ne burmi kḭḭm ge pehir ge ɗogle ne mbe ma uzi, nama ge a ne ɗage ho̰l ne Yuda, ndwara burmi na pe uzi mbe ma.»
Daalam ge ataa: Taal ŋgay kaŋ
5Mbi her mbi ndwara digi, ndi, mbi kwa ndu son a̰me ne taal ŋgay kaŋ na tok go. 6Mbi ele na go: «Mo mbo da ɗaa?» Na sḛ jan mbi go: «Mbi mbo ŋgay Ursalima ndwara kwar na twala ma ne na fiyal.» 7Maleka ge ne ka jan fare ne mbi ɗage mborra, maleka ge ɗogle ka mbo ya na ndwara zi me. 8Na sḛ jan na go: «Sya, mbo jan vya dore mbe go:
‹Ursalima mbo kat suwal ge be gulum,
ne ɓase ge naa dasana ma ne kavaar ma ne pe.
9Mbi me, mbi mbo kat go,
mbi mbo kat na gulum ga̰l ge ol,
ka̰l ge Bage ɗiŋnedin ne,
Mbi mbo ŋgay hormo ge mbi ne na go.›»
Tolla ge Bage ɗiŋnedin ne ne naa ge ne sya baale ma pe
10Mbo me! Mbo me!
Sya me ne suwal ge kuu ge ya uzi!
Ka̰l ge Bage ɗiŋnedin ne,
aŋ ge mbi ne ɓarse aŋ suwar keŋ ge anda ma go!
Ka̰l ge Bage ɗiŋnedin ne.
11Naa ge Siyona ne ma, mbo me, ma̰ me ta!
Aŋ ge ne ka ne suwal Babilon go ma!
12Ago, Bage ɗiŋnedin, Bage naa ge mbal pore ma ne hon mbi wak ge ndaar kaka, teme mbi mbo ge pehir ge ɗogle ge a ne pá aŋ ma ta ya, ne ka̰l janna go:
«Bage ne dabe aŋ,
tṵ́ mbi ndwara pul swala.
13Mbi mbo ke ho̰l ne pehir ge ɗogle mbe ma,
Naa ge nama sḛ ne pá nama, a mbo saŋge pál nama.
Go no, aŋ mbo kwa go, na Bage ɗiŋnedin,
Bage naa ge mbal pore ma ne teme mbi ya ne.
14Suwa̰le me digi,
ke me laar saal, naa ge Siyona ne ma!
Ago mbi mbo ya go kat dagre ne aŋ,
ka̰l ge Bage ɗiŋnedin ne.
15Dam mbe go, pehir ma ɓase a mbo mbo ya Bage ɗiŋnedin ta,
a mbo gá mbi naa ma,
mbi me, mbi mbo kat aŋ buwal zi.
Go no, aŋ mbo kwa go, na Bage ɗiŋnedin,
Bage naa ge mbal pore ma ne teme mbi ya aŋ ta ne.
16Pehir ge Yuda ne mbo gwan kat kaŋ joo ge Bage ɗiŋnedin ne,
ge na suwal ge na ne mbege na ne na pe go.
Na sḛ mbo gwan tal suwal Ursalima ne na sḛ pe.
17Ndu ge daage pet na ke wak ɗamal Bage ɗiŋnedin ndwara se,
Ago na sḛ ɗage ja digi ne na swaga katɗa ge mbegeya zi ya.»
Currently Selected:
Zakariya 2: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Zakariya 2
2
Daalam ge azi: Kḭḭm ma ne naa ge suwa ma
1Mbi her mbi ndwara digi, mbi kwa kaŋ ma anda. 2Mbi ele maleka ge ne ka jan fare ne mbi go: «A da ma ne ɗaa?» Na sḛ jan mbi go: «A kḭḭm ma, ndwara go pool ma ge ne ɓarse naa ge suwal Yuda ne ma, ne naa ge suwal Israyela ne ma, ne naa ge Ursalima ne ma ne.»
3Bage ɗiŋnedin ŋgay mbi naa ge suwa ma anda. 4Mbi ele swaga go: «Nama mbe ma no, a mbo ya ke da ɗaa?» Gwan ne mbi janna go: «A kḭḭm ma ge ne ɓarse naa ge Yuda ne ma se sasar, ge gwan kat ge ndu her na pala digi to ma ne. Amma naa ge suwa mbe ma mbo ndwara ndace nama, ne burmi kḭḭm ge pehir ge ɗogle ne mbe ma uzi, nama ge a ne ɗage ho̰l ne Yuda, ndwara burmi na pe uzi mbe ma.»
Daalam ge ataa: Taal ŋgay kaŋ
5Mbi her mbi ndwara digi, ndi, mbi kwa ndu son a̰me ne taal ŋgay kaŋ na tok go. 6Mbi ele na go: «Mo mbo da ɗaa?» Na sḛ jan mbi go: «Mbi mbo ŋgay Ursalima ndwara kwar na twala ma ne na fiyal.» 7Maleka ge ne ka jan fare ne mbi ɗage mborra, maleka ge ɗogle ka mbo ya na ndwara zi me. 8Na sḛ jan na go: «Sya, mbo jan vya dore mbe go:
‹Ursalima mbo kat suwal ge be gulum,
ne ɓase ge naa dasana ma ne kavaar ma ne pe.
9Mbi me, mbi mbo kat go,
mbi mbo kat na gulum ga̰l ge ol,
ka̰l ge Bage ɗiŋnedin ne,
Mbi mbo ŋgay hormo ge mbi ne na go.›»
Tolla ge Bage ɗiŋnedin ne ne naa ge ne sya baale ma pe
10Mbo me! Mbo me!
Sya me ne suwal ge kuu ge ya uzi!
Ka̰l ge Bage ɗiŋnedin ne,
aŋ ge mbi ne ɓarse aŋ suwar keŋ ge anda ma go!
Ka̰l ge Bage ɗiŋnedin ne.
11Naa ge Siyona ne ma, mbo me, ma̰ me ta!
Aŋ ge ne ka ne suwal Babilon go ma!
12Ago, Bage ɗiŋnedin, Bage naa ge mbal pore ma ne hon mbi wak ge ndaar kaka, teme mbi mbo ge pehir ge ɗogle ge a ne pá aŋ ma ta ya, ne ka̰l janna go:
«Bage ne dabe aŋ,
tṵ́ mbi ndwara pul swala.
13Mbi mbo ke ho̰l ne pehir ge ɗogle mbe ma,
Naa ge nama sḛ ne pá nama, a mbo saŋge pál nama.
Go no, aŋ mbo kwa go, na Bage ɗiŋnedin,
Bage naa ge mbal pore ma ne teme mbi ya ne.
14Suwa̰le me digi,
ke me laar saal, naa ge Siyona ne ma!
Ago mbi mbo ya go kat dagre ne aŋ,
ka̰l ge Bage ɗiŋnedin ne.
15Dam mbe go, pehir ma ɓase a mbo mbo ya Bage ɗiŋnedin ta,
a mbo gá mbi naa ma,
mbi me, mbi mbo kat aŋ buwal zi.
Go no, aŋ mbo kwa go, na Bage ɗiŋnedin,
Bage naa ge mbal pore ma ne teme mbi ya aŋ ta ne.
16Pehir ge Yuda ne mbo gwan kat kaŋ joo ge Bage ɗiŋnedin ne,
ge na suwal ge na ne mbege na ne na pe go.
Na sḛ mbo gwan tal suwal Ursalima ne na sḛ pe.
17Ndu ge daage pet na ke wak ɗamal Bage ɗiŋnedin ndwara se,
Ago na sḛ ɗage ja digi ne na swaga katɗa ge mbegeya zi ya.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.