Roma ma 3
3
Ndu a̰me ge dosol to
1Yuda ma waɗe da ne da ɗaa? Ba̰y vyanna hamba da ɗaa? 2A waɗeya kaŋ ma zi pet. Dok e pe hon fare ge na ne nama. 3A gyana ɗaa! Kadɗa Yuda a̰me ma be koy wak tuli to, wak tuli koyya to ge nama ne ban Dok be ge koy na wak tuli ɗaa? 4A go to! Amma ya̰ Dok na ka fareba, naa dasana ma pet naa ge hale ma me, dimma ne a ne njaŋge go: «Mo fare janna ma a ɓó go nama fareba, go no mo ɓo halla ge nama ge ne mbo ne mo swaga sarya go ma pal#3:4 Kmb 51:6, a he na da ne wak tuli ge zaŋgal ge ne zwagre wak grek zi..» 5Amma kadɗa ya̰l ge nee ne ke ŋgay go Dok dosol ɗe, nee gwan jan gyana ɗaa? Swaga ge Dok ne mḛre nee pore ge na zi, ŋgay go Dok dosol to ɗaa? Mbi jan ka̰l ge naa dasana ma ne. 6A go to! Kadɗa Dok go ɗe, kun sarya dunya pal ma̰ gyana ɗaa? 7Amma kadɗa hale ge mbi ne ben fareba ge Dok ne zum ndwara det ya hormo ge na ne go ɗe, a gwan kun sarya mbi pal dimma ne ndu ge sone gale ne go gyana ɗaa? 8Kadɗa go ɗe, nee sḛ ma te jan dimma ne naa ge a ne or nee pe ma ne jan go: «Ke me nee sone, ndwara go kwaɗa ba zut ya» to gyana ɗaa? Naa mbe ma no a mbya ɓol potɗa ge bama ne.
9A gyana ɗaa! Nee Yuda ma, nee waɗe pehir ge ɗogle ma waɗe ɗaa? To bat! Ago nee ŋgay ne se no go naa pet, Yuda ma ko Grek ma a ya sone zi. 10Dimma ne a ne njaŋge go:
«Ndu a̰me ge dosol to bat, ko ɗu kikit to bat#Kmb 14:1-3, 53:2-4.,
11ndu a̰me ge kwa fare to bat,
ndu a̰me ge ɓyare Dok pe to bat.
12Pet a ya̰me ya̰me,
nama sḛ ma mwaɗak a naa ge ya̰l ma ne,
ndu a̰me ge ke kwaɗa to, ko ɗu kikit to bat.
13Nama ka̰l dimma ne táál wak a̰leya go,
nama ɗel da ne lase naa pe,
nama wak hun siya dimma ne bom ge pore go#Kmb 5:10, 140:4..
14Nama wak wiya ne kaŋ tolla ma ne fare ge asar ma#Kmb 10:7..
15Nama koo fogor swaga mbo kan swama se go#Isa 59:7-8.,
16nama swaga ge a ne kale, a ya̰ burmiya ma ne yo̰re ta ma.
17A kwa viya̰ ge kat halas to.
18Vo ge Dok ne ne nama ndwara zi to bat#Kmb 36:2..»
19Nee kwa kwa go fare ge eya ne jan ma pet, jan nama ge ne mbya gwan ne bama pala eya pe se ma, ne da pe na kaage ndu a̰me ɗu hage na wak digi ndwara ben tene to, go no naa ge ne dunya zi ma pet a ɓo go nama ya̰l Dok ndwara se. 20Ne pe no ɗe, ndu a̰me ne pool kat dosol Dok ndwara se ne na ne ke mborra eya pal pe to#Kmb 143:2.. Ago eya ŋgay ndu go na ke sone.
Kat dosol ya fareba honna Jeso Kris zi
21Amma se no ɗe, Dok dyan nee viya̰ ge kat dosol ja, be ne eya ta to. Maktub ge eya ne ma ne ge anabi ma ne ma ŋgay na zḛ zaŋgal. 22Dok hat naa dosol na ndwara se da ne hon fareba Jeso Kris ta, ne nama ge a ne hon fareba ma pe pet, ago vareya a̰me to bat. 23Ago naa pet a ke sone, a woɗege uzi ya ne hormo ge Dok ne go. 24Amma kwa a̰se ge na zi, hat naa dosol baŋ ɗar ne zurra ge ne zu nama Jeso Kris zi. 25Dok tyare na dimma ne kavaar tyareya ge ne pore sone pe go, ne nama ge a ne ho̰ fareba na swama ta ma pe, ndwara ŋgay dosol ge Dok ne. Ne da pe ya̰ sone ge naa ne ke zaŋgal ma be mḛreya 26na dam wan tene ma zi. Uwale, Dok ŋgay dosol ge na ne da ne na ta, ge dosol ge na ne zi, hat nama ge a ne ho̰ fareba Jeso zi ma dosol.
27Ne no pe ɗe, fare a̰me ge nee uware ta ya da ɗaa? Fare a̰me to bat! Gyana ɗaa? Kaŋ ge ne isi a be ke mborra eya pal to, amma a hon fareba. 28I dwat go ndu dasana hat dosol da ne hon fareba ta, a be ne ke mborra eya pal ta to. 29Dok, a Dok ge Yuda ma ne ne ɗeŋgo ɗaa? Te be Dok ge pehir ge ɗogle ma ne ne me to’a? A Dok ge pehir ge ɗogle ma ne ne me. 30Ne jo̰ Dok ɗu kikit#Dwa 6:4., mbo hat naa ge vyan ba̰y ma ne naa ge vyan ba̰y to ma dosol da ne hon fareba ta. 31Ne no pe, nee ndage hamba ge eya ne uzi ne hon fareba ta ɗaa? A go to bat! Nee ŋgay hamba ge eya ne.
Currently Selected:
Roma ma 3: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Roma ma 3
3
Ndu a̰me ge dosol to
1Yuda ma waɗe da ne da ɗaa? Ba̰y vyanna hamba da ɗaa? 2A waɗeya kaŋ ma zi pet. Dok e pe hon fare ge na ne nama. 3A gyana ɗaa! Kadɗa Yuda a̰me ma be koy wak tuli to, wak tuli koyya to ge nama ne ban Dok be ge koy na wak tuli ɗaa? 4A go to! Amma ya̰ Dok na ka fareba, naa dasana ma pet naa ge hale ma me, dimma ne a ne njaŋge go: «Mo fare janna ma a ɓó go nama fareba, go no mo ɓo halla ge nama ge ne mbo ne mo swaga sarya go ma pal#3:4 Kmb 51:6, a he na da ne wak tuli ge zaŋgal ge ne zwagre wak grek zi..» 5Amma kadɗa ya̰l ge nee ne ke ŋgay go Dok dosol ɗe, nee gwan jan gyana ɗaa? Swaga ge Dok ne mḛre nee pore ge na zi, ŋgay go Dok dosol to ɗaa? Mbi jan ka̰l ge naa dasana ma ne. 6A go to! Kadɗa Dok go ɗe, kun sarya dunya pal ma̰ gyana ɗaa? 7Amma kadɗa hale ge mbi ne ben fareba ge Dok ne zum ndwara det ya hormo ge na ne go ɗe, a gwan kun sarya mbi pal dimma ne ndu ge sone gale ne go gyana ɗaa? 8Kadɗa go ɗe, nee sḛ ma te jan dimma ne naa ge a ne or nee pe ma ne jan go: «Ke me nee sone, ndwara go kwaɗa ba zut ya» to gyana ɗaa? Naa mbe ma no a mbya ɓol potɗa ge bama ne.
9A gyana ɗaa! Nee Yuda ma, nee waɗe pehir ge ɗogle ma waɗe ɗaa? To bat! Ago nee ŋgay ne se no go naa pet, Yuda ma ko Grek ma a ya sone zi. 10Dimma ne a ne njaŋge go:
«Ndu a̰me ge dosol to bat, ko ɗu kikit to bat#Kmb 14:1-3, 53:2-4.,
11ndu a̰me ge kwa fare to bat,
ndu a̰me ge ɓyare Dok pe to bat.
12Pet a ya̰me ya̰me,
nama sḛ ma mwaɗak a naa ge ya̰l ma ne,
ndu a̰me ge ke kwaɗa to, ko ɗu kikit to bat.
13Nama ka̰l dimma ne táál wak a̰leya go,
nama ɗel da ne lase naa pe,
nama wak hun siya dimma ne bom ge pore go#Kmb 5:10, 140:4..
14Nama wak wiya ne kaŋ tolla ma ne fare ge asar ma#Kmb 10:7..
15Nama koo fogor swaga mbo kan swama se go#Isa 59:7-8.,
16nama swaga ge a ne kale, a ya̰ burmiya ma ne yo̰re ta ma.
17A kwa viya̰ ge kat halas to.
18Vo ge Dok ne ne nama ndwara zi to bat#Kmb 36:2..»
19Nee kwa kwa go fare ge eya ne jan ma pet, jan nama ge ne mbya gwan ne bama pala eya pe se ma, ne da pe na kaage ndu a̰me ɗu hage na wak digi ndwara ben tene to, go no naa ge ne dunya zi ma pet a ɓo go nama ya̰l Dok ndwara se. 20Ne pe no ɗe, ndu a̰me ne pool kat dosol Dok ndwara se ne na ne ke mborra eya pal pe to#Kmb 143:2.. Ago eya ŋgay ndu go na ke sone.
Kat dosol ya fareba honna Jeso Kris zi
21Amma se no ɗe, Dok dyan nee viya̰ ge kat dosol ja, be ne eya ta to. Maktub ge eya ne ma ne ge anabi ma ne ma ŋgay na zḛ zaŋgal. 22Dok hat naa dosol na ndwara se da ne hon fareba Jeso Kris ta, ne nama ge a ne hon fareba ma pe pet, ago vareya a̰me to bat. 23Ago naa pet a ke sone, a woɗege uzi ya ne hormo ge Dok ne go. 24Amma kwa a̰se ge na zi, hat naa dosol baŋ ɗar ne zurra ge ne zu nama Jeso Kris zi. 25Dok tyare na dimma ne kavaar tyareya ge ne pore sone pe go, ne nama ge a ne ho̰ fareba na swama ta ma pe, ndwara ŋgay dosol ge Dok ne. Ne da pe ya̰ sone ge naa ne ke zaŋgal ma be mḛreya 26na dam wan tene ma zi. Uwale, Dok ŋgay dosol ge na ne da ne na ta, ge dosol ge na ne zi, hat nama ge a ne ho̰ fareba Jeso zi ma dosol.
27Ne no pe ɗe, fare a̰me ge nee uware ta ya da ɗaa? Fare a̰me to bat! Gyana ɗaa? Kaŋ ge ne isi a be ke mborra eya pal to, amma a hon fareba. 28I dwat go ndu dasana hat dosol da ne hon fareba ta, a be ne ke mborra eya pal ta to. 29Dok, a Dok ge Yuda ma ne ne ɗeŋgo ɗaa? Te be Dok ge pehir ge ɗogle ma ne ne me to’a? A Dok ge pehir ge ɗogle ma ne ne me. 30Ne jo̰ Dok ɗu kikit#Dwa 6:4., mbo hat naa ge vyan ba̰y ma ne naa ge vyan ba̰y to ma dosol da ne hon fareba ta. 31Ne no pe, nee ndage hamba ge eya ne uzi ne hon fareba ta ɗaa? A go to bat! Nee ŋgay hamba ge eya ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.